قەشقەرگە ئەڭ ئېگىز بىنا سېلىنىدۇ

satuq

	تەڭرىتاغ تورى خەۋىرى: دۆلەت ئىچى-سىرتىنىڭ دىققىتىنى تارتىۋاتقان شىنجاڭ قەشقەر ئىقتىسادىي تەرەققىيات رايونى قۇرۇلۇشىدا يەنە بىر يېڭى قۇرۇلۇش ـــ تەرەققىيات رايونى ئىچىدە 58 قەۋەتلىك جەۋزا مۇنارسىمان بىنا قۇرۇلۇشى باشلانغان. ئىگىلىنىشىچە، بۇ نۆۋەتتە پۈتۈن شىنجاڭ بويىچە ئەڭ ئېگىز بىنا ھېسابلىنىدىكەن.     3-ماي مۇخبىرنىڭ قەشقەر ئىقتىسادىي تەرەققىيات رايونىنى باشقۇرۇش كومىتېتىدىن ئىگىلىشىچە، جەۋزا مۇنارسىمان بىنا قۇرۇلۇش تۈرى قەشقەر ئىقتىسادىي تەرەققىيات رايونى شېنجېن-قەشقەر يولى شىمالىغا جايلاشقان بولۇپ، نۆۋەتتە 1-قارارلىق كالتە بىنا قۇرۇلۇشىدا ئىش باشلانغىنىغا بىر ئايغا يېقىن ۋاقىت بولغان. جەۋزا مۇنارسىمان بىنا قۇرۇلۇشىنىڭ تولۇق نامى قەشقەر تەرەققىيات (جەۋزا مۇنارى) سارىيى بولۇپ، ئىگىلىگەن ئومۇمىي كۆلىمى 160 مىڭ كىۋادرات مېتىر، قۇرۇلۇش ئومۇمىي كۆلىمى 514 مىڭ 943.8 كىۋادرات مېتىر كېلىدۇ، بۇ بىنا كالتە بىنا ۋە ئىككى يۈرۈش مۇنارسىمان بىنادىن تەركىب تاپقان. كالتە بىنا تۆت قەۋەت، مۇنارسىمان بىنا 58 قەۋەت بولۇپ، بىنانىڭ ئېگىزلىكى 268 مېتىر كېلىدىكەن.     قەشقەر تەرەققىيات مەبلەغ سېلىش پاي كونترول چەكلىك شىركىتى سېتىشنى باشقۇرۇش بۆلۈمىنىڭ باش نازارەتچىسى جياڭ دوڭپىڭ مۇنداق دېدى: قۇرۇلۇشقا تەخمىنەن ئالتە مىليارد يۈەن مەبلەغ سېلىپ، ئۈچ يېرىم يىلدا ئىشلىتىشكە تاپشۇرۇش مۆلچەرلەنمەكتە، جەۋزا مۇنارسىمان بىنا قۇرۇلۇشىنىڭ يەر تەۋرەشكە تاقابىل تۇرۇش دەرىجىسى 10 بال قىلىپ لايىھەلەنگەن.     جەۋزا مۇنار سارىيى پۈتكەندىن كېيىن بەش يۇلتۇزلۇق مېھمانساراي، خەلقئارالىق بېجى كەچۈرۈم قىلىنغان تاۋرلار، 5Aدەرىجىلىك ئىشخانىلار، ئالىي دەرىجىلىك سارايلار بىر گەۋدلىشىدىكەن، سارايغا يەنە خەلقئارالىق ئەقلىي ئىقتىدارلىق ئۈسكۈنىلەر، ئالىي دەرىجىلىك سودا مۇلازىمىتى قاتارلىق يۇمشاق، قاتتىق دېتال ئەسلىھەلىرى سەپلىنىپ، زامانىۋى قەشقەرنىڭ يېڭى ئوبرازىدىكى يەر بەلگىسى دەرىجىلىك قۇرۇلۇشقا ئايلىنىدىكەن.

umudi

	تەرەققىياتلار بىر يەرگە بىرىپ قالغۇدەك ئەمسە،،  قىنى شۇ ۋاققۇچە قاراپ  باقايلى !

بانكىر

	شۇنداق بولدى ھىكمەت ئۇيغۇرى

XERHAN

	ئەڭ ئىگىز دىسە دۈبەيدىكى ئىگىز بىنالاردىنمۇ ئىگىز سېلىندىغان ئوخشايدۇ دەپتىمەن . بۇمۇ بوپتۇ ، قەشقەر خەلقىنىڭ بېشىغا بەخت قۇشىدىن بىرسى قونغىدەك ...

awran

rahatmakan

	قەشقەر ھەقىقەتەنمۇ تىز تەرەققى قىلىش باسقۇچىدا تۇرماقتا قەشقەرگە كەلگەن ھەرقانداق ئادەمگە ھەرقانداق جايدا توپا ئۇسۇش توپا توشۇش ماشىنلىرىنىڭ جىددى ھەرىكەت قىلىۋەتقانلىقىنى كۆرەلەيدۇ.ھىلىمۇ ئىسىمدە 1995-يىللىرى ئۈرۈمچىگە تۇنجى قىتىم چىققان ۋاختىمدا ئوتتۇردىكى ئاسمان زىمىن پەرىقتىن تولىمۇ تەئەججۈپلەنگەن ...ئىدىم ھەم ئەپسۇسلانغان ئىدىم ھەتتاكى سودا سارايلاردىكى ئايلانما پەشتاقلارغا چىقىپ چۈشەلمەي كۈلكىگىمۇ قالغان ئىدىم . ئۇچاغلاردا ھەتتا قەشقەردە نۇرمال توك بىلەن تەمىنلىنىشمۇ خىلى تەس ئىش ئىدى .ھازىر قەشقەردە  ھەقىقەتەنمۇ ئالەمشۇمۇل ئۆزگىرىش بولدى ھەتتا تاس تاماس قىلىۋاتىدۇ ئوبۇرنىغىمۇ ئايلانما پەشتاق ئورناتقىلى ئىگىز -ئىگىز ئاسمان پەلەك بىنالار رەت -رەت سىلىنغان زامانىۋى ۋە قەدىمى ئۆيلەر نۇرغۇن كىشلەر ئاپتوموبىل سىتىۋالدى توكسىكىلتقۇ ئادەم بىشىغا بىردىن بوپ كەتتى  يانفۇننى ئىغىزغا ئالمىساقمۇ بولا بۇنىڭغا كۆز يۇمغىلى بولمايدۇ.