قامچىلاش [ياسىن غۇجامنىياز]

arman78

	قامچىلاش (ھېكايە) ياسىن غوجامنىياز بۈگۈن ئۇنىڭ تۇنجى ئەسىرى ئېلان قىلىنغان قۇتلۇق كۈن ئىدى.ئۇ كۈلەتتى،ئىچ-ئىچىدىن ھاياجان بىلەن كۈلەتتى،غىڭشىپ ناخشا ئېيتقۇسى،كىچىك باللاردەك سەكرىگۈسى ،بار ئاۋازى بىلەن <مەن يازغۇچى بولدۇم> دەپ توۋلىغۇسى كىلەتتى.بۇ خۇشاللىقىنى دوستلىرى بىلەن ئورتاقلىشىشقا ئالدىرايتتى . بۇ خەۋەر بىر كۈندىلا پۈتۈن مەھەللىگە پۇر كەتتى .سەمەت يازغۇچى بوپتۇ ،ئۇنىڭ ماقالىسى گېزىتتە ئېلان قىلىنىپتۇ ،بۇ خەۋەر ئېغىزدىن-ئېغىزغا كۆچۈپ مەھەللىدىكى بىكار تەلەپ نوچىلارنىڭ قىزىق تېمىسىغا ئايلانغان ئىدى.ئارىدىن 3 كۈن ئۆتە-ئۆتمەي ئۇنىڭ ئۆيىگە شۇنداق مېھمانلار كېلىشكە باشلىدىكى ،ھاي-ھاي ئۇ ئۆزىنىڭ شۇنچە كۆپ ئاغىنىلىرى بارلىقىغا ھەيران قالدى.بىرى ئۇنىڭ يېقىن ئاغىنىسى بىرى ئاغىنىسىنىڭ ئاغىنىسى  بولۇپ بۇ زەنجىرسىمان ئاغىنەلەر شۇ ئاخشىمى بۇ ياش قەلەمكەشنى شۇنچىلىك ماختاشتىكى ئۇنىڭ يۈزلىرى ھاياجاندىن قىزىرىپ كەتتى .چۈنكى ئۇلار بۇ ئاپتورنى پىشقەدەم ئەدىپلەر قاتارىغا زورلاپ قىستۇرۇپ قويۇشقان ئىدى.ئۇنىڭ ھاياجاندىن تىترەپ كۆزلىرىگە غىللىدە ياش كەلدى.دوستلىرى ئۇنى شۇنچە چوڭ بىلگەن يەردە كەلسەڭ كەلمەمسەن دەپ  بىزىرىپ تۇرغىلى بولمايدىغانلىقىنى چۈشىنىپ يەتتى دە دۇكانغا چاپتى .ئەتىسىمۇ ،ئۆگۈنىمۇ شۇنداق دۇكان بىلەن ئۆي ئارلىقىدا قاتراپ مېھمانلارنى كۈتۈش بىلەن ئۆتۈپ كەتتى .ئۇنىڭ كۆڭلى خۇش ئىدى. ئۇنىڭچە بولغاندا بۇ ئاغىنىلىرىگ ھەر قانچە زىياپەت بەرسىمۇ ئازلىق قىلاتتى.ئارىدىن 3كۈن ئۆتۈپ مېھمانلارنىڭ ئايىقى ئۈزۈلدى. ئۇنىڭ بۇرۇنقى غېرىپلىق ھاياتى يەنە باشلاندى .ئۇ زېرىكتى.ھېلىقى ئاغىنىلىرىنى ئەسلەپ قالدى ،بىراق ئىشەنگەن تاغدا كىيىك ياتمىدى .بىر كۈنى ھېلىقى زەنجىرسىمان ئاغىنلەردىن بىرى كوچىدا ئۇدۇلمۇ -ئۇدۇل ئۇچراپ  تەتۈر قاراپ ئۆتۈپ كەتتى.شۇلاردىن يەنە بىرىگە قول سۇنۇۋىدى، قولى ھاۋادا پۇلاڭلاپ قالدى.ھېلىقى ئۇ مېھمان قىلغان ئاغىنىلەر ئۇنى تونۇماس بولۇۋالغان ئىدى.ئۇنىڭ بۇ جانباقتى ،توزكورلارغا غۇژژىدە ئاچچىقى كەلدى. ۋە ئۇلارنىڭ ئۆزىدەك ئىستىداتلىق قەلەم ئىگىىسىگە ھۆرمەتسىزلىك قىلغانلىقىنى قاتتىق قامچىلاپ ماقالە يېزىش قارارىغا كەلدى. ئۇنىڭ  كۆز ئالدىغا  ئۇلارنى قامچىلاپ يازغان ماقالىسى ئېلان قىلىنغاندىن كېيىنىكى ئۇلارنىڭ ئۆزىدىن كەچۈرۈم سورىغان تۇرقى كۆرۈنگەندەك بولدى -دە يىزىشقا كىرىشىپ كەتتى.ئۇ يازاتتى.يازاتتى .ھەممىنى ئۇنۇتقان ھالدا يازاتتى.بىراق ئەڭ يامىنى ئۇ قەلەم قامچىسى بىلەن قامچىلىماقچى بولغان شۇ كىشىلەرنىڭ ئۇنىڭ ماقالىسى چىققان گېزىتنى گېزىت دىمەي <<موخۇركا قەغىزى >>دەپ ئاتايدىغانلىقىنى ئۇنۇتقان ئىدى. 2012 -5-ئاي        سەھرايى خاندو

owqi450

	ئىشەك نىمە بىلەر ھالۋىنىڭىڭ قەدىرىنى. ياخشى چىقىپتۇ.

ALEPTEKEN

	ھەي ئىنسان

0908220

	ھەي  ئىنسان  خام سۈت ئەمگەن بەندىلەردە بىز  .

kariguja

	ياخشى يېزىپسىز .تىرىشىڭ .ئامەت تىلەيمەن.

turk119

	yahxi

uyol

uyoglani

	بۇ ئاشۇنداق جاھان، بىر كىم باشقىلارنى ئويلانسۇن دەپ يازسا ، باشقىلار پەقەت ماددىي مەنپەئەت بولسىلا قۇبۇل قىلىدۇ، بولمىسا قامچىنى ئىگىسىگە قايتۇرۇپ بېرىدۇ.

talip@

	ياخشىدوس ئۇزاقتا سىنىلار دىگەن شۇدە