ھەققانىي: ئايرىما (ساتىرا)

akkani

	ئايرىما (ساتىرا) ئاپتۇرى: ئابدۇۋەلى راخمان ھەققانىي يا رەب مىنى غورۇردىن-ۋىژدانىمدىن ئايرىما، قانائەتلىك ياشاشتەك جەريانىمدىن ئايرىما، ئىشلەپ ھالال يەيدىغان ئىمكانىمدىن ئايرىما، نادانلىقتىن مىڭ ھەزەر،ئېرپانىمدىن ئايرىما، يازاي،سۆزلەي كۆرگەننى،ئىلھامىمدىن ئايرىما. كۆردۈم بۈگۈن بىزارمەن بەزى ناباپ كىشىدىن، باھا بەرمەس بولدۇم مەن خەققە قاراپ تېشىدىن، دۇرۇس بولماق ھەرگىزمۇ ئەمەس ئادەم يېشىدىن، قاچتىم كۆرسەم ياماننى يىراقلارغا قېشىدىن، تەلۋىلەرگە يۈز قويماس پىلانىمدىن ئايرىما. ئەر-ئاياللار ئىچىدە كۆردۈم كۆڭلى سۈيۈقنى، ئار-نومۇس يوق،ھايا يوق ئوينايدىغان بۇزۇقنى، ئاسان بىلەر ئۆي تۇتۇش،نىكاھ،تۇرمۇش،تۇغۇتنى، تاشلاپ قاچۇر غىپپىدە ئۆز جۇپتىنى بۇ يۇرتنى، شۇنداقلارغا مىڭ لەنەت! رەيھانىمدىن ئايرىما. بەزىلەرگە ھەيرانمەن ھارام يىسە سىڭەدۇر، يانچۇق توملاپ گال مايلاپ يىگەنسىرى ئۆسەدۇر، ئىش-ئەمگەكتە بەك قاشاڭ يىمەكلىكتە چېۋەردۇر، يۈرەك پوك-پوك ھېمىشە خۇدۈكسىرەپ يۈرەدۇر، ناننى ھالال يەيدىغان ئىنساۋىمدىن ئايرىما. سەپرا ئىكەن بەزىلەر تۇرار ئۇرۇش ھالەتتە، ئالاقىدە بەك قوپال گەپ-سۈزىمۇ ئادەتتە، (ئۆزگىلەرگە ئىللىقلىق ئەزەلدىن يوق نامەرتتە) يۈرسەم دەيمەن خۇشچىراي ھەر چاغ ھەربىر سائەتتە، دىل ئازاردىن ئەل بىزار،خۇش ھالىمدىن ئايرىما. بەزەنلەر بار ساختىپەز خۇددى چىڭخەي تۈلكىسى، ئىچى زەھەر رەڭگىدىن تېپەر يالغان كۈلكىسى، بولالايدۇ ھەر جايدا رەڭۋازلىقنىڭ ئۈلگىسى، بىلەلمەيمىز ئىچىدە مۇنداقلارنىڭ بەلگىسى، قۇۋغا ئاتسام دەل تېگەر ئوقيارىمدىن ئايرىما. كۆرەلمەسلەر ياخشىغا تۆھمەت تېشى ئاتاركەن، تۈك ئۈندۈرۈپ تىرناقتىن غەيۋەت ئىزلەپ چاپاركەن، ئارىمىزدا قىسمەنلەر دەرۋەقە بەك ناچاركەن، ئىناق بولساق ئىشىمىز ئاندىن روناق تاپاركەن، دوستلۇق گۈلى بىخ سۈرگەن گۈلزارىمدىن ئايرىما. يامانلىق يوق ئۆزگىگە ھەر مىسرا ھەر سۆزۈمدە، ئاسايىشلىق تىلەيمەن ئۆتكەن ھەر بىر كۈنۈمدە، ئۆسەكلەرگە دۇچ كەلدىم جىم ياتساممۇ ئۆيۈمدە، ئۆز كۆڭلۈمنى خۇش قىلاي مۇھەببەتلىك كۈيۈمدە، ھاياتىمغا مۇڭ بەرگەن خۇشتارىمدىن ئايرىما. نەزەر سالدىم جاھانغا بەلكى ياخشى-يامانغا، سۆكۈپ تۇردۇم ئىللەتنى بولۇپ ۋەكىل ئاۋامغا، تەپەككۇرۇم جانلانغاي مەن چىقساممۇ ئارامغا، ئىجاد-ئەمگەك تەسەللى مىنىڭ كۆڭۈل يارامغا، <<ھەققانىي>>يول تۇتۇشتەك ئارمانىمدىن ئايرىما. ******** مەنبە:ئۆز ئىجادىيىتىم.

ap~qilam

	تىلىم ئىدى بايلىقـىم ئايرىلمايمەن تىلىمـدىن ، ئىمان بىلەن ياشايمەن ئايرىلمايمەن دىنىمدىن. ئەستە تۇتۇپ تارىخنى چىقارمەيمەن دىلىمدىن . مەنمۇ ئەۋلاتلىرىـمغا قۇر پـۈتىـمەن قېنىـمدىـن . ئېرىشكىـچە شۇ كۈنـگە بۇ جانىمـدىـن ئايرىما  .                                                                 _____ئەپچىلەم شۇنداق كۈنلەر كېلەرمۇ

kariguja

	يۈرەكلەرگە بەردىڭ زوق،ھەر بىر مىسرا تامچاڭدا، ساۋاپ تۇردۇڭ ياماننى،شېئىر ئاتلىق قامچاڭدا. ھەقىقەتچۈن تەييارسەن كەلسە كۈلپەت باشىڭغا. سىنى  ئاللاھ  ساقلىسۇن ،  تىلەي  دۇئالېرىمدا . ھەقنى سۆزلەپ  ھارمىغان  ‹ھەققانى›دىن ئايرىما

akkani

	kariguja يوللىغان ۋاقتى  2013-5-2 04:33 PM يۈرەكلەرگە بەردىڭ زوق،ھەر بىر مىسرا تامچاڭدا، ساۋاپ ت ... رەھمەت.

uyol

	ھالال ياشاي دۇنيادا ،ئىنساپىمدىن ئايرىما

handanjan

	ap~qilam يوللىغان ۋاقتى  2013-5-2 03:04 PM تىلىم ئىدى بايلىقـىم ئايرىلمايمەن تىلىمـدىن ، ئىمان ب ... ئاللاھ خالىسا…

mahatjan

	ئەتتىگەندە سىلىق سىپايە سالاملاشتى بەزىلەر، چۈش ۋاختىدا ئېغىز-بۇرۇن يالاشتى بەزىلەر. كەچقۇرۇندا ھىساپ بوغدى ئەھۋال باشقىچە، بىر پۇڭ ئۈچۈن غالجىر ئىتتەك تالاشتى بەزىلەر.

barquk8

	ئەسسالامۇ ئەلەيكۇم ئابدۇۋەلى ئاكا يەنە بىر نادىر ئىجادىيتىڭىزنى كۆرگەنلىكىمدىن تولىمۇ خۇشالمەن . بۇنىڭدىن كىيىنكى ئىجادىيەتلىرىڭىزگە بەرىكەت تىلەيمەن . مېنى ئىگەم ئىمانسىز ھالدا جاندىن ئايرىما ، تەۋبە قىلىش نىيىتىم ھەركىتىمدىن ئايرىما . كۇناھىم كۆپ بولسىمۇ رەھمىتىڭدىن تېخى ئاز ، ھىدايەت قىل قەلبىمگە شەپقىتىڭدىن ئايرىما . شېئىر يېزىش ئەسلىدە مېنىڭ كەسپىم ئەمەستۇر ، لىكىن دەتنىڭ دەستىدىن قايغۇ ئوتۇم پەۋەستۇر . يېزىش شۇڭا گاھىدا مەندىكى بىر ھەۋەستۇر ، ئىگەم ئۇشبۇ ھەۋەستىن مېنى مەڭگۈ ئايرىما . تۇغۇلۇپ مەن  دۇنياغا ئانا تىلدا چىقتى تىل ، بىلگەچ ئانا تىلىمنى يايراپ تۇرار دائىم دىل . ئۆگۈنۈشكە تىگىشلىك تىل بولسىمۇ نەچچە خىل ، ئۇلۇغ رەبدىن تىلىكىم ئۆز تىلىمدىن ئايرىما . ئابدۇۋەلى ئاكا سىزنىڭ ئەسەرلىرىڭىزنى ئوقۇسام ئەسەرلىرىڭىزدىن ماڭا بىر خىل ئىلھام كىلىدۇ . شۇڭا سىزگە ئەگىشىپ يېزىپ باقتىم تەلىم بىرىشىڭىزنى ئۈمىد قىلىمەن .

akkani

	barquk8 يوللىغان ۋاقتى  2013-5-3 12:59 AM ئەسسالامۇ ئەلەيكۇم ئابدۇۋەلى ئاكا يەنە بىر نادىر ئىجا ... رەھمەت،ياخشى يېزىپسىز.

xajarim

	ئەسسالامۇ ئەلەيكۇم ئابدۇۋەلى ئاكا يەنە بىر نادىر ئىجادىيتىڭىزنى كۆرگەنلىكىمدىن تولىمۇ خۇشالمەن . مەن ھەققاني ئاكامنىڭ شىئېرلىرنى  بەك ياقتۇرمەن.    راستىنى دىسەم،  سىزنىڭ بۇ شئېرڭىزمۇ  بەك ياخشىكەن.   بەك ئىسىل يىزىپسىز.  ئاللاھ دىگەن تىلكىڭىزگە سىزنى  ھەم بىزنى،   ئەۋلادلرىمىزنى   يەتكۈزسۇن.