دانىشمەنلەرنىڭ ئەدەپ توغرىسىدا ئېيتقانلىرى

qiqak1219

	ھەر قانداق ئىنسان ئۆز بەدىنىنى قۇۋۋەتلەندۈرۈش ئۈچۈن يېيىش - ئىچىشكە مۇھتاج بولغىنىدەك ، ئىنسانىي خىسلىتىنى ساقلاش ئۈچۈن ئەدەپكە مۇھتاج بولىدۇ . ئەدەپلىك بولمىغان ئاقىل قورال - يارىغى بولمىغان باھادىرغا ئوخشاش ھېچ ئىشنى باشقا ئېلىپ چىقالمايدۇ . ئۆزىنى ئەدەپ بىلەن زىننەتلىمىگەن ئادەم ، دۈشمەنلىرىنى خوشال قىلىدۇ ،دوستلىرىنى رەنجىتىدۇ .           ھەر قانداق نەرسە كۆپەيگەنسېرى ، ئۇنىڭ باھاسى ئەرزان بولىدۇ . ئەكسىچە ئەدەپ - ئەخلاق كۆپەيگەنسېرى قىممىتى ئېشىپ بارىدۇ . ئەدەپ بولسا ئەقىلگە نۇر بېغىشلىغۇچى ۋە سالامەتلىكنىڭ سەرمايىسىدۇر . ئەدەپلىك بولۇش ئۈچۈن ئەدەپ - ئەخلاقلىق ۋە تەربىيە كۆرگەن ئادەملەر بىلەن ھەمسۆھبەتتە بولۇش ، تەربىيە كۆرمىگەن ، ئەدەپسىز ئادەملەرنى ئىبرەت قىلىش كېرەك .           ئۆزىدە گۈزەل ھەرىكەت ۋە ياخشى ئادەتلەرنى يېتىلدۈرۈش ئەخلاقلىق ۋە تەربىيە كۆرگەن ئادەملەرنىڭ خىسلىتى . مەسىلەن : سەمىمىي بولۇش ، باشقىلارغا ياخشى مۇئامىلە قىلىش ، كېسەللەرنى يوقلاپ ھال - ئەھۋال سوراش ، مۇلايىم ، ئوچۇق چىراي ، شېرىن سۆزلۈك بولۇش ، ئاتا - ئانا ، ئۇستازلىرىنى ھۆرمەت قىلىش ، خەلق يامان كۆرىدىغان ئىشلارنى قىلماسلىق گۈزەل ئەدەپ - ئەخلاق ھېسابلىنىدۇ . ئۆزىدە مۇشۇنداق گۈزەل ئەخلاقلىقنى يېتىلدۈرگەن كىشى مۇراد - مەقسىتىگە يېتەلەيدۇ .                                        ھېكمەت دۇردانىلىرى               قىزغىن سەمىمىي بولساقلا باشقىلارنى جەلىپ قىلالايمىز .            باشقىلارنى بىر قېتىم ئالدىساڭ ، ئۆزۈڭنى ئۆمۈر بويى ئالدايسەن .            يالغان سۆزلەش ئالدامچىلىقنىڭ تۇنجى قەدىمى .            سەمىمىيلىككە سۆز ، گۈزەللىككە پەرداز ھاجەتسىز .            دوستلار ئىشەنچىگە ئېرىشىشتە سادىقلىققا تايىنىش ، خاتالىقىنى تۈزىتىشتە سەمىمىيلىككە تايىنىش كېرەك .            ئالدىراپ قىلغان ئىشنىڭ ئۆمرى قىسقا .             ئارزۇ - تىلەكلىرى كۆپ ئادەمنىڭ ئۆمرى ئۇزۇن بولىدۇ .             ئۆزىگە ئىشەنچ باغلىغان ئادەم باشقىلارنىڭ ئىشەنچىسىگە ئېرىشەلەيدۇ .             سەۋىر __ ئىككىنچى ئەقىلدۇر .             كۆپنى بىلگۈچىلەر ئەمەس ، بىلىمى مەنپەئەت بەرگۈچىلەر دانادۇر .             يوقسۇزلۇقتىكى دوست ئايرىلمايدىغان دوست .              ئەقىلسىز باشنىڭ دەردىنى پۇت تارتىدۇ .              بىلىمسىزلىك خۇراپاتلىقنىڭ ئانىسى .              تاماخورلۇق ئىنساننى ھاقارەت قامچىسى بىلەن ئۇرۇپ خار قىلغۇچىدۇر  .              كېرەكسىز ئادەمنىڭ دۈشمىنى بولمايدۇ .              دۈشمىنىڭنىڭ ئۆلىمىنى تىلىگىچە ، ئۆزۈڭنىڭ ئۆمرۈڭنى تىلە .              ھەسەتخور ئادەم چايان ، ئۇنىڭ نەشتىرى ئاخىر ئۆزىگە سانجىلىدۇ .                                    مەنبە : ئۈرۈمچى كەچلىك گېزىتى

fathullah

	كۆپنى بىلگۈچىلەر ئەمەس،بىلىمى مەنپەئەت بەرگۈچىلەر دانادۇر! بەك يارىدى.

uyol

	رەھمەت،بىلۋالدىم

0908220

	رەھمەت

0908220

	رەھمەت