ئەمچەك ۋە ئىمىزگە

ap~qilam

	ئانا تىلىم ئۇ ئانامنىڭ ئەمچىكى، تۇنجى ئوغۇز سۈتى بىلەن قەلبىمگە سىڭىپ كىرگەندە مەن ئانا دەپ توۋلىغان، قاچانلاردىن سوسكا ئېمىشنى ئۆگەندىم ، ئانام بىلەن بولغان ئارلىقىم يىراقلاشتى ، تىللىرىمىز كالۋالاشتى ، شۇندىمۇ ئانام ماڭا -بالام مانا ئەمچەك دەپ كۆكسىنى تەڭلىگەن، لېكىن مەن ئىمدى ئىمىزگىگە مەجبۇرلاندىم ، ئەمدىميۇ ، ئۇنىڭغا بېرىلىپ قالدىم ، ئانامنىڭ تىلى ئەمدى ماڭا قاراڭغۇ ، ئانام يەنە بىر قېتىم بالام...دېدى، مەن يەنىلا ئىمىزگە بىلەن سوسكىغا ئاشنا بولدۇم ، ئانام يىغلىدى ، كىلەر دېگەن بولغىيتى ، ئانا يىغلىسا پۈتكۈل دۇنيا تەۋرەيدۇ دەپ ، مانا ئەمدى دۇنيا زىل-زىلگە كېلىدۇ ... ئەمچەك ۋە ئىمىزگە ئانامنىڭ ئەمچىكى شۇنچىلىك تاتلىق ، قاچاندىن ئاغزىمغا سالدىم ئىمىزگە . يۈرۈكۈم ھەسرەتتە تولغاندى ئاچچىق، قوش ئەمچەك بەخشەندە بولمىدى بىزگە. تۇنجى رەت ئانامنى ئەمگەن چېغىمدا ، چىشلىگەن ئەمچەكنى بار كۈچۈم بىلەن. ئاناممۇ ۋايۋايلاپ ئىسىت دەپ قالغان ، دىلىنى داغ قىلغان مەندىكى تىكەن  . چىشلىدىم ئارلاشتى ئوغۇز سۈتىگە ، قۇشۇلدى قان بىلەن جانلاندى تۇمۇر. خام سۈتنى ئەمسەمغۇ مەيلى دەيتىمغۇ، خام قاننى ئىچىپلا كېسىلدى غۇرۇر . شۇنچىلىك ئىزتىراپ ئىچىدە ئۇنى ، تۈكۈردۈم بولمىغاچ ساپ ئۇغۇز سۈتى. قارىسام يېنىمدا بىر تال ئىمىزگە، پەيدا بوپ قالغاندۇ قايسى بىر كۈنى . قارىماي ، ئەمچەككە تەلپۈندۈم شۇئان، ئېمىزگە ئاغزىمغا سېلىندى توۋا . ئەمگەنچە زۇۋاندىن تۇتۇلۇپ قالدىم ، پەسلەندى ئەمچەك دەپ قىلىنغان غەۋغا. قارىسام ئانامنىڭ كۆزلىرىدە نەم ، كۆكسىنى تۇتقانچە تۇرۇپتۇ كۈلۈپ، رازىكەن ھامان ئۇ بەرگەن سۈتىگە، يۈگۈردۈم ئالدىغا يېشىمنى سۈرتۈپ. توساتتىن ئالدىمنى توستىغۇ سوسكا ، ئىچىدە ئاجايىپ غەلىتە شەربەت . قىزىقىش ئىچىدە گۈپۈلدەپ ئىچتىم ، شۇئانلا ئۇيقۇغا كەتتىمغۇ راھەت . قانچىلىك ئۇخلىدىم بىلەيمەن ئۇنى ، ھۆ!بولۇپ قۇسقانچە ئويغىنىپ كەتتىم . قارىسام ئانامنىڭ قارىسىمۇ يوق ، شۇندىلا بۇ ئىشنىڭ تېگىگە يەتتىم . جان بالام دەيدىكەن ئانام قاماقتا ، كۆكسىنى ھېلى ھەم تەڭلەپتۇ ماڭا . تىرىشتىم ئالدىمدا بولغاچقا بىر ھاڭ، سوسكىنى ئەمگەنچە قالدىمغۇ يانا... يىغلىدىم ، ئاغزىمغا كەپلەندى سوسكا، ئامالسىز شەربەتنى ئىچتىم غۇيۇلداپ . كۈن ئۆتتى كۆنۈپمۇ قالغان ئوخشايمەن، ئىچمەستىن تۇرالماي بىر كۈنمۇ چىداپ . بۈگۈنمۇ ئىچەي دەپ تەڭلەپ ئاغزىمغا، نە شەربەت قارىسام قۇرۇق ئىمىزگە . يۇلقۇندۇم ،قەغىشلىك قىلىپ يىغلىدىم ، ياققانچە باغرىمنى كەڭرى ئېڭىزگە . ئاھىمغا ھىچكىممۇ قىلمىدى پەرۋا، ئامالىسىز ئىمىشكە باشلىدىم قىيداپ، شۇنچىلىك شەربەتكە تەلپۈنگەن دىلنى ، ئانامنىڭ كۆكسى ۋە ئىشەنچتە بەزلەپ. توۋا دەپ ياقامنى چىشلىدىم مۇڭدا ، ئاجايىپ تەتۈرمۇ تەغدىرى قىسمەت. ئانامنىڭ كۆكسىدىن ئايرىلدىم ئەمدى، يوق بولدى ئۇغۇزغا ئارلاشقان شەربەت. ئانامنىڭ قېشىغا كەلدىم بۈگۈنمۇ  ، كۆكسىنى يۇشۇرۇپ يۈرۈيدۇ مەندىن. ئازاپتا ، تولغىنىپ دېدى ئاشۇنداق ، بەرگەن شۇ سۈتۈمگە نارازى سەندىن. ئانا دەپ قولۇمنى ئۇزارتىپ قالدىم  ، لېكىن ئۇ چۈشەنمەس مېنىڭ دىلىمنى ، ئاغزىمدا ئىمىزگە تۈكۈرەي دېسەم، ئامالى بىلمىدى كۆيدۈردى دىلنى  . ئانامنىڭ قارىسى ئۇچتى كۆزۈمدىن ، تىلىمدىن ئىمىزگە بوشىدى ئەمدى . ئانا دەپ توۋلىغان بولساممۇ بىراق ، گېپىمنى چۈشەنمەس ئانام ئەبەدى . يىغلىدىم زىمىنغا ئاھىمنى تۆكتۈم، مىليونلاپ بالاڭنى ئەمدۈرگەن ئەمچەك. سۈتىنى قىسىپتۇ ئەمدى مېنىڭدىن ، بەختلىك بول ئانا تىلەيمەن تېلەك . شۇندىلا ئانامنىڭ سىماسى ئايان ، ئەمچەكنى بىر بالا سىلاپ تۇرغىدەك. بىر قولدا ئىمىزگە بىر قولدا سوسكا ، تۇتقانچە بىر كىشى كۈلۈپ تۇرغىدەك. قارىسام بالىدا مېنىڭ سىمايىم ، ئەمچەكنى ئىمىشكە بولمىدى ئىمكان . ئېلىپلا سوسكىنى ئالدىم ئاغزىمغا ، كۆتۈردى مىليونلاپ بالىلار ئىسيان . ھەيۋېدىن قورققانچە يىغىلاپ كەتتىم، شۇندىلا ئىمىزگە چۈشتى ئاغزىمغا . بىلمىدىم ئۇلارنىڭ تىلىنى ئەمدى ، كىممۇ كۆز ئالايتتى بۇ ئاۋازىمغا . كۈن ئۆتتى ئىمىزگە ئالدى كۆڭلۈمنى ، بىلمەيلا ئۇنىڭغا بوپتىمەن ئاشنا  . ئەمدىلىك ئۇنىڭدىن ئايرىلماس بولدۇم، كۆزۈمگە ئاجايىپ بىلىنگەن باشتا . جىقايدى ئىمىزگە سالغانلار مانا  ، بەزىلەر سوسكىنى ئېمىپتۇ تېخى . بىر ئانا كوچىدا يىغلاپ تۇرغىدەك ، يۈرىكىم قارت قىلدى ئۇ ئىكەن ئەسلى... قېرىپتۇ ، ئەمچىكى قورىلىپ قاپتۇ ، ئەممەپتۇ ، ھىچكىممۇ بولمىغاچ سۈتى. ھار كەپتۇ ئانىغا ۋارقىراپ دەپتۇ ، غەزەپتىن پۈتۈپتۇ ئانىنىڭ ئۈنى . (مىڭ لەنەت سېنىڭدەك بالام بولغانلار ، ئەمچەكنى ئۈنۈتتۇڭ، سوسكىنى بىلدىڭ. كوندۈردى ئاقىۋەت شۇ ئىمىزگىگە ، ئالدىمدا ئىمىمپلا باغرىمنى تىلدىڭ . چىشلىدىڭ شۇندىمۇ رازى ئىدىم مەن ، بەرگەن ئاق سۈتۈمنىڭ ھۆرمىتى ئۈچۈن. قەدرىمنى بىر قىلىپ قويساڭ بولاتتى ، شىكەستە ئەيلەيسەن قەلبىمنى نىچۈن . بولدىلا ، باللىرىم  ئۆزەڭگە قىلدىڭ ، ئىمىزگە سوسكىنى ئېمىپ قېلىڭلار . مەيلى دەي ، نائامال قىسمەت ئوخشايدۇ، مەن يالغۇز قالايچۇ سېلەر كېتىڭلار .) ھەممىسى تېڭىرقاش ئىچىدە تۇرغان ، چۈشەندى ئانىنىڭ گېپىنى كىملەر ، ئىمىزگە يات تىلغا كۆندۈرگەن بىزنى ، شۇڭلاشقا بالىلار ھاڭۋېقىپ جىملا  . ئۇف دېدى ئۇ ئانا ئېغىر خۇرسىنىپ، گەپ قىلماي تېتىپلا قالدى يىراققا . ئىمىزگە ئەمگەنلەر كارى يوق تۇرار، پەقەتلا بىر بالا قەلبى پىراقتا . مەنبەسى:ئەپچىلەم

بىكتەر

	تۇنجى بۇلۇپ ئوقۇپتىمەندە  ناھايىتى ياخشى چىقىپتۇ .

太阳

	قەلىمىڭىز كۈچلۈككەن،كىچىك بالىغا ئانا سۈتى بەرمەي قۇرۇق ئىمىزگىگە كۆندۈرسە ، يالغانچى بالا بولۇپ قالارمىش دەپ ئاڭلاپتىم مەن  ،ھى-ھى

XERHAN

	ئانىدىن سۈت چىقمىدى  ، ياكى يۇقۇملۇق كىسەل بىلەن يۇقۇملاندى ۋە ياكى باشقا بىر سەۋەپلەر تۈپەيلىدىن بالىنى سۇلىياۋ ئەمچەككە كۆندۈرۈش مۇۋاپىق چارە ، بولمىغاندا بالىنىڭ يىغلايدىغان ئېغىزىنى جۈملىمەك ناھايىتى تەس ... ئىپادىلەپ بەرمەكچى بولغان ئاقا كۆرىنىشگە قارىغاندا شىئىرنىڭ تىلى سەل بىر تەرەپلىمىلىك بولۇپ قالدىمۇ نىمە ؟ يەنى شىئىردا ئىمىزگە ئەمگەنلىكنى قاتتىق قامچىلاپ ئۇنىڭمۇ ۋاختى كەلگەندە بالىنىڭ يىغىسىنى پەسەيتىشتەك ئارتۇقچىلىقنى رەت قىلغاندەك ئىپادىلىنىپ قاپتۇ .

qurbanjan

	مەممە  ئىممەن مەممە   ،،، ھە  ھە   ھە

ap~qilam

	XERHAN يوللىغان ۋاقتى  2013-5-3 08:56 PM ئانىدىن سۈت چىقمىدى  ، ياكى يۇقۇملۇق كىسەل بىلەن يۇقۇم ... ئىككىنچى نۇقتىدا تۇرۇپ ئويلاپ بېقىڭ چۈشىنەلەيدىغانلىقىڭىزغا ئىشىنىمەن

XERHAN

	يەنە بىر تەكلىپ ، مومكىن بولسا شىئىرىڭىزنى ئىككىنچى شەخىس تىلىغا ئۆزگەرتىپ قويۇڭ . چۈنكى - ئادەتتە ئانىسىنى ئەمگۈچى كۆپۈنچە ھاللاردا بوۋاق ياكى ئىككى ياشتىن تۆۋەن بالىلار بولىدۇ ، بۇنىڭغا ئاساسلانغاندا سىزنىڭ شىئىردىكى ‹‹ مەن ›› بولۇپ ئوتتۇرغا چىقىشىڭىز ئانچە مۇۋاپىق بولماپتۇ . مەسىلەن ، شىئىرىڭىزدا سىزنىڭ ئانىڭىزنىڭ كۆڭسىنى كۈچەپ چىشلىگىنىڭىز ، سىزگە ئىمىزگە سالغىنى ، ئانىڭىزنىڭ ئالدىغا يۈگۈرگىنىڭىز .... شۇ دەۋىرگە نىسبەتەن سىز ئۈچۈن 1- شەخىس تىلى يەنى ‹ مەن › بولالمايدۇ . بىلەرمەنلىك قىلغىنىم ئەمەس ، ئويلىغىمنى دەپ قويدۇم .

barter

	مەنىسى چوڭقۇركەن ،ياخشىراق چۈشۈنۈپ تەھلىل قىلايلى ،تەپەككۈرۈمىزنى ئەمچەك بىلەن ئىمىزگىگىلا قارىتىۋالمايلى.

XERHAN

	ap~qilam يوللىغان ۋاقتى  2013-5-3 05:03 PM ئىككىنچى نۇقتىدا تۇرۇپ ئويلاپ بېقىڭ چۈشىنەلەيدىغ ... 2 - نوقتىدا تۇرۇپ چۈشەندىم ، ئاخىردا شىئىرنىڭ ئارقا كۆرنىشىدە يالغانچىلىق ، ھەييارلىق ۋە ئارلاشما تىلنىڭ پەيدا بولىشى ۋە شۇ خىلدىكى كىشىلەرنىڭ خارەكتىرىنى مۇئەييەن يورىتىپ بىرىپتۇ . بىراق ھەممە ئادەم ئىمىزگە ئارقىلىقلا يامان خاھىشلارنى يىتىلدۈرۋالمايدۇ ، ئائىلە تەربىيسى ، ئائىلە شارائىتى يەنىلا ئاساسى ئورۇندا تۇرىدۇ . شىئىرىڭىزدىكى مەزمۇنلارنى رەت قىلغىنىم ئەمەس لىكىن ، ھە ركاللىدا ھەر خىيال دەپتىكەن كونىلار ...

forever1

	barter يوللىغان ۋاقتى  2013-5-3 05:12 PM مەنىسى چوڭقۇركەن ،ياخشىراق چۈشۈنۈپ تەھلىل قىلايلى ، ... شۇنى دەڭە، شېئىرنىڭ ماھىيەتلىك مەنىسى باشقا تۇرسا جاھىللىق بىلەن ئەمچەك ۋە ئىمىزگىگىلا ئېسىلىۋالغىنى قىززىقتە-بەزىلەرنىڭ