ھەققانىي: ئادىل جاۋاپ (ساتىرا)

akkani

	ئادىل جاۋاپ ( ساتىرا) (مەنسەپتىن چۇشكەن مەنمەنچى ئەمەلدار تىلىدىن ) ئاپتۇرى :ئابدۇۋەلى راخمان ھەققانى قىن-قىنىمغا پاتماپتىمەن ئەمەل تەككەندە، ئاچماپتىمەن ھاجەتمەنلەر ئىشىك چەككەندە، پەرۋا قىلماي مېڭىپتىمەن كۆككە گېدىيىپ، نى-نى موھتاج بىچارىلەر دەرت-ھال تۆككەندە. ئامەت ئەمدى ئۆمۇر بۇيى ماڭا مەنسۇپ دەپ، كۇنۇم راھەت ئۆتتى خەقتىن ئېلىپ-يۇلۇپ نەپ، كۆزلىرىمگە ياغ تولۇپتۇ توۋا شۇ چاغدا، كۆنۇپ قاپتۇ يامان نەپسىم دايىم ھارام يەپ. ياۋاشلارغا سوقۇپتىمەن يولسىز بۇيرۇقنى، نەشتىرىمدىن ئاياپ قويماي يېقىن-يۇرۇقنى، يۇزتۇرانە داڭلاپ ئەمما ئارقىدىن پۇتلاپ، ئىشلەتتىم مەن تۇلكىلەرچە ھىلە -قۇۋلۇقنى. يۇقىرىنى ئالداپتىمەن تۆۋەننى بېسىپ ، ئارامىدا قويماپتىمەن ياخشىنى چېقىپ، ئۆزگىلەرنى دۆت ھىساپلاپ ئۆزۇمنى دانا، كەتكەنكەنمەن شۇ چاغ بىلسەم ھەددىمدىن ئېشىپ. ئەمدى بىلسەم مەنسەپ دىگەن مەڭگۇ ئەمەسكەن، ئاتمىش ياشتا ئەمەلدارلىق كىبرىم خالاسكەن، كۆزۇم قىيماي ئاخىر چۇشتۇم ئىگىز پەشتاقتىن، ئەمەل ئەمەس ئادىمىلىك بىزگە مىراسكەن. ئەپسۇس چۇشسەم قاچتى مەندىن ئەل-يۇرت يېراقلاپ، (مەنمۇ كەتكەچ ئەينى چاغدا بەكرەك تاراقلاپ،) بەرمەي شۇ چاغ ھېچ پۇخراغا سۆزلەش پۇرسىتى، مىنىڭ ھەق راس دەپتىكەنمەن دايىم ۋالاقلاپ. بۇگۇن قالدىم ئەل-ئاۋامدىن ئايرىلىپ يىتىم، مەن بار جايدىن جىمى قاچتى ئۆتمىدى گىپىم، يېڭى چىققان مەنسەپدارغا ئىبرەتلەر بولسۇن، غادايغانغا تۆۋە قىلدىم ئەمدى مىڭ قېتىم. قاتارچايدەپ يېڭى بىر ئىش چىقمىسا ئەگەر، ئىچەركەنمەن يالغۇزلۇقتىن ھەتتاكى زەھەر، كىرىۋالدىم ئاشۇچايغا خەشلەپ-يالۋۇرۇپ، مەنمەنچىنىڭ كۇنى شۇنداق خەتەركەن-خەتەر. تۇغۇلغاندا ئۆلمەكلىكنى ئويلاش كېرەككەن، كۆكتە ئۇچۇپ چۇشمەكلىكنى بىلگەن زىرەككەن، ئويلاپ باقسام تەكەببۇرلۇق ئىللەتلىرىمگە، خەلقىم بەرگەن مۇشۇ جازا ئادىل جاۋاپكەن. مەنبىئەسى؛ئۆزۇم .

pinhan1122

	ئەمەلىيەتنى يىزىپسىز...لىكىن  ھازىر  ھۆكۈمەتمۇ  پارە  ئالغانلارنى ۋە خېزمەتتە ياخشى پوزتسىيە قىلمىغانلارنى جازالاشنى كۆچەيتىۋاتىدۇ . . .   مۇمكىن بولسا   مۇشۇ  يىزىلاردىكى  بىر  قىسىم   بانكا ، توك ئىدارسى دىگەندەك  ھەر  قانداق  كىشى مۇھتاج بولۇپ كىرىدىغان  ئورۇنلار مۇلازىمەتنى ياخشى قېلسا بولىتى .

nazakat07

	ياخشى يېزىلغان ساتىراكەن. تېما ئىگىسىگە كۆپ رەھمەت. ھەقىقەتەن بۇ ھوقۇق ۋە ئورۇنلار ھىچكىمگە باقىۋەندە ئەمەسكەن. بېشىمىزدىن باسقان بەزىلەر ھوقۇقىدىن ئايرىلىۋىدى،خۇدا ئۇردى دىدىققۇ.

Dautjan

	ئاممازە    ئالامەت  يېزۋىتىپسىزدە  .چىنلىق  رىئاللىق  ئەكىس  ئەتتۈرلۈپتۇ  .

muslina216

	ئالتۇن بويىڭىزغا ئامانلىق، ئىشلىرىڭىزغا ئاسانلىق تىلەيمەن ئابدۇۋېلى ئاكا .

qolyigiti

	بەك ياخشى يىزىلىپتۇ ،

xir24

	ياخشى تىما  ئىكەن

akkani

	muslina216 يوللىغان ۋاقتى  2013-4-27 10:32 PM ئالتۇن بويىڭىزغا ئامانلىق، ئىشلىرىڭىزغا ئاسانلىق تىل ... ياخشى تىلەكلىرىڭىزگە رەھمەت سىڭلىم،ئىجادىيەت خام ماتىريالى يىراقتا ئەمەس بەلكى خىسلەتكە ۋە ئىللەتكە تولغان كىشىلىك ھايات ئىچىدە بولىدۇ.

Gvlbargi0999

	ياخشى يېزىلغان ساتىرا بوپتۇ!