يىتۈك ئالىم ---- ئىشەك

BATUR72

	مۇھەممەدتۇرسۇن ئوغلانى                                                       (ھېكايە)     بىر توپ تۈكلۈك ئادەمگە ئوخشايدىغان ،يەنە بىر قارىسا مايمۇنغا ئوخشايدىغان گەپ قىلالايدىغان ھايۋانلار بىر ئىشەكنى ئوتتۇرغا ئېلىۋالغان ئىدى : __ نىمە بۇ ؟ ھەجەپ غەلىتە ھايۋانكىنا ،توۋا......،قۇيرۇقى باركەن قاراڭلار ،قاراڭلار ، __ شۇنى دەيمەن ،توۋا.... ئوتتۇردا قالغان ئىشەك تۇيۇقسىز بىر ئىگىز يەرگە چىقتى-دە ،زۇۋانغا كىلىپ ۋارقىراشقا باشلىدى : __ ئوھوي ... سىلەر مىنى ھۆرمەتلەڭلار ،__ دېدى ئىشەك  تۆۋەندىكى ھېلىقى غەلىتە ھايۋانلارغا قاراپ ،__ مەن شۇنداق بىر ھايۋانمەنكى ،مىنى سىلەرنىڭ ئەجدادىڭلار قولىغا ئېلىپ كۆتۈرگەن ،شۇ زامانلاردا ئىشەك دىسە جىمى كائىناتتىكىلەر تىترەپ ھۆرمەتكە تولاتتى .__ ئىشەك بىر ئاز ئۆزىنى توختىتىۋالدى-دە يەنە تۆۋەندىكى ھەيرانلىق ئىچىدە قاراپ تۇرغانلارغا يەنە ۋارقىراپ سۆزلەشكە باشلىدى : __ مەن بۇرۇنقى دەۋىردە ھازىرقىدەك يالىڭاچ ئىدىم .لىكىن سىلەر ئىنسانلار ئۇنداق ئەمەستىڭلار،كىيىم دىگەن لاتىنى بەدىنىڭلارغا ئارتىپ .چىرايلىق يۈرەتتىڭلار . __ ئىنسان؟؟؟ بىزنىڭ ئىسمىمىز ئىنسانمۇ ؟ __ ھەيران قېلىپ سورىدى تۆۋەندىكىلەر . __ شۇنداق  ،دىققەت ،بۇ مىنىڭ ئەجدادىمدىن تارقىلىپ كەلگەن مەخپى سۆزلەر ،سىلەرگە بۈگۈن ئاشكارا قىلاي . سىلەر ئىنسانلار ئاستا-ئاستا ماڭا چوقۇندۇڭلار ، مەن پەقەتلا بىر  بىلىمگە چوقۇناتتىم ،لىكىن سىلەر ئېغزىڭلاردا     «بىلىم ، ئىتقاد» دەپ قويۇپ  ئەمەليەتتە بىزدەك ھايۋانلارنى دورىدىڭلار ، دەسلەپتە مەن سىلەرنى توستۇم ،لىكىن سىلەرچۇ؟  مەن ھەيران قالدىم ،سىلەر خۇددى مىنىڭ سۈيدۈكۈمگە ئوخشايدىغان ھاراق ئىسىملىك بىر نىمىنى ئىچتىڭلار، بالىلار ئالدىدا ئاتىلار ئاستا -ئاستا قىممىتڭلارنى ،ھۆرمىتىڭلارنى يوقاتتى ،ئانىلار خۇددى بىزنىڭ چىشى ھايۋانلىرىمىزدەك سىرتتا باشقا ئادەملەر بىلەن بىرگە بولدى .قىزلار  ،ئوغۇللار مۇ ئاتا-ئانىلاردىن نۇرغۇن ھايۋانى قىلىقلارنى   ئۈگەندى ،نۇرغۇن يىللار مابەينىدە كىيىمىڭلارنى ئاستا-ئاستا  ئازلاتتىڭلار  ، يوقاتتىڭلار ،  يالىڭاچلىنىپ سىلەرگىمۇ تۈك چىقتى ،شۇنىڭ بىلەن سىلەر ھازىرقىدەك ھالەتكە كەلدىڭلار ،مانا بۇ سىلەرنىڭ تارىخىڭلار .ئاڭلىسام سىلەر ئىنسانلاردا نۇمۇس ،ھايا دەپ نەرسە بار ئىكەن .__ ئىشەك دەپ مۇشۇ يەرگە كەلگەندە ،غۇلۇغۇلا باشلاندى . __ نۇمۇس ؟؟؟ ھايا ؟؟ نىمە گەپتۇ بۇ ؟ __ بىلمەيمەن جۇمۇ دادام ئانام بۇگەپنى ماڭا دىمىگەن ، __ شۇنداق، ئويۇنچۇقمۇ يا ؟ ئىشەك ئۆزىنى  سىلكىۋىتىپ  ،بۇرۇنلىرىنى قېقىۋىتىپ يەنە تۇيۇقسىز ۋارقىرىدى : __ تېنىچ!!!!  مەن گەپ قىلىۋاتىمەن ،گەپ قىستۇرماڭلار ،     باشقىلار جىم بولۇشتى . __ شۇنىڭدىن كىيىن سىلەر  كىيىمنى سالدىڭلار  ،مىېنى دوراشنى ئاستا -ئاستا «مودا»دەپ قارىدىڭلار .ئەلۋەتتە ،مىنى دوراشمۇ ئاسانغا چۈشمىدى ، نۇرغۇن كىشىلەر يەنە شۇ نۇمۇس ،ھايا ،ئىتقاد ،بىلىم دىگەندەكلەرنى دەپ يۈرۈپ ،كوچىلاردا سىلەرنىڭ ئەجدادىڭلارغا تەربىيە قىلدى .ئەجدادىڭلار  ماقۇل دېدى -يۇ شۇلارنى ئۆچ كۆردى .شۇڭلاشقا ئۇ تەربىيەچىلەر كىيىنچە دۈشمەن دەپ قارىلىپ ئاراڭلاردىن قوغلاپ چىقىرىلدى ، ئۇلار باشقا  يىراق بىر يەردە ئۆز ئىتقادى بىلەن ،شۇ كىيىملرى بىلەن ياشاۋاتىدۇ . ئۇلار مېنى يىتۈك ئالىم دەپ تونۇيدۇ ،شۇڭا مېنى يىتۈك ئالىم ئىشەك دەيدۇ .__ دەپ بولۇپ ئىشەك گىدىيىپ تۇردى .     چاۋاكلار چېلىندى ،ئۇلار ئىشەكنىڭ بۇنچە بىلىملىك ئىكەنلىكىگە قايىل بولۇشتى . __ شۇڭا سىلەرمۇ مېنى  يىتۈك ئالىم دەڭلار ،__ دېدى ئىشەك .    پەستە ئاۋازلار ئاڭلاندى . __ يىتۈك ئالىم  ،يىتۈك ئالىم  ..... __ ھاھاھاھا........ __ كىمۇ كۈلگەن ؟ قاپ يۈرەك __ ئىشەك غەزەپ بىلەن ۋارقىرىدى .   بىر  خېلى جۇغى بار كۈچۈك  ئىدى .ئۇ قورساقلىرىنى تۇتۇپ راسا كۈلىۋاتاتتى ، __ ھەي مەينەت، يالغانچى  ئىشەك ،سەن تېخى ئۆزەڭنى يىتۈك ئالىم  دەۋاتامسەن ؟ مۇشۇ ئىنسانلار ئۆزىنىڭ ھاۋايى-ھەۋەسلىرىگە ئەگشكەنلىكى  ،راھەتپەرەسلىكى ،ساختا ئىتقادلىق ،  ھورۇن  بولغانلىقى  ئۈچۈن  ئاستا-ئاستا  ھايۋانلارنى دوراپ  خۇددى سەن ئىشەكتەك   كاللىسى ئىشلىمەس بولۇپ ،ئاخىرى ھايۋانلىق دەرىجىسىگە يىتىپتۇ .يىتۈك ئالىم دىگەننىڭ قانداق بولىدىغانلىقىنى بىلەمسەن ؟ ئۇنىڭدا بىلىم ،ئەقىل ،ئەخلاق پەزىلەت دىگەن كىشىنى قايىل قىلارلىق بولىدۇ ،سەن مۇشۇنداق بىلجىرلىساڭ ،مۇشۇنداق دۆت كىشىلەرگىلا ئالىم بولىسەن   .... __ تۇتۇڭلار بۇنى ،ئۆلتۈرۋىتىڭلار ...__ ئىشەك غەزەپ بىلەن كۈچۈكنىڭ گېپى تۈگىمەستىنلا  ۋارقىرىدى . __ مەن بۇيەردە باغلاپ قويساڭمۇ تۇرمايمەن ،بەرىبىر بۇلار دەك ئىنسانلىقىنى يوقاتقانلار ماڭا ۋاپا قىلمايدۇ ، ماڭا بۇ يەرنىڭ ئىسىل ئوردىسىدا ياشىغاندىن ئاشۇ  ئىتقادلىق ،ئىنسانلىقىنى يوقاتمىغان كىشىلەرنىڭ كوچىللىرىدا خۇشال  ياشىغىنىم  ياخشى ،مەن ئۇلارنى ئىزدەپ تاپىمەن ياخشى تەربىيلەنگەن ئىنسانلار بىلەن بىرگە ياشايمەن  .__ دېدى كۈچۈك چاققانلىق بىلەن كىشىلەر توپىدىن چىقىپ يۈگۈرۈپ قېچىۋېتىپ  .     ئۇلار كۈچۈككە يىتەلمىدى .     ئىشەك  قولدىن قولغا  ئېلىنىپ كۆتۈرۈلدى ،تاج تاقالدى .ئۇ شۇنداق خۇشال ئىدى ....    __ يىتۈك  ئالىم ،ئالىم  ........   يېراقتا تۇرغان ئىككىسى  بىر بىرگە قاراپ گەپ قىلىۋاتاتتى : __ ئاۋۇ ئىشەك دىگىنى ئۆزىنى يىتۈك ئالىم  دەيدۇ ،يىمەكلىك قالمىسا يەۋىتەرمىز ، ھازىرچە  «ئالىم »دەپ قويۇپ ئۇلار ئىشەكنى  مۇشۇنداق تۇتۇپ تۇرسۇن  .   __ يىتۈك ئالىم ،ئالىم  .....                                                                                      2013.05.07 (تىيەنجىن )

kaLGundi

	ئالىملىق مۇقامىغا يەتسىمۇ ئىشەك                                                                               ئىشەكتۇر ئىشەك بەرىبىر ئىشەك                                                                                شۇ ئاددى  پىلە قۇرتىغا باق                                                                                               يەپ ئاددى يۇپۇرماق بېرىدۇ يىپەك

GLB0908

	پەندى-نەسىھەت خاراكتىرى ھەجۋىي تۈس بىلەن تولىمۇ كۈچلۈك ئىپادىلىنىپتۇ...تېما ئىگىسىگە رەھمەت!!!!!!

!UYGHURJAN

	kaLGundi يوللىغان ۋاقتى  2013-5-7 09:51 PM ئالىملىق مۇقامىغا يەتسىمۇ ئىشەك                                          ... ئالتۇن ھەل يالاتساڭمۇ كىسەكتۇر كىسەك ، گەر ھالۋا يىدۈرسەڭمۇ تىزەكلۇر ئېشەك . كۈرۈمسىز ئاددى شۇ  پىلە قۇرتىغا باق ، يەپ ئاددى يوپۇرماق ، بىرىدۇ يىپەك .

kokboraa

	قەلىمىڭىز بەك كۈچلۈككەن ،  يىڭى-يىڭى تىمىلارنى يوللاپ تۇرشىڭىزغا تىلەكداشمەن.

130112

	ياخشى تېما بوپتۇ ،ھازىرقى دەۋىرگە ماس

0908220

	ھەقىقەتەن يۇرۇتۇپ بىرىپسىز

0908220

	ھەقىقەتەن يۇرۇتۇپ بىرىپسىز

ھۆكۈما

	ئاللاھ ئەجرىڭىزنى كاتتا قىلسۇن.... ياخشى يېزىلىپتۇ.....

faruh193

	قەبىخ قامچىلاپسىز