يارىلانغان كىيىكنى تۇغماقتا ۋەتەن

bahwanbiz

	يارىلانغان كىيىكنى تۇغماقتا ۋەتەن سانجىلىپ تۇرىمىز كېچە كۆزىگە بىر چەكسىز تىكەن سىم باغرىدا ئوخلاپ . سەھەرگە سىڭمىگەن تەشۋىشىمىزنى ، بىر ئاددىي سوقما تام تۇرىدۇ ساقلاپ. ئۆتمۈشنى بويىدى ساختا ياغاچ ئات، يىلىكلەر يېغىدا يانىدۇ كارۋان . توغراقلار بارمىقى يازماي ۋەسىيەت، قوملۇقنىڭ ساقىلى سىقماقتا  ھېجران . ھەپتەمنى يىمەكتە دىۋانە شامال ، ئويقىلار ساتماقتا بىمەنە ساۋاب. يەكچەشمە چىغىر يول تۆكمەكتە زەھەر ، بىپەرۋا تېنىمنى قىلىمەن كاۋاپ . مىڭ  پارچە قىزىقىش كەتمەكتە ئېرىپ ، بىتەلەي رىزقىمنى قىلدىم شاكاراپ . ھوسۇللار قوينىدا قويسام سەمىرىپ، چاشقانلار ئىزىمنى تۇرماقتا بايقاپ. غەزەللەر كۈلكىسى ئەسلىگە قايتار ، بىر ئېرىق مۇھاببەت تۇغىدۇ داستان. ئالۋۇننى مىنگەشكەن جادۇ كۆزلەردىن، خام سېمىز كۆڭۈلنى يىقىتىش ئاسان. زامانلار دولقۇنىغا تاشلىماي قارماق، پېئىللار بولۇشسىز قىلدى تىلىمنى. ئېتىقاد يىغىلىپ كاۋاك نوقتىغا، قارڭغۇ قەپەسكە سالدى دىلىمنى. مۆرىگەن بالامنىڭ تىلى _ يات شۆلگەي، چاچماقتا كېسلاتا قەۋرىلىرىمگە. قەۋىمنىڭ بېشىنى مۇشتلاپ تۇرۇپ، چىۋىنلەر گەپ قىلدى نەۋرىلىرىمگە . زامانلار قانىتى رەڭدار بويالسا  ، قىزىقىپ ئىگىلدى ساددا قوۋۇرغام . شىۋاقلار ئارمىنى بولمىغاچ بايراق، ئەجەپ بىر چاڭقىدى بىتەلەي پادام ! نەملىكى يۇمشاقلىق رىشتىدە ياشاپ، يوللارنىڭ پىلىكى ئەمەسكەن ئەركە . ئېھتىمال تاللاشنى دىسەك ياۋا ئوت، بىر پارچە مۇھاببەت _ بىر قاپ سەرەڭگە. تىرىشقان يىلىكلەر تۇرار پارقىراپ ، رەڭلەشكەن ئېتىقاد ساختا ئىمىزگە. روھىمىز غەليانسىز تۇرسا كىرلىشىپ، رىئاللىق تەر پۇراپ قىستىلار بىزگە . دولقۇنى ئويلىشىپ قالارمىكىنتاڭ ، مەرىسەك تەڭ تۇرۇپ دېڭىز سۈيىگە . نادانلىق قىلماقتا ھەجىۋېي رەسىم ، ئوخشىتىپ بۇۋامنى كالۋا بۆرىگە. خاتىمە سېيرىلىپ كېتىمەن ئارزۇ بېغىدىن، ئۇنتۇغاق ھاياجان بولماقتا دۈشمەن . تاغلارنىڭ  مۇزلىغان   بالياتقۇسىدا، يارلانغان كىيىكنى تۇغماقتا ۋەتەن. ئاپتۇرى : ئا. مۇھەممەت باغۋەن

muhabbatsiman

	ياقتۇردۇم!

esil521

	بۇ قىرىندىشىمىزنىڭ قەلەم قۇۋىتى ھەقىقەتەن يۇقىرىكەن ...بىراق بۇ شىئىرنى چۈشەنگىدەك كاللا قانچىلىك كىشىدە بادۇ ؟ قولىىرىڭىزغا دەت كەلمىسۇن قىرىندىشىم مۇشۇنداق ئىسىل يازمىلىرىڭىزنى ئۈزمەي يوللاپ تۇرۇڭ باشقىلارغا ئوقۇش خوش ياقمىسا بىزدەك يازغىنىڭىزنى چۈشىنىدىغانلارغا ياغدەك ياقىدۇ ..

qidax

	ھازىرقى قوش تىلنىڭ باللىرى ئاساسەن چۈشەنمەيدۇ.

abdul915

	بۇنداق ئەركىن شېئەرلارنى چۈشەنمەك سەل تەسرەك زادى ...

hrustal

	نېمدىگەن ئۆتكۈر تىل بىلەن يېزىلغان، بىر پۈتۈن تارىخ، ھازىر ۋە كەلگۈسىىمىز ئېچىپ بېرىلپتۇ.  ئىلاھىم ھەممە ئىشلار ياخشىلىنىپ كېتەر.بىلگەنلەرتارىختىن،ۋەزىيەتتىنلا رەنجىمەي  ئاتا ئانا بولغۇچى باللىرىغا ،كىچىك ۋاخىدلا ئىدىيسىگە سىڭدۈرۋەتسە ، بوران چاپقۇننىڭ كارائىتى چاغلىق.                    تېز يۇقار تەربىيە ئىنسان زاتىغا ،                     ئەسلى تەبىئىتى بولسا قۇبۇلچان . ،                    پاقىراق بېرەلمەس تۆمۈرگە زادى                   سەيقەلنىڭ سۈپىتى بولسا گەر يامان .                      يەتتە رەت يۇيساڭمۇ دەرياد ا ئتنى                          يەنىلا ئىپلاستۇر بولسا ئۇ ئامان .                      ئىيسانىڭ ئىشكى مەككىگە بارسا                        قايتقاندا يەنىلا ئىشەكتۇر ھامان. ‹شەيىخ سەئدى›

hrustal

	abdul915 يوللىغان ۋاقتى  2013-5-2 12:06 PM بۇنداق ئەركىن شېئەرلارنى چۈشەنمەك سەل تەسرەك زادى ... بۇنىڭدىنمۇ ئوچۇق يېزۋەتسە، تېگىشلىك بولمىغان يەرگە ئاپىرىپ قويا ھەقىچان، يېتىپ ئۆلگچە ،ئېتىپ ئۆل. ھەرىدىن چۈمۈلە كۈچلۈك. بولدى ئارتۇق گەپ قىماي

ALEPTEKEN

sirdax998

	ياخشى يېزىپسىز.بارىكاللا

nazigul8

	ئەمىلىيەتتىكى ئىشلار ئاچچىق ھىسلار بىلەن يۇغۇرۇلۇپ چىقىپتۇ، قەلەم كۈچىڭىزگە ھەقىقەتەن قايىلمەن!