زەي تارتقان بۇلۇڭدا بارماق شورايمەن

bahwanbiz

	زەي تارتقان بۇلۇڭدا بارماق شورايمەن سوۋىماي تۇرۇپلا مارتنىڭ جەسىدى ، ئەركىلەپ كەتمەكتە ياغاچ قۇلاق ماي . قىسمەتلەر چېچىكى تۇرسا خۇيلىنىپ، ھەسەتخۇر ھاۋادا بىئەركىن تىناي . ئەركىلەپ سۇنماقتا قېرىنداش ئۇچى ، بېرىلەر ئىشتانسىز دۇنيا رەڭگىگە. شەپەرەڭ ئوقدا بولدۇق قاراڭغۇ، يۇغۇردى ئۆتمۈشنى مومام تەڭنىگە. ئاق بېتىم چېكىتكە بولماقتا ئاشىق ، جانانلار بارمىقى نىمانچە يۇمشاق . چاڭقىغان يۇلتۇزلار لەۋلىرى ئۈچۈن تاغلىرىم مۇڭلىنىپ ئوقۇيدۇ قوشاق . يۇشۇرۇن ئازگاللار يىمەكتە بىزنى، بەك قوپال دەسسەلدى سىڭلىم سايىسى . پىشمىغان مېغىزنىڭ تەمىنى شوراپ، قېپىدىن چىقمىدى ئوغلۇم غايىسى. رەستىلەر كالدىرلاپ نوقىدى مېنى، باھاغا چىقمىدى كۆڭۈل ئەلبۇمىم. بەك رەڭسىز سىزىلغاچ ھايات بەتلىرى، مايسىراپ قالماقتا ئېتىقاد رولۇم . يېتىلگەن ۋاقىتنىڭ شەھۋىتى بىرلە ، فامىلەم يېزىلدى بەچچىدانلارغا. تىكەنگە سانجىلىپ قىلمىدىم تەۋبە، ئۆڭكۆرگە تۆكۈلگەن ھارام قانلارغا. چۈجىلەر كۆزىدە باقتىم ئۆزۈمگە ، بۆرەكنى زىناغا ، مەيگە تىگىشتىم . ھەپتىلەر ھەققىدە توقوپ يالغاننى بىر ئازغۇن نىيەتتە يەرگە ئېڭىشتىم . خورەككە كەتكەندە ئاپئاق يەرلىرىم ، كۈيلەرگە جۈر بولدى ھورۇن تاپىنىم . ھويلامنى قاغىغا بەرگەچ ئىجارە ، ئاھانەت ئىلكىدە تۇتۇلدى تىلىم  . قاپىيە كۆرۈنسە ئەجەل قىرغىقى ، قەسىدە شىۋىرلاپ تاڭنى ئۇلايمەن . ساق قالغان كۆزۈمنىڭ قارچۇقى ئۈچۈن ، زەي تارتقان بۇلۇڭدا بارماق شورايمەن. خاتىمە يىگىتلىك قاسرىقىم كەتمەكتە يۇمشاپ ، قارس، قىلىپ سۇنماقتا ئەرلىك قوۋۇرغام . يىرتىلغان كىگىزلەر  مايلايدۇ مېنى، قاھقاھلاپ كۈلمەكتە باش ئاغرىق دورام . ئاپتۇرى : ئا. مۇھەممەت باغۋەن

ANSWER

	‏بۇ شىئېرنىڭ كىينىدە بىر گەپ بار ، قايتا ئوقۇسىڭىز چۈشىنىسىز . شائىرنىڭ قەلىمى ھەقىقەتەن كۈچلۈك ئىكەن ! نىمىدىگەن ۋەزنى ئىغىر شىئېر ھە بۇ !

tok-tok

	رەسمى  مەنىسى چوڭقۇر . ۋەزنى ئېغىر  شېئىركەن ماۋۇ     قەلەم تۇتقان قوللىرىڭىزدىن  گۈل ئۈنسۇن .  رەھمەت  سىزگە

tok-tok

	كاللىسى ئاددىلار  چۈشەنمەيدۇ  دە    بۇ شېئىرنى

manayat

	مەن مۇ بىر زامانلاردا شئېر دىگەن بۇ دوستۇمغا ئاشىق  بىقارار  بوپ  ئەقلىمدىن ئازغانتىم بۇ   شئېر نى راستىنلا  ياقتۇردۇم ..........ھايات  دىگەن   مۇشۇنداق  بولدىكەن بىرسى  يىغىلىسا  يەنە  بىر سى كۈلۈدۇ بىر سى تۈگەپ كەتسە  يەنە بىرسى  تۇغۇلۇدىكەن ئىشلىرىڭىز  ئوڭۇشلۇق بولسۇن!!!!!!!

guli203

	چۈشەنمىدىم ،

guli203

	چۈشەنمىدىم ،

xajarim

	بەك ئىسىل شىئېركەن.   رەھمەت سىزگە.          بەكمۇ ئۇزۇن كىچە، ئەجەپمۇ تاڭ ئاتماي قالدى،     چىللاڭ خوروزىم ،چىللاڭ ، تاڭغا قاراپ كۆزۈم تالدى.   ...........................................................................

نۇرنىسە

	مەن ئىككى قېتىم ئۇقۇپ چىقتىم بۇ شئېرنى،ئازراق بىرنەرسە چۈشەنگەندەك بولدۇم،بەلكىم مىنىڭ كاللام بەك ئاددىي ئوخشايدۇ،لىكىن شئېرلىرىڭىزنى ياقتۇردۇم،قەلىمىڭىزگە بەرىكەت تىلەيمەن!

durdan

	تىل قابىليىتېڭىز ھەم تەپەككۈرىڭىزدىن بەكلا سۈيۈندۈم. ھويلامنى قاغىغا بەرگەچ ئىجارە ، ئاھانەت ئىلكىدە تۇتۇلدى تىلىم  . يىگىتلىك قاسرىقىم كەتمەكتە يۇمشاپ ، قارس، قىلىپ سۇنماقتا ئەرلىك قوۋۇرغام . يىرتىلغان كىگىزلەر  مايلايدۇ مېنى، قاھقاھلاپ كۈلمەكتە باش ئاغرىق دورام . ماۋۇ قۇرلار نى بەك ياختۇردۇم قاملاشمىسىمۇ بۇنى مەن يازدىم.                                     دەردىمنى قۇچاقلاپ ياتايمۇ ئەمدى\ ئۈيۇمنى مالىمان قىلدى بەت پۇراق، ھەتتاكى بۇلغىدى جىسمىم روھىمنى. دەردىمنى قۇچاقلاپ ياتايمۇ ئەمدى، ئۆزگىلەر كۈلىدۇ مازاق قىپ مىنى . چۈنكى بەرگەنمەن مەرتلەرچە جاينى، بۇسۇغۇمنى،ئاتامدىن مىراسنى. خالا قىلدى ئۆزگىلەر يۇلۇمنى تۇسۇپ، دەردىمنى قۇچاقلاپ ياتايمۇ ئەمدى.