تىلدىن يارىلانغان كۆڭۈلگە نىمە بېرىش كېرەك؟!

pahtikar

	مىسرانىم تورىدىكى تۈرلۈك ھەم خىلمۇخىل مەزمۇنلارنى كۆرىۋېتىپ چىلاندىن يارىلانغان كۆزگە تۆلەم تۆلىنەمدۇ سەرلەۋھەلىك يازمىنى ئوقۇپ چىقتىم ،ماقالىنى ئوقۇپ بولىشىمغا ، سىرتتا ۋاراڭ -چۇرۇڭ كۆتۈرۈلدى . نىمە ئىش بولغانلىقىنى بىلىپ بېقىش مەقسىدى-دە دېرىزە ئەينىكىدىن تالاغا قارىدىم ، مەكتەپنىڭ ئىككى تەرىپى ئورمان بىلەن كۆكەرتىلگەن يولىدا بىر ئاتا ، مەكتىۋىمىزگە يېڭى ئورۇنلاشقان بىر مۇئەللىمنى ئېغىزغا ئالغۇسىز سەت تىللار بىلەن ھاقارەتلىگىنىچە قوغلاپ يۈرۈپتۇ .بۇ نىمە كارامەت بولۇپ كەتتى دىگىنىمچە 4-قەۋەتتىكى ئىشخانامدىن يۈگۈرگىنىمچە تۆۋەنگە چۈشسەم ، جىدەل بېسىقىپ تىل ئاڭلىغان مۇئەللىم ئىشخانىسىغا ، مۇئەللىمنى ھاقارەتلىگەن ئادەم مۇدىرنى ئىزدەپ كىرىپ كېتىپتۇ . ئەھۋال سادىر بولدىمۇ زىر زەۋىرىگىچە كوچىلايمىزغۇ . يالغاندىن ھېسداشلىق قىلىدىغانلارمۇ ئاۋۇپ كېتىدۇ بۇچاغدا ، مەن ئالدى بىلەن ھاقارەتكە ئۇچرىغان مۇئەللىمنىڭ يېنىغا كىردىم . ئۇنىڭ چىرايى ھاكتەك تاتارغان بولۇپ ، پۈتۈن بەدىنى سېزىلەرلىك ھالدا تىترىمەكتە ئىدى .ئۇ ئۆزىنىڭ بارلىقىنى قىلچە مىننەتسىز ھالدا سىنىپ مۇدىرلىقىغا بېغىشلاپ ھالا بۈگۈنكى كۈنگە كەلگەندە بۇ ساپاسىز ئاتىدىن نۇرغۇن بالىلارنىڭ ھەم ئوقۇتقۇچىلارنىڭ ئالدىدا بەدىنىدە بار پۈتۈن تۆشۈكلەر قالمىغان ھالدا ئېغىزغا ئالغۇسىز سەت ھاقارەت سۆزلىرى بىلەن ھاقارەتلىنىشى ئۇنى قاتتىق ئازاپلىماقتا ئىدى ، ئۇ ئەقىدىسىگە ئېچىنىۋاتاتتى .مەن شۇ ۋاقىتنىڭ ئۆزىدە بۇ مۇئەللىمگە قانداق تەسەللىي بېرىشنى يول كۆرسۈتۈشنى بىلەلمىدىم ، ئۇنىڭ ئۆزىنى بېسىۋالغاندىن كېيىنكى ئەھۋالىغا قاراپ ، بىر نىمە دىيىش ئۈچۈن بايامقى ئىچىڭىزنى ئۆرتىۋەتكۈدەك بېزەپ گەپنىڭ شاھى بولغان ئاتىنىڭ گېپىنى ئاڭلاش ئۈچۈن مۇدىرنىڭ ئىشخانىسىغا كىردىم -يۇ نىمىشقا كىرگەندىمەن دىگەن پۇشايمانغىمۇ قالدىم. چۈنكى چىرايىدىن مۇدھىشلىقى چىقىپ تۇرغان بۇ ئادەم ماڭا تونۇش ئىدى ، ئۇنىڭ بالىسىمۇ بۇ مەكتەپتە بولۇپ نۇرغۇن ئوقۇتقۇچىلار ئۇنىڭ دەستىدىن دەرىس ئۆتەلمەي قان يىغلاپ چىققان ئەھۋاللارمۇ بولغان ، دىمەك ئۇنىڭ دىيىشىچە ئوقۇتقۇچى بالىسىنى بىر تەستەك ساپتۇ شۇنىڭ بىلەن قانۇننى چۈشىنىدىغان بۇ ئەقىللىق ئاتا مەكتەپكە كېلىپ بۇ ئىشنى تېرىغان ئىكەن .بىز كۆپ ھاللاردا ئۇستازلارغا بەك يۇقىرى شەرت ۋە تەلەپلەرنى قويىۋالىمىز ، ئەمما ئۇلارنىڭمۇ ئىنسان ئىكەنلىكىدىن ئىبارەت ھەقىقەتكە كۆز يۇمۇۋالىمىز .يا ياخشى گەپ ياكى قاتتىق تەلەپ ئۆتمەيدىغان ئاتا -ئانىسىنى چاقىرسا بىرەر قېتىممۇ كەلمەيدۇ ، جانغا پاتمىغاندا بىرەر تەستەك سالسا يۈگرەپ كېلىپ ئەڭ قەبىھ تىللار بىلەن ئادەم بارمۇ يوق دىمەي ھاقارەتلىسە بۇنىڭغا نىمە دىگۈلۈك ؟! ھېلىقى ئوقۇتقۇچىنىڭ بىچارە ھالىتىدىن ئۆزۈمنىڭ ئەبگا ھالىتىگە ئېچىندىم ، ئۇنىڭغا تۆلەم بېرىدىغان ئادەمدىن ياكى كەچۈرۈم سورايدىغان ئادەمدىن بىرسى چىقمارمۇ؟!

ئۆل

	ۋاي توۋا مۇشۇنداق ئاتا-ئانلار بار زادى ...بالىنى ئۇرۇشقۇ خاتا بولسۇن ..تەربىيە ئاڭلغۇدەك قىلىپ تەربىيلسە ئاتا-ئانا بولغۇچى ،ئوقۇتقۇچىمۇ بىكاردىن ئۇرمايدۇ ....كېيىن بالسى چوڭ بولغاندا بۈلىدۇ قالغىنى بۇنداق ئاتا-ئانلار

YAZR

	توۋا دىمىسە بىكا  بۇ ئىشلاغا ، بەزىلەر زادى بەسەڭ يەيمەن ئۇرساڭ ئۆلىمەن دەپ كۈنۈپ كەتكەن

barquk8

	قانۇنى جەھەتتىن ئۇ ئوقۇتقۇچىنىڭ ئوقۇغۇچىسىغا قول تەككۈزىشى خاتا ،چۈنكى مائارىپ قانۇنى ئوقۇغۇچىلارغا تەن جازاسى بىرىشنى چەكلەيدۇ . ئەمما ئاشۇ ئوقۇغۇچىنىڭ كەلگۈسىنىڭ ياخشى بولىشى ئۈچۈن ئوقۇتقۇچىلىق مەسئۇلىيىتى بىلەن سېلىنغان بىرەر شاپىلاققا ئەقىللىق ئاتىلار بولسا ھەرگىز ئۇنچىلا ناچارلىق قىلىپ كەتمەيدۇ . بىز كىچىكىمىزدە مەكتەپتە ئوقۇيدىغان چاغلاردا ئۆيدىكىلەر مۇئەللىملىرىمىزگە بالىنى ئوبدان ياراملىق تەربىيلىسىلە بىز شۇنىڭدا سىلىدىن رازى بولىمىز بالىغا قاتتىق قول بولسىلا ئۇرسىلىمۇ تىللىسىلىمۇ ھەرگىز خاپا بولمايمىز ئەمما بالىغا بىلىم ئۆگەتمىسىلە سىلىدىن نارازى بوپ قالىمىز دەيدىغان . ھازىرقى بىر قىسىم ئاتا-ئانىلار پەقەت بۇرنىنىڭ ئۇچىنىلا كۆرۈپ بالىسىنىڭ كەلگۈسىگە ھەقىقىي كۆڭۈل بۈلەلمەي قالىدۇ . ھازىرقى كىشىلەرنىڭ بۇرۇنقىلارغا قارىغاندا قانۇنىي ئېڭى  خېلى يۇقىرى ئەمما ساپاسى يىراقنى كۆرەرلىكى يەنىلا بۇرۇنقى چوڭلارغا يەتمەيدۇ .

726760

	بۇنداق ئاتالار بالسىنى ئاۋارە بولۇپ مەكتەپكە بەرىگىچە كالا بورداقچىلارنىڭ ئېغىلدىكى پوقىنى تازلاشقا بەرسە مەكتەپنىڭ قەدىرىگە يىتەتى .........

nazila998

	ئاي - يىل  ئۆتسە ئوقۇتقۇچىدىن « بالام قانداراق ئوقۇۋاتىدۇ ؟ » دەپ ئەھۋال سوراپ باقمايدىغان ، ئاتا - ئانىلار يىغىنى دىسە مەكتەپ دەرۋازىسىنى بىلمەيدىغان ، لىكىن « ئوقۇتقۇچۇم مىنى تەنقىدلىدى » دىسە « سەن نىمە قىلغانتىڭ » دەپ سورىغاننىڭ ئورنىغا كەشىنىڭ چۈشۈپ قىلىشىغا قارماي يۈگرەپ بېرىپ جىدەل قىلدىغان بۇنداق كىشىلەر جەمىتىمىزدە خىلى بار ،

ئارزۇ0903

	ئۇستازى زالىم بولسا، شاگىرتى ئالىم بۇلار دىگەن ماقال تەمسىل بارغۇ؟لېكىن بەزى ساپاسى يوق ساۋاتسىز ئاتا-ئانىلار بۇنى چۈشەنمەيدۇ.

kidirhan

	مەكتەپتە ئوقۇمىغان تەربىيە كۆرمىگەننىڭ ئاقىۋىتى مۇشۇنداق بولىدۇ ،بۇنداقلار جەمېئەتكە يۇك قارىغاندا دادىسىمۇ بالىسىنى ئۆزىگە ئوخشاش ئادەم بوپ چېقىشىنى ئۇمىت قېلىدىغاندەك قىلىدۇ ،تېما ئېگىسى قىرىندىشىم ،ئاۋۇ  ئوقۇتقۇچى قىرىندىشىمىزغا مىنىڭ سالىمىمنى يەتكۇزۇپ قويۇڭ گەرچە تونۇمىساممۇ چۇڭقۇر ھىسداشلىقىمنى بىلدۇرمەن شۇ كۇندىكى كۆڭۇلسىزلىكلەرنى كۆڭلىدىن چېقىرۋىتىشىنى ئۇمىت قىلىمەن

maynur727

	ھازىرقى كىشىلەرنىڭ بۇرۇنقىلارغا قارىغاندا قانۇنىي ئېڭى  خېلى يۇقىرى ئەمما ساپاسى يىراقنى كۆرەرلىكى يەنىلا بۇرۇنقى چوڭلارغا يەتمەيدۇ

Layla7

	نىمە دىسەك بۇلار بۇ ئىشلارغا؟