قالايمىقان پۇل خەجلەشتىكى 10 باھانە

adwokatsubi

	قالايمىقان پۇل خەجلەشتىكى 10 باھانە                                  مەنبەسى: شىنجاڭ خەلق رادىيو ئىستانسىسى    1 . سېتىشنى تېزلىتىش ئۈچۈن باھاسنى ئەرزانلىتىش. سودىگەرلەر ئستېمالچىلارنىڭ ئەرزانلىق پىسخىكىسىدىن پايدىلىنىپ، مالنىڭ باھاسىنى چۈشۈرۇش پىرسەنتىگە قارىماي، مالنىڭ ھازىرقى باھاسىغا دىققەت قىلىشىمىز كېرەك. مال سېتىۋالغاندا، ھەممىدىن مۇھىمى، خامچۇتىمىزنىڭ يېتەرلىك ياكى ئەمەسلىكىگە دىققەت قىلىشىمز كېرەك. 2.جاپالىق ئىشلىگەندىن كېيىن ئۆزىنى مۇكاپاتلاش. پۇل تېپىش تۇرمۇشتىن بەھرلىنىش ئۈچۈن، بىراق خىزمەتنىڭ جاپالىقلىقىنى قالايمىقان پۇل خەجلەشتىكى باھانە قىلىۋېلىشقا بولمايدۇ. 3. پات ئارىدا ئىش ھەققى ئۆستۈرۈلىدۇ. تېخى قولغا تەگمىگەن پۇلنى خەجلىۋېتىش ناھايىتى بىمەنىلىك. شۇڭا پۇل قولغا تەگمەي تۇرۇپ، ئستېمال قىلماسلىق كېرەك، ئۇنداق بولمايدىكەن، باشقىلارغا ئاسانلا قەرز بولۇپ قالسىز. 4. پەسىلگە قاراپ يېڭى پاسۇنلارنى بازارغا سېلىش. مەيلى ماللارنىڭ باھاسىنى چۈشۈرۇش پائالىيتى سىزنى قانچىلىك ئازدۇرسۇن، پەسىل ئالمشىشنىڭ خۇشاللىقىدىن بەھرىمەن بولۇش پەقەت يېڭى كىيىم سېتىۋېلىش بىلەنلا چەكلەنمەيدۇ. 5.كېيىن ئىشلىتەلىشىم مۇمكىن. شۇنى ئېسىڭىزدە چىڭ تۇتۇشىڭىز كېرەككى، مال سېتىۋېلىش پەقەت ھازىرقى تۇرمۇش ئۈچۈن، ھەرگىزمۇ كەلگۈسى ئۈچۈن قارىغۇلارچە مال سېتىۋلماڭ، بۇ بىخەتەرلىك تۇيغۇسىنىڭ يېتەرسىزلىكىنىڭ ئىپادىسى. 6. باشقىلار سېتىۋالسا، مەن سېتىۋالمسام زىيان تارتىمەن. بەزى كىشىلەردە كۆپكە ئەگىشش پىسخىكىسى بولغاچقا، باشقىلارنىڭ مال سېتىۋېلىشى بىزگىمۇ تەسىر كۆرسىتدۇ. بىراق ھەرگىزمۇ باشقىلارغا ئەگىشىپ پۇل خەجلىمەڭ،ئۆزىڭىزنىڭ ئېھتياجى بىلەن پىلانىڭىز بويىچە ئىش قىلىڭ. 7.خاتىرە كۈنلىرىدە چوقۇم نەرسە سىېتىۋېلىش كېرەك. بۇ ھاياتتا نۇرغۇنلىغان مۇھىم خاتىرە كۈنلەر بولىدۇ، بىز ھەممىمىزنىڭ بۇ خاتىرە كۈنلەرنى ياخشى تەبرىكلىگىمىز كېلىدۇ. بىراق ھېسىياتنى چوڭقۇرلاشتۇرۇش مال سېتىۋىلىشىنىمۇ مۇھىم. خاتىرە كۈننى خاتىرىلەشتىن ئىلگىرى خامچوتنى ياخشى پىلانلاش ھەم قاتتىق ئىجىرا قىلىش كېرەك . 8. ھېچقىسى يوق، مەن مالنى قايتۇرسام بولىدۇ. نۇرغۇنلىغان مال سېتىۋىلىش تور بېكەتلىرى قۇلايلىق بولغان مال قايتۇرۇش سىىتېمىسى بىلەن تەمىلىگەن، بىراق نۇرغۇنلىغان كىشىلەر سېتىۋالغان ماللىرىدىن نارازى بولسىمۇ،بىراق يەنە ئاۋارىچىلىك ھېس قىلىپ يەنىلا شۇ ماللارنى سېتۋالىدۇ، بەزى سودىگەرلەرمۇ تۇرلۈك باھانىلەر بىلەن مال قايتۇرۇشنى رەت قىلىپ ئىستېمالچىلارنى پۇشايمان قىلدۇرۋېتىدۇ. 9.مەن يېقىندىن بۇيان كۆپ پۇل جەجلىمىدىم. خامچۇتنى قاتتىق ئىجىرا قىلىش قالايمىقان پۇل خەجلەشنىڭ باھانىسى بولسا بولمايدۇ. خامچۇتنى پىلانلىغاندا بىز ئۆزىمىزنى مۇكاپاتلايدىغان قىسمىنى ئېلىپ قالايلى: مەسىلەن، بۇ ئايدا 500يۈەن ئامانەت قويماقچى بولساق، ئۆزىمىزگە خالىغانچە خەجلەيدىغان پەقەت 50يۈەنلا قويۇپ قويايلى. 10.بەرىبىر خامچۇت پىلاندىكىدىن ئېشىپ كەتتى، ئۇنداق بولغاندىن راسا بىر خەجلەي. سىزدە ھەرگىزمۇ بۇنداق «دەز كەتكەن كوزا چېقىلسا چېقىلسۇن»دەيدىغان ئىدىيە بولماسلىقى كېرەك.ھەربىر ئادەمنىڭ بىخەستەلىك قىلدىغان ۋاقتى بولىدۇ، بىراق بىخەستەلىك قىلىشنىڭ قېتىم سانىنى ياخشى كونتىرول قىلىش كېرەك.

azrat705

	مەندە '' يېقىندا جىق پۇل خەجلىمىدىم ، شۇڭا ھازىر ئازراق خەجلىسەم ھېچنىمە بولماس '' دېگەن پىسخىكا بەك ئېغىر ئوخشايدۇ

quxanmas

	مەن  بەك  پىخسىق  ،جاپا  تارتىپ تاپقان بولغاندىكىن دەپ بەك پۇل  خەجلىمەيمەن ،ئاي   ئاخىردا قارسام بىر  مۇنچە پۇل يىغلىپ  قالدۇ ،بەدخەجلىك قىلاي دەپمۇ  قىپ  بولاممايدىكەنمەن .......

izqel

	مىنىڭ چوڭ ا چىقىمىم يۇق.لىكىن كىچىك بالىدەك ئۇششاق چۈششەكلەرگە،بولۇپمۇ تۈركىيە،دۇبەي،ئاپتۇنۇم رايۇنىمىزدىكى ئۇيغۇر كارخانىللىرىنىڭ ئىشلىگەن مەھسۇلاتىغا بەك ئىجىل.كىيىم كىچەكلەرگە ھىرىس ئەمەسمەن.ئايالىممۇ شۇ.ئىلىپ بەرگۈم كىلىپ كەتسە ئىلىۋىردىغان.ئالغۇم كەلمىسە ئالمايلا قۇيىدىغان مىجەزىم باركەن. لىكىن بىر قىسىم،ياكى كۆپ قىسىم خىزمەتچىلەرنىڭ چىقىملىرىدا ئۆزىنىڭ تاپاۋىتىنى ئاياپ خەقنىڭ چاپىنىدا تەرلىنىدىغانلىقىغا ئىشىنىمەن.بۇنداقلار بەك پىخسىق كىلىدۇ.ئازىراق پۇل خەجلەپ قۇيسىڭىز ئىشىڭىزنى ھەل قىلىۋىتىشتىن يانمايدۇ.

forever1

	قارىغاندا، مەندە قالايمىقان پۇل خەجلىمەسلىكتىكى 10باھانىنىڭ ھەممىسى تېپىلغۇدەك.ئەمما مەن پىخسىق ئەمەس ماقما

ئۆل

	مەن سەل قالايمقان خەجلەپ سالىمەن پۇلىنى ..چۈنكى ئۈلۈپ كەتسەم خەجليەلمەيمەن دەپ

alehram

alehram

	ئۆل يوللىغان ۋاقتى  2013-4-26 10:47 PM مەن سەل قالايمقان خەجلەپ سالىمەن پۇلىنى ..چۈنكى ئۈلۈپ ك ... ئەسلىدە ئۆزىڭىزنى ئۆزىڭىز قاغاپ «ئۆل» دەپ يېزىۋاپتىكەنسىز دە

kaniway

	گەپنى  ئوچۇق  قىلسڭىز بولمامدۇ____خاتا كىرىپ قالدىممۇ قانداق.

axkar

	نەلەرگە خەجلىنىپ كىتىپ بارىدىكىن بۇ پۇللار پۇل قاپچۇق ھىچ بىر قورساق سالاي دىمەيدىغۇ تاڭ!