مەن سەھرادىن تانمايمەن

sutbulak

	مەن سەھرادىن تانمايمەن مۇھەممەدئىمىن ھەسەن مەن سەھرادىن تانمايمەن، سەھرالىقمەن ئەسلىدىن. كۆڭۈل-كۆكسى كەڭ بولغان، مەرد دىھقاننىڭ نەسلىدىن. مەن سەھرالىق يىگىتمەن، ئۆز ئەسلىمدىن تانمايمەن. بارچە ئىشتا،بىلىمدا، شەھەرلىكتىن چانمايمەن. سەھرا دېگەن گۈزەل يۇرت، ساپدۇر ئۇنىڭ ھاۋاسى. سەيلى قىلىڭ،ئايلىنىڭ، باردۇر سىزگە داۋاسى. سەھرا دېگە ئۇلۇغ يۇرت، بارچە جاننى باقىدۇ. ئېرىقىدا-ئۆستەڭدە، ئەركەك سۇلار ئاقىدۇ. مەن سەھرانى سۆيىمەن، چۈنكى ئۇ يەر ئانا يۇرت. مىۋېلىرى بەك تەملىك ، بولغاچقا ئۇ ياخشى سورت. سەھرادا بار مىللەتنىڭ، ئۆرپە-ئادەت مىراسى. باردۇر يەنە ئەجداتنىڭ، ئىزلىرى ھەم سىماسى. سەھراسى يوق،شەھەر يوق، ئاۋات بولماس دىھقانسىز. سىزمۇ ئەسلى سەھرادىن، كۆچۈپ كەلگەن مىھمانسىز. دىھقان كەلسە يېنىڭغا، ھەي سەھرالىق دېمەڭسىز. ئۇلار بەرگەن ئاشنى ھەم، تۇز كۆر بولۇپ يېمەڭسىز. ئاپتور قاغىلىق ناھىيە شادلىق دوخۇرخانىسىدىن

sutbulak

	بۇ دۇنيا مۇھەممەدئىمىن ھەسەن ئادەملەرنى ھەر كويغا سالار ئىكەن بۇ دۇنيا، شۇنداق گۈزەل قىز كەبى تاۋار ئىكەن بۇ دۇنيا. گاھ يىغلىتىپ-كۈلدۈرۈپ،قولدىن-قولغا ئۆتۈپ ھەم بىر كۈنلەردە   ھەممىدىن  قالار  ئىكەن  بۇ  دۇنيا. ئادەملەرگە ئاداۋەت چاچار ئىكەن بۇ دۇنيا، رەقىپ قىلىپ ،ئالدىدا قاچار ئىكەن بۇ دۇنيا. ئاجىزلارنى  رىقابەت بەيگىسىدە تاشلاپ ھەم، يامانلارنىڭ كۆڭلىنى ئاچار ئىكەن بۇ دۇنيا. قىرىنداشلىق رىشتىنى ئۈزەر ئىكەن بۇ دۇنيا، ئاشقانلارنى  ھەددىدىن تۈزەر ئىكەن بۇ دۇنيا ئادەملەرنى ھاياتلىق كىمېسىدە ئوينۇتۇپ، دۇلقۇنلارغا چۆكتۈرۈپ،سۈزەر ئىكەن بۇ دۇنيا. ئاچكۆز قىلىپ ئادەمنى بۇزار ئىكەن بۇ دۇنيا، تالاشقاندا توختىماي توزار ئىكەن بۇ دۇنيا. ئۆز ئىشقىدا ئادەمنى بىھۇش قىلىپ،مەست قىلىپ، ئاجىزلارنىڭ ھەققىگە خۇمار ئىكەن بۇ دۇنيا. ۋىجدانىنى ئادەمنىڭ ساتار ئىكەن بۇ دۇنيا، ھارامنى ھەم ھالالغا قاتار ئىكەن بۇ دۇنيا. ئادەملەرنى ئۆزىگە چاكار قىلىپ،قۇل قىلىپ، ئارام بەرمەي ئىغىر يۈك ئاتار ئىكەن بۇ دۇنيا. ئادەملەرنى قىرىتىپ، تاشلار ئىكەن بۇ دۇنيا، ئايغى چىقماس يوللارغا باشلار ئىكەن بۇ دۇنيا، ھەممىنى تەڭ ئالدىرتىپ ،بېرىپ ئاڭا پۇشايمان ، ئاخىرىدا  كۆزىنى  ياشلار ئىكەن بۇ دۇنيا. ئاپتور :قاغىلىق ناھىيە شادلىق دوختۇرخانىسىدىن

rizwangul0995

	شئېرلار بىر بىرىدىن ئىېسىل چىقىپتۇ ،بىرىنچى شېئرىڭىزنى ساقلاپ قويدۇم

rizwangul0995

	ئىنكاس تەھرىرلەندى

zulqinay

	سەھرانى سۆيىمەن.....................

tatti-patti

	بىزدەك سەھرالىقلار يەنىلا سەھرادىن ۋاز كىچىلمەيمىز ،گەرچە يانچۇقتا ئازراقلا ئوشۇق پۇل بۇلسا شەھەرگە قاچىمىز لىكىن ئات ئوقۇرىنى تاپقاندەك يەنىلا مەھەللىگە يىنىپ چىقىمىز....يانچۇقتا پۇل قالمىغاندا...

babaqak0998

	لاي سۇ ئىچەر سەھرالىق، زاغرا يەيدۇ سەھرالىق. لىكىن مىھمان كەلگەندە، تۆكۈۋىتەر سەھرالىق. ماتا كىيەر سەھرالىق، ئېشەك مىنەر سەھرالىق. تۆت مو يەردە ئۆيى بار، ئوغلاق سالار سەھرالىق بوۋام مۇشتا گاڭ گۇڭ ئادەمتى.......

tatti-patti

	babaqak0998 يوللىغان ۋاقتى  2013-5-5 07:54 PM لاي سۇ ئىچەر سەھرالىق، زاغرا يەيدۇ سەھرالىق. لىكىن مىھ ... باش سورىتىڭىز نىمانداق سەت ،ئىنجىقلاپ چىچىۋاتقاندەكلا،،،

太阳

	ھەر ئىككى شىئىر ياخشى يىزىلىپتۇ،

babaqak0998

	ئا،،،،،،ما گەپنى كۆرۈڭ،،،ئاندا دىمەڭلا!!!چىرايدا چىچمىغاندىكىن،،،