چوڭچىڭدا ئۇيغۇر دوپپا مەدىنيەت بايرىمى

erkoghlan

	مۇراجئىەتنامە چوڭچىڭ دىيارىدىكى ئەزىز ئۇيغۇر قېرىنداشلىرىمىزغا مۇراجىئەت: سۆيۈملۈك قېرىنداشلار ھەممىمىزگە مەلۇم ،خەلقئارا ئۇيغۇر دوپپا مەدىنيەت بايرىمى بارلىققا كەلگىلى بىر نەچچە يىل بولۇپ قالدى .لىكىن، ھالا بۈگۈنگە قەدەر بىز تەشكىللك، توپلاشقان  كوللىكتىپ ھالدا بۇ بايرامنى تەبرىكلەش پائالىيىتى ئېلىپ بارالمىدۇق.  بۇ بايرىمىمىز پەقەت ھېسسىي ۋە ئېغزاكى ۋەياكى  يەككە ھالەتىلا ئېلىپ بېرلىۋاتىدۇ . تەشكىلى تارماقلار بىزنىڭ بۇ بايرىمىمزغا تازا ئىتىبار بەرىمىدى ۋەياكى ئىتىبار بېرىپ كېتەلمىدى. بۇنىڭدا ھەربىر ئۇيغۇر قېرىنداشلىرىمىزنىڭ باش تارتىپ بولمايدىغان مەسئۇلىيتى بار. بولۇپمۇ بۈگۈنكىدەك ئۇيغۇر مەدەنىيتى ئاسملاتىسىيەلىشىش،  مەدەنىيەت كىرزىسى كەسكىن ۋە جىددىيلىشىشكە باشلىغان بۈگۈنكىدەك كۈندە بىز ھەربىر ئۇيغۇر قېرىنداشلارنىڭ بولۇپمۇ بىز ئۇيغۇر زىيالىيلىرىنىڭ ئۇيغۇر مەدەنىيتىمىزنى قوغداش ۋە يۈكسەلدۈرۈش مەجبۇرىيەت ۋەمەسئۇلىيتىمىز تولىمۇ ئېغىر. شۇ مۇناسىۋەت بىلەن بىز چوڭچىڭ دىيارىدىكى ئۇيغۇر ساۋاقداشلار 5-ئاينىڭ 5 كۈنى چوڭچىڭ ئۇنىۋېرسىتېتىغا يىغىلىپ دوپپا بايرىمىنى تەبرىكلەش پائالىيىتى ئېلىپ بېرىشنى قارار قىلدۇق. تەبرىكلەش پائالىيتىمىزنىڭ ئاساسلىق شەكلى  كولىىلكتىپ دوپپا كىيىپ  پىلاكات تۇتۇپ خاتىرە سۈرىئەتكە چۈشۈش ۋە مىللىتىمىزنىڭ كىيىم-كېچەك ئۆرۈپ-ئادىتى ۋە ئەنئەنىۋىي خاسلىقىنى نامايەن قىلىش. شۇنداقلا مۇنازىرە، مۇشائىرلىق ۋە زېھىن سىناش قاتارلىق پائالىيەتلەرنى ئېلىپ بېرىش ئارقلىق دوپپا مەدەنىيەت بايرىمىمىزغا بولغان چۈشەنچىمىزنى تېخىمۇ چوڭقۇرلاشتۇرۇش .يەنە ئارقان تارتىش ۋە پوتبول مۇسابىقىسى ئۇيۇشتۇرۇش ئارقىلىق تەبرىكلەش پائالىيتىمىزنى تېخىمۇ مول ۋە رەڭدار قىلىش .پائالىيتىمىز شۇقەدەر ئاددىي ۋە مەنىلىك، ئىشىنىمىزكى ئۇيغۇر  مەدەنىيتى رىقابەت ۋە خىرىسقا دۈچ كېلىۋاتقان بۈگۈنكىدەك كۈندە، پائالىيتىمىز تولىمۇ ئەھمىيەتلىك. يېتىپ كېلىش ئالدىدا تۇرغان بۇ كۇندە بىزنىڭ مىللىتىمىزنىڭ ئۇيغۇرغا خاس ئۇيۇشقاق، مىللەت سۆيەر روھىنى نامايەن قىلىشىمىز تولىمۇ زۆرۈر ۋە چوڭقۇر مەنىگە ئىگە. بىز چوڭچىىڭ  ۋە ئەتىراپتىكى شەھەرلەردىكى  ئۇيغۇر  قىرىنداشلىرىمىزنىڭ   مەكتىپىمىزگە كېلىپ بۇ قېتىمقى پائالىيەتكە قاتنىششى ۋە بىرلىكتە  پائالىيتىمىزنى تېخىمۇ جاللاندۇرشىنى چىن دىلىمىزدىن ئۈمۈد قىلمىز.   شۇنداقلا باشقا ئۆلكە-شەھەرلەردىكى ئۇيغۇر قېرىنداشلارنىڭمۇ دوپپا مەدىنيەت بايرىمىلىق پائالىيەتلەرنى ئويۇشتۇرۇپ، ئېغىر كىرزىسقا دۈچ كېلۋاتقان ئۇيغۇر مەدەنىيتىمىزنى قوغداش ۋە نامايەن قىلىش ئۈچۈن كۈچ چىقىرشىغا چىن يۈركىمىزدىن تىلەكداشمىز! تېخمۇ تەپسىلىي خەۋەرگە ئېرىشمەكچى بولسىڭىز ئالاقىلىشىش ئۇسۇلى:18983225205

a.sayrami

	غەيرىتڭىلارغا ئاپىرىن ! پائالىيىتتىڭلار ئۇتۇغلۇق بولغاي!!!

narkos

	بىزمۇ بۈگۈن يېرىم كۈن مەكتەپ بويىچە «پەخىرلەن ئۇيغۇرۇم،ئەنئەنىلىرىڭدىن »دېگەن تېمىدا پائالىيەت ئۆتكۈزدۇق،مەكتەپتىكى پۈتۈن ئوقۇتقۇچى ئوقۇغۇچىلار مىللىيچە كىيىملەرنى كىيىپ پائالىيەت ناھاياتى ياخشى ئېلىپ بېرىلدى. ھەقىقەتەن ئەھمىيەتلىك بىر پائالىيەت بولدى

orkixi

	كاتتا ئىش قىپسىلەر ،ئىشىڭلا ئۇتۇقلۇق بولغاي .

~akkaptar~

	ياخشى ئىش بوپتۇ....تەبرىك

erkoghlan

	لىكىن بۇ ئىشقا بالدۇر تۇتىش قىلماپتىمىز، دوپپا كەمچىل. بىلمىدۇق ئۈلگىرەمدۇ يوق. ئاللاھىم مەدەت بولغاي

qog

	ئىشلىرىڭلار ئوڭۇشلۇق بولغاي

blackrose

	قۇتلۇق ئىشلارغا ئۇلۇغ ئاللاھ مەدەت، بەرىكەت بەرسۇن!

quxtikiakku

	ئىشىڭلار ئۇتۇقلۇق بولسۇن.

sardor

	مەن يوقكەنمەن