ياش ناخشىچى ۋە تالانتلىق گىتتار ماھىرى ئەكبەر قەھرىمان

oqmasot1

	ياش ناخشىچى ۋە تالانتلىق گىتتار ماھىرى ئەكبەر قەھرىمان       ئەكبەر قەھرىمان كىشىنىڭ يۈرەك تارىنى چىكىدىغان لىرىك ناخشىلىرى بىلەن كەڭ تاماشىبىنلار بۇلۇپمۇ سەنئەت سۈيەر ياشلار ئارىسىدا ئالاھىدە تەسىر قوزغىغان ئوت يۈرەك كۈيچىدۇر، ياش دوسلۇرۇمىزغا تۇنۇشلۇق بولغان ياش ناخشىچى . تالانتلىق گىتار ماھىرى ۋە مۇھاببەت ناخشا شاھى ئەكبەر قەھرىمان 1972-يىلى6-ئاينىڭ13-كۈنى ئۈرۈمچى شەھرىدە تۇغۇلغان، 1983-يىلى ئۈرۈمچى ياش -ئۆسمۈرلەر سارىيىنىڭ سەنئەت سىنىپىدا تەربىيلەنگەن، 1984-يىلى لىيۇ جاڭشۈن خۇسۇسى گىتار سىنىپىنىى پۈتتۈرۈپ لاياقەتلىك گۇۋاھنامە ئالغان. 1987-يىلى 9- ئايدا ئۆز ئارزۇسى بۇيىچە سابىق شىنجاڭ سەنئەت مەكتىپىنىڭ مۇزىكا پاكولتىتى راۋاپ كەسپىدە ئۇقۇغان، ئۇقۇش جەريانىدا شىنجاڭ ئۇيۇن قۇيۇش مەركىزىنىڭ تەشكىللىشىدە شىنجاڭنىڭ ھەر قايسى جايلىرىغا بېرىپ ئۇيۇن قۇيۇپ قىزغىن ئالقىشقا ئىرىشكەن، ھەمدە شۇ ۋاقىتلاردا ئۈزى ئۇرۇنلىغان ناخشىلار ئارقىلىق ياشلار ئارىسىدا زور تەسىر قوزغىغان، 1991-يىلى ئۇقۇشنى ئەلا نەتىجە بىلەن پۈتتۈرۈپ ئاپتۇنۇم رايۇنلۇق مۇقام ئانسانبىلىغا مۇزىكانىت بۇلۇپ تەقسىم قىلىنغان. كىچىكىدىنلا ئۇيغۇر خەلىقنىڭ ناخشا-مۇزىكىلىرىنى ئاڭلاپ ھەم ناخشا ئېيتىشنى ئۈگۈنۈپ سەنئەتكە كۈشلۈك ئىشتىياق باغلىغان  ،   ئەكبەر قەھرىمان 1990-يىلى شىنجاڭ ئۇيۇن قۇيۇشنى باشقۇرۇش مەركىزى ئۇيۇشتۇرغان سەنئەت كىچىلىكتە تۇنجى قېتىم سەھنىگە چىقىپ ئۆزى ئىجاد قىلغان (يۇپۇرماق) (كۈڭۈل ئىزھارى) (كىچىككىنە قارا كۆز) ........  قاتارلىق ناخشىلارنى ئېيتىپ ، كەڭ ياشلارنىڭ ئوتلۇق كۈيچىسىگە ئايلاندى ، ئۇنىڭ ھىسياتقا باي . لىرىك.  جۇشقۇن ناخشىلىرى. ئۇرۇنلاشتىكى يۇقۇرى ماھارىتى  ئەكبەر قەھرىماننى ياشلار چۇقۇنىدىغان چولپانغا ئايلاندۇردى ، 1993-يىلى بېيجىڭغا بېرىپ گىتار كەسپىدە بىلىم ئاشۇردى ، ھازىر مۇقام ئانسانبىلىدا ئىشلەۋاتىدۇ ، 1993-يىلى مەركىزى ئىلىكتىرلىشكەن ئۇقۇيۇش ئورنى ئۈن.سىن نەشرىياتى تەرىپىدىن تۇنجى ئۈن.ئالغۇ لىنتىسى  (ئۆچمەس ئوت ) نى  نەشىر قىلدۇرغان ، بۇ لىنتا شۇ  ۋاقىتلاردا ياش دوسلۇرۇمىزنىڭ ياقتۇرۇپ ئاڭلىشىغا  مۇيەسسەر بولغان ،      ئەكبەر قەھرىمان خەلىق ئىچىدە تارالغان مۇھاببەت ناخشىلىرىنى زامانىۋى ئۇسلۇبتا گىتتار بىلەن ئۇرۇنلاپ  شۆھرەت قازىنىش بىلەن بىرگە ، ئۆزىنىڭ راۋاپ چېلىش كەسپىنى قىزغىن سۈيۈپ مۇقام ئانسانبىلىنىڭ ياخشى بىر مۇزىكانىتى بۇلۇپ قالدى ، شۇنداقلا ئۈزلۈكسىز ئىزدىنىپ نۇرغۇنلىغان ناخشا-مۇزىكىلارنى ئىجاد قىلدى ، ئۇنىڭ ھازىرغىچە (ئۆچمەس ئوت) (كەچۈرمۈشۈم) (قىزىل گۈل) (مۇھاببەت) (شىرىن ئەسلىمە) ...   قاتارلىق لىرىك ناخشىلىرى مۇجەسسەملەنگەن 80 دىن كۆپ ئۈن-ئالغۇ لىنتىسى ، (كونا ئەلبۇم) (كۈڭۈل) (مىھرى -شەپقەت) (ئەسىر سوۋغىسى) ...   قاتارلىق MTV لىرى نەشىر قىلىنىپ كەڭ تاماشىبىنلارنىڭ قىزغىن ئالقىشىغا ئىرىشتى ھەم ياشلار ئەڭ ياخشى كۈرىدىغان ناخشا چولپىنىغا ئايلاندى ، ئەكبەر قەھرىمان ھەرقانداق مۇزىكىنى چېلىش ماھارىتىنى يىتىلدۈرۈش ئۈچۈن بىر يىل بېيجىڭدا گىتار كەسپىدە بىلىم ئاشۇردى ، ناخشا-مۇزىكا ئىجادىيىتىدىمۇ تېخىمۇ ئىلگىرلەش مەخسىتىدە شىنجاڭ سەنئەت ئىنىستوتىدا يەنە 2 يىل ئىجادىيەت كەسپىدە ئۇقۇدى ،  يېقىنقى ئىككى يىل ئىچىدە دۇلان راۋابىنى كۈڭۈل قۇيۇپ ئۈگەندى ، بۇنىڭلىق بىلەن ئۇنىڭ سەنئەت ھاياتى تېخىمۇ نۇرلاندى ، 2005-يىلى ئۇنىڭ تېكىستىنى ئۈزى يېزىپ ، مۇزىكىسىنى ئۈزى ئىجاد قىلغان (دۇنيا) ناملىق ناخشىسى ئاپتۇنۇم رايۇن قۇرۇلغانلىقىنىڭ 50 يىللىقىغا بېغىشلانغان مۇكاپاتلىق ناخشا-مۇزىكا پائالىيىتىدە 1- دەرىجىلىك مۇكاپاتقا ئىرىشتى، ئەكبەر قەھرىمان سەنئەت ساھەسىگە قەدەم قويغاندىن ئىتبارەن ھازىرغىچە تاماشىبىنلاردىن 4 مىڭ پارچىدىن ئارتۇق خەت تاپشۇرۇپ ئالدى ، ئۇ ھەر قېتىم تۈۋەنگە ئۇيۇن قويغىلى بارغاندا . ئۇنۇڭ ناخشىلىرىغا ئاشىق ئوت يۈرەك ياشلار ئەكبەر قەھرىماننىڭ قۇچاقلىرىنى دەستە-دەستە گۈللەرگە كۆمىۋېتىدۇ ، مانا بۇ ئەكبەر قەھرىماننىڭ چىن ھىسياتقا باي لىرىك ناخشىلىرىنىڭ ئۇلارنىڭ قەلبىدە ئۇنتۇلماس تەسىراتلارنى قالدۇرغانلىقىنىڭ روشەن ئىپادىسىدۇر ، ئۇ قىسقىغىنە ۋاقىت ئىچىدە (خەيرى-خوش مۇھەببەت) (ھەسرەتلىك مۇھەببەت) (قولۋاقتىكى مۇھەببەت) قاتارلىق مۇھەببەتلىك ناخشىلىرى بىلەن ياشلىرىمىز ئارىسىدا زور شۆھرەت قازانغان ، ئۇنىڭ ھازىرغا قەدەر 100 دىن ئارتۇق ئۈنئالغۇ لىنتىسى نەشىر قىلدۇرغان ، ئەكبەر قەھرىمان شىنجاڭدا ئۈنئالغۇ لىنتىسى ئەڭ كۆپ نەشىر قىلىنغان بىردىنبىر ناخشىچىدۇر ، ئەكبەر قەھرىمان ئاممىباب ناخشىلانى يۇقۇرى ماھارەت بىلەن گىتتاردا ئۇرۇنلاپ شۆھرەت قازانغان، ۋە ھازىرقى ناخشىچىلار ئېيتىۋاتقان مۇھەببەت ناخشىلىرىنىڭ كۆپىنچىسىنى بۇرۇن ئەكبەر قەھرىمان ئۇقۇپ بولغان، ئەكبەر قەھرىمان ھازىر ئېيتىلىۋاتقان مۇھاببەت ناخشىلىرىنىڭ ئاساسچىسىدۇر، ئۇ ھەقىيقى مۇھاببەت ناخشا پادىشاھىدۇر ،

oqmasot1

Naprat2009

	مەدەنىيەت بوستانى پروگىراممىسىنىڭ «رەشىدە داۋۇت،ئۆمەرجان ئالىم،ئەكبەر قەھرىمانلار بىلەن ئۆتكۈزۈلگەن بۇ چولپانلار ھېلىھەم قەلبىمىزدە ناملىق سۆھبەت» فىلىمى

aliptiken

	مەن ئانچە ياقتۇرماي مەن

Naprat2009

	ئوتلۇق 90-يىللار كەلمەسكە كەتتى دە....

korul

	شۇ ۋاقىتلار دىن سىنىپىمىزدا ھەممە باللا پەقەتلا شۇ ئەكبەرنىڭلا ناخشىسىنى ئوقۇيتتۇق....توغرا كەلمەسكە كەتكەن سىغىنىشلىق 90-يىللار.....

XERHAN

	Naprat2009 يوللىغان ۋاقتى  2013-4-28 07:48 PM ئوتلۇق 90-يىللار كەلمەسكە كەتتى دە.... تەھرىرلەندى .

qintax

	ھازىر يىڭى باشتىن ئەكبەرنىڭ ناخشىلىرى كەڭ دوسلارنىڭ ياقتۇرۇپ ئاڭلىشىغا مۇيەسسەر بۇلىۋاتىدۇ،دوستۇم ئەكبەرنىڭ بۇنىڭدىن كىيىنكى ئىشلېرىغا ئۇتۇق ،ئائىلىسىگە بەخىت تىلەيمەن.

maraz886

	مەنمۇ ئانچە مۇنچە ناخشا ئاڭلاپ قۇياتتىم بۇرۇن .بىراق بۇ بالىنىڭ ناخشىسىنى بەك ئاڭلىمايتتىم.

anka8

	ئەكبەر قەھرىماننى ھەقىقىي بىر مۇھەببەت كۈيچىسى دىسەك بولىدۇ. مەڭگۈلۈك دىسەم ئاشۇ كۈنلەرنى. مەڭگۈلۈك دىدىڭ شىرىن تۈنلەرنى..... مەيلى سەن ئۇنۇت،مەڭگۈگە ئۇنۇت. سېغىنىپ مىنى چەكمىگىن ئازاپ. مۇشۇ ناخشىنى ئەكبەر قەھرىماننىڭ توردىكى 300 دىن ئارتۇق ناخشىلىرىنىڭ ئىچىدن پەقەتلا تاپالمىدىم.قايسىڭلاردا باردۇ مۇشۇ ناخشا؟