گاھى ياغسا مىسكىن ئۆرتىنىش ، سەن قالامسەن مېنىمۇ ئەسلەپ

nomu

	ەل باغرىمغا تاشلان قاتىلىم لەپ-لەپ قىلىپ ياغماقتىدۇر قار ، ياكى ياغدىم قاردەك لەپىلدەپ . گاھى ياغسا مىسكىن ئۆرتىنىش ، سەن قالامسەن مېنىمۇ ئەسلەپ؟                         قار ياغدى ،خىياللىرىمدەك ئاجايىب چىرايلىق ياغدى ...شۇنچە يۇمران ،شۇنچە ئاپئاق ،شۇنچە تەبئى،شۇنچە مۇزچېچەك ...           لەپىلدەپ چۈشىۋاتقان قارغا دۇچ كەلگەن  قاناتلىرىم، سېنىڭ ئۆتمۈشۈمدىكى قاردەك ياسانغان ئاپئاق باغچىدا مېنى كۈتۈپ تۇرغان ھالىتىڭگە سۇقۇلۇپ پەرۋاز قىلىشتىن توختىدى .ئاھ،...سېنى ئۇنتۇش ئۈچۈن ئاسماندىكى بارلىق قارلارنى ئۆزەم بىلەن قوشۇپ ياغدۇرۋېتىشىم كېرەكمىدۇ ؟... ئامرىقىم شۇنى بىلىسەنكى ،مەن قارنى چەكسىزلىككە ئىنتىلگەن  ھېسلىرىم بىلەن ياخشى كۆرىمەن .چۈنكى ھەربىر قاردانچىسىنىڭ مەڭزىدەبىز سۆيۈشكەن ئىزلار لالە گۈلىدەك ئاجايىب چىرايلىق ئېچىلىپ كەتكەن .جېنىم قارا!...قار ياغدى...خىياللىرىمدەك ئۇماق كۆرۈندى...            مەنمۇ ئاشۇ  قاردەك ، يۈرەك –باغرىمنى  تالجىقتۇرغان خىياللىرىم بارخانلىرىغا لەپىلدەپ  ياغدىم .تەشنالىق باغرىدا سان-ساناقسىز سېغىنىش مىغىلداپ تۇرۇپتۇ .سېغىنىشنىڭ شۇقەدەر گۈزەل ھەم ئىزتىراپلىق  ئىكەنلىكىنى ئازاب ھەم شېرىن ئەسلىمە قوينىدا تۇرۇپ تېرەن ھېس قىلدىم .سېغىنىش ئۆز مەنالىرى ئىچىدىن ئۆرتىنىپ –ئۆرتىنىپ يۇلقىنغىنىچە ،ئۇسساپ كەتكەن لەۋلىرىنى تامشىتىپ ،تومۇر –تومۇرلىرىمدا شۇرۇلداپ  يۈرمەكتە ...ئاھ ،جېنىم !...ناۋادا سېنى سېغىنىپ ئۆلۈپ كەتسەم ئۆز قولۇڭ بىلەن قار ئاستىغا كۈمۈشنى زىنھار ئونۇتما !...           ئەي مۇز ئوكياندەك قاتتىق ھەم سوغوق يۈرەك  !مۇز رەڭلىك نالەشلىرىمدىن قايتقان ئەكىس سادانى ئاڭلا !...قىراۋ باسقان ھىجراننىڭ قارچۇقىنى سۈرتۈپ قوي !...مۇز نوكچىسىدەك ئۇيۇشقان  لالە رەڭلىك مەڭزىمنى سىيلاپ قوي !...قارا!ساڭا تولىمۇ تۇنۇش بولغان دەردلىرىم قەلبىمدە تىترەپ –تىترەپ مۇزلىماقتا !ئۇ ئىسسىق –ئىسسىق گۈلخانلىرىڭنى سېغىنىۋاتامدۇ ياكى مۇھاببەتلىك يۈرىكىنى ئۆلتۈرگەن قاتىلىنى سېغىنىۋاتامدۇ ؟... كەل باغرىمغا تاشلان قاتىلىم! مۇزدەك قەلبىم كېتەر يېلىنجاپ . توزۇپ كېتەر قارنىڭ پەيلىرى ، شوخ ناخشىدەك كەتسەم جاراڭلاپ .          كەل !...                    كەل باغرىمغا تاشلان قاتىلىم !...دەپسەندە بولغان غورورۇمنى ئۇنتۇپ ،سەن ئۆلتۈرگەن تۇنجى سۆيگۈمنىڭ قىساسىدىن كېچىپ تۇرۇپ سېنى چاقىردىم .مەن يەنە ئاشۇ تۇنجى قېتىمقىغا ئوخشاش بارچىدىن كېچىش بەدىلىگە سېنى سۆيمەكچى .نۇر –زىيادەك يارقىن چاقناشلىرىم بىلەن كۆز نۇرۇڭغا تۈكۈلۈپ –تۈكۈلۈپ كۈلۈمسىرىمەكچى بۇلىۋاتىمەن . ،چۈنكى مەن ساڭا ئاشىق ...ئاھ ،بىلەمسەنكى ،مەن سېنى سۆيۈش ئۈچۈن سېنىڭ قولۇڭدا ئىككىنچى قېتىم ئۆلتۈرلۈشكە رازى.             قار ياغدى...           قار ياغدى ...خۇددى خىياللىرىمدەك ،چۈشلىرىمدەك تولىمۇ چىرايلىق ياغدى .قارنىڭ قاقاھلاپ كۈلگەندىكى ئاۋازى نەقەدەر يېقىملىق ھە !بەئەينى گۈزەل ئەسلىمىگە ئوخشاش .ئەمما ،ئەمما سۆيگۈ بېغىمدا بەكمۇ ئاۋايلاپ ئۆستۈرگەن لالە گۈلۈمنىڭ تەسۋىرلىگۈسىز مۇڭلۇق قايغۇلىرى بىلەن ئېسەدەپ يىغلاشلىرى كىمنىڭمۇ يۈرىكىنى ئەزمىسۇن.           لالە ،ئاھ لالە ،باغرى قان لالە ...قايناپ تۇرغان قىززىق قانلىرىڭ كۈتۈشنىڭ ھىجران پەسلدە ئۇيۇشۇپمۇ كەتكەندۇ ؟...           قار ياغدى...            ئەقىل كۆزلىرىم بىھۇش .مەن ھېسياتنىڭ يۈگەنسىز خىياللىرىغا يۆلىنىپ ،كەلگۈسۈمگە تۇتاشقان يولدا سېنىڭ كېلىشىڭنى كۈتىۋاتىمەن .ئاھ،جېنىم !ئىككىمىزنىڭ ئارلىقىغا نەقەدەر زور كەڭلىك يېيىلغان ھە !كۈتۈشلىرىمدىن ئەسلا خەۋىرىڭ يوق ، يات بىر شەھەردە قايسىبىر نازىننىڭ ياستۇقىغا بېشىڭنى قويغانسەن ؟...             ئەي قاتىلىم !كەل !باغرىمغا تاشلان !...بىر قېتىم ،پەقەت بۈگۈن بىر قېتىملا باغرىمغا تاشلانساڭ،كەتمىشىمدە سەن تاشلاپ كەتكەن ئاشۇ تۇرقۇم بىلەن ،بۈگۈن ئىككىنچى رەت يەنە تاشلىنىشقا مەن رازى .چۈنكى زارىقىشلىرىم قىرغاقتىن تاشتى...             قار ياغدى ...            مەن ئاغرىپ تۇرغان يۈرىكىمنى قاماللاپ ،قار توزانلىرى پۇرقىراپ  تۇرغان يولغا يىقىلدىم .قار ياغدى ...ھەممە ياق  مۇز تامچىسىدەك كۆز ياشلىرىمغا قاراپ سۈكۈتتە تۇردى .مەن تۇنۇش ئاياغ تىۋىشىنىڭ ئاڭلىنىشىنى ئىستەپ ئاستا شىۋىرلىدىم . -،كەل!... -،كەل باغرىمغا تاشلان قاتىلىم !...              ئەسكەرتىش :يېڭى قاشتېشى ژورنىلىدا ئېلان قىلىنغان . khyhnkh mgnbgsh:http://bbs.xjzjxh.com/forum.php?mod=viewthread&tid=8316

تىلال

	يۈرەكتىن ئوخچۇپ چىققان ھېسىياتنىڭ ھاسىلاتى ئىكەن، ئىختىيارسىز قارلىق دالىدىكى بەزى كۈنلىرىمنى ئەسلىتىپ قويدى ، ئەمما ئەسلىدىميۇ- كۆزچاناقلىرىمدىن كۆز ياشلىرىم يىپى ئۈزۈلگەن مارجاندەك تۆكۈلدى، قەلىمىڭىزگە دەرت كەلمىسۇن

zulayha

	تەسۋىرگە تولىمۇ تويۇنغان تېمىڭىزنى كۆرۈپ ھاياجانلىق قۇرلارغا نمىلەرنى قالدۇرۇشقا ئاجىز كەلدىم.  پەقەت،ئاغرىغان يۈرىكى چىنلىقتىن ئېلىنغان بولسا،قۇياشتەك ئىللىشىنى ئۈمۈت قىلدىم خالاس.

kulgunqak

	قىشتا يوللايدىغان تىمىكەنتۇق بۇ ھە؟

uyol

	ياخشى تېمىكەن

mamatsali~vub