بۇ قانداق چاقچاق؟

marhaba77

	_ئاپا،ئاپا ،بۇنىڭغا قارا...     ئالدىراش ئاشخانا ئۆيگە يۈگرۈپ كىرگەن ئوغلۇمنىڭ چىرايىدىكى خۇشاللىق ئالامەتلىرىنى كۆرۈپ دەرھال قولىدىكى تىلفۇننى ئالدىم.<<ئەسسالامۇ ئەلەيكۇم،تىزدىن تارقىتىڭ!  خوتەندە بىر بالا ئوغرىسى تۇتۇلۇپتۇ...بۇ ئوغرى ئەللىك دانە بالا ئوغىرلىغانلىقىغا ئىقرار بوپتۇ...بۇ بالىلاردىن بەش بالىنىڭ ئاتا-ئانىسى تىپىلىپتۇ...قالغان قىرىق بەش دانە بالىنىڭ ئاتا-ئانىسى تىپىلماپتۇ...ئەتراپىڭلارغا ...تور ...ئۈندىدار...كيۇ-كيۇتوپلىرىغا تارقىتىپ قويۇڭلار...ئاللاھ رەھمەت قىلسۇن....>>   بۇنى كۆرۈپ بەش يىلدىن بۇيان بالا دەردىدە قان زەرداپ بولغان يۈرىكىم ئىللىق بىر سىزىم ئىلكىدە ئۈمىدكە تولدى.خوتەندە بولمىساممۇ،بۇ مەن ئۈچۈن زور تەسەللى ئىدى.ئىچىمدە بۇنى يوللىغۇچىغا قانچىلىك رەھمەت ئېيتىپ ئۆزۈممۇ بىلمەيمەن.دەرھال ھىلىلا ئىشقا ماڭغان يولدىشىمغا تىلفۇن قىلدىم:تېز ئۆيگە قايتىپ كېلىڭ.تېز بولۇڭ...   ھاياجان ئىلكىدە يولدىشىمغا گەپ قىلىش پۇرسىتى بەرمەيلا تىلفۇننى قويىۋىتىپ ئالدىمدا دادىسىغا ئوخشىغان قوي كۆزلىرىنى مۆلدۈرلىتىپ ماڭا قاراپ تۇرغان ئوغلۇمنى قۇچاقلاپ سۆيۈپ كەتتىم...   بەش يىل ئاۋۋال ،قوشكىزەك ئوغۇللىرىم بار دەپ ئۆزىنى قويغىلى يەر تاپالماي يۈرگەن يولدىشىمغا ،ئۈچ قوي كۆزنىڭ سەھەردە چىيىنى چۈش ،كەچتە تامىقىنى ئىتىپ ،كىيمىنى ياماشنى،ئاددى بولسىمۇ ئىللىقلققا تويۇنغان بۇ غىرىپ كەپەمدە بىر ئۆمۇر مۇشۇ تەرىقىدە ياشاشنى ئاللاھدىن تىلەپ كىلىۋاتقان مەن مەزلۇمغا،قوشكىزەك ئىنىسى بىلەن بىر يوتقاننى ئون يىل تالىشىپ يىپىنىپمۇ بىردەم كۆرمىسە چىدىمايدىغان ھەسەنىمگە تەقدىرنىڭ يوغان بازغىنى تەگدى.ئەتىگەندە سومكىلىرىنى ئېسىپ  ،قوللىرىنى پۇلاڭلاتقانچە مەكتەپكە ماڭغان ئىككى تىغىمدىن چۈشتە پەقەت بىرىلا كۆزلىرى ياش ،كىيىملىرى توپا ھالدا كىرىپ كەلدى.ئاھ مىنىڭ ئاجىز يۈرىكىم !بۇ دەتلارگە نىمە دەي ئەمدى...بىچارە بالام ئىسەدىگىنىچە <<تار كوچىدا...قارا ماشىنا...ئىككى ئادەم...تۇتۇپ ...>>دىگەن گەپلەرنىلا قىلالىدى.ئەنە شۇندىن بۇيان بۇ ئائىلىدە <<بالا>>،<<تىپىلىپتۇ>>،<<ئىزدۋاتىدۇ>>دىگەن سۆزلەر ئالاھىدە مۇھىم سۆز بولۇپ قالدى.چۈنكى بۈ گەپلەر مەن ئاجىزەنىڭ قۇلىقىغا،بالاڭ تىپىلدى ،بولۇپ ئاڭلىناتتى.بۇگۇنكىدەك قەيەرلەردىندۇر كىلىپ قالغان<<بالا>>توغرىسىدىكى ئۇچۇرلار بىزنىڭ ئۈمىد چىرىغىمىز ئىدى.   بىچارە يولدىشىم يۈگۈرگەنچە كىرىپ كەلدى،بەلكىم بايىقى ئاۋازىمدىن پەرەز قىلىپ بولغان بولسا كىرەك،كىرىپلا قولۇمدىكى تىلفۇننى ئالدى.ئوغلۇمنىڭ ياردىمى بىلەن ھىلىقى ئۇچۇرنى كۆرگەندە ئۇنىڭ چىرايى بۆلەكچە ئىچىلىپ كەتتى. _تىز ئالاقىلىشايلى،بۇ ئادەممۇزە ئالاقىلىشىش ئۇسۇلىنىمۇ قالدۇرماپتۇ،بەك كۆپ ئىملا خاتالىقىغا يول قويغىنىغا قارىغاندا بەك ئالدىراش يازغان بولسا كىرەك.ئۇنتۇپ قاپتۇ.بىزلەنى بەك ساقلاپ كەتمىسۇن دەپتۇ...   ئۇ بۇ گەپلەرنى دەۋاتقاندا چىرايىدا چەكسىز خۇشاللىق ئەكىس ئەتسىمۇ،مەن ئۇنىڭ كۆز چانىقىدىكى لىغىرلاپ تۇرغان ياشنى كۆرۈپ قالدىم.ئۇنىڭ كۆزىدىكى ياش ئەمدىلا قەقەش بولغان يۈرەك يارامنى يەنە بىر قىتىم تاتلاپ لەختە-لەختە قان قىلىۋەتتى...   _مەن بۇنى بىزنىڭ سىنىپنىڭ توپىدىكى ئۇچۇر ئارىسىدىن كۆرگەن،يوللىغىنى سىنىپ باشلىقىمىزكەن،مەن ئۇنىڭدىن سوراپ باقاي نەدىن بىلدىكىن،مەندە تىلفۇن نۇمۇرى بار. _ھازىرلا تىلفۇن قىلايلى ،تىز تاپە نۇمۇرىنى...   مەن تامغا يۆلەنگەنچە ئۇلارغا قاراپ تۇردۇم.ئۇ ئىككىلىسى شۇنداق خۇشال خۇددى  مۇشۇ تىلفۇن بىرىگە يۆلەنچۈكىنى،بىرىگە تېغىنى تىپىپ بىرىدىغاندەك ئىدى.بىر ھازادا ئوغلۇمنىڭ،سەنمۇ باشقا توپتا كۆرگەنمۇ،ھە،ئامال قىلىپ ساڭا يوللىغان ئادەمنى تاپالامسەن؟ماڭا ياردەم قىل ئاداش ،دىگىنىنى ئاڭلىدىم.   ئۇلار يەنىلا شۇنداق خۇشال ئىدى.مۇشۇنداق ئۈمىد ۋە ئۈمىدسىزلىك ئارىسىدا ئىزتىراپ چىكىپ ئىككى كۈن ساقلىدۇق.خەۋەر يوق ،ئاڭلىسام ئۇلار ئۇچۇرنىڭ كەلگەن يۆنىلىشىنىڭ قارشىسىغا:بۇ ئۇچۇرنى يوللىغۇچى مەن بىلەن ئالاقىلەشسىڭىز، بەك جىددى ئىدى.دەپ تىلفۇن نۇمۇرىنى قوشۇپ يوللاپتۇ .ئەمما بۇ ساقلاش بىزنىڭ ئارامىمىزنى قويمايتتى.كىچىلىرى ئۇيقۇ يوق ،كۈندۈزى تاماققا ئىشتىھا يوق.ئاخىرى بەرداشلىق بىرەلمىگەن يولدىشىم خوتەن سەپىرىگە ئاتلاندى.    ئۇياقتىمۇ خەۋەر يوق ،بۇياقتىمۇ شۇ،بەك چارچاپ كىتىۋاتاتتىم.بەدىنىمنىڭ ئەمدى يەنە بىر قىتىملىق ئۈمۈدسىزلىككە بەرداشلىق بىرەلمەيدىغانلىقىنى سىزىپ تۇراتتىم.ئەمما يىنىمدىكى ئىككى قارا كۆز ئۈچۈن چىدىماي ئامالىم يوق ئىدى.   يولدىشىم كىتىپ ئۈچ كۈن ئۆتكەندە تىلفۇنۇمغا ئۇچۇر كەلدى:ئۇ ئۇچۇر پەقەت مۇنداقلا يىزىپ قويغان نەرسە ،بەك ئەستايىدىل بوپ كەتمەڭ.بالىڭىزنى چوقۇم تاپىسىز .خوش...    كۆز ئالدىمغا قاراڭغۇلۇق تىقىلدى.بۇقاراڭغۇلۇق مىنى بۇ دۇنيادىن مەڭگۈلۈككە ئايرىپ ئىلىپ ماڭغانىدى. ئەسكەرتىش:تېمىنىڭ كېلىش مەنبەسىنى ئەسكەرتىڭ!   -تەھرىردىن.

rahmansaykin

	بالىنىڭ ئوتى بالاچە بار ، ئانىنىڭ ئۇتى ئاناچە بار  دىگەنىكەن كونىلار . بالىنىڭ ئوتى راسىت يامان . سەۋىر قىلىڭ . تېپىلىپمۇ قالار . خۇدايىم ساقلاپ بىر ئوغلىڭىز قايتىپ كىلەلەپتۇ . شۈكرى دەڭ .

ئۆل

	دىمەك بالا تېپىلماپتۇ ....بۇ يالغان ئۇچۇرمكەن ئەمسە

abdurehim123

	بۇ چاچچاقنى قىلغۇچى تىگىشلىك جازاسىنى تارتسا بولغۇدەك ،ئاز بولغاندىمۇ بىرەر ئاي  زىندان تەمىنى تېتىسا قالايمىغان ساختا ئۇچۇرلارنى تارقاتمايدىغان بولىدۇ .

marhaba77

	بۇ ئەسەرنىڭ ئاپتورى ئۆزۈم..بۇ ۋەقەلىك پۈتۈنلەي توقۇلما.ئاۋۇ <<خەۋەر >>دىن باشقىسى.

marhaba77

	ئۆل يوللىغان ۋاقتى  2013-5-1 09:04 PM دىمەك بالا تېپىلماپتۇ ....بۇ يالغان ئۇچۇرمكەن ئەمسە { ... شۇنچە نەرسىنى يازغان ئادەم نىمىشقا ئالاقىلىشىش ئادىرسىنى يازمايدۇ؟بىز كۆرسەك ئىقىم مىقدارىمنى ئىسىراپ قىلدى دەپ غۇدۇڭشۇپلا قويىمىز،ئەمما شۇ بالا دەردىدە سەرسان يۈرگەنلەرچۇ؟مەن ئاۋۇ ‹‹خەۋەر››نى كۆرۈپ بۇ ئەسەرنى يازدىم.دانە لىرىدىن ئۆرگىلەي،شۇ شەپقەتچىمۇ كۆرەر بۇ تىمىنى .ياكى ‹‹ياخشى››ئىش قىلماقچى بولغانلار ئۆزىنى سورار...

ئۆل

	marhaba77 يوللىغان ۋاقتى  2013-5-1 09:55 PM شۇنچە نەرسىنى يازغان ئادەم نىمىشقا ئالاقىلىشىش ئادىر ... نىمانداق چۈشۈنكىسز گەپ قىللا ؟؟؟يالغان توقۇلما نەرسىما بۇ؟؟؟مەنمۇ ھەيران قاپتىمەن ..بۇنداق يالغان خەۋەر تارقتدىغانلارمۇ بولماس ..قايسىنى خەۋەرىنى كۆرەپ يازدىلە ؟؟؟

marhaba77

	ئۆل يوللىغان ۋاقتى  2013-5-1 10:02 PM نىمانداق چۈشۈنكىسز گەپ قىللا ؟؟؟يالغان توقۇلما نەرسى ... ئاۋۇ بالا تىپىلغانلىق خەۋىرى ئەتە-ئۆگۈن سىزگىمۇ يىتىپ بارار .مەن ئەسلى تىكىست بويىچە نەقىل ئالدىم.بىرەر پەشلىرىمۇ كەم ئەمەس.

dilbar

	مانچە بالا، مانچە ئادەم دەپ ئالىمىز.. 50 دانە بالا دىسەك خۇددى بالا ئادەمگە نەرسىدەك تۇيغۇ بېرىپ قويىدىكەن. ...بۇنداق ئۇچۇر ئالدامچىلىغى ھازىر كۆپىيىپ قالدى.. ئادەم بىدىكلىرىگە لەنەتلەر بولسۇن،

xunqilik~san

	ئۆل يوللىغان ۋاقتى  2013-5-1 10:02 PM نىمانداق چۈشۈنكىسز گەپ قىللا ؟؟؟يالغان توقۇلما نەرسى ... ھەيران بولمىسىلا ھازىرقى جەمىيەتنىڭ تەرەققىياتى بۇ