مارستا ياشاشقا ئىلتىماس قىلىش باشلاندى

bilimxumar

	مارستا ياشاشقا ئىلتىماس قىلىش باشلاندى گوللاندىيەدىكى ئىنگلىزچە «Mars One» ئاتىلىدىغان بىر تەشكىلات 22-ئاپرېل كۈنى (2013-4-22) مارسقا بېرىپ ياشاشنى ئىستەيدىغانلارنى تىزىملاشقا باشلىغان بولۇپ، ئىككى ھەپتىنىڭ ئىچىدە 120 دۆلەتتىن 78،000 كىشى ئۆزىنى تىزىملاتقان.  ئىلتىماس قىلىش مۇددىتى 31-ئاۋغۇست قىچە بولۇپ، ئۇنىڭغىچە جەمى 500،000 ئادەمنىڭ تىزىملىتىشى پەرەز قىلىنماقتا.  تاللانغان كىشىلەرنىڭ 1-گۇرۇپپىسى 2022-يىلى مارسقا بارىدىكەن.  ئەگەر سىزمۇ مارسقا بېرىپ ياشاشنى ئىستىسىڭىز، تۆۋەندىكى ئۇلىنىشتىكى ئۇچۇرلارغا ئاساسەن تىزىملىتىڭ.  مارستا ياشايدىغان ئىنسانلارنىڭ بەدىنىدە فىزىئولوگىيىلىك ئۆزگىرىش يۈز بېرىدىغان بولغاچقا، تاللانغان كىشىلەر يەر ياشىرىغا قايتۇرۇپ كېلىنمەيدىكەن.   بۇ ئىشقا ئىلتىماس قىلىدىغانلارغا قويۇلغان شەرتلەر ئانچە يۇقىرى ئەمەسكەن.  ئالىي مەكتەپ ئۇنۋانى ياكى ھازىرقى خىزمەت ئورنى قاتارلىقلارغا ھېچ قانداق شەرت قويۇلمىغان بولۇپ، پەقەت ئىلتىماس قىلغۇچىنىڭ غايىسى ۋە بۇ ئىشقا ئىلتىماس قىلىشتىكى ئاساسىي مەقسىدى قاتارلىقلار مۇھىم ئورۇندا تۇرىدىكەن.  شەخسەن مەن بۇنى ئۇيغۇرلار ئۈچۇنمۇ بىر ياخشى پۇرسەت، دەپ ئويلايمەن—ئەگەر بىر ئىشنى قىلىشقا ئورۇنۇپ باقمىسىڭىز، ئۇ ئىشنىڭ ئەمەلگە ئېشىش ئېھتىمۇئاللىقى نۆل بولىدۇ. ئەسكەرتىش: NASA مۇ مارس قا ئادەم چىقىرىش قۇرۇلىشىنى باشلىدى.  لېكىن، NASA مارس قا پەقەت 3 ئادەمنى چىقىرىپ، قايتۇرۇپ ئەكەلمەكچى.  يەنى، NASA نىڭ قىلماقچى بولغىنى يۇقىرىقىدىن پەرقلىنىدۇ.  NASA دىكىلەر 3 ئادەمنى مارسقا ئاپىرىپ، بىر قانچە ئاي ئۇ يەردە تۇرغۇزۇپ، ئاندىن ئۇلارنى ئۆلتۈرۈپ قويماي قايتۇرۇپ كېلىش ئۈچۈن، جەمى 60 توننىدىن 90 توننىغىچە يۈكنى مارسقا ئاپىرىش زۆرۈرلىكىنى مۆلچەرلىدى.  http://newsfeed.time.com/2013/05/09/78000-people-apply-for-one-way-trip-to-mars/

rahmansaykin

	بۇ ئىشقا ئىلتىماس قىلىدىغانلارغا قويۇلغان شەرتلەر ئانچە يۇقىرى ئەمەسكەن.  ئالىي مەكتەپ ئۇنۋانى ياكى ھازىرقى خىزمەت ئورنى قاتارلىقلارغا ھېچ قانداق شەرت قويۇلمىغان بولۇپ، پەقەت ئىلتىماس قىلغۇچىنىڭ غايىسى ۋە بۇ ئىشقا ئىلتىماس قىلىشتىكى ئاساسىي مەقسىدى قاتارلىقلار مۇھىم ئورۇندا تۇرىدىكەن.  شەخسەن مەن بۇنى ئۇيغۇرلار ئۈچۇنمۇ بىر ياخشى پۇرسەت، دەپ ئويلايمەن.    ماۋۇ گەپنى ئاڭلاپ بىر ھازا كۈلۈپتىمەن .رەھمەت ياخشى پۇرسەتتىن بىرنى خەۋەردار قىلغىنىڭىزغا .

kaysar123

	ياخشى باشلىنىش،ئۆلتۆرۇپ قويمىغاندىكىن، ئاللا بەرگەن جانلىرىڭلارغا ئىچىڭلا ئاغرىمىسا دەرھال تىزىملىتىڭلار،بىكار سان توشوپ كەتمىسۇن يەنە

ئالۋۇن

	بۇنى ئۇيغۇرلار ئۈچۇنمۇ بىر ياخشى پۇرسەت، دەپ ئويلايمەن.

uqkun500

	ئاپىرىپ ئەكەلمىسە بۇ قانداق گەپ ؟ مەن ئۇچۇن يەر شارىدىكى ھازىرقى ئۈيۈم ياخشىدەك قىلىدۇ .

abral1

	خوشنىلار بىرىپ باخسون ئەگەر شارايىتى ياخشى بولوپ قالسا تىلفون قىلسا كەينىدىن بارامىز       تونىمىغان پىرىشتەدىن تونوش  شەيتان ياخشى

alsu

	ئاشۇ يەرگىلا كېتەيلىمىكى تايىنلىق ھەممىمىز...

مارشال

	مارسقا چىقىپ كەتسەك ۋەتەنگە،ئەجدادلارغا،تارىخقا ھەم كەلگۈسى ئەۋلادلىرىمىزغا يۈز كېلەلمەيمىز.چوقۇم مۇشۇ يەردە ياشىشىمىز كېرەك.

banker625

	بەلكىم ئارىمىزدا يەر شارىدىن، ئانا يۇرتىدىن  زىرىككەنلەر چىقىپ قالار

azrat705

	ما گەپنى كۆرەڭ ئەمدى . مارىس بارىمەن دەپلار بارغىلى بۇلىدىغان جاي بولمىسا يە ، ھازىرقى تېخنىكىلارغا تايىنىپ 10 يىل ئىچىدە مارىسقا ئادەمنى تىرىك ئاپىرىپ تىرىك قايتۇرۇپ كېلىش پەقەت ئەخمەقنىڭ خىيالى خالاس ！！ NASA ئالەم بوشلۇقى ئايروپىلانلىرىنىڭ ھەممىنى ۋەزىپىدىن قالدۇردى ، يېڭى ئەۋلات ئالەم-يەرشارى ئۇچۇش قۇرالى تېخىچە بارلىققا كەلمىدى ،ھازىرقى خەلىقئارا ئالەم پونكىتىغا لازىملىق ئەشىيا ۋە ئادەم تۇشۇش ئىشىنىڭ ھەممىسىنى روسىيەنىڭ بىرلەشمە-T تىپلىق ئالەم بوشلۇقى كىمىسى ئۈستىگە ئېلىپ قىلىۋاتىدۇ ، بۇ خىل ئالەم كېمىسى مارىسقا ئادەم تۇشۇش ۋەزىپىسىنىڭ ھۆددىستىن چىقالمايدۇ ، بۇنىسى ئېنىق . ئامېرىكىنىڭ يېڭى ئەۋلات ئالەم بوشلۇقى قۇرالى پات يېقىندا پۈتمەسلىكى مۇمكىن، پۈتكەن تەقدىردىمۇ رەسمىي ۋەزىپىگە چۈشكىچە 10 يىل ئازلىق قىلىدۇ