ئېشەك بىلەن قېچىر .

aldawa

	بىر كۈنى دېھقان ئىشەك بىلەن قېچىردا يۈك توشۇپتۇ . يۈكلەر چوڭ - كىچىك بولۇپ بىر قانچە خالتىلارغا قاچىلانغانكەن . خوجايىن يۈكنى ئىشەك بىلەن قىچىرغا ئوخشاش ئارتىپ مېڭىپتۇ . يولدا ئېشەك بىلەن قېچىر چاڭ - توزانلارغا كۆمۈلۈپ ، چىلىق - چىلىق تەرگە چۈمۈلۈپتۇ . ئارام ئالغا چاغدا دېھقان قېچىرغا ئېشەكنىڭ يىمىدىن ئىككى ھەسسە كۆپ يەم بىرىپتۇ . ئېشەكنىڭ قورسىقى كۆپۈپ ، قېچىرغا دەپتۇ . مەن توشىغان يۈك سىنىڭكى بىلەن ئوخشاش ، يولمۇ ئوخشاش ، قىلغان ئىشىمىزمۇ ئوخشاش ، بىراق ئىگەم ساڭا بەرگەن يەم مېنىڭكىدىن ئىككى ھەسسە كۆپ ، بۇنىڭ سەۋەبىنى زادىلا چۈشەنمىدىن دەپتۇ . قارىماققا ئوخشاش ئەمىلىيەتتە ئوخشىمايدۇ ، قېچىر شۇنداق دەپلا باشقا گەپ قىلماپتۇ . ئۇلار يەنە يولغا چىقىپتۇ . بىر ئاز ماڭغان ئىكەن ، دېھقان ئىشەكنىڭ بارغانچە ئاستىلاپ قىلىۋاتقىننى كۆرۈپ ، بىر بۆلەك يۈكنى قېچىرغا يۈكلەپتۇ . يەنە بىر ئاز ماڭغاندىن كىيىن ، ئېشەك بەك ئارقىدا قاپتۇ . دېھقان خۇرسىنغان ھالدا . ئېشەك بىلەن قېچىر زادىلا ئوخشىمايدىكەن ، قېچىر كۆپ يىگەن بىلەن يەنىلا ئىشقا يارايدۇ ، - دەپتۇ ۋە يەنە بىر بۆلۈك يۈكنى قىچىرغا ئارتىپتۇ . ئاخىردا ئېشەكنىڭ ئۈستىدە يىرىم خالتا خاسىڭلا قاپتۇ . شۇندىلا ئېشەك قېچىرغا يىتىشىپ مىڭىپتۇ . بۇ چاغدا قېچىر ئېشەككە قاراپ ھەي بۇرادەر ھازىرمۇ سەندىن ئىككى ھەسسە كۆپ يەم يىگىنىمگە قورسىقىڭ كۆپىۋاتامدۇ ؟ ھېكىمەت : يۇقىرى كىرىمنىڭ كەينىدە چوقۇم نۇرغۇن بېسىم ۋە جاپا بار ، شۇنداقلا يەنە نورغۇن تۆھپىلەرمۇ بار . ئەگەر يەنىلا ئادىل بولمىدى دەپ ئاغىرنىپ يۈرسېڭىز ، باشقىلارنىڭ بەختىگە ھەسەت قېلسىڭىز ، ئۆزىڭىزنىڭ قانچىلىك بەدەل تۆلىگىنىڭىز ، قانچىلىك ئىشقا يارايدىغانلىقىڭىزنى ئويلاپ كۆرۈڭ ؟؟؟

kiziltag

	توغراگەپ، باشقىلارغا ھەسەت قىلىشتىن بۇرۇن مەن نىمە ئش قىلدىم دەپ ئويلاپ بېقىش لازىم.

!UYGHURJAN

	باشقىلارنىڭ بىلىمىگە ھەسەت قىلسا بولىدۇ ، باشقا نەرسىلەرگە ھەۋەس قىلىش ئادەمنى خاراپلاشتۇردۇ .

0908220

	تولىمۇ چوڭقۇر مەزمۇن ئارقىلىق يورتۇپ بىرىپتۇ.

0996800410

	قېچىردىن باشلىق چىقىدىكەن- دە؟

ay301

	بالىلارغا سۆزلەپ بەرگۈدەك ئەھمىيەتلىك ھىكايىكەن ،رەخمەت

sehi

	ئەھمىيەتلىك تېمىكەن

11ali

	مەزمۇنى چوڭقۇر  ئەھمىيەتلىك  تىما  ئىكەن

ana

	مەزمۇنى چوڭقۇركەن ، ئويلىنىشقا تېگىشلىك

2012yadikar

	ھۇرۇن ئىشەكنىڭ يۈكى ئېغىر دىگەن شۇ