پويىزدا ناماز ئوقۇمدىم؟

uyghur05

	سوئال: پويىز، ئايروپىلان ۋە ئاپتوبۇسلاردا ناماز ئوقۇلامدۇ؟ ئوقۇلسا قانداق ئوقۇلىدۇ؟ جاۋاب: پويىزدا، ئايروپىلاندا ياكى باشقا بىر قاتناش ۋاسىتىسىدە كېتىۋېتىپ نامازلارغا ئالاھىدە دىققەت قىلىش كېرەك. ھەر نامازنى ئۆز ۋاقتىدا ئوقۇش ئۈچۈن قولدىن كەلگەننى قىلىش لازىم. لېكىن ھەرقانچە قىلىپمۇ قاتناش ۋاسىتىسىنى توختىتىش مۇمكىن بولماي ناماز ۋاقتىنىڭ چىقىپ كېتىش خەۋپى بولسا، بۇ تەقدىردە نامازنى قاتناش ۋاسىتىسىنىڭ ئۈستىدە كېتىۋېتىپ ئوقۇش كېرەك. ئاللاھ تەئالا مۇنداق دېگەن: «…فَإِنْ خِفْتُمْ فَرِجَالًا أَوْ رُكْبَانًا فَإِذَا أَمِنْتُمْ فَاذْكُرُوا اللَّهَ كَمَا عَلَّمَكُمْ مَا لَمْ تَكُونُوا تَعْلَمُونَ» «…ئەگەر قورقساڭلار، نامىزىڭلارنى پىيادە مېڭىۋېتىپ ياكى ئۇلاغ ئۈستىدە كېتىۋېتىپ ئوقۇڭلار. بىخەتەرلىككە ئېرىشكەن چېغىڭلاردا بولسا، ئاللاھ سىلەرگە بىلمىگىنىڭلارنى قانداق ئۆگەتكەن بولسا ئاللاھقا شۇنداق زىكىر ئېيتىڭلار»- بەقەرە 2/238-239. ئاللاھ تائالانىڭ بۇ ئايەتتىكى «ئەگەر قورقساڭلار» دېگەن سۆزىدىكى قورقۇش ئومۇمىي بولۇپ بارلىق قورقۇنچلارنى ئۆز ئىچىگە ئالىدۇ. چۈنكى خىفتۇم پېئىلنىڭ مەفئۇلى (ھەرىكەت ئوبيېكتى) نىڭ زىكىر قىلىنماسلىقى بۇنى كۆرسىتىدۇ. شۇنىڭ ئۈچۈن دۈشمەن، يىرتقۇچ ھايۋان، سۇ ئاپىتى، يەر تەۋرەش، ھەمراھلاردىن ئايرىلىپ قىلىش، قاتناش ۋاسىتىلىرىنىڭ توختىماسلىقى ياكى چوڭ يولغا كىرىپ قالغانلىقى ئۈچۈن ئۆزى باشقۇرىدىغان قاتناش ۋاسىتىسىنى توختىتالماسلىقى قاتارلىقلارنىڭ بىرىدىن قورققان كىشى نامىزىنى پىيادە مېڭىۋېتىپ ياكى ئۇلاغ (قاتناش ۋاسىتىسى) ئۈستىدە كېتىۋېتىپ، ئۇدۇل كەلگەن تەرەپكە قاراپ ئوقۇسا بولىدۇ. چۈنكى ئاللاھ تەئالا مۇنداق دەيدۇ: «لاَ يُكَلِّفُ اللّهُ نَفْساً إِلاَّ وُسْعَهَا» «ئاللاھ ھېچكىمنى تاقىتى يەتمەيدىغان ئىشقا تەكلىپ قىلمايدۇ»- بەقەرە 2/ 286. «فَاتَّقُوا اللَّهَ مَا اسْتَطَعْتُم» «ئاللاھقا كۈچۈڭلارنىڭ يېتىشىچە تەقۋادارلىق قىلىڭلار»- تەغابۇن 64/16. پەيغەمبەر ئەلەيھىسسالام مۇنداق دېگەن: «مەن سىلەرنى بىر ئىشقا بۇيرۇسام، ئۇ ئىشنى كۈچۈڭلارنىڭ يېتىشىچە قىلىڭلار. يىغىپ ئېيتقاندا ئايروپىلان ، پويىز، ئاپتوبۇس قاتارلىق قاتناش ۋاسىتىلىرىنىڭ ئىچىدە نامازنىڭ ۋاقتى كىرىپ قالسا، ئۇ نامازنى شۇ قاتناش ۋاسىتىسىنىڭ ئۈستىدە كېتىۋېتىپ ئوقۇش لازىم. سۇ بىلەن تاھارەت ئالالمىسا تەيەممۇم قىلىپ ئوقۇش، قىبلىگە يۈز كەلتۈرەلمىسە ئۇدۇل كەلگەن تەرەپكە قاراپ ئوقۇش، رۇكۇ ۋە سەجدىنى ئادەتتىكىدەك قىلالمىسا ئىشارەت بىلەن قىلىپ ئوقۇش كېرەك. . مەنبە : مۇسۇلمانلار تورى

Gvlbargi0999

	رەھمەت قېرىندىشىم!چوقۇم بىلىۋىلىشقا تېگىشلىك تېما ئىكەن،  ئاللاھ رەھمەت قىلسۇن!

5uyghur

	ئەۋلات ئىسلام توردىكى سۇئالنىڭ ئۆزكەن.ئاللاھ ئەجرىڭىزنى بەرسۇن قىرىندىشىم

nazila998

	ئاللاھ رەھمەت قىلسۇن قىرىندىشىم ، بىلىۋىلىشقا تىگىشلىك ئېسىل تىمىدىن بىرنى يوللاپسىز

intikam

	ئاللاھ رەھمەت قىلسۇن قېرىندىشىم، ياخشى تىما يوللاپسىز!  چوقۇم ھەر-بىر مۇسۇلمان بولغان ئادەمنىڭ بىلىۋېلىشلىشىغا تىگىشلىك بولغان  مەسىلە ئىكەن!

sirdax998

	ھەقىقەتەن ياخشى تىما يوللاپسىز.

uyol

	ئاللاھ ئەجرىڭىزنى بەرسۇن قېرىندىشم.

handanjan

	مەنمۇ مۇشۇ سوئالنىڭ جاۋابىنى بىلمەكچى ئىدىم،رەھمەت قېرىندىشىم

vmvdwar-uyhur

	ئنشائاللاھ ،ئۇلۇغ ئاللاھ ھەممەيلەننى ھەقنى يەتكۈزۈشكە ۋە ئەمەل قىلىشقا نىسىپ قىلسۇن .ئاللاھ سىزدىن رازى بولسۇن قېرىندىشىم !

ئالماس

	ئاللاھ ئەجرىڭىزنى بەرسۇن قېرىندىشم. رەھمەت سىزگە