ئالىي مەكتەپ ئىمتىھان مەزگىلىدە شىنجاڭنىڭ ھاۋا كىلىمات ئەھۋلى

rozaji2008

	ئالىي مەكتەپ ئىمتىھان مەزگىلىدە شىنجاڭنىڭ كۆپ قىسىم جايلىرىدا ھاۋا ئوچۇق بولىدۇ     ئىمتىھانغا قاتنىشىدىغان ئوقۇغۇچىلار ئىسسىق ئۆتۈپ قېلىشتىن ساقلىنىشى كېرەك     4-ئىيۇن چۈشتىن كېيىن ، ئاپتونوم رايونلۇق مېتېئورولوگىيە ئىدارىسى ئاخبارات ئېلان قىلىش يىغىنى چاقىرىپ ، 6-ئىيۇندىن 9-ئىيۇنغىچە بولغان مەزگىلدىكى شىنجاڭنىڭ ھەرقايسى جايلىرىنىڭ ھاۋارايى ئەھۋالىنى ئېلان قىلدى .     يىغىندا ئاپتونوم رايونلۇق مېتېئورولوگىيە ئىستانسىسىنىڭ باش مەلۇماتچىسى بەي خۇيشىڭ : ئالىي مەكتەپ ئىمتىھانىنىڭ ئالدىنقى كۈنى (6-ئىيۇن ) شىمالىي شىنجاڭدىكى كۆپ قىسىم رايونلاردا يامغۇر ياغىدۇ ، 6-ئىيۇن كۈندۈزدىن 7-ئىيۇنغىچە ، جەنۇبىي شىنجاڭنىڭ شەرقىدە 5 - 4 بال قىيپاش شەرق شامىلى چىقىدۇ ھەمدە ئوخشىمىغان دەرىجىدە چاڭ-توزانلىق ھاۋارايى كۆرۈلىدۇ ، ئوقۇغۇچىلار ئىمتىھان مەيدانىنى ئالدىن كۆرۈش قاتارلىق مۇناسىۋەتلىك ئىشلاردا ياخشى تەييارلىق كۆرۈشى كېرەك ، دېدى .    ئىگىلىنىشىچە ، ئالىي مەكتەپ ئىمتىھان مەزگىلىدە ، تارباغاتاينىڭ شىمالى ۋە ئالتاي ۋىلايىتىدە يۇقىرى تېمپېراتۇرا ℃ 24 - ℃ 29 بولىدىكەن ، ئىلى دەريا ۋادىسى ، شىمالىي شىنجاڭنى بويلىغان تەڭرىتاغ ئەتراپلىرىدا يۇقىرى تېمپېراتۇرا ℃ 24 - ℃ 34 قىچە بولىدىكەن ، جەنۇبىي شىنجاڭ ئويمانلىقى ، قومۇل ۋىلايىتىدە يۇقىرى تېمپېراتۇرا ℃ 27 - ℃ 36 قىچە بولىدىكەن . تۇرپان-پىچان ئويمانلىقىدا يۇقىرى تېمپېراتۇرا ℃ 36 - ℃ 41 قىچە بولىدىكەن ، قەشقەر ، قىزىلسۇ ، خوتەندە يۇقىرى تېمپېراتۇرا ℃ 35 ئەتراپىدا بولىدىكەن .     ئۈرۈمچىدە ، 6-ئىيۇن كۈندۈزدىن كېچىگىچە ئۆتكۈنچ يامغۇر يېغىپ كېيىن ھاۋا بۇلۇتلىنىدىكەن ، جەنۇبىي شەھەر ئەتراپىدىكى يۇقىرقى تاغ (نەنسەن) رايونىدا ئوتتۇراھال يامغۇر يېغىپ ، تۆت بال ئەتراپىدا ئۆتكۈنچى غەربىي شىمال شامىلى چىقىپ تېمپېراتۇرا تۆۋەنلەيدىكەن ؛ 7-ئىيۇندىن 9-ئىيۇنغىچە ھەرقايسى ئىمتىھان نۇقتىلىرىدا ھاۋا ئوچۇق بەزىدە بۇلۇتلۇق بولۇپ ، تېمپېراتۇرا داۋاملىق ئۆرلەيدىكەن ، جەنۇبىي شەھەر رايونلىرىدا يۇقىرى تېمپېراتۇرا ℃ 30  ئەتراپىدا بولىدىكەن ، شىمالىي شەھەر رايونلىرى ۋە مىچۈەن-كۆكتاغ رايونلىرىدا يۇقىرى تېمپېراتۇرا ℃ 33  ئەتراپىدا بولىدىكەن . مەنبە : تەڭرىتاغ ئۇيغۇرچە تورى

ap~qilam

	2010-يىلدا مەن بەرگەنىدىم ،بۇ ئىمتىھاننى سىلەرگە مەدەت تىلەيمەن،ئالىي مەكتەپكە ئىمتىھان بەرگەن شاكىچىكلەر ، چۇقۇم ياخشى نەتىجىگە ئېرىشىڭلار جۇمۇ،

patkak

	ئاللا ېشىڭلانى ئاسان  قىلسۇن باللىرىم

nazakat07

	توۋۋا،ھەش-پەش دىگۈچە ئالى مەكتەپ ئىمتىھانى بەرگىنىمگە 20يىل بوپتۇ، بارلىق ئىمتىھان بەرگۈچىلەرنىڭ  نۇقتىلىق ئالى مەكتەپلەرگە كىرىشىگە تىلەكداشمەن.

uyol

	بارلىق ئىمتىھان بەرگۈچىلەرگە ئۇتۇق تىلەيمەن

yulghunjan

	ئىمتىھانغا قاتناشقان يىگىتلەرگە(قىزلارنىمۇ يىگىت دەپ ئېلىۋەتتىم) بىر قاچىدىن ساراڭ دوغ ئەپبېرىمەن.

rahmansaykin

	ئالىي مەكتەپ ئىمتىھانى بەرگىلىمۇ تۆت يىل بوپقاپتۇ مانا . ھەي ياشلىق ..........

fathullah

	قەشقەردە ئوقۇغۇچىلار بەك كۆپقۇ بۇ يىل.نەچچە يىلدىكىگە ئوخشىمايدۇ.

fathullah

	قەشقەردە ئوقۇغۇچىلار بەك كۆپقۇ بۇ يىل.نەچچە يىلدىكىگە ئوخشىمايدۇ.

0999uyghurkizi

	مەن غۇلجا رايونىدا ئىمتىھان بەردىم ، ھەرھالدا بۈگۈن ھاۋا سالقىن بولۇپ بەردى .  مۇنبەرداشلارنىڭ ياخشى تىلەكلىرىگە رەھمەت  ، ئېيتقىنىڭلار كەلسۇن !