دوقمۇشتىكى بىر توپ بەرەڭگە

bahwanbiz

	دوقمۇشتىكى بىر توپ بەرەڭگە قۇرۇق ئوتۇن بولغاندا ۋاقىت ، سوزىلىمىز سوزۇلغانسىرى . ياۋا مۈشۈك بولۇر سېغىنىش ، رىشاتكىمىز بۇزۇلغانسىرى. ئىككىمىزگە قورساق كۆتۈردۇق ، تۇرمۇش بولدى نازۇك فورمىلا . سەمىرىگەندە ھەيكەللىرىمىز ، ھاجەت ئەمەس بىزگە نورمىلار. ياماق چۈشكەن ئېتەكلىرىمىز ، كۈن نۇرىغا بەرمەيدۇ جاۋاب . چۈشلىرىگە بېرەلمەي تەبىر ، كۆزلىرىنى ئۇۋىلايدۇ ساۋاب. مەرۋايتقا ئايلىنىش ئۈچۈن ، ساددا تۇرخۇن بولماقتا بەڭگە . چارلىغاچقا بېزەڭ قاراڭغۇ ، تەشنا بولدۇق بىر ياڭراق ئۈنگە . تېرىمىزدىن ئۆتمەي ھارارەت ، جېلە بولۇپ ياندى سەرەڭگە. پىتلىرىغا كۆز قىسىپ ئۈنگەن، بىز دوقمۇشتا بىر توپ بەرەڭگە. سالقىن تاڭغا ئېرىشىش ئۈچۈن ، دۇتار چېلىپ بېرىمىز تۈنگە. ئەقىدىمىز بولسا كەسىر سان، يىقىنلىشىپ كېتىمىز نۆلگە. ئاداشقاندا باھار تىنىقى ، ئاشىق ھاۋا  بېرىدۇ بەلگە. ئەۋلادلارنى سەگىتىش ئۈچۈن ، قۇۋەت بېرىپ تۇرايلى تەنگە. ئاپتۇرى : ئا. مۇھەممەت باغۋەن

intikam

	مەندە بۇ شېئىرنى چۈشەنگۈدەك  كاللا يوقمۇ يا  پەقەت لا چۈشەنمىدىم؟

nazigul8

	چارلىغاچقا بېزەڭ قاراڭغۇ ، تەشنا بولدۇق بىر ياڭراق ئۈنگە . سالقىن تاڭغا ئېرىشىش ئۈچۈن ، دۇتار چېلىپ بېرىمىز تۈنگە. مەزمۇن ياخشى چىقىپتۇ، شۇ بۇ قاراڭغۇلۇقتىن ئۆزىمىزنى يوقۇتۇپ قويماي، ئۆزىمىزگە ئۆزىمىز كۈچ-قۇۋۋەت بېرىپ، يورۇق تاڭنىڭ ئېتىشىنى ساقلىغاچ، قولىمىزدىن كەلگىنىچە تىرىشقىنىمىز ياخشى. ئەقىدىمىز بولسا كەسىر سان، يىقىنلىشىپ كېتىمىز نۆلگە. بۇنداق يوقۇلۇپ كېتىشكە ھەرگىز قاراپ تۇرمايمىز، سىز دىگەندەك كۈچ-قۇۋۋەتلىنىپ، ھەر ۋاق سەگەك تۇرۇشىمىز كېرەك! ۋە قولدىن كەلگەن ئىشلارغا تىرىشىشىمىز كېرەك!

muhabbatsiman

	بۇرۇنمۇ ياقتۇرغان،ھازىرمۇ ياقتۇردۇم،كېيىنمۇ ياقتۇرىمەن.ھارمىغايسىز.

شاتيار

	مەندە بۇ شېئرنى چۈشەنگۈدەك ئەقىل يوق ئوخشايدۇ، چۈشەنمىدىم.

asma507

	مەنمۇ   شۇ...................................ئۇففففففففففففففففففففففففففففففففف....................

ana

	بەك ياخشى يېزلىپتۇ ، ياختۇردۇم

太阳

	رەھمەت تىما ئىگىسىگە.

ياساۋۇل