خىمىيەكەسپى ئۆگەنگەنلەر جاۋاپ بىرىپ باققان بولساڭلار

mezxepsiz

	ئەسسالامۇ ئەلەيكۇم ھۆرمەتلىك تورداشلار ، مەن مىللى تىبابەت دورىگەرلىك كەسپىنى ئۆگىنىۋاتقان ئىدىم. دورىلارنى لايىقلارشتۇرۇش ئىلمىنى ئۆگىنىۋاتقان چېغىمدا دورالارنىڭ لايىقلاشتۇرۇشنىڭ ئاددى ئىش ئەمەسلىكىنى چوقۇم لايىقلاشتۇرۇش ئۇسۇلىنىڭ خىمىيەلىك ئۆزگىرىش جەريانلىرىنى بىلمىسەم بولمايدىغانلىقىنى ھىس قىلدىم . كوپىنچە دورىلارنىڭ لايىقلاشتۇرۇش ئۇسۇلىنىڭ خىمىيەلىك تەسىرىنى چۈشەنگەن بولساممۇ ، ئەمما گىل ھىكمەت قىلىش ئۇسۇلىنىڭ قانداق خىمىيەلىك جەريان ئىكەنلىكىنى چۈشەنمىدىم . شۇڭا سىلەردىن سوراشنى لايىق كۆردىم. سۇئال مۇنداق؛ مەلۇم بىرخىل ماتىريالنى ئاغزى مەھكەم ئىتىلگەن بىر قاچىغا سېلىپ ھىچقانداق ھاۋا ئۆتكۈزمىگەن شارائىتتا قىززىتساق قاچىنىڭ ئىچىدە قانداق خىمىيەلىك جەريان يۈز بىرىدۇ. بۇ ئادەتتە خىمىيە دىكى ئوكسىدلىنىشقا تەۋە بولامدۇ ياكى ئوكسىدسىز لىنىشقا تەۋە جەريان بولامدۇ. بۇنىڭ دورا ئەشيالارنىڭ خىمىيەلىك تەركىبىگە قارىتا قانداق تەسىرى بار . بولسا مۇشۇ نداق  ھىچقانداق ھاۋا ئۆتكۈزمىگەن شارا ئىتتا مەلۇم جىسىمنى قىزتىشنىڭ قانداق خىمىيەلىك جەريان ئىكەنلىكىنى چۈشەندۈرۈپ قويساڭلار.

aptap104

	ماۋۇ مۇنبەردە تەبىيئى پەن كەسىپىدە ئوقۇغان بىلىمدارلار بەك ئاز . پۈتۈن شىنجاڭدىمۇ باللىرىنى ساقچىلىققا ، دوختۇرلۇقتا ئوقۇتسا ئوقۇتىدىكى ھەرگىزمۇ خىمىيە ، فىزىكىدا ئوقۇتمايدۇ .   سەبىر قىلىڭ چىقىپ قالار مەسلەھەتچىدىن بىرەرسى ..

MiRul

	ۋاي نىمدانداق تەس سۇئال ئەمدى بۇ مەن خېمىيەگە بەك  ئۆچ  ئەڭ ياخشىسى ئۇستاملاردىن كەلسۇن، مەن تۆرىنى بوشاتتىم ئەمىسە.......

wahpa

	يەنىلا خېميە كەسپىدە ئوقۇيدىغانلار جاۋاپ بەرسۇن ئاقساقاللىق قېلماي. تېما ماۋزۇسىدىمۇ دەپتۇغۇ خېميە كەسپىدە ئوقۇغانلار جاۋاپ بەرسۇن دەپ

تۈركيار

	فېزىكىدا فورمىلا ، خېمىيەدە دورا ياساپ ئۆلىۋالسام نىم بولا  ؟ دەپ ھېكايە باتى بۇرۇن ......

JUL-JUL

	ئوكسدلىنىش بىلەن ئوكسىدسىزلىنىش بىر ۋاقىتتا ئېلىپ بېرىلدۇ.ئايرىپ قارالمايدۇ.سىز مەلۇمخىل مادىنىڭ تەركىبنى بىلمىسڭىز .ئۇنىڭ خېمىيلىك ئۆزگرۇش ھاسلاتنى بىلەلمەيسىز ئەلۋەتتە.ئەگەر داۋاملىق قىزدۇرسڭىز ئاغزى ھىم شارائىتتا  قاچا ئىچىدە خېمىيلىك ئۆزگۇرۇش بولمىسمۇ گازبېسمى ئېشىپ كېتىپ پارتلاپ كېتشى مۇمكىن

ATIGULTURSUN

	قېرىندىشىم ، سۇ ئالىڭىز تولۇق بولماپتۇ ، قاچا ئىچىگە ھاۋا كىرمىگەن بىلەن ،باشتىلا ھاۋا بار ، سىز  بۇ ھاۋانى تارتىپ چىقىرۋەتمىگەن ئەھۋالدا ھاۋاسىز مۇھىتتا  قىزدۇردۇم دىيەلمەيسىز. شۇڭا ئوكسىدلىنىش رېئاكسىيىسى يۈز بىرىدۇ.  ماددا تەركىبى ئوخشاش بولمىسا ،يۇز بېرىدىغان  رېئاكسىيە ئوخشاش بولمايدۇ ، تېخىمۇ  تەپسىلى سورىسىڭىز....مەن بىلىشىمچە جاۋاپ بېرىمەن.

Naprat2009

	رېئاكسىيىلەر بىرىكىش رېئاكسىيىسى، پارچىلىنىش رېئاكسىيىسى، ئورۇن ئالمىشىش رېئاكسىيىسى مۇرەككەپ پارچىلىنىش رېئاكسىيىسى دەپ بۆلىنىدۇ؛ بىرىكىش، پارچىلىنىش رېئاكسىيىسى چوقۇم ئوكسىدلىنىش-ئوكسىدسىزلىنىش رېئاكسىيىسى  بولۇشى ناتايىن. ئورۇن ئالماشتۇرۇش رېئاكسىيىسى  چوقۇم ئوكسىدلىنىش-ئوكسىدسىزلىنىش رېئاكسىيىسى . مۇرەككەپ پارچىلىنىش رېئاكسىيىسى  ئوكسىدلىنىش-ئوكسىدسىزلىنىش رېئاكسىيىسى  ئەمەس؛ سىزنىڭ قىزىتىشىڭىز كونكرېت نېمە مەقسەت ئۈچۈن؟

zapar

	ۋائۇكۇم دېگەن گەپ قېلىپ قاپتىمۇ قانداق؟

دىيارىم

	ھىچقانداق ھاۋا ئۆتكۈزۈلمىگەن ھەم قاچا ئىچىدە ھاۋا يوق بولسا ، بۇ ماددىدا پارچىلىنىش بولىدۇ يەنى پارچىلىنىش رىياكسىيەسى  ( بۇ ماددا ئاددى ماددا بولمىسىلا ) ياكى فىزىكىلىق ئۆزگىرىش بولىدۇ (ئىرىيدۇياكى سۇيۇقلىنىدۇ ۋەياكى سۇبلىماتسىيەلىنىدۇ)، ئەگەر قاچىنىڭ ئىچىدە ئاز مىقداردا ھاۋا بولسا ،ھاۋانىڭ تەركىبىدىكى ئوكسىگىن بىلەن رىياكسىيەلىشىپ ئوكسىدلىنىش بولىدۇ ،ئوكسىدلىنىش بولغان ئىكەن ئوكسىدسىزلىنىشمۇ بولىدۇ (بىر ماددا ئوكسىدلىنىدۇ بىرسى ئوكسىدسىزلىنىدۇ ،ئوكسىدلىنىش ۋە ئوكسىدسىزلىنىش رىياكسىيىسى بىرلا ۋاقىتتا يۈز بىرىدۇ ) . ئوكسىدلىنىش ئوكسىدسىزلىنىش رىياكسىيەسىدە يىڭى بىر خىل ماددا ھاسىل بولىدىغانلىقى ئۈچۈن ،ئەسلىدىكى ماددىنىڭ تەركىبى ئۆزگىرىپ كىتىدۇ .