ئىبرەتلىك ھېكايە

بەرگى

	ئىلگىرى بىر سالىھ باي بولۇپ ئۇنىڭ بىر ئوغلى بار ئىكەن ، ئوغلى بولسا دۇنيا تېپىش بىلەن ئالدىراش يۈرىيدىكەن دادا نۇرغۇن قېتىم : -  ئوغلۇم مەندىن قالغان مال-دۇنيامۇ ساڭا بىر ئۆمۈر يېتىپ ئاشىدۇ ، سەن ھاياتىڭنى ئاللاھنى كۆپ ياد ئىتىش ئاللاھنى رازى قىلدىغان ئەمەللەرنى قىلىش بىلەن ئۆتكۈزگىن بۇ دۇنيا ساڭا ھەرگىز ۋاپا قىلمايدۇ سەن ئارزۇ قىلغان بەخىتنى قەتئى بىرەلمەيدۇ . دەپ نۇرغۇن قېتىم نەسىھەت قىلغان بولسىمۇ ئوغلى ماقۇل دەيدىكەنيۇ لېكىن يەنە ئۆز ئىشى بىلەن بولۇپ غەپلەتتە يۈرۈيۋىرىپتۇ! دادا ئاخىرى ئوغلىغا مۇنداق نەسىھەت قىپتۇ : -ئوغلۇم مەن دۇنيادا نۇرغۇن مال-دۇنياغا ئىگە بوپ ياشاپتىمەن بىر ئارزۇيۇم مەن ئۆلۈپ كەتسەم پۇتۇمدىكى پايپىقىم بىلەن كۆمۈڭلار، بۇ بىرىنجى ۋەسيىتىم . ئىككىنجى ۋەسىيتىم بۇ خەتنى مىنى يەرلىكىمگە قويۇپ بولغاندىن كىيىن ئاندىن ئاچقىن . دەپ بىر پارچە خەت بىرىپتۇ . كۈنلەر ئۆتۈپ دادا ئالەمدىن ئۆتۈپتۇ، بالىسى دادىسىنىڭ ۋەسىيتنى ئورۇنداش ئارزۇسىدا ئۆلىمالارغا دەپتۇ ، بىراق ئالىملار : _ بۇنداق قىلىش ئىسلام شەرىيتىگە مۇتلەق ئۇيغۇن ئەمەس ئادەم دۇنياغا يالڭاچ كىلىدۇ ھەم يالىڭاچ كىتىدۇ دۇنيادىن ھېچ نەرسە ئېلىپ كىتەلمەيدۇ . دەپ قەتئى يول قويماپتۇ ، ئوغۇل دادىسىنىڭ ۋەسىيتىنى ئورۇنداش ئۈچۈن گىپىدە چىڭ تۇرۋاپتۇ، ئاخىرى ئالىملار بۇ بالىغا : _ ئۇنداق بولسا سەن داداڭنى باشقا دىن بويچە دەپنە قىل!ئسلام دىنىمىز بۇنىڭغا قەتئى يول قويمايدۇ . دەپتۇ ،ئوغۇل ئامالسىز پايپاقنى سالدۇرۇپ دادىسىنى ئىسلام دىنى بويچە دەپنە قىپتۇ ! ئوغۇل دادىسىنىڭ ھايات ۋاقتىدا قىلغان نەسھەتلىرىنى ئەسلەپتۇ شۇ دادىسىنىڭ كىچىككىنە ۋەسيىتىنىمۇ ئورۇندىيالمىغىنىغا قاتتىق ئەپسۇسلىنىپتۇ ۋە ئاخىرقى ۋەسيەتنى چوقۇم ئورۇنداش ئارزۇسىدا خەتنى ئېچىپ ئوقۇپتۇ . <  كۆردۇڭمۇ ئوغلۇم بۇ دۇنيادىن بىر تال پايپاقنىمۇ ئاخىرەتكە ئېلىپ كىتەلمىدىم سەن بۇ دۇنياغا ۋاقىتلىق مېھمان تۇرۇپ مەڭگۈلۈك ئۆي ئىگىسىدەك بولۋالما، چوقۇمكى سەنمۇ ماڭا ئوخشاش قۇرۇق قول كېتىسەن شۇڭا سەن ئاشۇ ئاخىرەتتىكى ئۆيۈڭنى كۆپرەك زىننەتلەشكە تىرىشقىن ئەمەللىرىڭىنى ياخشىلىغىن !!> دىگەن خەتلەر يىزىلغان ئىكەن . ئوغۇل شۇ ھامان سەجىدىگە باش قويۇپتۇ ۋە ئاللاھدىن دادىسىنىڭ گۇناھلىرىنى مەغپىرەت قىلشنى ۋە ئۆزىگە ھىدايەت تىلەپتۇ . شۇ كۈندىن باشلاپ ئوغۇل ھەقىقي سالىھ مۇسۇلىمانلاردىن بولۇپ ياشاپ ئالەمدىن ئۆتۈپتۇ .

qakmak83

	«بۇ تۇربىدىن سۇ ئىچىش- مۇسۇلمانغا ھارام» (ئىبرەتلىك قىسسە) - م. نىياز قىزى - ئەينى زاماندا بۇرسا شەھىرىدە ياشايدىغان بىر مۇسۇلمان ئادەم بىر سۇ توربىسى ياسىتىپتۇ. ۋە تۇربىنىڭ باش تەرىپىگە: " بۇ توربىدىن سۇ ئېچىش ھەممە بەندىگە ھالال، مۇسۇلمانغا ھارام" كەلىمىسىنى يازدۇرۇپتۇ. ئەينى ۋاقىتىكى ئوسمانلى خەلىپىسىنىڭ پايتەختى بولغان بۇرسا بۇ پىتنىدىن داۋالغۇپ كېتىپتۇ. كىشىلەر بېرىپ بۇ ئەھۋالدىن قازىغا شىكايەت سۇنۇپتۇ. قازى ئادەم ئەۋەتىپ بۇ ئادەمنى دەككە – دەشنەم بىلەن سۈرەپ ئېلىپ كېلىپتۇ. قازى: -بۇ قانداق بىر پىنتە؟ دىنى ئىسلام، ئاھالىسى مۇسۇلمان بولغان بىر دۆلەتتە سەن ئاللاھ رازىلىقى ئۈچۈن، ساۋاپ ئۈچۈن بىر سۇ تۇربىسى ياسات، ئۇنىڭدىن كېيىن ئۇنىڭ سۈيىنى ئىچىشتىن مۇسۇلمانى چەكلە. بۇ قانداق ئىش؟ سەۋەبى نېمە؟ سەن ئەقلىڭدىن ئازدىڭمۇ؟ دەپ سوراققا تارتىپتۇ. -رۇخسەت بەرسەڭلاركەن، ئەلۋەتتە بۇنىڭ بىر سەۋەبى بار، دەپتۇ. ئۇ ئادەم: ئەلۋەتتە سەۋەبى بار، ھەمدە بۇ ئىش ئۈچۈن ئىسپات كېرەك بولىدۇ، دەپتۇ. بۇ گەپنى ئاڭلىغان قازىنىڭ تېخىمۇ ئاچچىغى كېلىپ: -نېمە دەلىل،نېمە ئىسپاتى؟ سەن بولساڭ ئوتتۇردا چوڭ بىر پىتنە چىقاردىڭ، مۇسۇلمان ئەھلىنىڭ ھۇزۇرىنى بۇزدۇڭ. سېنىڭ ئۆلتۈرۈلۈشىڭ كېرەك، دەپتۇ. يەنە بىر تەرەپتىن سەۋەپ ۋە دەلىلى نېمىدۇ؟ دەپ قىززىقماي تۇرالماپتۇ. ئاندىن: -قېنى دەلىل ئۈچۈن نېمە تەلەپ قىلىسەن؟ دەپتۇ. مەن پەقەتلا پادىشاھ ئالىيلىرىغا دەيمەن، دەپتۇ، ئۇ ئادەم. ئۇ ئادەمنى پادىشاھنىڭ ئالدىغا سۈرەپ ئېلىپ بېرىپتۇ. دەسلەپتە پادىشاھمۇ ئىنتايىن غەزەپلىنىپتۇ، بىراق يەنە سەۋەبىنى بىلگۈسى كېلىپ: -قېنى دېگىنە، نېمە دېمەكچىسەن؟، بۇ قانداق ئىش، ھەم سۇ تۇربىسى ياساپسەن، ھەم ئۇنى مۇسۇلمانغا ھارام دەپسەن. ئۇ ئادەم بېشىنى ئەگكەن ھالدا: دەلىلىم بار، ئەمما بۇنى ئىسپاتلاش لازىم، دەپتۇ. پادىشاھ: -سېنىڭ دەلىل دېگىنىڭ دېگىنىڭدەك راست چىقمىسىچۇ؟ ئۇ ۋاقىتتا بوينۇم قىلدىن ئىنچىكە سىزنىڭ ھۆكمىڭىزنىڭ ئالدىدا ئى پادىشاھىم! دەپتۇ، ئۇ ئادەم. -قېنى سۆزلە ئۇنداقتا، دەپتۇ پادىشاھ. ئۇ ئادەم: -ئى پادىشاھىم! يەھۇدىلار ئىچىدىكى ئادەتتىكى بىر خاخامنى تۇتۇپ ئېلىپ كېلىپ بىر ھەپتە سولاپ قويۇڭ، قاراپ تۇرۇڭ، نېمە ئىشلار بولىدىكىن، دەپتۇ. پادىشاھ ئەمىر بېرىپتۇ. خاخامدىن بىرى تۇتۇپ كېلىنىپ سولاپ قويۇلۇپتۇ. ئۇنىڭ ئۈچۈن ئۆزلىرىنى بۇ دىندىن سانىغان ، سانىمىغان ھەممە ئادەم يىغىلىپ، ئۆكتە قوپۇپتۇ. " نېمە ئىش بولدى، بۇ قانداق بىر زۇلۇم، بىزنىڭ دىنىمىزنىڭ ئۆلىماسىغا بىز كېپىل، نېمە تەلەپ قىلساڭلار قىلىڭلار، بىز دېگىنىڭلارنى قىلايلى، ئۇ گۇناھسىزدۇر. ئەگەر كېرەك بولسا بىز ھەتتا كاپارىتىنى ئۆتەيلى، دەپ چىڭ تۇرۇۋاپتۇ. ئەتراپتىكى ۋىلايەتلەردىن ھەتتا ئەلچىلەر ئەۋەتىلىپتۇ. مەكتۈپ ئۈستۈگە مەكتۈپلار ئەۋەتىلىپتۇ. بىر ھەپتە بولغاندا : -ئى پادىشاھىم، بۇ ئادەمنى قويۇپ بېرىش ۋاقتى كەلدى، دەپتۇ. خاخام قويۇپ بېرىلىپتۇ. ئۇنىڭ قۇتۇلغانلىقى ئۈچۈن تەرەپدارلىرى خوشالىقتىن تەنتەنە قىلىشىپتۇ. ۋە پادىشاھقا ھەدىيەلەر ئەۋەتىپ رەھمەتلىرىنى بىلدۈرۈشۈپتۇ. -بۇ ئىشنى ئەمدى خالىغان بىر چېركاۋدىكى بىر ئادەتتىكى پوپقا قىلىڭ ئى پادىشاھىم، دەپتۇ. ئەمىر بىلەن بىر پوپنى سۆرەپ تۇتۇپ ئېلىپ كېلىپ سولاپتۇ. يەكشەنبە كۈنى ئىبادەت مۇراسىمغا كېلىدىغان پۈتۈن تەرەپدارلاردىن قاتتىق ئىتىرازلار ۋە نارازىلىقلار يېغىپ كېتىپتۇ، ھەپتە بولغاندا ئۇنىمۇ قويىۋېتىپتۇ. تەرەپدارلىرى خوشالىقتىن رەھمەت تەشەككۈرلىرىنى بىلدۈرۈپتۇ، ئاندىن دىنىنىڭ ئۆلىماسىغا قايتا ئۇچراشقانلىقىدىن خوش بولۇشۇپ بىر- بىرلىرىنى تەبرىكلەپ قۇچاغلىشىپ كېتىپتۇ. پادىشاھ: -تۈگىدىمۇ؟ دەپ سوراپتۇ. ئۇ ئادەم: ئى پادىشاھىم، ئەڭ ئاخىرقى بىر ئىش قالدى، ئەمرىڭىز بىلەن ... دەپتۇ. پادىشاھ: نېمە قىلىنىشنى تەلەپ قىلىسەن، دەپتۇ. -ئى پادىشاھىم، ئەڭ چوڭ مەسجىدىمىز بولغان ئۇلۇ مەسجىدىدىن ھەممە كىشىلەر تەرىپىدىن ئەڭ ياخشى كۆرۈلگەن بىر ئىمامنى خۇتبە سۆزلەۋاتقان يەردىن تۇتۇپ ئېلىپ كېلىشكە ئەمىر بېرىڭ، دەپتۇ. دېيىلگىنىدەك قىلىنىپتۇ. ئۇلۇ مەسجىدىنىڭ ئەڭ مۇھتىرەم ئىمامى جۈمە خۇتبىسى سۆزلەۋاتقان يەردىن تۇتۇپ سۆرەپ مېڭىلىپتۇ. بىراق... بىر ئاللاھنىڭ بەندىسى چىقىپ: «نېمە بولدى، نېمە قىلىۋاتىسىلەر؟ ھېچ بولمىسا تەبلىغى تۈگىگىچە سەۋر قىلساڭلار بولمامدۇ؟» دېگەندەك بىرەر جۈملە سۆزمۇ قىلماپتۇ. ئىمامنىڭ ئارقىدىن كېتىپ ئىزدەپ – سورىغان كىشىمۇ بولماپتۇ. ئارىدىن بىر ھەپتە ئۆتسىمۇ، ئىمام قايەردە؟ دەيدىغان بىر ئادەم چىقماپتۇ. ھەممە ئادەم ھاياتىنى نورمال داۋام قىلىپ كېتىۋېرىپتۇ. بېراق تۇتۇپ كېتىلگەن بۇ ئالىم ئۈچۈن ئېغىزلار ھېچ جىم تۇرماپتۇ: -بىز ئۇنى ئۆلىما، ئۇستاز، شەيخ دەپ يۈرۈپتۇق، كىم بىلىدۇ، ھە نېمە ئىشلارنى قىلغاندۇ، بولمىسا تۇتۇلامتى. ۋاي ئىسىت! ئۇ ئادەمنىڭ ئارقىدا قىلغان نامازلىرىمغا.. ئۇنى بىر دېمە... پادىشاھ بىلەن ھېلىقى ئادەم بۇ ئىشلارغا دېققەت قىلىپ كۈزۈتۈپتۇ. پادىشاھ: -ھە، ئەمدى دېگىنە ، ئەمدى قانداق بولىدۇ؟ -بۇ ئىمامنى قويۇپ بېرىپ ئۇنىڭدىن كەچۈرۈم سورايلى، دەپتۇ. ئىمام قويۇپ بېرىلىپتۇ ۋە ئۇنىڭدىن كەچۈرۈم سورىلىپتۇ. پادىشاھ ئادەمگە قاراپتۇ. بۇ ئادەم بولسا بېشىنى ئەگكەن ھالدا: ئېيتىڭە ئى پادىشاھىم ، بۇنداق مۇسۇلمانلارغا سۇ ھاراممۇ ئەمەسمۇ؟ دەپ سوراپتۇ پادىشاھ ئاچچىق بىر تەبەسۈم بىلەن: ھەتتا ھاۋامۇ ھارام، ھاۋامۇ، دەۋىتىپتۇ.

tilk

	بەك تەسرلككەن ؟

بىكتەر

	بەك تەسىرلىك ئىكەن

maxaalla

	ھەي!!!!!!!!!!!!!!!!!!!!!!

upkun2013

	بۇ  توغرا  ،ئادەم بۇ  دۇنيالىقنى  دەپ  ياشىسا  بۇمايدۇ ياخشى  ھىكايىكە

alxr

	بەك تەسىرلەندىم

يولتۇز

	ئبرەتلىك ھىكايىكەن ھەقىقەتەن .

ھۆكۈما

	ئىببرەت ئالايلى  ھە     !!!!

ay301

	قالتىس يىكايىدىن ئىككىنى ئۇقۇۋېلىپ كۆڭلۈم ئېچىلىپ قالدى دىسە .رەخمەت