قوشنىلار

bahwanbiz

	قوشنىلار (مۇنبەردىشىم شامالنىڭ ھېكايىسىگە يانداشما ) ئختىيارسىز كۆرىشىدۇ قوشنىلار بىر ناننى تەڭ بۆلىشىدۇ قوشنىلار ، يىقىلغاننى يۆلىشىدۇ قوشنىلار ، چوڭ ئىشلاردا ئۆملىشىدۇ قوشنىلار. يامغۇر يېشىن ، ھاۋا تۇتۇق دىمەيدۇ ، يىڭنە چاغلىق يات ھەققىنى يىمەيدۇ . كىچىك پېئىل ، كەمچىللىكنى كۆرمەيدۇ. بىر تاۋۇزنى  بۆلىشىدۇ  قوشنىلار . سالام سائەت قىلىشىدۇ ئېرىنمەي ، تار كوچىدا مېڭىشىدۇ كېرىلمەي . ۋەدىلىشەر يات ھەۋەسكە بېرىلمەي ، سىناقلاردا بىرلىشىدۇ  قوشنىلار. ياغاچ قۇلاق توخو- تۇمان باقمايدۇ ، ئېرىقلاردا ئەخلەت - يۇندا ئاقمايدۇ . <ئوموم > دەيدۇ ،  نەرسە - كېرەك ساتمايدۇ. بەخت - ئامەت تىلىشىدۇ قوشنىلار . خېمىرتۇرۇچ سوراپ كىرەر بالىلار ، دەرۋازىدىن  ئۈسسۈپ كىرەر كالىلار ، كوچىدا يوق يامان نىيەت ئالىلار ، چۈنكى ئوبدان بىلىشىدۇ قوشنىلار. داۋاملىشار ئاياللارنىڭ ئۆتنىسى ، بەرىكەتلىك توي تۆكۈننىڭ پەتنۇسى ، ئامەت تۇغار چىن تۆمۈرلەر خەتنىسى، كۆڭۈل سىرىن بىلىشىدۇ قوشنىلار . دوختۇر گويا چىن ئىمانلىق قارىملار ، باش كۆتىرىپ ياشالمايدۇ زالىملار، ئالمىشىشدۇ پولۇ ، گۆشنان، نارىنلار ، ۋاپا ، سۆيگۈ بېرىشىدۇ قوشنىلار . ياش بالىلار ئاۋات قىلار دوقمۇشنى ، چوڭ بىلىدۇ مەرىپەتنى ، ئوقۇشنى ، ئەيىپ بىلەر يۇرتۋازلىقنى ، سوقۇشنى، مەسلەھەتتە كېلىشىدۇ قوشنىلار . باھالايدۇ ياخشى بىلەن ياماننى ، ئادەم قىلار قەلبى پۇچەك ساماننى ، ئەبجەش داندا بۇلغىمايدۇ خاماننى ، ئانا تىلنى قەدىرلەيدۇ قوشنىلار . ئىسسىتىدۇ تېنەپ قالغان سائىلنى، يار  كوچىلار  تۇغالمايدۇ خائىننى ، يېتېشتۈرەر كۆپكە قادىر ماھىرنى، يىللار بىلەن چىلىشىدۇ قوشنىلار . قىزلىرىمىز شۇڭا شەرمىي - ھايالىق ، ئىمانىدا ئەزىمەتلەر ھەم سالىھ ، مىللىتىمىز شۇڭا يۈكسەك باھالىق ، كىملىكىنى قەدىرلەيدۇ قوشنىلار . بايلىرىمىز شۇڭا ھاجىم ئاتىلار ، ساخاۋەتنى تارىخ دائىم قايتىلار ، رىقابەت دەپ تەۋپىق روھى پارتىلار پۇلنى دىلغا تىگىشىدۇ قوشنىلار. تام سوقىدۇ جامائەتكە يول تاشلاپ ، يىقىلغاننى ئېلىپ ماڭار ھاپاشلاپ، كوچىدىكى ئېرىقلارغا سۇ باشلاپ ، ئەخلەتلەرگە ئېڭىشىدۇ قوشنىلار . ئەھۋال سورار پەسىللەرنى تاللىماي ، ئاي مۈكمەيدۇ سالقىن باغنى چارلىماي ، قوشنىلارسىز چىقماس قۇياش پارلىماي ، چىن  يۈرەكنى سۇنىشىدۇ قوشنىلار . خاتىمە توۋۋا ،دائىم  كۆيىشىدۇ خوشنىلار ، سوقما تامدا  كۆرىشىدۇ قوشنىلار. كېرەك ئەمەس زامانىۋىي ئنتېرنىت، بىر كۈندە مىڭ سۆيىشىدۇ قوشنىلار ! ئاپتۇرى : ئا. مۇھەممەت باغۋەن

太阳

	بۇ شئىرمۇ رىئاللىققا بەك ئۇيغۇن كەپتۇ، ھەممە ئىشنىڭ يامان تەرىپىلا ئەمەس ياخشى تەرىپمىۇ بولىدۇ، ياخشىلار يەنىلا كۆپ سانلىقنى ئىگەللەيدۇ دەپ ئويلايمەن...

happy123

	تولىمۇ ئەھمىيەتلىك تېما بوپتۇ، ھارمىغايسىز قېرىندىشىم.

yik

	ياخشى تىما ئىكەن ياقتۇردۇم

azrat705

	ھازىر سىز دېگەندەك ئىشلارنى يىزا-سەھرالاردىلا كۆرگىلى بۇلىدۇ ، شەھەرلەردە بۇنداق قىياپەتنى كۆرۈش ناھايىتى تەس

ALEPTEKEN

	شىر بۇلا مۇشۇنداق بۇلا ئوقۇرمەن بۇلا مەندەك بۇلا بەكلا ياخشى يىزلىپتۇ قىرىندىشىم قۇلۇڭلاغا دەت كەلمىسۇن

tutiya1023

	يىراقتىكى تۇققاندىن يېقىندىكى قوشنا ئەلا دېگەن گەپ بار ئەمەسمۇ...

Gulxat08

	شېئىرىڭىز ھەقىقەتەن ياخشى يېزىلىپتۇ،ئەجرىڭىزگە كۆپ تەشەككۈر!

xaxmas

	بىزنىڭ قوشنىلار قانداق قوشنىلاركى تاڭ ، مەينەتچىلىكىدىن تىنالمايمەن ، ئاشۇ ھايۋاننىڭ گۈشدە قورۇلغان قورۇمىنىڭ سېسق بۇسى ئۈيۈمگە كىرىپ كىتىپ ، كىچىك قىزىم زۇكامدىن ساقىيالمايۋاتىدۇ ، ئىشىكنى شۇنداق چىڭ ئىتۋالساممۇ يەنىلا شۇ ، ھەي ، كۈچۈپ كىتەي دىسەم ئەسلى ، ئۆز ۋاقىتىدا نىمىشقا ئويلىمىغان بوغىييتىم ، ئاپپاق ئاش بىلەن پوقنى بىللە قۇشۇپ تۈكىدۇ ، ھەي بولمىسا ئىرى بىلەن سالاملىشىپ تۇرىمىز ۋاي لىنجۈ دىسە لىنجۈ دەپكىتىدۇ ئادەمنى خوشال قىلىپ ھەي،،،،،،،

326ayixa

	ۋاھ ! بەك ياخشى يېزىپسىز . بىزنىڭ مەھەللىنى يازغاندەكلا قىلىسىز . قاچان كەلگەنتىڭىز . يەنە كەلسىڭىز ماڭا خەۋەر قىلىۋېتەسىز -ھە 1!