ئاق ئالتۇن دىگەن مۇنداق بولىدۇ !!!

1miskal

	ئالدىنقى ھەپتە بىر تونۇشۇم بىر ئاق ئالتۇن زەنجىرنى كۆرسىتىپ ماڭا دەرت تۆكۈپ بەردى . ئىچكىرگە بارغاندا كۆزۈمگە بەك چىرايلىق كۆرنۈپ ئالغانتىم . يۇرتۇمغا كىلىپ بىر مەزگىل سالسام سەل قارىيۋالدى . تەكشۈرتسەم پىرسەنىتلىك كۈمۈشكەن ، ئاق ئالتۇن ئەمەس دەيدۇ . بەك ئاچچىقىم كەلدى . 1450 يۈەنگە ئالغان . كۈمۈش دىگەن ئاق ، يۇمشاق بولاتتىغۇ ؟ مەن ئاق ئالتۇن ئىلىپ باقمىغان ، بۇنى ساتسام ئالماسمۇ ؟؟؟؟ دەپ ۋايساپ كەتتى . مەن ئۇنىڭغا ؛-قەشقەردە ئادەتتە ئاق ئالتۇن زىبۇ -زىننەت ئىشلىتىدىغانلار يوق دىيەرلىك . ئۆزىڭىز چۈشنىدىغان ياكى بىلىدىغان يەردىن ئالسىڭىز بولمامتى ؟ ساتسىڭىز پۇلغا ئالمايدۇ . ھازىر خام كۈمۈشنىڭ گىرامى 5يۈەن . ئۇنىڭ ئۇستىگە سىز ئالغان بۇ زەنجىر ساپ كۈمۈشمۇ ئەمەسكەن . ساپ كۈمۈش بولغان تەقدىردىمۇ ساتسىڭىز ئون يۈەنگىمۇ ئالمايتى . ئۇ ئەپسۇسلانغان ھالدا چىقىپ كەتتى . ئۇچ-تۆت يىلنىڭ ئالدىدا ئاق ئالتۇن ئالدىغانلار كۆپ ھەم ئاق ئالتۇن زىبۇ -زىننەتلىرى مودا بوپ كەتكەن. لىكىن ئىستىمالچىلار ھازىر ئاق ئالتۇندىن زىرىكتى ، سەۋەبى ئالغاندا قىممەت ، ساتقاندا پەرىق بەك چوڭ . ئالماشتۇرۇش تەننەرقىمۇ يۇقۇرى ، ئۇنىڭ ئۈستىگە ئۇنى ئىش قۇشۇپ خالىغان نۇسقىغا كەلتۈرگىلى بولمايدۇ . شۇ سەۋەپتىن ھازىر سىرىق ئالتۇن ئىستىمالچىلىرى كۆپىيىشكە باشلىدى . مەن دوسىتلارنىڭ ئاق ئالتۇن بىلەن كۈمۈشنى پەرىقلەندۈرىشى ئۈچۈن ئاق ئالتۇن بىلەن كۈمۈشنىڭ بىر قانچە پەرقىنى ئىيتىپ بىرەي . ئاق ئالتۇننىڭ قىممىتى سېرىق ئالتۇندىن يۇقىرى بولىدۇ. ئاق ئالتۇن كۈلرەڭگە مايىل بولغاچقا كۈمۈش بىلەن پەرقلەندۈرۈش تەس. ئىستېمالچىلار زىننەت بۇيۇملىرى سېتىۋالغاندا ئاق ئالتۇن بىلەن كۈمۈشنى پەرقلەندۈرۈشنى بىلىۋېلىشى كېرەك. 1. زىننەت بۇيۇمىدىكى بەلگىگە قاراش. زىننەت بۇيۇمى ئۈستىدە tP ياكى Platnum ۋە ياكى Plat دېگەندەك خەتلەر بولسا ئاق ئالتۇن، ئەگەر S ياكى Silver دېگەن خەتلەر بولسا كۈمۈش ھېسابلىنىدۇ. 2. ئېغىرلىقى. ئاق ئالتۇننىڭ سېلىشتۇرما ئېغىرلىقى 21.4، كۈمۈشنىڭ سېلىشتۇرما ئېغىرلىقى بولسا 10.49. ئوخشاش ھەجىمدىكى ئىككى ماتېرىيالنىڭ ئېغىرلىقىنى سېلىشتۇرىدىغان بولساق، ئاق ئالتۇننىڭ ئېغىرلىقى كۈمۈشنىڭكىدىن بىر ھەسسە ئېغىر بولىدۇ. 3. سىرتىدىن پەرقلەندۈرۈش. ئاق ئالتۇن كۈلرەڭگە مايىل، قاتتىق بولىدۇ. كۈمۈش بولسا ئاق رەڭدە بولۇپ، سىلىق پارقىراق بولىدۇ ھەم ئاق ئالتۇندىن يۇمشاق بولىدۇ. مەنبە ؛ www.1miskal.com

mastura82

	خانىم -قىزلىرىمىز ئۈچۈن بەك ياخشى تېمىدىن بىر نى يوللاپسىز . پەرىقلەندۈرۈش ئۇسۇللىرىنى بىلىۋالدۇق ،رەھمەت .

katran

	مەن ئاق ئالتۇننى پەقەت ياقتۇرمايمەن، چۈنكى ئادەتتىكى ‹تۆمۈر› دە ياسىلىدىغان زىبۇ- زىننەتلەردىن پەرق قىلغىلى بولمايدۇ، تېمىدا دىيىلگەندەك تەپسىلىي قاراپ سەپسالمىسا تۆمۈردەك چۈشەنچە بىرىپ قويىدۇ..... يەنىلا شۇ سېرىق ئالتۇن ياخشى........

sewdaye1

	سېرىق كۈمۈش بولغان بولسا ئېپ قوياركەنمە بىرنەچچە كىلو  مۇشۇ ئالتۇننىڭ قىممەتلىكىدە دەيمىنا ئالتۇننىڭ باھاسى ئۆسۈپلا تويلۇقنىڭ باھاسىمۇ ئۆسۈپ كەتتى، يا ھازىر ھەزرىتى ئەلى بىر چىنە زەمزەم سۈيى مىھىر ھەققى بىرىپ خوتۇن ئالغاندەك قىلغىلى بولمىسا. ھازىرقى قىزلارغا بىر چىنە ئەمەس، بىر ئۆستەڭ زەمزەم سۈيى بەرسىمۇ تەگمىسمىكى ھە

太阳

	ئاق ئالتۇن كۆزۈمگە چىرايلىق كۆرىنىدۇ مىنىڭ ،

ARZUY

	ئالتۇننىڭ  باھاسى يەنە  چۈشەمدۇ قانداق  بۇ  ھەقتە  چۈشەنچە  بەرگەن  بولسىڭىز. مەن ئالتۇن  سېتىۋالاي  دىگەن  بىراق  مەن  ئېلىپ  بولغاندا  باھاسى  يەنە  چۈشسە  ئىچىم  ئاچچىق  بوپ  قالامۇ  دەپ  ئويلاپ  قالدىم .

gurbet_kizi

	بىلىۋالدۇق ، رەھمەت

0908220

	رەھمەت ، لىكىن   ئۆز كۆزى بىلەن  كۆرگەن گە  يەتمەيدۇ .

aa0998

	تازا ئوبدان جايلاپتۇ، ئاشۇ زەنجىرنى ساتقان خەنزۇ بىزنىڭ مۇشۇ يەردىن سىرىق ئالتۇن ئالماي ئاشۇ يەردە سويۇتۇپ قوياپتۇ دەپ ئالغاندىن كېيىن ئاشۇنداق بولىدۇ،