ئۇيغۇر تېبابىتى دورىلىرىغا ئائىت سانلىق مەلۇماتلار ئامبىرى

rozaji2008

	شىنجاڭ ئۇيغۇر تېبابىتى دورىلىرىغا ئائىت سانلىق مەلۇماتلار ئامبىرى قۇرۇلدى جۇڭگو پەنلەر ئاكادېمىيەسى شىنجاڭ فىزىكا - خىمىيە تېخنىكا تەتقىقات ئورنىدىن ئىگىلىشىچە، يېقىندا ئاپتونوم رايونىمىزدىكى تەتقىقاتچىلار ئۇيغۇر تېبابىتىدە دائىم ئىشلىتىلىدىغان دورا ماتېرىياللىرى ۋە شىنجاڭنىڭ ئۆزگىچە ئۆسۈملۈك بىرىكمىسى ئەۋرىشكىسى سانلىق مەلۇماتلار ئامبىرىنى قۇرۇپ چىققان. تەتقىقاتچىلار ئۇيغۇر تېبابىتى دورىلىرىنىڭ زامانىۋى ۋە قەدىمىي رېتسېپلىرىنى توپلاپ ۋە رەتلەپ، دائىم ئىشلىتىلىدىغان ئۇيغۇر تېبابىتى دورا ماتېرىياللىرىنىڭ ئالاھىدىلىكى، ئوخشاشمىغان بۆلەكلىرىدىن ئايرىپ ئېلىنغان ماددىلارنى تەييارلاپ ياساش ئۇسۇلى قاتارلىقلارنى سىستېمىلىق رەقەملەشتۈرۈپ خاتىرىلەش ئارقىلىق ئۇيغۇر تېبابىتى دورىلىرىنىڭ كەسكىن رىقابەتتە مەۋجۇت بولۇپ تۇرۇشى ۋە تەرەققىي قىلىشىنى ئۈنۈملۈك كاپالەتكە ئىگە قىلغان.     ئىگىلىنىشىچە، بۇ سانلىق مەلۇماتلار ئامبىرى دورا ماتېرىياللىرى، داۋالاش رېتسېپلىرى، كېسەللىك قاتارلىق يەتتە خىل تارماق سانلىق مەلۇماتلار ئامبىرىغا ئايرىلغان. ھاجەتمەنلەر كومپيۇتېرغا ئۆسۈملۈك نامى، رەت نومۇرى، قۇرۇلما شەكلى، مولېكۇلا فورمۇلاسى قاتارلىقلارنى كىرگۈزۈپ سۈرۈشتۈرسە بولىدىكەن.     جۇڭگو پەنلەر ئاكادېمىيەسى شىنجاڭ فىزىكا - خىمىيە تېخنىكا تەتقىقات ئورنىنىڭ تەتقىقاتچىسى شىن شۆلېي بۇ سىستېمىنى تونۇشتۇرۇپ مۇنداق دېدى: بۇ سىستېمىدا نەچچە يۈز خىل ئۇيغۇر تېبابىتى دورا ماتېرىيالى ۋە شىنجاڭنىڭ ئۆزگىچە دورىلىق قۇملۇق ئۆسۈملۈكلىرىنى يىغىش، باھالاش، بىرىكمىلىرىنى ئايرىپ ئېلىش، خىمىيىۋى سېلىشتۇرما بۇيۇملىرىنى تەييارلاش قاتارلىقلار ئوتتۇرىغا قويۇلغان. ھازىر بۇ سىستېمىغا 3000 خىلدەك ئۆسۈملۈكنىڭ تەركىبىگە دائىر ئۇچۇر، 1000 خىل بىرىكمىنىڭ يەككە تەن ئۇچۇرى، جۈملىدىن كېلىش مەنبەسى، تەييارلاش ئۇسۇلى ۋە ماس فىزىكا - خىمىيەلىك خۇسۇسىيىتىگە دائىر ئۇچۇرلار كىرگۈزۈلدى. يەتتە خىل ئۆلچەملىك ئەۋرىشكە دۆلەت ئۆلچەملەشتۈرۈش كومىتېتىنىڭ ئېتىراب قىلىشىغا ئېرىشتى.     ئۇيغۇر تېبابىتى دورىگەرچىلىكىدە نەچچە مىڭ يىلدىن بۇيان، ئەمەلىي ئىشلىتىلىدىغان ئۆسۈملۈك، ھايۋانات ۋە مېنېرال ماددىلار بىلەن كېسەللىكنىڭ ئالدىنى ئېلىش ۋە كېسەل داۋالاش جەھەتتە مول ئەمەلىي تەجرىبە ۋە تېخنىكا توپلانغان، شۇنداقلا ئۆزگىچە مىللىي مەدەنىيەت ئالاھىدىلىكىگە ئىگە دورىگەرلىك ئىلمى تەدرىجىي شەكىللەنگەن. ئۇيغۇر تېبابىتى دورىلىرى تېرە كېسىلى، يۈرەك قان تومۇرلىرى كېسىلى، قەنت كېسىلىگە ئۆزگىچە شىپا بولىدۇ، ئۇيغۇر تېبابىتى دورىلىرى تەننەرخى تۆۋەن، ئۇنىڭ ئۈستىگە پۈتۈنلەي تەبئىي بولغاچقا، بارغانسېرى كىشىلەرنىڭ ياقتۇرۇشىغا ئېرىشمەكتە. ئالاقىدار مۇتەخەسسىسلەر: بۇ سانلىق مەلۇمات ئامبىرى مەملىكەت ئىچى - سىرتىدىكى ئۇيغۇر تېبابىتى دورىلىرى تەتقىقاتچىلىرىغا قولايلىق يارىتىپلا قالماي، يەنە ئۇيغۇر تېبابىتى دورىلىرىنى زامانىۋىلاشتۇرۇش جەھەتتىمۇ مۇھىم ئەھمىيەتكە ئىگە، دېيىشتى. مەنبە : شىنجاڭ گېزىتى

uyol

	ئۇيغۇر تېبابىتى ئەسلىدە دۇنياغا داڭلىق ئىدى.ئەپسۇس بۈگۈنكى كۈندە تەرەققىياتى سەل ئاستا.ھەممىمىز ئۇنى قوغدىشىمىز،قوللىشىمىز،گۈللەندۈرشىمىز كېرەك

alkamjan0991

	ھەقىقەتەن ياخشى بولۇپتۇ ،بولسا تېخىمۇ گۈللەنگەي مىللىي تىبابىتىمڭز!!

matros1

	ئۇيغۇر تىبابىتىمۇ ئۇيغۇر  تىلمىزغا ئوخشاش كۆڭۈل  بۈلشىمىزگە مۇھتاج  !!!!　 بىز بولساقمۇ   ئۇيغۇر تىبابىتىنىڭ دورىللىرنى ئىشلىتەيلى....  زۇكام جەۋھىرىگە ئوخشاش دورىلارنى .

ھۆكۈما

	بەكلا ياخشى ئىش بوپتۇ... ئۇيغۇر تىبابىتى ئۇيغۇرلارنىڭ ھازىرغىىچە نەسلىنىڭ داۋلىشىدا بىر كىشلىك رول ئويناپ  كەلدى....  ئۇيغۇر تىبابىتى ئەمىليەتتە بىر ئۆلمەس ھەقىقىەت ،،  ئۇ ئىنسانىڭ ماددىي ۋە مەنىۋىي ھاياتىنى ساغلام داۋملاشتۇرۇشتا زور ئەھمىيەتكە ئىگە ....

quxtikiakku

	ئۇيغۇر تىبابەت دورىلىرىنىڭ ئۇنۇم بىرىشى تولىمۇ ياخشى. مەن بۇ دورىلارنى كۆپ ئىچىمەن. يىقىندىن بۇيان قوللىرىمنىڭ بوغۇملىرى بەكلا سىقىراپ ئاغىرىپ يەنە ئۇيغۇر تىبابىتىنىڭ داۋالاش ئۇسۇلىنى قوللىنىۋاتىمەن. ئەگەر تورداشلار بىلسە ماڭا يەنە قانداق دورىلارنى ئىشلەتسەم بولىدۇ دەپ بەرگەن بولسا.

awran

	ياخشى بولۇپتۇ

tilk

	ياخشى بولۇپتۇ

sehi

0908220

	رەھمەت .