تاماكىدىن يىراق تۇرۇپ، ھاياتلىقنى قەدىرلەيلى

dolanlik

	تاماكىدىن يىراق تۇرۇپ، ھاياتلىقنى قەدىرلەيلى 2013-يىلى5-ئاينىڭ 31-كۈنى دۇنيا سەھيە تەشكىلاتى تەشەببۇس قىلغان  26-نۆۋەتلىك «دۇنيا ئىس–تۈتەكسىز كۈن» بۇلۇپ، باش تىمىسى «تاماكا ئىلانى، سېتىشنى ئىلگىرى سۈرۈش ۋە قوللاش پائالىيەتلىرنى چەكلەيلى». پۈتۈن دۇنيادا تاماكا سەۋەپلىك يىلىدا 6 مىلىيون ئادەم ھاياتىدىن ئايرىلىدۇ، بۇنىڭ ئچىدە 600 مىڭدىن كۆپرەك ئادەم ئىككىلەمچى تاماكا چېكىش سەۋەبلىك ھاياتىدىن ئايرىلىدۇ. ئەگەر بىز ھەركەتكە كەلمەيدىغان بولساق، 2030-يىلىغا بارغاندا ھەريىلى 8 مىلىيۇندىن ئارتۇق ئادەم مۇشۇ سەۋەبلىك ھاياتىدىن ئايرىلىدۇ. ئالدىنى ئېلىشقا بۇلىدىغان بۇ خىل ئۈلۈم ھادىسىنىڭ %80 تىن كۆپىرەكى تۈۋەن ۋە ئوتتۇرا كىرىمىدىكى دۆلەتلەردە يۈز بىردۇ. دۇنيا ئىس–تۈتەكسىز كۈنى پائالىيتىنڭ ئاخىرقى مەقىسىدى بولسا نۆۋەتتىكى بىر ئەۋلات شۇنداقلا كەلگۈسىدىكى بارلىق ئەۋلاتلارنى بۇخىلدىكى سالامەتلىك كىرزىسىدىن، شۇنداقلا تاماكا چىكىش ۋە تاماكا بىلەن ئۇچۇرىششنڭ جەمىيئەتكە ۋە مۇھىتقا ئىلىپ كىلدىغان زىينىدىن خالى قىلش. تاماكا چىكىشنىڭ ئۈچ چوڭ زىينى قايسىلار ؟ تاماكا كۆيگەندە چىقىدىغان ئىستا 20 نەچچە تۈرلۈك زەھەرلىك ماددا بار بۇلۇپ ھاياتلققا بولغان زىينى ئەڭ زور بولغىنى نىكوتىن. مۇشۇ نوقىتدىن ئېيتقاندا تاماكا چىكىشنىڭ 3چوڭ زىينى بار. . 1        بىۋاستە ھاياتلىقنى ئۆلتۈرەلەيدۇ. بەزىلەر ھايۋانات تەجىربىسى ئارلىق ئادەمنى قورقۇتقۇدەك نەتىجىگە ئىرشكەن: ھەرقانچە قاۋۇل كۈچلۈك ئاتمۇ نىكوتىننى ئۇكۇل قىلىپ ئۇرۇپ،  سەككىزىنچى تامچىسىنى ئۇرغاندا ناھايتى تىزلا ئۆلگەن.  ناھايتى شوخ ئويناپ تۇرغان ئىتنىڭ ۋىنا تۇمۇرغا بىر تامچە نىكوتىننى ئۇكۇل قىلىپ ئۇرغاندا، ئىت ھاياتىدىن ئايىرىلغان؛ ئۇندىن باشقا بەزى ھايۋانلار ئۇزۇن مەزگىل تاماكا چەككەندىن كىيىن ئۇلارنىڭ قان تۇمۇرلىرىدا تارىيش ۋە قېتىتش ئالامەتلىرى كۆرۈلگەن. . 2        ئادەم بەدىننىڭ ئۇزۇقلۇق تەركىبىنى بۇزالايدۇ. تاماكا چېكىش ئادەم بەنىدىكى ۋىتامىنB نىڭ سۈمۈرۈلۈشىگە توسقۇنلۇق قىلالايدىغان بولۇپ، نىكوتىننىڭ ۋىتامىنB غا بىۋاسىتە بۇزغۇنچىلىق قىلىش رولى بار . ئادەم بەدىنىدە ئۇزۇن مەزگىل ۋىتامىنB كەم بولسا قان بۇزۇلۇش كېسىلىگە گىرىپتار بولۇپ ئېھتىماللىقى بولىدۇ . . 3        قوشۇمچە كېسەللىكلەرنى كەلتۈرۈپ چىقىرىدۇ . بەدەنگە سۈمۈرۈلگەن تاماكا ئىسنىڭ نەپەس يولى ،ھەزىم قىلىش يولى قاتارلىق ئەزالارغا يامان سۈپەتلىك غىدىقلاش رولى بولىدۇ .شۇنداق بولغاچقا بەزىلەر 12 بارماق ئۈچەي ياللۇغى ۋە نەپەس يولى ياللۇغى ھەتتا ئېغىز، لەۋ، تىل، يۇتقۇنچاق، نەپەس يولى، ئۆپكە، قاتارلىق ئەزالاردا راك پەيدا قىلغۇچى ئامىل دەپ قارايدۇ . ماتېرىيالدا كۆرسىتىلىشىچە كۈنىگە 10-15تالغىچە تاماكا چېكىدىغان بىر ئادەمنىڭ ئۆپكە راكى ،ئېغىز بوشلۇقى راكى ،كېكىردەك راكىغا گىرىپتار بولۇپ ئۆلۈش نىسبىتى تاماكا چەكمەيدىغان ئادەمدىن 14ھەسسە چوڭ بولىدۇ؛ بۇ ئادەمنىڭ يۇتقۇنچاق راكىغا گىرىپتار بولۇپ ئۆلۈش نىسبىتى تاماكا چەكمەيدىغان ئادەمدىن 4ھەسسە چوڭ بولىدۇ؛ دوۋساق راكىغا گىرىپتار بولۇپ ئۆلۈش نىسبىتى 2ھەسسە چوڭ بولىدۇ؛ يۈرەك كېسىلىگە راكىغا گىرىپتار بولۇپ ئۆلۈش نىسبىتى 2ھەسسە چوڭ بولىدۇ؛ تاماكا چېكىش ئاستا خاراكتېرلىك كاناي شاخچە ياللۇغى ۋە ئۆپكە گازلىق ئىشقىنى پەيدا قىلغۇچى ئاساسى ئامىل، ئاستا خاراكتېرلىك ئۆپكە كېسەللىكلىرى، ئۆپكە ياللۇغى ۋە يۈرەك كېسىلىگە گىرىپتار بولۇپ نىسبىتىنى ئاشۇرىدۇ . تاماكا چېكىش يەنە يۇقىرى قان بېسىم كېسىلى خەۋپىنى ئاشۇرىدۇ، ئۇزۇن مەزگىل تاماكا چەككۈچىلەردە ئۆپكە راكنىڭ كۆرۈلۈش نىسبىتى تاماكا چەكمەيدىغانلارغا قارىغاندا 10-20ھەسسىگىچە چوڭ بولىدۇ، كاناي راكىنىڭ كۆرۈلۈش نىسبىتى تاماكا چەكمەيدىغانلارغا قارىغاندا 6-10ھەسسىگىچە چوڭ بولىدۇ، تاجسىمان يۈرەك كېسىلىنىڭ كۆرۈلۈش نىسبىتى 2-3ھەسسىگىچە چوڭ بولىدۇ، ئايلىنىش سىستېمىسىدا كېسەل كۆرۈلۈش نىسبىتى 3ھەسسە چوڭ بولىدۇ، كاناي يولىدا كېسەل كۆرۈلۈش نىسبىتى 2-8 ھەسسىگىچە چوڭ بولىدۇ. ئىككىلەمچى تاماكا چېكىشنىڭ زىيىنى تېخىمۇ چوڭ. ھەر كۈنى ئوتتۇرا ھېساب بىلەن بىر سائەتتىن ئىككىلەمچى تاماكا چەككەندە ئارتېرىيە قان تومۇرلىرى بۇزغۇنچىلىققا ئۇچرايدۇ. بىر قىسىم يولدىشى تاماكا چېكىدىغان ئاياللارنىڭ ئۆپكە راكىغا گىرىپتار بولۇش نىسبىتى ئادەتتىكى ئادەملەردىن 6 ھەسسە كۆپ. پۈتۈن يەر شارى بويىچە تاماكا چېكىدىغانلارنىڭ سانى بىر مىليارد 300 مىليون بولۇپ، بۇنىڭ ئىچىدە 900 مىليون ئادەم تەرەققىي قىلىۋاتقان ئەللەردە. تاماكا چېكىدىغانلارنىڭ، بولۇپمۇ ياش-ئۆسمۈرلەر ئىچىدىكى تاماكا چېكىدىغانلارنىڭ سانى يىلسېرى كۆپەيمەكتە. جۇڭگودا تەخمىنەن 350مىليون تاماكا چەككۈچى بار. بۇنىڭدىن كۆرۈۋېلىشقا بولىدۇكى، تاماكا چېكىشنىڭ ئادەم بەدىنىگە زىيىنى بولسا باركى ئازراقمۇ پايدىسى يوق. شۇڭا ئامال بار تاماكا تاشلاش، بولمىغاندا ئاز چېكىش، تاماكا چەكمەيدىغانلار ئەڭ ياخشىسى بۇنداق قىلمىشتىن يىراق تۇرۇشى لازىم.

MiRul

	تاماكىنى تېز تاشلاپ ياخشى قىپتىمەن، بولمىسا مەنمۇ.......

xahboy

	«تاماكا  چەككەن كىشىنى ، ئۇرۇپ  چاقسا  چىشىنى» دەپ  قويىدىغان  تولۇقسىزدىكى  ئوقۇتقۇچۇم

ئەرتۇرا

	ناھايىتى ئەھمىيەتلىك تىما بولۇپتۇ!  ئىسلام دىنىمىزنىڭ ئۇلۇغلىقىنى مۇشۇنداق توسقان ئىشلىرىنىڭ زىيانلىق، بۇيرىغان ئىشلىرىنىڭ پايدىلىق ئىكەنلىكىدىن كۆرىۋالغىلى بولىدۇ!              تاماكا، نۇرغۇن دۆلەت چەكلىگەن زەھەر تاماكا، تۇرمۇشىدىن يەكلىگەن زەھەر تاماكا. (تاماكا تاشلاش كۈنى)لىرنى بىكىتىپ، يەرگە تاشلاپ دەسسىگەن زەھەر تاماكا، بىراق بىزلەر چىكىشكە ئۆزىنى ئۇرۇپ، چىكىۋىرىپ كەملىگەن زەھەر تاماكا. يەرنى ئەخلەت ھاۋانى زەھەردە بۇلغاپ، ساقلىقنى ئىكەكلىگەن زەھەر تاماكا. چەتئەللەردە چىكىشنى چەكلىگەن تۇرسا، بىز چىكىشنى پەملىگەن زەھەر تاماكا. تاماكا چىكىش مودا گۈزەل قىلىقتەك، بىزلەردە كۆرەڭلىگەن زەھەر تاماكا. چەككەن ھەم تۈۋىدىكىلەر ساغلاملىقىنى، سورىغان تۈتەكلىگەن زەھەر تاماكا. 2

handanjan

	تاماكا چەككۈچىلەر ساراڭ

ablat45

	زىيانلىق دەپ يېزىپ قويمىغان بولسا  قانچە چىكەر بولغىيتتى ھە !~~~ ئاممىۋى سورۇنلاردا تاماكا چىكىشنى چەكلىگەن بوسىمۇ نازارەرت  قىلىپ باشقۇرۇش يىتەرلىك ئەمەس !!!! شەكىلۋازلىق كۆپ يەردىغۇ ،ھەرقانداق قانۇن ئوخشاشمىكىن دەيمەن !~~~ ھاياتىمىزنى قەدىرلەپ جوڭگو پۇتبولچىلىقى ۋە تاماكىدىن يىراق تۇرايلى !!~

mamatelixp

	بۇ تىمىنى كۆرۇپ تاماكىنىڭ شۇنچۇ كۆپ زىينى بالىقىنى بىلىپ ، ئىچىم بىر خىل بوپقالدى دە،ھەي دەپ بىر تال تۇتاشتۇرۇپ تازا شۇرىدۇم. -دوستۇم ئۇزۇندىسىدىن.....