سەن ئۆزەڭنى سۆيمىسەڭ ئۇيغۇر.

uqmasot

	سەن ئۆزەڭنى سۆيمىسەڭ ئۇيغۇر قاينىمىسا دىلىڭدىن ۋىجدان ، ئۆزلىكىدىن چىقمايدۇ غورۇر، ئۆزگى كېلىپ سۆيمەيدۇ سىنى، سەن ئۆزەڭنى سۆيمىسەڭ ئۇيغۇر. ھەر قەدەمدە بىردىن پايلاقچى، ئوغۇر  قىلىپ  چاقار  يالاقچى ، بايلىقىڭغا  ھىرىس  قاراقچى، سەن ئۆزەڭنى سۆيمىسەڭ ئۇيغۇر. تىلغا كەلدى ئەبجەش خىرىسلار، دىنغا دۈشمەن بولدى كىرىسلار، ئۆچۈپ كېتەر شانلىق شۇ ئىزلار، سەن ئۆزەڭنى سۆيمىسەڭ ئۇيغۇر. چاڭ باسماقتا مىللى مەدەنيەت، يۇقتۇرۋالغاچ ياتلاردىن ئىللەت، بۆلىنىمىز بۇپ ئىككى مىللەت، سەن ئۆزەڭنى سۆيمىسەڭ ئۇيغۇر. تۇنجۇقماقتا كىملىك روھىمىز، جۈپلىشەلمەي ئەپسۇس قولىمىز، غۇلاپ چۈشەر ھەتتا ھۇلىمىز، سەن ئۆزەڭنى سۆيمىسەڭ ئۇيغۇر. بىردىن كۈلۈپ كۆكلەپ كەتمەيسەن، بىردىن ئۈلۈپ تۈگەپ كەتمەيسەن، ئۆزلىكىڭسىز قالساڭ تۈگەيسەن، سەن ئۆزەڭنى سۆيمىسەڭ ئۇيغۇر. نەپسىز قىلماس بىراۋ  سۆزىڭنى، نەپ بەرمىسەڭ قىلماس يۈزۈڭنى، قاغا بولۇپ چۇقۇر كۆزۈڭنى، سەن ئۆزەڭنى سۆيمىسەڭ ئۇيغۇر. ئۆز قەدرىڭنى ئۆزەڭ قىلمىساڭ، ئۆزگى قىلماس ھەتتا يىلىنساڭ، زىمىن يىغلار خارلىقتا قالساڭ، سەن ئۆزەڭنى سۆيمىسەڭ ئۇيغۇر. باغچىلىرىڭ باغۋەنسىز قالار، گۈل -گىياھىڭ ۋاقىتسىز توزار، تارىخ بىركۈن ياقاڭدىن ئالار، سەن ئۆزەڭنى سۆيمىسەڭ ئۇيغۇر. ۋاقىت قىسقا  مەنزىلىڭ يىراق، يالغۇز كارۋان ماڭالماس بىراق، كۆكلىمەيسەن بولماستىن ئىناق، سەن ئۆزەڭنى سۆيمىسەڭ ئۇيغۇر. ئۆزگى قولدا  قالسا  قىممىتىڭ، خائىن  بولار  ئۆزەڭگە  جىنىڭ، كەچۈرەلمەس  سىنى ۋەتىنىڭ ، سەن ئۆزەڭنى سۆيمىسەڭ ئۇيغۇر.     ئۆچمەس ئوت.

زەنجىر

	مۇشۇنداق  ئىسىل  تىمىلار ئۈزۈلمىسىكەن  دەيمە .،.

nazigul8

	سەن تۆكمىسەڭ ئەجرىڭنى ئۆزۈڭ، سەن قىلمىساڭ قەدرىڭنى ئۆزۈڭ، كىملەر قىلار قەدرىڭنى سېنىڭ، سەن ئۆزەڭنى سۆيمىسەڭ ئۇيغۇر!

akbar0997

	ناھايىتى ياخشى يېزىپسىز ،سۆز جۈمۈلىلىرى جايىدا ،تەربىيىۋى ئەھمىيىتى زور بولغان ياخشى شىئىر يېزىپسىز .ئىجادىيىتىڭىزمۇ ياكى باشقىلارنىڭ ئىجادىيىتىمۇ ؟بولسا كومپىزوتىرلىرىمىز مۇزىكا ئىشلەپ ،ئەل سۆيەر ناخشىچىلىرىمىز ئورۇنلىغان بولسا نەقەدەر ياخشى بولاتتى . قوللىرىڭىزغا دەرت بەرمىسۇن .

fatima

	شېئىرڭىز  نۇرغۇن  تەسۋىرلەرنى ياخشى تەسۋىرلەپ شۇنداق جانلىق چىقىپتۇ.

uqmasot

	akbar0997 يوللىغان ۋاقتى  2013-5-3 05:18 PM ناھايىتى ياخشى يېزىپسىز ،سۆز جۈمۈلىلىرى جايىدا ،تەربى ... ئۆز ئىجادىيىتىم.رەھمەت.

5uyghur

	قولڭىزغا دەرت تەگمىسۇن.بولسا مۇشۇنداق شېئىرلارنى كۆپرەك يىزىپ خەلقىمىزنى ئويغىتىپ تۇرسا .akbar0997قىرىندىشمىز دىگەندەك ناخشا قىلىپ ئىيتسا ....

bizkima

	تىما ئىگىسىگە رەھمەت .

ap~qilam

	ۋاقىت قىسقا  مەنزىلىڭ يىراق، يالغۇز كارۋان ماڭالماس بىراق . كۆكلىمەيسەن بولماستىن ئىناق، سەن ئۆزەڭنى سۆيمىسەڭ ئۇيغۇر. بۇ شېئىردىن ئىزنىڭ سىماسىنى كۆرگەندەك بولدۇم ، قەلىمىڭىزگە بەرىكەت تىلەيمەن .، راستىنلا ئۆچمەس ئەسەرلەرنى يېزىپ كېلىۋاتىسىز ، ئۇيغۇرنىڭ يۈرىكى ئەسلى ئۇيغۇركەن دېگەن شېئىرىڭىزمۇ مۇۋاپىقىيەتلىك چىققان ئەسەر ئىدى بۇ ئەسىرىڭىزمۇ ،ئۆچمەس ئەسەر بوپتۇ ،

dartman554

	مۇشۇنداق ياخشى    تىمىلار   بولسا    داۋاملىق   يوللاپ  تۇرۇڭ  قىرىندىشىم