ئىسىت ياشلىقىم-نەسىر

ئاي530

	ئىسىت ياشلىقىم                                                نەسىر تۇرمۇش دولقۇنلىرىدا توختاۋسىز چايقىلىپ،قىرغاقلارنى ،مەن يەتمەكچى بولغان نىشاننى زارىقىپ كۈتتۈم. بىراق بىھۇدە كۈتۈش بىلەن قانچىلىق ۋاقتىمنىڭ كەتكەنلىكىنى ، ئۆمۈر گۈلشەنىمدە قانچە تال يۇپۇرماقنىڭ سارغىيىپ چۈشۈپ كىتىۋاتقانلىقى ، سىكۇنتىغا بىر سۇقۇپ تۇرىدىغان يۈرگۈمگە ئادىللىق تارازىسى بىلەن ئۆلچەنگەن مۇبارەك قوللۇرۇمنى تېقىپ تۇرۇپ سىيلاپ باقمىدىم. ياشلىقنىڭ كۆندۈرۈلمىگەن شاش ئاتلىرىغا مېنىپ مەغرۇرانە چېپىۋاتقىنىمدا مىنى ئاتتىن يېقىتىش ئۈچۈن سانسىزلىغان رەقىپلىرىمنىڭ زەھەرلىك ئوتلىرى بىلەن تاۋلانغان پولات قامچىلىرى يەلكەمگە قانچە قېتىم ئۇرۇلغىنىنى تۇيماي قالدىم. ھايات سەھنىسى تۈپتۈز يول بىلەن قورشالغان قورغان بولمىغاندىن كىيىن ئەگرى تۇقاي داۋانلىرى ئارىسىغا ئۈنگەن تىكەنلەر ئېتىمنىڭ پۇتلىرىغا مىخ بۇلۇپ سانجىلىپ مەن بارلىقىمنى تەغدىم قىلىشقا تەييار بۇلۇش ئۈچۈن چىن ئىخلاسىم،پاك،سەمىمىي قەلىپ چەشمىلىرىم بىلەن يۇغۇرۇلغان مۇۋاپىقىيەت تاجام بىلەن تەڭ نەچچە رەت يەرگە يىقىتتى. ھەر بىر يىقىلغىنىمدا بەدەنلىرىنىم ئاغرىق دەستىدىن پىچاق بىلەن بىرسى قوچىۋاتقاندەك سىرقىراپ ئاغرىپ ،ئىرادىسىزلىك،شەخسىيەتچىلىك تونىغا چۈمكەپ ئورۇماقتا، چۈشكۈنلۈك ، بىپەرۋالىقتىن ئىبارەت نىجىس كىسەل سالجىدەك چاپلىشىپ ،قان شۇرىغۇچى قۇرۇتتەك روھى دۇنيارىمنى بىزەڭلەرچە غاجىلىماقتا. رەھىمسىز رىيانلىق ئۈستىدىن غالىپ كېلىش ئۇياقتا تۇرسۇن،ھايات شامىمنى ئۆز قۇلۇم بىلەن گۈلخان كەبى يۇرۇتماقتا يوق،ئاتالمىش ئابرۇي،نەپسانىيەتچىلىك سورۇنلىرىنىڭ قۇلى بولۇشقا بوي سۇنۇپ مەدىكارلارچە خىزمەت قىلماقتا. غەلبە تۇغىنى ئېغىزلىرىمدا شۇئار توۋلاپ كۆتۈردۈميۇ،ئۇنىڭ ئۈچۈن كەڭ سەھنىدە بىرەر قېتىم ئارتىسلاردەك رول ئالماقتا يوق، شەيتاننىڭ دېپىغا ئۇسۇل ئويناپ مۇلازىم سۈپىتىدە خوشامەت تەخسىلىرىمنى كۆتۈرۈپ پارىخور، ۋىجدانىنى ئىتمۇ يىمەيدىغان نىجىس باشلىقلارنىڭ ئالدىغا تۇلدۇرۇپ تىزدىم. ئىش ھەققىڭىزنىئۆستۈرۈپ بىرىمەن،ياخشى خىزمەتكە ئورۇنلاشتۇرىمەن،..دىگەندەك شىرىن شىكەر سۆزلىرىگە ھەل بېرىپ لوزىنكا ئاسقان ئاتالمىش يوغان قوساق،دېرىزە كۆزلەر ئۈچۈن بارلىقىمنى سوۋغا سۈپىتىدە تەغدىم ئەتتىم. ئانام مىنى ئۆزىنىڭ شايىدەك سۈپسۈزۈك ئوغۇز سۈتىنى بېرىپ،ياپيېشىل ئوغۇتلىمىغان مىھنەتسىز ئەجرى بەدىلىگە كەلگەن شاھى تائاملارنى يىگۈزۈپ چوڭ قىلغان بولسا،بىلىپ بىلمەي قايمۇقۇپ قالغان بۇ ناتۇنۇش شەھەردە ھەممە سەسكىنىدىغان نىجاسەتتىنمۇ بەك مەينەتلىشىپ قۇرۇتلاپ كەتكەن يىمەكلىكنى ماڭا پەسكەشلىك قازىنىدا قىزارغان سۈپەتسىز ياغلاردا قورۇپ،ئازگاللاردىكى ئۆز تەبىيىتىنى يۇقاتقان بۇزۇقلۇق،ئىشقىۋازلىق پاتقاقلىرىغا چوڭقۇر مىلىنگەن سۇلاردىن پىششىقلانغان ئابىھايات،كەۋسەرسۇلارنى تازا قاينىتىپ پىشۇرۇپ بەرگەن تائاملارنى ھۇزۇرلۇنۇپ ئىشتىھا بىلەن يىدىم. دادامنىڭ ئىزىنى بېسىپ تىجارەت قىلىپ ۋاستە تاللىماي تاپقان ئەشۇ قىزىل دوللارلار بەدىلىگەباياشات تۇرمۇش كەچۈرۈشنى چۈشلىرىمدە كۆرۈپ ،كىچە-كۈندۈز ئارزۇ قىلىپ ھەر ۋاخ نامىزىمدا ئاللاھتىن سۈيدۈكلەردەك ياشلىرىمنى ئاقتۇرۇپ تىلەمچىدەك يىغلاپ تۇرۇپ تىلىدىم. ئاللاھ ھەمىنى كۆرۈپ تۇرىدىكەن خىزىرلاردەك ماڭا ئۇنداق خىسلىتىنى كۆرسەتمىدى. ئانام بىر ئۆمۈر ئوتۇمدا كۈيۈپ،سۈيۈمدە ئېقىپ يۈكۈتۈپ تۇرۇپ،يىلىنىپ يالۋۇردى. بىراق قۇرۇق نەسىھەتنى بەڭۋاش كۆڭلۈم قۇبۇل قىلمىدى. رىلىستىن چىقىپ كىتىۋات پويىزدەك ئۆز-ئۆزۈمنى چۈشكۈنلۈكنىڭ ئىسكەنجىسىگە تۇتقۇزدۇم. ئاتالمىش شان-شۆھرەتنىڭ ئىشقى پىراقىدا يۈرۈگۈم كاۋاپ بۇلۇپ كۆيدى. ئەمما بۇ ئوت پۈتكۈل جىىسمىغا،ھەر-بىر ھۈجەيلىرىمگە جەڭ ئېلان قىلىپ ئىنسانىيەتنىڭ دۈشمىنى بۇلىۋاتقان ئەيدىز ۋىرۇسىدەك مىنى ئۆمۈرلۈك داۋاسى يوق كىسەلگە مۇپتىلا قىلدى. يەنە ئويغانمىدىم. تويماس نەپسىمنىڭ يالماۋۇزلىرى مىنى قۇترۇتىۋاتماقتا. ياشلىق گۈللۈرۈمنى ئۈن-تۈنسىز بالدۇر توزىغان غۇنچىدەك خازان قىلماقتا. پوشايمان قاچىلىرىغا تۈكۈلگەن ياشلىرىم دەريا كەبى ئاقماقتا. ئىسىت ياشلىقىم.... مەنبەسى: ئۆزۈم

Danggal

	سىڭنىم ئاي نەسىرىڭىزنى تەپسىلى ئوقۇپ چېقتىم. ئەركىن پىكىر يۇرگۈزۈش،تىل...بەدئى قۇرۇلما ئورۇنلاشتۇرۇش قاتارلىق جەھەتلەردە خېلى ئەتراپلىق ئىزدىنىپسىز...ئەمما يەنە تىل ئىشلىتىش جەھەتتە مەلۇم نۇخسانلار ساقلانغان شۇڭا قايتا ئوقۇپ ئىمكانىيەت بولسا يەنە تەھرىرلەپ بېقىڭ....-داڭگال.

abduwayt

	رەھمەت(ئاي) خانقىز خەلە تەربىۋى ئەھمىتىبار نەسىركەن مەن ساقلىۋلاي

mahatjan

	ياشلىق گۈللۈرۈمنى ئۈن-تۈنسىز بالدۇر توزىغان غۇنچىدەك خازان قىلماقتا. پوشايمان قاچىلىرىغا تۈكۈلگەن ياشلىرىم دەريا كەبى ئاقماقتا. شۇڭا مەن مۇنداق قارايمەن؛ بالىلىق يۇلتۇزغا ،ياشلىق قوياشقا، قېرىلىق ئايغا ئوخشايدۇ.

yik

	ياخشى تىما يوللاپسىز.

ئاي530

	mahatjan يوللىغان ۋاقتى  2013-4-26 11:58 PM ياشلىق گۈللۈرۈمنى ئۈن-تۈنسىز بالدۇر توزىغان غۇنچىدەك  ... رەھمەت..سىلەرگە ..

XERHAN

	mahatjan يوللىغان ۋاقتى  2013-4-26 11:58 PM ياشلىق گۈللۈرۈمنى ئۈن-تۈنسىز بالدۇر توزىغان غۇنچىدەك  ... قېرىلىقنى ئايغا ئوخشىتىشىڭىزدا قانداق ئويلىغىنىڭىز بار ؟ ئورتاقلىشىپ باقايلى .

mahatjan

	قېرىلىقنى ئايغا ئوخشىتىشىڭىزدا قانداق ئويلىغىنىڭىز بار ؟ ئورتاقلىشىپ باقايلى . ياشلار يىراقنى كۆرەلمەي قالغاندا شۇ موھىتنى يورۇتۇپ بىرىدۇ،ئەمما ياش ۋاختىدىكىدەك ھەم يورۇتىدىغان ھەم ئىللىتىدىغان قۈۋەت ئاز. شۇڭا ياشلىقنى قەدىرلەش لازىم دىگەن مەنىدە .

forever1

	mahatjan يوللىغان ۋاقتى  2013-4-26 11:58 PM ياشلىق گۈللۈرۈمنى ئۈن-تۈنسىز بالدۇر توزىغان غۇنچىدەك  ... سىزنىڭ ھەرقانداق تېمىغا يازغان ئىنكاسىڭىزنى تۇلۇق ئوقۇيمەن،قايىل مەن،ھەقىقەتەن جېنى بار ،ئۆزگىچە ئىنكاس يازىسىز