ئايال

sutbulak

	ئايال مۇھەممەدئىمىن ھەسەن ئىنسانلارنىڭ ئانىسى بارلىقى ئايال، بۇ جاھاننىڭ گۈلى ھەم يارشىغى ئايال. ئائىلىنىڭ بەركىتى،چىرىغى ئايال، ئەۋلاتلارنىڭ ئۇستازى،باغۋىنى ئايال. بالىق بولۇپ گەپ-سۆزلىرى تاتلىق بولغاندا، لايىقىدا بىر يىگىتكە ياتلىق بولغاندا. يىڭى تۇرمۇش باشلىنىپ شادلىق تولغاندا، ئۆزگىرىدۇ ھەممە ئىش،ئىسمى ھەم ئايال. ئايال دىگەن بۇ شەرەپكە ئەمدى ئېرىشتى، ئۆمۈر بويى تۈگىتەلمەس ئىشقا كىرىشتى. يىڭى تۇرمۇش بۇ ئىشلارنى سوۋغا بېرىشتى، بۇ جاھاندا ھەممىدىن جاپاكەش ئايال. ئېرى كەتمەن ئالغاندا تاغار قولىدا، بۇغداي-قوناق ئورامدا تەڭ ھەم سولىدا. ئېرى ئۆيگە كەلمىسە تۇرار يولىدا، ئېغىر كەلمەس بۇ ئىشلار چۈنكى ئۇ ئايال. ئاغرىپ قالسا جورىسى تۇتار بېشىنى، رومىلىدا سۈرتەر تېخى ئۇنىڭ يېشىنى. مىننىتى يوق كىچە-كۈندۈز ئەتسە ئېشىنى، ئەرلىرىگە ھەممىدىن  مېھرىبان ئايال. كۈتەر دائىم باشقىلارنى،كۈتۈلمىسىمۇ، تەقدىرىدە جاپاكەش دەپ پۈتۈلمىسىمۇ. ھاياتلىقنىڭ بەيگىسىدە ئۇتۇلمىسىمۇ، جاپاسى كۆپ مۇكاپاتتىن،ۋايسىماس ئايال. پەرزەنتىغۇ ئاياللارنىڭ ھاياتى،جېنى، پەرزنت ئۈچۈن قاتتىق يەردە ئاغرىماس يېنى. پەرزەنتىم دەپ چېپىپ يۈرۈپ كېسىلدى دېمى. پەرزەنتىگە كۆيۈنۈشتە ئۇلۇغدۇر ئايال. ئايال بولسا بۇ ھاياتلىق شادلىققا تولار، بۇ جاھانغا مۇھەببەتنى بەرگەنمۇ شۇلار. ئايال بولسا ئائىلە ھەم خاتىرجەم بولار، بۇ ھاياتتا كەم بولسا، بولمايدۇ ئايال.       ئاپتور: قاغىلىق ناھىيە شادلىق دوختۇرخانىسىدىن

mm19910203

	ئاللا ئىگەم بارلىق ئاياللارنىڭ كۆڭلىگە ئىنساپ بىرىپ شىئىردا تەسۋىرلەنگەندەك ئايال بولۇشىغا ھىدايەت بەرگەي ! ئاشۇ ئاياللارنىڭ تىنى سالامەت ئىشلىرى ئۇتۇقلۇق بولغاي!

ھۆكۈما

	شېئىرنىغۇ  ياخشى يېزىپسىلە  ،،،، شۇ  ئانىلار  بايرىمنىڭ ئالدى ياكى كەينىدە   يولىمىغان بولساڭلا      سىلىدىن سۇيۈنگەن بولاتتىم ..................

uyol

	بارلىق ئانىلارنىڭ بايرىمىغا مۇبارەك بولسۇن

defolia

	ئاتايىن بىر كۈننى ئاتاپ ئانىلار بايرىمى قىلۋالمىساقمۇ ئانا ئۆزىمىزنىڭ بولغاندىكىن ھەر كۈنى باللىقىمىزنى يەتكۈزسەك بولىدۇ دەپ ئويلايمەن،ئەمما لىكىن ما بايرام پوپ ۋالىنتىننىڭ بايرىمىدىن مىڭ پەدە ياخشى ،ئۆتكۈزۈشنى قوللايمەن،مۇشۇ باھانىدە ئانىلارنىڭ كۆڭلى بالىلىرىدىن سۆيۈنسە ئەجەپ ئەمەس

tilk

	ئاللا ئىگەم بارلىق ئاياللارنىڭ كۆڭلىگە ئىنساپبەرسۇن؟

guljanat

	بەك ياخشى يىزىپسىز بۇ شىېئرنى ،رەھمەت