[رەسىملىك] مىڭيولدا « ئۇيغۇر دوپپا مەدەنىيەت بايرىمى»

alimjan65

	ئەسلى تېمىغا رەسىم يوللىيالمىدۇق. شۇڭا مەزمۇن كۆچۈرۈلدى. رەسىملىرى ئاستىدا. ئەسلى ئادرېسى: https://uyghur-archive.com/misranim/thread-105398-1-1.html مەزمۇنى: غوپۇرجان ياقۇپ سەگەك خەۋىرى:  خاسىيەتلىك يەكشەنبە كۈنىدە كەلگەن  « ئۇيغۇر دوپپا مەدەنىيەت بايرىمى»دا قەشقەر كونىشەھەر ناھىيەسىنىڭ مۇش يېزا مىڭيول كەنتىدە تارىختا كۆرۈلۈپ باقمىغان قوش خۇشاللىق بولدى: ئۇنىڭ بىرسى «ئۇيغۇر دوپپا مەدەنىيەت بايرىمى»نىڭ تولىمۇ ئەھمىيەتلىك تەبرىكلەنگەنلىكى بولسا، يەنە بىرسى بۇ يەردە يېڭىدىن قۇرۇلغان«مىڭيول تەبىئىي بۇلاق  ئىچىملىك سۈيى»زاۋۇتىنىڭ بارلىق تەييارلىقلىرى پۈتۈپ، ئىشلەپچىقىرىشقا كىرىشتۈرۈلگەنلىكى بولدى.     نۇرغۇن مەبلەغ سېلىش بىلەن قۇرۇلغان «مىڭيول تەبىئىي بۇلاق ئىچىملىك سۈيى» زاۋۇتىنى قەشقەر كۆكئارىت شىركىتىنىڭ قۇرغۇچىسى مۇھەممەتتۇرسۇن روزى بارلىققا كەلتۈرگەن بولۇپ، 5- ئاينىڭ 5- كۈنى رەسىمىي ئىشلەپچىقىرىشقا كىرىشتۈردى، بۇ كۈن «ئۇيغۇر دوپپا مەدەنىيەت بايرىمى»غا توغرا كەلدى. بۇ خاسىيەتلىك كۈننى مەنىلىك ئۆتكۈزۈش ئۈچۈن، مۇھەممەتتۇرسۇن روزى خىلى كۆپ پۇل سەرپ قىلىپ،200 دانە دوپپا سېتىۋالدى ھەمدە قەشقەر شەھىرى، كونىشەھەر ناھىيەسى، شۇنىڭدەك مىڭيول كەنتىدىكى بىر قىسىم كىشىنى چاقىرىپ، «مىڭيول تەبىئىي بۇلاق ئىچىملىك سۈيى» زاۋۇتىدا «ئۇيغۇر دوپپا مەدەنىيەت بايرىمى»نى تەبرىكلەش پائالىيىتى ئۆتكۈزدى.     پائالىيەتتە مېھمانلار يېڭى سۇيۇلغان قوي گۆشلىرى، مېزىلىك پىشىرۇلغان پۇلو، قورىما، قايماق تۇتۇپ ئۇيىغان قېتقلارنى ئىستېمال قىلىش بىلەن بىر چاغدا، مۇھەممەتتۇرسۇن روزى تەقدىم قىلغان دوپپىنى كېيىپ، خۇش تەبەسسۇم ئىلكىدە ئەتراپنى ئايلىنىپ ئىكىسكۇرسىيە قىلىپ، تەبىئەتنىڭ پەيزىدىن ھۇزۇرلاندى. «مىڭيول تەبىئىي بۇلاق ئىچىملىك سۈيى» زاۋۇتى ئورۇنلاشقان جايدا نۇرغۇن سۈيۈى سۈزۈك، تولىمۇ تېتىملىق تەبىئىي بولاقلار، تاغ- جىرالار، گۈل- چېچەككە تولغان ئويمان-يايلاق، ئىكىنزارلار بولۇپ، كىشىگە تەبىئەتنىڭ گۈزەللىكىنى مۇپەسسەل ھېس قىلدۇرىدۇ، مېھمانلار بۇ گۈزەللىكلەردىن بەھىر ئالدى، بۇلاق سۈيىنى ئۇچۇم- ئۇچۇملاپ ئېچىپ، تەبىئىي سۇنىڭ لەزىزلىكىدىن سۆيۈندى، قىزغىنلىق ۋە سۆيۈنىشتىن رازىمەنلىككە تولغان چىراي، دوپپا كەيگەندىن كېيىنكى قامەت ھەر بىر ئادەمگە بەخت تۇيغۇسى بەرگەنلىكتىن، رەسىمگە چۈشۈپ خاتىرە قالدۇردى، خەلق ناخشىچىلىرى، سازەندىلەر ئەلنەغمە نۇمۇرلىرىنى ئورۇنلاپ، بايرام كەيپىياتىنى ئەۋجىگە كۆتۈردى. بەزىلەر ئۇسۇل ئويناپ، سورۇنغا قىزغىنلىق قوشتى؛  «مىڭيول تەبىئىي بۇلاق ئىچىملىك سۈيى» زاۋۇتىغا ئىشچىلىققا كىرىپ، قولى پۇل كۆرگەن 20 نەچچە دېھقان پەرزەنتى بۇتۇلكىلىق سۇ ئىشلەش لىنىيىسىدە يېتەكچى- تېخنىكلارنىڭ رىياسەتچىلىكىدە «مىڭيول» ماركىسىدىكى بۇتۇلكىلىك ئىچىملىك سۇدىن 5000 بۇتۇلكا ئىشلەپ، ماھارەت كۆرسەتتى ھەمدە ئىشلەپچىقارغان سۇلىرىنى مېھمانلارغا تەقدىم قىلدى. بۇ ئۇنتۇلغۇسىز مىنۇتلار ئۆزىنى قەدىرلەشنىڭ شەرىپى ۋە ئەھمىيىتىنى قايتا جۇلالاتتى.

axek13999649893

	اللە بىكالىق بەگەن سۇنى پۇلغا ساتىدۇ دىسە

kulpat

	axek13999649893 يوللىغان ۋاقتى  2013-5-12 09:34 PM اللە بىكالىق بەگەن سۇنى پۇلغا ساتىدۇ دىسە پۇلغا ساتقان قايسى بىر نەرسىنى ئاللاھ بەرمىگەن

hangulum707

alvaste

	axek13999649893 يوللىغان ۋاقتى  2013-5-12 09:34 PM اللە بىكالىق بەگەن سۇنى پۇلغا ساتىدۇ دىسە قېرىندېشىم  ‹باشقىلار› شۇنچە  بايلىقلىرىمىزنى  سېتىۋاتسا  ، بىز  سۇ  بولسىمۇ  ساتايلى!!!

rinatcn

	بۇ بىر ياخشى باشلىنىش بوپتۇ

tuntaxvixi

	alvaste يوللىغان ۋاقتى  2013-5-13 10:57 AM قېرىندېشىم  ‹باشقىلار› شۇنچە  بايلىقلىرىمىزنى  سېتىۋ ... ساداقنىڭ ئوقىدەك گەپ بولدى

hasan578

	axek13999649893 يوللىغان ۋاقتى  2013-5-12 09:34 PM اللە بىكالىق بەگەن سۇنى پۇلغا ساتىدۇ دىسە

hasan578

	axek13999649893 يوللىغان ۋاقتى  2013-5-12 09:34 PM اللە بىكالىق بەگەن سۇنى پۇلغا ساتىدۇ دىسە پۇلغا ساتقان قايسى بىر نەرسىنى ئاللاھ بەرمىگەن

SADAKAT0998

	بۇ بىر ياخشى باشلىنىش بوپتۇ