قورساق سېلىش مودىمۇ؟

forever1

	ئىنسان ھاياتنىڭ گۈزەللىكىنى پەقەت ساغلام تەن بىلەنلا ھېس قىلالايدۇ، سىزدە ساغلام تەنلا بولىدىكەن، بۇ دۇنيانىڭ لەززىتىنى ئۆمۈرىڭىزنىڭ ئاخىرىغىچە تېتىيالايسىز. ئۇنداقتا سىزدىكى بۇ تەن زادى نېمىگە مۇھتاج، سىز تېنىڭىزنى ئاسرىيالىدىڭىزمۇ، تېنىڭىزنى ۋاقتى - ۋاقتىدا «رېمونت» قىلدۇرۋاتامسىز؟ ھازىر نۇرغۇن ياشلىمىزدا قورساق سېلىش «كېسىلى» ئەۋج ئالماقتا. تېخى 40 ياشقا كىرمەي تۇرۇپلا بەلباغنى كۆرگىلى بولمايدىغان دەرىجىدە قورساقنى ساڭگىلىتىپ خۇددى قورسىقىدىكى ھامىلىدىن پەخىرلەنگەن «ئانا» لاردەك يۈرۈيدىغان ئەركەكلەر جەمئىيىتىمىزدە كۈندىن - كۈنگە كۆپەيمەكتە. ھەتتا بەزىلەرنىڭ قارىشىچە ئەركەكلەردە بۇنداق «باداڭ» قورساقنىڭ بولىشى ئۇلاردىكى بىر خىل سالاپەتكەنمىش. توغرا، بەزىلەرنىڭ قورسىقىنىڭ بۇنداق چوڭ بولۇشى بەلكىم ئىرسىيەت ئامىلىدىن كېلىپ چىققان بولىشىمۇ مۇمكىن. بۇنداق ئېرسىيەت ئامىلى تۈپەيلى يوغانغان قورساقنى چۈشۈرۈش تىببىي ئىلىمىدىمۇ تەسكە توختايدۇ. بىراق ھازىر بۇ ئېرسىيەت ياشلىرىمىزغا خۇددى ئۆتكۈر يۇقۇملۇق زۇكۇمىدەك تارقالماقتا. يېقىندا بىر دوستۇم ئۆزىنىڭ بۇنداق باداڭ قورساق كېسىلى»گە گىرىپتار بولغانلىقىغا نەچچە يىللار بولغانلىقى توغرىسىدا توختىلىپ ئىنتايىن ئۆكۈنگەن ھالدا مۇنداق دېدى«گەرچە ئۆزۈم ئورۇق بولساممۇ، بىر نەچچە يىلنىڭ ئىچىدىلا قورسۇقۇم خۇددى شاردەكلا تومپىيىۋالدى، كۈندىلىك غىزالىنىشىممۇ كۆپىيىپ، ھەتتا قورسۇقۇمنىڭ تويغىنىنىمۇ ھېس قىلالماس بولۇپ قالدىم. قورسۇقۇم تويسىمۇ كۆزۈم تويماي، قورساق ئاچسىلا كېچە - كۈندۈز بولىشغا قارىماي قورسۇقۇمنى <باقىمەن>. ئۆيۈم تۆتىنچى قەۋەتتە بولغاچقا ئۆيگە چىقىپ - چۈشۈشتە بەكلا قىينىلىۋاتىمەن. بەزىدە ئۆپكەم كارنىيىمغا تىقىلىپ قالغاندەك يۆتىلىپ بىئارام بولىمەن. كېچىسى ئۇخلىغاندا خورىكىمنىڭ قاتتىقلىقىدىن ئۆزۈممۇ چۆچۈپ ئويغىنىپ كېتىمەن.... يېقىندا تېخى بازار ئايلىنىپ، بىر شىمنى ياقتۇرۇپ قالدىم. كىيىپ باقسام بېلى پەقەتلا كەلمىدى. ھەر قانچە كۈچەپ تارتىپ تۈگمە تۇرماق سېرتمىسىنىمۇ ئېتەلمىدىم. دۇكاندار مېنىڭ بىئارام بولغىنىمنى ھېس قىلدى بولغاي <يا، شىمغا تۇرۇڭ، يا، قورساققا> دەپ تەنە ئارىلاش كۈلۈپ قويدى. بۇ گەپنى ئاڭلاپ نېمە دېيىشىمنى بىلمەي شىمنى تاشلاپ دۇكاندىن چىقىپ كەتتىم.» مانا بۇ جەمئىيىتىمىزدىكى بىر قىسىم «باداڭ قورساق» ياشلارنىڭ دەردى. مانا بۇ 40 ياشنىڭ قارىسىنى ئالماي تۇرۇپلا دىئابىت كېسىلى، تاجىسىمان يۈرەك كېسىلى،  يۇقۇرى قان بېسىم، جىگەرنى ماي قاپلاش يەللىك بوغۇم كېسىلى قاتارلىق  نۇرغۇن ئەگەشمە كېسەللىكلەرگە گىرىپتار بولۇپ، روھىي ئازاپ تارتىۋاتقان ياشلىرىمىزنىڭ ھەقىقىي سۆزىدۇر. ھازىر ياشلىرىمىزدىكى غىزالىنىش ئادىتى كىشىنى ئىنتايىن چۆچىتىدۇ. بولۇپمۇ، كېچىسى كۆپ غىزالىنىش، ھەرىكەت ئاز بولۇش، ئىچىملىك - چېكىملىكلەرگە ھەددىدىن زىيادە بېرىلىش، تۇرمۇش ئادىتى قالايمىقانلىشىشتىن كېلىپ چىققان نېرۋا ئاجىزلاش قاتارلىق سەۋەپلەر يۇقىرىدا ئېيتىلغان كېسەللىكلەرنىڭ كېلىپ چىقىشىغا بىۋاستە چېتىلىدىغان ئامىللاردۇر. كونىلاردا «ساغلاملىق بىباھا گۆھەر»، «ساغلام تەندە، ساپ ئەقىل» دېگەندەك ھېكمەت بار. سىز تېنىڭىزنى ئاسرىمىسىڭىز تېنىڭىزمۇ سىزنى ئاسرىمايدۇ گەرچە سىزنى ھالاكەت يولىغا باشلايدۇ. سىز فىلىملەردە رول ئېلىۋاتقان، گېزىت - ژۇرناللارنىڭ مۇقاۋىلىرىغا بېرىلگەن ئەركەكلەرنىڭ بەدەن قۇرۇلمىسىنىڭ قاۋۇل، تولۇمۇ كېلىشكەنلىكى؛ كېيىم - كىچەكلىرىنىڭ  يارىشىملىقلىقىنى كۆرگىنىڭىزدە، ئۇلارنىڭ بەدەن قۇرلمىسى تۇغۇلىشىدىلا مۇشۇنداق بەستىلىك دەپ ئويلاپ قالماڭ. ئۇلاردىكى بۇنداق ساغلام تەن ھەرگىزمۇ تۇغما ئەمەس، ئۇلار ئىلمىي ئوزۇقلىنىش، داۋاملىق چېنىقىپ، روھىي كەيپىياتنى تەڭشەپ تۇرغاچقىلا مۇشۇنداق بەدەن ساپاسىغا ئىگە بولغانلاردۇر. ئەگەر ئۇلارمۇ قورساققا زىيادە بېرىلىپ، ئويۇن - تاماشا، كەيىپ - ساپانى ئۈزۈلدۈرمەي داۋاملاشتۇرسا تۆت كۈندىلا «باداڭ قورساق» لار سېپىگە ئەزا بولۇپ كىرىشى تۇرغانلا گەپ. شۇڭا، «باداڭ قورساق» ىڭىزدىن بالدۇرراق قۇتۇلۇپ، ساغلام روھىي كەيپىيات يېتىلدۈرگىڭىز بولسا، كەچلىك غىزادا ئوڭاي ھەزىم بولمايدىغان لەڭمەن، مانتا، كاۋاپ، پولو تۈرىدىكى تائاملارنى يېيىشتىن قاتتىق ساقلىنىڭ. ئامال بار كەچقۇرۇن غىزالانغاندا كۆكتات تۈرىدىكى يېمەكلىكلەردىن شوخۇلا، تەرخەمەكلەر بىلەن سۇس دەملەنگەن چاي ۋە بىر - ئىككى تال پىرەنىك بىلەن قورسىقىڭىزنى «ئالداڭ». ناشتىدا مايلىق قورۇما ياكى مايدا قاقلاپ پىشۇرۇلغان گۆش، قۇيماق قاتارلىق يېمەكلىكلەرنى يېيىشتىن ساقلىنىڭ. ئەگەر بۇنداق قارغۇلارچە غىزالىنىش داۋاملاشسا يۈرەك - قان، تومۇر قېتىشىش، يۇقۇرى قان بېسىم، جىگەرنى ماي قاپلاش قاتارلىق كېسەللىك ئاسارىتىدىن مەڭگۈ قۇتۇلالمايسىز. بالدۇر ئۇخلاپ، سەھەر قوپۇشنى ئادەتلەندۈرۈڭ. بولۇپمۇ كەچقۇرۇن ئۇخلاشتىن بۇرۇن بىر - ئىككى سەئەت بىيادە يول يۈرۈشنى داۋاملاشتۇرۇڭ. نەچچە سائەتلەپ كومپيۇتېرنىڭ ئالدىدا ئولتۇرۇپ ھېرىپ - چارچاشتىن ياكى ئايىغى چىقماس بىمەنە سورۇنلاردا ئولتۇرۇشتىن ئۆزىڭىزنى تارتىڭ. قەرەللىك دوختۇرخانىغا بېرىپ ئۆزىڭىزنى تەكشۈرتۈپ تۇرۇڭ، كېسەل بايقالسا، ۋاقتىدا داۋالىتىڭ. مەنبە: باغداش مۇنبىرى

kakkuk11

	مەن مۇ شۇ دوختۇرخانىغا كەلگەن بىمارلارغا بەك دىققەت قىلىمەن... بولۇپمۇ بىز ئۇيغۇرلاردىكى ئوتتۇر ياشلارغا قارايدىغان بولساق بەكلا سەمىرىپ كەتكەن... ئەمەليەتتە سېمىزلىك بىر كېسەل... ھەممىسى تاماقتىن كېيىن ھەركەت بولماسلىقىدا... ھازىرغۇ قورساق سالمىسا مانىڭ كىرىمى ياخشى ئەمەسكەن دەپ بىلىدىغانلارمۇ ئاز ئەمەس... قىزلار توي قىلغاندىىن كېيىن چوقۇم سەمرىمىسە ئۆز ئاتا ئانىلىرى كۆيئوغلۇم ياخشى باقماپتۇ دەپ ئويلايدۇ، ئۇلار ئۇنداق ئويلىمىسىمۇ ، باشقىلارنىڭ گەپ تېپىشى ئېنىق.. سالامەتلىكى ئۈچۈن بەك سەمىرىپ كەتمەسلىك كېرەك.

uyghur05

	زامان تەرەققىي قىلغانسىرى قىلىدىغان ھەرىكەتلەرمۇ ئازلاپ كىتىۋاتىدۇ

ئالماس

	بۇ قانداقمۇ مودا بولسۇن. تەن سالامەتلىك ھەممىدىن مۇھىم،

diyarm

	مەن بۇيىل 25ياش، 85كىلوكىلمەن ، تاماقنمۇ كۆپ يىمەيمەن ، ھاراق-تاماكا،كەيىپ ساپاغا ئاللاھ گۇۋاھ يىقىن كىلپ باقمىدىم، پەقەت سۇنى كۆپرەك ئىچمەن، كونلار‹‹بىرگە ھارام جىق بولسا يەنە بىرگە ئارام جىق بولسا ئادەم سەمرىيدۇ››دەپتكەن ، مەن ئارامنى تولائىلپ سەمىرىپ كەتتمىكىن،

muhammadraxid

	ئەۋرىشىم گۈزەللك-سىمىزكىسەللك

rahmansaykin

	diyarm يوللىغان ۋاقتى  2013-5-14 05:03 PM مەن بۇيىل 25ياش، 85كىلوكىلمەن ، تاماقنمۇ كۆپ يىمەيمەن ،  ... ئىككىمىز ئوخشاپ قالىدىكەنمىز . مەنمۇ 23 ياشتا ، 85 ئۆپچۆرىسىدە  كىلىمەن . ئازراق ئۇرۇقلاش خىيالىم بار .

pak-nur

	تېخى 40 ياشقا كىرمەي تۇرۇپلا بەلباغنى كۆرگىلى بولمايدىغان دەرىجىدە قورساقنى ساڭگىلىتىپ خۇددى قورسىقىدىكى ھامىلىدىن پەخىرلەنگەن «ئانا» لاردەك يۈرۈيدىغان ئەركەكلەر           ئالامەت سۈپەتلەپتىغۇ...

!UYGHURJAN

	rahmansaykin يوللىغان ۋاقتى  2013-5-14 05:25 PM ئىككىمىز ئوخشاپ قالىدىكەنمىز . مەنمۇ 23 ياشتا ، 85 ئۆپچۆ ... تەڭكەنمىز ، مەن 92 كىلو كىلىمەن . ئارام ئالماي ئىشلەيمەن لىكىن ئولتۇرۇپ . شۇنداقتىمۇ ئېغىرلىقىم ئېشىپ كىتىپ باردۇ .