NASA: ئەڭ چوڭ كائىنات ئۇچار تېشى يەر شارىنى زىيارەت قىلدى

bilimxumar

	NASA: ئەڭ چوڭ كائىنات ئۇچار تېشى يەر شارىنى زىيارەت قىلدى 2013-يىلى 31-ماي كۈنى، بۇنىڭدىن 15 يىل بۇرۇن بايقىلىپ، ئىنگلىزچە «1998 QE2» دەپ نام بېرىلگەن قۇياش سىستېمىسىدىكى ئۇچار تاش («asteroid»، ياكى ئاسترويد) يەر شارىغا 5.8 مىليون كىلومېتىر كېلىدىغان يەرگىچە ئۇچۇپ كەلدى. يەر شارى بىلەن مارسنىڭ ئەڭ يېقىن ئارىلىقى 54.6 مىليون كىلومېتىر كېلىدىغان بولغاچقا، 5.8 مىليون كىلومېتىر ئارىلىق ئاسترونومىيە ساھەسىدە ئىنتايىن قىسقا ئارىلىق بولۇپ ھېسابلىنىدۇ. شۇڭلاشقا مەزكۇر ھادىسىنى دوكلاد قىلغان ئىنگلىزچە خەۋەردە يۇقىرىقى ئاسترويد «يەر شارىنى زىيارەت قىلدى» دەپ ئېلىنغان. بۇ ئاسترويدنىڭ دىيامېتىرى 2.7 كىلومېتىر كېلىدىغان بولۇپ، ئۇ ھازىرغىچە قۇياش سىستېمىسىدا بايقالغان ئەڭ چوڭ ئاسترويد بولۇپ ھېسابلىنىدۇ. بۇ ئاسترويد قۇياشنى ھەر 3.77 يىلدا بىر قېتىم ئايلىنىدۇ. بۇ ئاسترويد ھازىردىن باشلاپ 7-ئىيۇنغىچە يەر يۈزىدىكىلەرگە پلوس 12 دەرىجىلىك يۇلتۇزدىن يورۇقراق بولۇپ كۆرىنىدۇ. كائىنات جىسىملىرىنىڭ يورۇقلىقى ئىنگلىزچە «apparent magtidute» دەپ ئاتىلىدىغان بىر بىرلىك بىلەن ئۆلچىنىدىغان بولۇپ، ئاشۇ بىرلىك بويىچە ئۆلچىگەندە يەر يۈزىدىكىلەر ئۈچۈن قۇياش مىنۇس 7 دەرىجىلىك، تولۇق ئاي پلوس 7 دەرىجىلىك جىسىم بولۇپ ھېسابلىنىدۇ. بۇ ئاسترويدنىڭ ھازىرچە يەر شارى بىلەن سوقۇشۇپ كېتىش ئېھتىماللىقى يوق. پايدىلىنىش مەنبەلىرى: «Biggish Asteroid 1998 QE2 Pays Earth a Visit»: http://www.skyandtelescope.com/observing/highlights/Biggish-Asteroid-1998-QE2-Pays-Earth-a-Visit-209488881.html «What Is the Distance Between Earth and Mars?»: http://www.space.com/14729-spacekids-distance-earth-mars.html Resim: http://media.skyandtelescope.com/images/1998_QE2_orbit.jpg

Tantarbiya

	مۇشۇ كۈنلەردە مىتورىتلار يەرشارىنى سىيپاپ ئۆتۈپ كېتىدىغان ئەھۋاللار بەك كۆپ يۈز بىرىۋاتىدۇ، رۇسسىيەدىكى مىتورىد ۋەقەسى بۇنىڭ مىسالى

eliborisi

	پىلۇس 12 دەرىجىلىك ھالەتتە كۆرۈنسە ئۇنداقتا ، قوياش ، ئايلاردىنمۇ چوڭراق ھالەتتە كۆرىنىدۇ دىگەن گەپ بولدىما ؟ شۇنداق بولغاندا كۈندىزىمۇ كۆرۈنۈش مۇمكىن چىلىكى بار ئوخشىمامدۇ .  يەنە بىرسىگە بۇ مەن تۇرىۋاتقان رايۇندا تۇرۇپ كۆرمەكچى بولسام كۆرۈش ۋاقتىم قانچىلىك بولىدۇ ؟   يەر شارىنىڭ قوياشنى365 كۈندە ئايلىنىپ چىققىنى بىلەن بۇ ئاستىرويدنىڭ 3.7 يىلدا ئايلانغىنىنى نىسپەتلەشتۈرۈپ تەھلىل قىلساق بولامدۇ يا ؟؟ يەرشارىغا بۇنچە يىقىن يەردىن ئۆتسە ەرشارىنىڭ تەرتىش كۈچىگە تەسىرى بولامدۇ يە ؟ ياكى بەزى نازۇك رايۇنلاردا تەبى ئاپەتلەرنى كەلتۈرۈپ چىقىش خەۋپى بارمۇ ؟؟ بىلىم خۇمار ئەپەندىنىڭ كۆپرەك ئۇچۇرلار بىلەن تەمىنلىشىنى ئۈمۈت قىلىمەن ...

تىلسىم

	ئەسسالامۇ ئەلەيكۇم بىلىمخۇمار ئەپەندى. مەن بىر نەچچە ھەپتە بۇرۇن سىز يوللىغان مارسقا ئاھالە كۆچۈرۈشكە تىزىملاش توغرىسىدىكى تېمىنى ئوقۇپ قىزىقىپ قالغان ئىدىم. بىراق قالدۇرغان ئادرىستىن بىرەر ئىلتىماس يازىدىغان يەرنى تاپالمىدىمغۇ؟ پەقەت شۇ ھەقتىكى خەۋەرلەر بار ئىكەن. راستىنى دېسەم مارستا ئىنسانلارنىڭ ياشىيالىشىغا ئۆزەممۇ ئىشەنمەيمەن، بىراق كىچىكىمدىن تاشقى دۇنيا توغرىسىدىكى بايانلارغا بىر يەرلىرىمدە ئاجايىپ قىزىقىش بار، ھازىرغىچە بۇ قىزىقىش ئۆچۈپ قالمىدى. شۇڭا سىزدىن تىزىملاش بىتى ھەققىدە سوراپ باقاي دېگەن ئىدىم، مالال قىلدىم.

alma123

bilimxumar

	تىلسىم يوللىغان ۋاقتى  2013-6-6 12:48 PM ئەسسالامۇ ئەلەيكۇم بىلىمخۇمار ئەپەندى. مەن بىر نەچچە ھ ... سالام تىلسىم قېرىندىشىم، ماڭا بىر ئېلخەت يېزىڭ. مەن سىزنى ئاشۇ ئىشقا تىزىملىتىشتا ياردەم قىلالايدىغان بىر ئۇيغۇر ئۇكىمىز بىلەن تونۇشتۇرۇپ قوياي. bilimxumarmen@gmail.com

تىلسىم

	bilimxumar يوللىغان ۋاقتى  2013-6-6 12:56 PM سالام تىلسىم قېرىندىشىم، ماڭا بىر ئېلخەت يېزىڭ. مەن س ... رەھمەت سىزگە ئاۋارە قىلىدىغان بولدۇم. قولۇم بوشىسىلا خەت يازاي، ھازىر خىزمەت ۋاقتى ئەمەسمۇ.

bilimxumar

	eliborisi يوللىغان ۋاقتى  2013-6-6 12:44 PM پىلۇس 12 دەرىجىلىك ھالەتتە كۆرۈنسە ئۇنداقتا ، قوياش ، ئ ... ئالەم جىسىمىنىڭ يورۇقلىقىنى A,  سېلىشتۇرما يۇلتۇزنىڭ يورۇقلىقىنى B دېسەك، بۇ بىرلىكتىكى يورۇقلۇق قىممىتى «log10(A/B)» گە ئوڭ تاناسىپ بولىدۇ.  بىر يۇلتۇز قانچە يورۇق بولغانسېرى ئۇنىڭ يورۇقلىقىنىڭ بۇ بىرلىكتىكى قىممىتى شۇنچە كىچىك بولىدۇ. شۇڭا قۇياشنىڭ يورۇقلۇق قىممىتى -7، تولۇق ئاينىڭ يورۇقلۇق قىممىتى +7، ھېلىقى ئاسترويدنىڭ بولسا +12 بولغانلىقى ئۈچۈن، ئۇ ئاسترويدنىڭ يورۇقلىقى ئاينىڭكىدىنمۇ جىق ئاجىز بولىدۇ. شۇڭا چوڭ تىپلىق تېلېسكوپ بىلەن قارىمىغاندا، ئۇنى كېچە ۋە كۈندۈزنىڭ ھەر ئىككىسدە كۆز بىلەن بىۋاستە كۆرگىلى بولمايدۇ. ئۇ ئاسترويد قۇياشنى 3.77 يىلدا بىر قېتىم ئايلىنىدۇ. ئۇ ئاسترويد بەك كىچىك بولغاچقا، ئۇنىڭ تارتىش كۈچى يەر شارىغا ھېچ قانداق تەسىر كۆرسىتەلمەيدۇ.

eliborisi

	bilimxumar يوللىغان ۋاقتى  2013-6-6 01:09 PM ئالەم جىسىمىنىڭ يورۇقلىقىنى ئا، سېلىشتۇرما يۇلتۇزنى ... خاتا يىزىپ قالغان يىرىمنى تۈزىتىپ قويدۇم ، سىزگە كۆپ رەخمەت ، سىزنىڭ تىمىلىرىڭىزنى قوغلاپ كۆرۈپ ئاستۇرنۇميەگە بولغان قىزىقىشىمنى ، خۇمارىمنى بىسىپ كېلىۋاتىمەن ، كۆپ بىلىمگىمۇ ئىگە بوپ قالدىم ..

uyol

	كىشىنى ھەقىقەتەن ئەقلى يەتمەيدىغان ئىشلار جىق جۇما !