خوش كەلدىڭ بالام، خەيرى-خوش بالىلىقىم

HY@Li

	خوش كەلدىڭ بالام، خەيرى-خوش بالىلىقىم.                                                   نەسىر                                    تۇرسۇنجان تۇرغۇن (خىيالى) ئوتلۇق نەپەس ئىچىدە قوللۇرۇم تىتىرمەكتە.سەن شۇنچە يەڭگىل،بىراق ماڭا شۇنچە ئېغىر.چۈنكى ماڭا چۈشكىنى سېنىڭ ئېغىرلىقىڭ ئەمەس،بەلىكى ساڭا بولغان مەسئۇلىيەت،بۇرۇچ.بۇ ھەر بىر ئاتا بولغۇچى ھەر قانچە ئېغىر بولسىمۇ چوقۇم كۆتۈرۈشكە تېگىشلىك ئېغىرلىق. ئوتلۇق تىنىقلىرىڭ ماڭا خۇش تەبەسسۇم ئىلىپ كەلدى ئوغلۇم.ياق ماڭىلا ئەمەس بارچىگە تەبەسسۇم ئىلىپ كەلدىڭ.بىز سىنىڭ كېلىشىڭىنى تەققەززالىق بىلەن كۈتتۇق،مۇشۇ ئوتلۇق تىنىقلىرىڭنىڭ بىزگە تەبەسسۇم،بەخت ئىلىپ كېلىشىڭنى كۈتتۈق،كۈتتۈق ساق توققۇز ئاي توققۇز كۈن كۈتتۈق. مانا سەن كەلدىڭ،بىزگە خۇشاللىق،تەبەسسۇم ئىلىپ كەلدىڭ،بىراق بۇ تەبەسسۇم،كۈلكىنىڭ كەينىگە قېچىپ قۇتۇلغىنى بولمايدىغان بۇرۇچ،مەسئۇلىيەت بار.بۇ مەسئۇلىيەت بەلكىم مەن ئويلىغاندىمۇ ئېغىر بولىشى مۇمكىن.بىراق ھەر قانچە ئېغىر بولسىمۇ ئاتاڭ كۆتۈرۈشكە ھەتتا جان بېرىشكە رازى.سەن پەقەت تاكى ئۆمۈرۈڭنىڭ ئاخىرىغىچە كۈلۈپ ياشىساڭ،بەخىتلىك بولساڭ،بىزنىڭ ئەجىرىمىزنى ئۇنۇتمىساڭ ھەم ۋاپادارلىقىڭنى ئىپادىلەپ تۇرساڭ،بىزگە شۇ يېتەرلىك ھەم بۇ بۇرۇچ،مەسئۇلىيەتنىڭ ئەڭ ياخشى نەتىجىسى. خۇش كەلدىڭ بالام.خۇشالىقىمدىن قىن-قىنىمغا پاتماي يۈرەكلىرىم ھاياجانىلىق ئىلكىدە سوقماقتا.بۇنى ھەر قانچە تىل بىلەن ئىپادىلەپ بېرەلمەيمەن.چۈنكى سەنمۇ چوڭ بولغاندا،شېرىن نىكاھىڭدا تاتىلىق،ئوماققىنە ئوغلۇڭ بولىدۇ بالام.سەنمۇ شۇ چاغدا ھازىرقى مېنىڭ ھېسسىياتىمغا ئورتاقلىشىسەن. ئوتلۇق كۆزلۈرۈڭ ماڭا سېنىڭ مېھرىڭنى شۇنچە سالدىكى،سېنى يېنىمدىن ئايرىمىسام،سەن بىلەن بىللە يەنە بالىلىق چاغلىرىمنى ئۆتكۈزسەم.چۈنكى مەن ئەمدى بالىلىق بولدۇم،شۇڭا بالىلىق قىلالمايمەن. راستىنى دېسەم ئوغلۇم،مەن تا ھازىرغىچە ئۆزۈمنى بالىلىق مىجەزىمدىن مۇنداقچە دېسەم باللىق خىياللىرىم،ئارزۇلىرىم ئۈستىدە لەيلەپ يۈردۈم.ھەتتا ئۆيلەنگەندىن كېيىنمۇ ئۆزۈمنى يەنىلا چوڭ بولمىغاندەك ھېس قىلىپ كەلگەن ئىدىم. سېنىڭ ئوتلۇق تىنىقلىرىڭ،نەپەسلىرىڭ،كۆزلۈرۈڭ مېنى بۇ خىيال دۇنياسىدىن ئىلىپ چىقتى.شۇنداقلا مېنىڭ چوڭ بولغانلىقىمنى،ئېغىر بىر مەسئۇلىيەتنى ئۈستۈمگە ئىلىشىمنى،سېنى ياراملىق تەربىيلەپ چىقىشىمنى كۆزلۈرۈڭ،كۆزلۈرۈمگە،قەلبىمگە سىڭدۈرمەكتە.بۇيرۇق قىلماقتا. خۇش كەلدىڭ بالام.ئەمدى مەن بالىلىقىم بىلەن خوشلىشىمەن.شۇنداقلا سېنىڭ بالىلىقىڭغا جۆر بولىمەن.بالىلىقىڭنىڭ،ياشلىقىڭنىڭ،پۈتۈن ھاياتىڭنىڭ خۇشاللىق،بەخت ئىچىدە ئۆتىشنى تىلەيمەن.

fathullah

	ئاتا–ئانامنى ئاجايىپ سېغىندۇرۋەتتى ماۋۇ نەسىر.رەھمەت.

326ayixa

	بەك ياخشى يىزىپسىز ،. پەرىشتەم ،مىھرىبانىم ئاپامغا تېخىمۇ ھۆرمىتىم ئاشتى . قوللىرىڭىز ھارمىغاي .

uyol

	ياخشى يېزىپسىز،رەھمەت سىزگە

88asra

	ماۋۇ ئەسەرنى ئوقۇپ ئوغلۇمنى يىڭى بوشانغان ۋاقىتلار ئىسىمگە كەلدى دىسە. بالامنىڭمۇ دادىسى ئوغلۇنى كۆرۈپ سۆيۈپ كەتكەنتى كىچىك يۈزلىرىگە.

qaraxani

	بالىلىغىم كەلسەڭچۇ يېنىپ، بالىلىققا ئالساڭچۇ قېنىپ. چاپايمىكىن قۇياش كەينىدىن، بالىلىقنى قوغلاپ ئات سېلىپ. قاسىم سىدىق...