NASA : كائىنات ھازىرمۇ توختىماي كېڭىيىۋاتىدۇ

bilimxumar

	NASA : كائىنات ھازىرمۇ توختىماي كېڭىيىۋاتىدۇ ئەسكەرتىش: مەن بۇ يازمىنى «toqmaq» ئىسىملىك توردىشىمىزنىڭ تەلىۋىگە ئاساسەن تەييارلىدىم.  «toqmaq» ئەپەندىنىڭ ئۇچۇرى توۋەندىكىدەك: « قوياش سىستىمىسىدىكى سەييارىلەر بىلەن قوياشنىڭ ئارلىغى تەدرىجى ئۇزىراۋاتامدۇ ياكى قىسقىراۋاتامدۇ، قايسىنىڭ ئۇزىراپ ،قايسىنىڭ قىسقىراۋاتىدۇ؟، بۇ ھەقتە قانداق نۇپۇزلۇق بايقاشلار بار؟. تارىختىن بېرى بىر خىللا بولۇپ ئۆزگەرمىگەن دىگەن قاراشلار نوپۇزلۇق ئورۇندا ئەمەستۇر؟. بولۇپمۇ ئوراننىڭ قوياش بىلەن بولغان ئوتتۇرىچە ئارىلىغىدا تارىختىن بېرى ئۇزىراش، قىسقىراش ھادىسىسىنىڭ مەۋجۈتلىگى بايقالغانمۇ؟. ۋاقتىڭىز يار بەرسە قىسقىچە ئۆچۆر بىلەن تەمىنلىسىڭىز.» كائىناتتىكى زور ئۆزگىرىش ھەققىدە بۇرۇن مۇنداق 3 خىل پەرەز ئوتتۇرىغا قويۇلغان: 1.كائىنات توختىماي چوڭىيىۋاتىدۇ 2.چوڭ پارتىلاشتىن كېيىن كائىنات بىر مەزگىل چوڭىيىپ، كېيىن بىر خىل چوڭۇقتا تۇرۇپ قالغان بولۇپ، ھازىرمۇ ئاشۇ ھالىتىنى ساقلاۋاتىدۇ 3.كائىنات ھازىر كىچىكلەۋاتىدۇ. ئۇ مۇشۇ بويىچە مېڭىپ، ئەڭ ئاخىرىدا بىر نۇقتىغا ئايلىنىپ تۈگەيدۇ ئاسترونومىيە ساھەسىدىكى مۇتەخەسسىسلەر بۇ مەسىلە ئۈستىدە ئۇزۇن مۇددەت ئىلمىي تەتقىقات ئېلىپ بېرىپ، يۇقىرىدىكى 1-پەرەزنىڭ توغرۇلىقىنى ئىسپاتلاپ چىقتى.  يەنى، كائىنات ھازىرمۇ توختىماي كېڭىيىۋاتىدۇ، ھەمدە ئۇنىڭ كېڭىيىش تېزلىگىمۇ بارغانسېرى يۇقىرلاۋاتىدۇ. چوڭ پارتىلاشقا ھازىرغا قەدەر 13.8 مىليارد يىل بولدى.  مېنىڭ بىلىشىمچە، ئالىملار كائىناتنىڭ ئۆتمۇشىنى تەكشۇرۇپ، چوڭ پارتىلاش يۈز بېرىپ، 700 مىليون يىل ئۆتكەندىن تارتىپ ھازىرغىچە بولغان ئارىلىقتىكى كائىناتنىڭ چوڭلۇقىدىكى ئۆزگىرىشلەرنى تولۇق ئېنىقلاپ چىقىپ بولدى.  بۇ جەرياننى ھازىر ئالىملار بىر «ۋاقىت ئىستىرىلكىسى» (the arrow of time) رەسىمى ئارقىلىق چۈشەندۈرىدۇ. ئەمدى يۇلتۇزلارنىڭ بىر-بىرى بولغان ئارىلىقلىرى مەسىلىسىگە كەلسەك، كائىناتتا 200 مىليارد گالاكسى بار بولۇپ، بىز تۇرىۋاتقان سامان يولى گالاكسىنىڭ ئوزىدىلا 200 مىليارد يۇلتۇز بار بولغاچقا، ھەمدە كائىنات ھازىرمۇ ناھايىتى تېز سۈرئەتتە كېڭىيىۋاتقان بولغاچقا، تۇرغۇن يۇلتۇزلار بىر-بىرىدىن يىراقلىشىۋاتىدۇ، دەپ پەرەز قىلىش مۇمكىن.  بۇ پەرەز ئالىملار تەرىپىدىنمۇ ئىسپاتلاندى.  كائىناتتا توختىماي ئۇ يەر بۇ يەرلەرگە ئۇچۇپ تۇرىدىغان يۇلتۇزلارمۇ بار بولۇپ، ئۇنداق يۇلتۇزلار بەزى يۇلتۇزلارغا يېقىنلىشىپ، يەنە بەزىلىرىدىن يىراقلاپ تۇرىدۇ. ئەمدى قۇياش سىستېمىسىدىكى 8 دانە پلانېتاغا كەلسەك، ئۇلارنىڭ بىر-بىرى بىلەن بولغان ئارىلىقى مۇقىم بولۇپ، مېنىڭ بىلىشىمچە ھازىرچە ئۇلاردا بىر-بىرىدىن يىراقلىشىش ياكى بىر-بىرىگە يېقىنلىشىش بايقالمىدى. پايدىلىنىش ماتېرىياللىرى: WMAP: http://map.gsfc.nasa.gov/ http://map.gsfc.nasa.gov/media/060915/index.html The origin of the universe and the arrow of time: http://www.youtube.com/watch?v=GFMfW1jY1xE

Alamdar-X

	ئەڭ ئاخىرىدا بىر نۇقتىغا ئايلىنىپ تۈگەيدۇ  دىگەن كۆز قاراشنى قوللايمەن

توقماق

	رەھمەتbilimxumar ئەپەندىم ،ۋاقىت ئاجرىتىپ تېما ئارقىلىق جاۋاپ بەرگىنىڭىزگە . فىزىكىلىق ئالەم مەڭگۆتىزلىنىشچان سۈرئەتتە كېڭىيپ كېتىۋەرمەيدۇ،مۇئەييەن چەككە يەتكەندە تەدرىجى ئاستىلاپ تارىيىشقا باشلايدۇ ،تارىيىش جەريانى بىر ماكسىمۇم چەككە يەتكەندە يەنە پارتىلاپ كېڭىيىدۇۋە شۆ تۆستە دەۋرى قىلىدۇ دەپ ئويلايمەن.شۇنداق بولغاندىلا ساقلىنىش قانۇنلىرى مەڭگۆ ئورۇنلۇق بولىدۇ .بۇنداق كېڭىيىش -تارىيىشنىڭ مىخانىكىلىق شەرتى - شەكىل نەزەريىسىنىڭ 29-41-تىئورمىلىرى. 29-تىئورمىنىڭ سالاھىيەتلىك ئورۇنلار تەرىپىدىن قايتا تەجىربە ئىشلىنىپ دەلىللىنىشى بۇنداق دەۋرى ئالەم ئىدىيىسىنى مۇئەييەنلەشتۆرۈشتە  بەكمۇ موھىم دەپ قارايمەن.تارتىش كۈچى دولقۇنى،گىراۋىتون قاتارلىقلار بىر ئەسىردىن بىرى تېپىلماي كەلدى.ئەگەر 29-تىئورما ئورۇنلۇقلا بولسا تارتىش كۈچى دولقۇنى،گىراۋىتونلارسىزمۇ فىزىكىلىق ئالەمنىڭ دەۋرىلىگىنى كەلتۈرۈپ چىقارغىلى بولىدۇ دەپ ئويلايمەن. 29-41-تىئورمىلار لوگىكىلىق تىئورمىلار بولۇپ ،ئۇلار تۆۋەندىكىچە: فىزىكىلىق شەكىل نەزەرىيىسىنىڭ 29-41-تىئورمىلىرى ھەرىكەت مىقدارىنىڭ ساقلىنىش قانۇنى ماددى ئالەمنىڭ ھەر قانداق پەيىتىگە نىسبەتەن ئورۇنلۇق، ھەرىكەت پەقەت ماددىغىلا خاس خۇسۇسىيەت دەپ قارالغان ئەھۋال ئاستىدا تۆۋەندىكىچە ئىككى پەرەز كېلىپ چىقىدۇ: 29-تېئورما: ئېن ۋە جىسىملار سىزىقلىق ھەرىكەت جەريانىدا ئۆز ئوقىدا ئايلىنىش يۆنۈلىشى تەرەپكە ئاغىدۇ 41-تىئورما: ئېن ۋە جىسىملارنىڭ سىزىقلىق ھەرىكەت مىقدارى بىلەن بولۇڭلۇق ھەرىكەت مىقدارى تەتۈر تاناسىپ، ئومۇمىي ھەرىكەت مىقدارى تۇراقلىق بولىدۇ. http://www.kayinat.com/bbs/forum.php?mod=viewthread&tid=11768 ئەسكەرتىش: بۇ يەردە تىلغا ئېلىنغان «ئېن» _شەكىل نەزەريىسىدە پەرەز قىلىنغان ئىچكى تۆزۆلۈشكە ئىگە بولمىغان ھەقىقى مەنىدىكى ئاساسى زەررىچە. 29 -تىئورمىدا ئوتتۇرىغا قويۇلغان ئىككى شەرىت _ ھەم سىزىقلىق ئىلگىرلىمە ھەركەت،ھەم ئۆز ئوقىدا ئايلىنىشتىن ئىبارەت ئىككى شەرتنى بىرلا ۋاقىتتا قانائەتلەندۈرگەن ھەرقانداق زەررىچە ۋە جىسىمدا ئۆز ئوقىدا ئايلىنىش يۆنىلىشى تەرەپكە قاراپ ئېغىش كۆرىنىدۇ. ئېغىشنىڭ قىممىتى(ئەگرىلىك دەرىجىسى)ئۆز ئوقىدا ئايلىنىش تىزلىكى بىلەن ئوڭ تاناسىپ،سىزىقلىق تىزلىكى بىلەن تەتۆر تاناسىپ بولىدۇ. NASA شۇنچە ئۇزۇن ۋاقىت ۋە مەبلەغ سەرىپ قىلىپ ئىشلىگەنGP-Bتەجىربىسى  غايىدىكى نەتىجىگە ئىرىشەلمىگەن،ھالبۇكى ئوخشاش مەسىلىنى 29- تىئورما تەجىربىسى ئارقىلىقمۇ ئاز چىقىم ،ئاز ۋاقىت سەرىپ قىلىپ تەكشۈرۈپ كۆرگىلى بولاتتى . بۇ تەجىربىنى تەجىربە قىلىنغۇچى جىسىمنىڭ ئۆز ئوقىدا ئايلىنىش يۆنىلىشىنى ئوخشىمىغان تەرەپلەرگە قارىتىپ ئىشلەپ بېقىش كېرەك.بۇنداق قىلغاندا29 -تىئورمىدا  تەشەببۇس قىلىنغان بۇنداق ئېغىش ھادىسىسىنىڭ ئېينىشتېيىن كەڭ مەنىلىك نىسبىلىك نەزەريىسىدە ئوتتۇرىغا قويۇلغان   قاينام ئىففىكىتى (ئىنىرىتسىيىلىك سۆرەش ئىففىكتى)بىلەن تۈپتىن پەرىقلىنىدىغان ھادىسە ئىكەنلىگىنى بايقىغىلى بولىدۇ. پايدىلىنىش ئۈچۈن: 1. ئۆز ئوقىدا ئايلىنىش يۆنىلىشى رەسىمدىكىدەك سائەت ئىستىرېلكىسىغا قارىشى يۆنىلىشتە بولسا، ھەم سىزىقلىق(ئىلگىرىلىمە) ھەرىكەت يۆنىلىشى   AB ۋېكتور يۆنىلىشىدەك بولسا، ئۇ ھالدا ئېغىش يۆنىلىشى AC  دەك بولىدۇ، يەنى    YOZ تەكشىلىكىگە قاراپ ئاغىدۇ . 2. سىزىقلىق(ئىلگىرىلىمە) ھەرىكەت يۆنىلىشى رەسىمدىكى بىلەن ئوخشاش بولۇپ، ئۆز ئوقىدا ئايلىنىش يۆنىلىشى رەسىمدىكى بىلەن قارىمۇ قارىشى (يەنى سائەت ئىستېرىلكىسىنىڭ يۆنىلىشى بىلەن بىردەك) بولسا، ئۇ ھالدا جىسىم (ياكى زەررىچە)   XDE  تەكشىلىكىگە قاراپ ئاغىدۇ. 3.ئەگىرلىكنىڭ قىممىتى ئۆز ئوقىدا ئاينىلىش تېزلېكىنىڭ قىممىتى بىلەن ئوڭ تاناسىپ بولىدۇ. 4.ساقلىنىش قانۇنلىرى ئالەمنىڭ ھەر قانداق پەيتلىرىگە ئورۇنلۇق ۋە ھەرىكەت مۇتلەق دېگەن تۈپ ئىدىيەنى چىقىش قىلغاندا، نىيۇتوننىڭ بىرىنچى ھەرىكەت قانۇنى (ئېنرېتسىيە قانۇنى) :«ھەرقانداق جىسىم (زەررىچىلەرمۇ كۆزدە تۇتۇلىدۇ) كۈچ تەسىرىگە ئۇچرىمىسا ئۆزىنىڭ تىنچ ھالىتىنى ياكى تۈز سىزىقلىق تەكشى ھەرىكەت ھالىتىنى ساقلاپ قالىدۇ.» غا تۆۋەندىكىچە ئۆزگەرتىش كىرگۈزۈش مۇمكىن: ھەرقانداق جىسىم (زەررىچىلەرمۇ كۆزدە تۇتۇلىدۇ) كۈچ تەسىرىگە ئۇچرىمىسا ئۆزىنىڭ ئەسلىدىكى ھەرىكەت ھالىتىنى ساقلاپ قالىدۇ . (بۇ ئىنكاسنىڭ مەزمۇنىنى ئوتتۇرغا قويغۇچى: قاسىم مۇئەللىم ، رەسىمىنى سىزغۇچى: غەيرەت قادىر ئىزدەن) 2010-يىل 10-ئاينىڭ 27-كۈنى

alma123

	قوللايمەن

padiqiyeget

	مەنمۇ  قۇللايمەن

uyol

	قوللايمەن

forever1

	كائىنات توختىماي چوڭىۋاتىدۇ...«بىز ئاسماننى ئۆنەكسىز ياراتتۇق،(بىز)ئۇنى قۇدرەت بىلەن كېڭەيتكۈچىدۇرمىز.؛؛؛»سۈرە زارىيات.

abdul915

	ئەگەر ئالەم ئۈزلۈكسىز كېڭەيگەن بولسا، ئۇنداقتا قۇياش سېستىمىسىدىكى 8پلانېتنىڭ ئارىلىقى ئۈزلۈكسىز كىچىكلەپ مېڭىشى كېرەك، چۈنكى ئالەم كېڭىيىپ بارسا، قۇياش سېستىمىسىدىكى پلانېتلار بىلەن سامان يولى سېستىمىسى، ئومۇمىي يۇلتۇزلار سېستىمىسىدىكى پلانېتلارنىڭ ئارىلىقى ئۈزلۈكسىز كېڭىيىپ، تارتىش كۈچى ئۈزلۈكسىز كىچىكلەپ ماڭىدۇ، بۇ ھالدا قۇياش سېستىمىسىدىكى پىلانېتلار بىلەن پلانېتلار، پلانېتلار بىلەن قۇياش ئارىسىدىكى تارتىش كۈچى نىسپىي ئاشقانغا باراۋەر، بۇ ھال قۇياش سېستىمىسىنىڭ كىچىكلىشىنى كەلتۈرۈپ چىقىرىدۇ. مۇئەللىم ، ھازىرقى تېخىنىكىدا پلانېتلار ئارىسىدىكى ئارىلىقنى قانچىلىك ئېنىقلىقتا ئۆلچىيەلەيدۇ؟ ئەگەر پلانېتلار ئارىسىدا ئۆزگىرىش بولسا، قانچىلىك ئۆزگىرىش بولغاندا بايقاش مۇمكىن؟

asrar729

	ئەسسالامۇ ئەلەيكۈم! بىلىمخۇمار ئەپەندى...سىزنىڭ مۇشۇنداق ئۇچۇرلاردىن خەۋەردار قىلغىنىڭىزغا رەھمەت ئىيتىمەن... سىزدىن سوراپ باقسام : 1.كائىناتنىڭ كېڭىيشى يەر شارىغا قانداق تەسىر كۆرسىتىدۇ.بىز ئۇنىىڭ تەسىرىنى تۇرمۇشىمىزدا ھىس قىلالامدۇق؟ 2.قارڭغۇ ئۆڭكۈرنى قانداق چۈشىنىمىز.كائىناتنىڭ كېڭىيشى بىلەن قاراڭغۇ ئۆڭكۈرنىڭ قانداق مۇناسىۋىتى بار؟ قىممەتلىك ۋاقتىڭىزنى ئەپ قويىدىغان بولدۇم.