مىڭيولدىكى ئوت
ـ قەشقەر كونىشەھەر ناھىيەسىنىڭ مۇش يېزا مىڭيول كەنتىدە قۇرۇلغان«مىڭيول تەبىئىي ئىچىملىك سۈيى» زاۋۇتىنى ئېكىسكورسىيە قىلغاندىن كېيىن.
تۇتاشسا يۈرەككە سۈيگۈ- ھارارەت،
تەپتىدىن ھاسىلدۇر گۈلخان يالقۇنى.
سۆيگۈدە رىشتىنىڭ تارىسى پۈتەر،
ئۇلۇغلۇق تەختىدە بەخت دولقۇنى.
مىڭيولغا باغلانغان تىۋىنىش، تىلەك،
سۆيگۈدىن ئاتەشنىڭ رىشتىنى ئاتقان؛
شۇ ئاتەش تەكتىدە ھوزۇر كارامەت،
ھاياتقا مەئىشەت پەيزىنى چاتقان!
مىڭيولدا مىڭيولنىڭ تاراملىرى كاج،
كۆڭۈل ئۇ ـ دىل كۆيۈپ شۇنداق ئاتىغان!
(يانمىغان، تانمىغان، تالمىغان بىراق،
كۈنۇ- تۈن توختاۋسىز كارۋان قاتنىغان!)
كارۋانلار ئىزىدا قالدى نە ئىزنا،
ئاختۇرساق تېپىلماس زىبايى- بەرنا؟
ۋە لېكىن قالاركەن نامۇ- نىشانە،
جاۋابى ھازىردا ئىكەن ھەر قەنا؟
مىليۇن كۆز يول ئالغان تۇپراق باغرىدىن،
(جەمگاھى چوڭ بولاق شۇ قەدەر ئۇلۇق.)
سەپىرى بەك ئۈزۇن،ھىممىتى چەكسىز،
بېرىدۇ تەشناغا ھوزۇرنى تولۇق.
جىلمىيىپ تارامدا ئاقسا شاقىراپ،
زىلاللىق جىسمىغا قۇۋەت يارىيار.
مەۋجۇتلار بەستىگە بېرىپ پاراسەت،
تەبىئەت ھۆسنىگە ھۆسۈن قوشۇلار.
بۇلاقلار كۆزىدىن ئېچىلىدۇ گۈل،
ھۇزۇرى ھاياتقا بېرىدۇ رىغبەت.
تاغلىرى تازىمدا يېشىل بۇستانغا،
ئىزغىرىن شامالنىڭ پەيزىدە راھەت.
مىڭيولدۇر يولارنىڭ تۈگۈنى ھەتتا
مۇجەسسەم مەرتلەرنىڭ روھى،جان، تېنى!
كۆرسىتەر شۇ تاغلار، قوياش، ئاي، يۇلتۇز...
ئەجداتلار ئىزىدىن ئۇدۇمنى، نۇرنى!
يول- ھايات، يول- بەخت، چېتى كۆرۈنمەس،
تۈمەن يىل قاتنىساڭ قەددى پۈكۈلمەس؛
ئاشىقلار تاپىدۇ ۋىسال بەختىنى،
يول رىشتە، بىراق ئۇ گۈلدەك سۆيۈلمەس!
مىڭيولنىڭ ھىممىتى، ھېكمىتى سۆيگۈ،
سىرلىرى تۈمەنمىڭ جىسمىدا ئايان!
ئىرادىن بۈگۈنگە قالدى ئۇلۇق نام،
ئاختۇرساڭ تەكتىدىن تېپىلار بايان!
تەشنا بىز مىڭيولغا كارۋانلار كەبى:
ئول زامان ماڭغاندەك سۇ، ئېرىق بويلاپ.
(ھەرنە ئوت، ھەرنە تاش، زەرررە تۇپراقنى،
ھاياتنىڭ تەشناسى، ئۇزۇقى ساناپ!)
يۇرت ئارا باغلانغان رىشتە، تەۋەللۇت،
مىڭيولدا تۇتاشقان زامان، زاماندىن!
ئۇلۇغ نام ئاۋامسىز كەلمەيدۇ ئەسلا،
يارىلار پەقەت ئۇ خاسلىق، خىسلەتتىن.
بىر گۈزەل ھاياتلىق باشلاندى ئۇندا،
(زىلال سۇ – چەشمىدىن ۋىلىقلار يۈرەك.)
تەنلەرگە ساغلاملىق، ھىدايەت بەرگەچ ـ
بەھرىدىن ئاجايىپ يارىلار كۆرەك.
2013-يىل 5-ئاي 1-كۈنى، قەشقەر.
بۇ يازمىنى ئاخىرىدا a.j.tuprak تەھرىرلىگەن. ۋاقتى 2013-5-2 01:48 AM