مەجبۇرىلانغان ئىئانە يىغىش توغرىمۇ؟!

happy123

	ئەسسالامۇ ئەلەيكۇم دىيارىمىزنىڭ ھەر قايسى جايلىرىدىكى ئەزىز مۇنبەرداشلار، كەمىنە ئەزا مىسكىن ئايدىن ھەرقايسىڭلارغا سېغىنىشلىق سالام!    بۇ تېمىنى بىر قىسىم  مۇنبەرداشلىرىمىنىڭ قوللاپ مەدەت بىرىشى ۋە  بىر خىل  ئاچچىق ھېس،ۋە ئاز-تولائەندىشگە تولغان كەيپىيات بىلەن ئالدىراشلىق ئىچىدە ۋاقىتتىن ۋاقىت چىقىرىپ يوللاۋاتىمەن، يەنە كېلىپ ناتىق ئەمەسمەن، شۇڭا گەپنى ياساپ-جابدۇپ ئەگىتىپ ئولتۇرماي ئۇدۇللا دەۋىرەي.    يقىندا سىچۈەن ئۆلكىسى ئا ئەن رايونىدا 7بال يەر تەۋرەپ، 192ئادەمنىڭ قازاقىلىپ ۋە  يارلىنىپ  بالايىئاپەتكە ئۇچىرىغانلىقى ھەممەيلەنگە تونۇش خەۋەر بوپ قالدى، ئاپەتتىن كېيىن مەركەز  ئاپات رايونىدىكى خەلققە يۈكسەك كۆڭۈل بۆلۈپ،  جۇڭخۇا مىللەتلىرىنىڭ "بىر تەرەپ قىيىنچىلىققا ئۇچىرىسا ھەر تەرەپ تەڭ ياردەم قولىنى سونۇش" دەك ئېسىل ئەخلاق پەزىلىتىنى نامايان قىلىپ  ھەر مىللەت جۇڭخۇا پۇقراسىنى ئىئەنە يىغىپ  مېھىر-شەپقەت يەتكۈزۈشكە سەپەرۋەر قىلدى. يولداش لى كېچياڭ مۇ  بۇ جەھەتتىكى خىزمەتكە سەل قاراشقا بولمايدىغانلىقىنى تەكىتلەپ ئۆتتى،     مەقسەتكە كەلسەك، قىيىنچىلىقا قالغانلارغا ياردەم قولىنى سونۇش دەرۋەقە ئېسىل ئەخلاق-پەزىلەت،  ئىلگىرىمۇ ھەم دۆلىتىمىزدىكى قىيىنچىلىققا ئۇچىرىغان ئاممىغا قارىتا كەڭ ساخاۋەتچى قېرىنداشلىرىمىز  مۇھاببەتلىك ياردەم قولىنى سوزۇپ كەلگەن， ، بىراق ئىئانە توپلاش شەكلى مەجبۇرلاش تۈسىنى ئالسا توغرا بولامدۇ...  مەن  ئوقۇش پۈتتۈرۈپ خىزمەتكە چىققىلى ئۇزۇن بولمىدى، بىراق ئالى مەكتەپتە ئوقۇۋاتقان چېغىمىزدىمۇ ئىئانە توپلاشنى ئۆز ئىختىيارى بويىچە ئۆز ئەھۋالىغا قاراپ خالىس ئىئانە قىلىدىغان ئىش بار ئىدى،   ھەتتا ۋىنچۈەن دىكى زور يەر تەۋرەش  ئاپىتىگىمۇ ، ئىختىيارى  ياردەم قىلغان ئىدۇق،   ئەمما ، ،  بۇ يەردىكى خىزمەت ئورۇنلىرىدا بۇرۇندىنلا  مەجبۇرى ئىئانە توپلاش ئادىتى بارمۇ  ياكى، بۇ قېتىملىق 7بال يەر تەۋرەش ئاپىتى بەك ئالاھىدىمۇ بىلمىدىم،  بۇ قېتىمقى يەر تەۋرەش ئاپىتىگە ئاقسۇ ۋىلايىتىنىڭ مەلۇم بىر ناھىيىسى بىر تۇتاش ئۇقتۇرۇش چىقىرىپ، ئىشچى- خىزمەتچىلەرگە بىر تۇتاش ئىئانە يىغىشنى ئورۇنلاشتۇرۇپتۇ،  بىزنىڭ شۈجى تۆنۆگۈن ئەتىگەنكى يىغىندا ئۇچۇق قىلىپ، " ناھىيىىڭ ئورۇنلاشتۇرىشىغا ئاساسەن، بۇ قېتىمقى ئاپەتكە قارىتا ناھىيە دەرىجىلىك كادىرلار ھەر بىر كىشى 1000يۈەندىن، مۇئاۋىن ناھىيە دەرىجىلىك كادىرلار 700يۈەندىن، بۆلۈم مەسئۇللىرى ۋە پارتىيە ئەزالىرى 300يۈەندىن، ئادەتتىكى كادىرلار 100يۈەندىن، كەنت كادىرلىرى 50يۈەندىن چوقۇم 3كۈن ئىچىدە يىغىپ تاپشۇرىمىز“ دەپ ئۇقتۇردى!     توۋا! دەپ ياقامنى چىشلەپ ئولتۇرۇپ قالدىم،  مەجبۇرلاپ ئىئانە توپلايدىغان ئىشقا تۇنجى قېتىم يولۇقۇشۇم بولغاچقىمىكىن ، كاللامدىن پەقەت ،ئۆتمىدى. " مەنچە پۇلدىن كەم بولماسلىق،  چوقۇم،  3كۈن ئىچىدە" دىگەن ئۈچ خىل يوغان شەرت بىلەن تېخى؟!!          ئەجىبا مەركەزدىن بىۋاستە مۇشۇ 3شەرت ئاساسىدا ئىئانە يىغىش ئۇقتۇرۇشى چۈشكەنمىدۇ؟؟!! ئەلۋەتتە ئۇنداق ئەمەس! يۇقىرىدىن  رايونلار ئۆز ئەمىلى ئەھۋالىغا قاراپ ئىئانە قىلسا بولىدۇ  دەپ چۈشۈرۈلگەن ئۇقتۇرۇش بۇ!   ئەمسە دۆلەت دەرىجلىك 500نامرات ناھىيە تىزىملىكىگە كىرگۈزۈلگەن بۇ ناھىيىە نىڭ كىشى بېشى كىرىمى  بىر كىشىدىن نەچچە يۈز-نەچچە يۈز يۈەنلەپ مەجبۇرى ئىئانە  تاپشۇرۇشقا بۇيرۇغىدەك  شۇنچە يۇقىرى بوپ كەتتىمۇ؟؟!     يۇقىرىدىن بۇخىل مەجبۇرى تۈسنى ئالغان ئىئانە قىلىش ئۇسۇلىنى يوللۇق دەپ ھۆججەت چىقىپتىمۇ؟؟  ئەمسە بۇ قانداق ئىش؟؟!   پۈتكۈل جۇڭگۇدا نەچچە نوپۇس بارلىقىنى دىمىسەممۇ ھەممەيلەنگە ئايان، ھەر بىر كىشى 1يۈەندىن بولسىمۇ....   بوپتۇ، قۇرامىغا يەتمىگەنلەرنى ۋە ئەمگەك ئىقتىدارى يوقلارنى چىقىرۋىتىپ ھېسابلاپ باقايلىچۇ...    مۇشۇنداق ھەر بىر كادىردىن ئالدى 1000يەندىن  كەينى 50يۈەندىن يىغقىلى تۇرسا...   بۇ پۇللار ئۆزپېتى مۇچەن - كوچەنلىرى بىلەن ساپمۇ ساق ئاپەت رايونىدىكى خەلققە يىتىپ بارالىسىچۇ كاشكى...    ئىئانە دىگەن ئىئانىدەك بولۇشى كېرەكقۇ! ، ھەر كىم ئۆز ئەھۋالىغا ئاساسەن خالاپ تۇرۇپ قانچىلىك بەرگۈسى كەلسە شۇنچىلىك  بىرىدىغان ئېسىل خسلەتقۇ؟؟!  ئەجىبا ،  بۇ قېتىمقى 192ئادەم قازا قىلغان 7بال يەر تەۋرەش ئاپىتىنىڭ زىيىنى 2008-يىلى 5-ئاينىڭ 12-كۈنىدىكى ۋىن چۈەن 8بال زور يەر تەۋرەش ئاپىتىدىنمۇ زور بوپ كېتىپتىمۇ؟؟  شۇ چاغدىمۇ مەكتەپتىن بىزنى مەجبۇرى ئىئانە قىلىسەن دىمىگەنغۇ؟ شۇنداتىمۇ يەنىلا ھەر كىم ئۆز خاھىشى بويىھە مۇھاببەتلىك قوللىرىنى ئاپەتكە ئۇچىرىغان خەلىققە  مەرتلەرچە سونۇپ كەلگەنغۇ؟؟! ............ ......... ئويلىغانسىرى پارتىلاپ كېتىدىغاندەك قىلىمەن. ئەڭ ياخشىسى ئۆزۈمىنى بېسىۋالاي...     خوتەن دىيارىدىكى ئوت ئاپىتىگە ئۇچىرىغان قېرىنداشلىرىمىزنىڭ ئەھۋالى قانداقراقتۇ ھە....  يۇقارقى ئۇقتۇرۇشتا ئۇلارنىمۇ تىلغا ئېلىپ  ئىختىيارى قىلىپ  ئاز بولسىمۇ ئىئانە قىلىشقا سەپەرۋەر قىلىنغان بولسا ھە...

faeza

	دىگەنلىرىڭىز توغرا قېرىندىشىم ، بىزنىمۇ مەجبورىلاۋاتىدۇ . مەكتەپ مۇدىرلىرى يۈز ، 2 يۈزدىن دىگەندەك ئىئانە قىلدى .ئاڭلىشىمچە بەزى ئىدارىلەردە 500 ، ھەتتا 1000 دىن ئىئانە قىلغانلارمۇ باركەن . بىزنى ئادەتتىكى ئوقۇغۇچىلار 50 يۈەندىن دىدى . مەجبورى دەڭە !     مەن قارىسام ھەرقايسى ئىدارە باشلىقلىرى ئىدارىسىدىن قانچە جىق پۇل يىغىلسا شۇنى ئابروي ھىسابلاپ ، تۈۋەندىكىلەرگە بېسىم قىلىۋاتامدىكىن دەيمەن . مەن ئەتە ئۆگۈنگىچە مۇشۇ توغرىلىق تىما يېزىشنى ئويلاۋاتقانتىم .

najtamam

	بۇنداق تىمىنى بۇ يەرگە يوللاپ دەردىڭىزنى سۆزلىگىنىڭىز ياخشى بوپتۇ ،لىكىن بۇنداق ئىشنى يۇقۇرى دەرىجىلىك ئورۇننىڭ تور بېتىگە كىرىپ شۇ يەرگە يوللىسا ياخشى بۇلىدۇ دەپ ئويلايمەن . مەركىزى تىلىۋىزىيە ئىستانزىسىنىڭ پىرروگىراممىلىرىدا بىكار تۇرماي مۇشۇنداق ئىشلارنى مىكروبىلوگ ياكى باشقا ئۇسۇل بىلەن پاش قىلىشنى تەۋسىيە قىلىپ تۇرىدۇ . راستىنى دىسەم مەن بۇ مۇنبەردە تىما ياكى ئىنكاس يوللاشتىن قورقىدىغان بولپ قالدىم ، نىمىلا يوللىسا بىردەمنىڭ ئىچىدە ئويلاپ باقمىغان جىدەل -ماجرا...... گىپىم خاتا بولۇپ قالغان بولسا ياكى بىرەر ‹مۆھتىرەم›نىڭ كۈزىگە سىغمىغان بولسا سېسىق گەپ بىلەن جاۋاپ يازماسلىقى سورايمەن !

mostafa

	ئىئانە يىغىش ئىدارە ئۇرگەنلاردىلا ئەمەس، تۈنۈگۈن جۈمەدە ئىمام ئاخۇنلىرىمىزمۇ ئىئانە يىغىشنى قاتتىق تەشەببۇس قىلۋاتىدۇ، ھەرەمگە باردىغانلارغا بۇ بىر پۇرسەت دەيدۇ تېخى ھەرقانداق پائالىيەت ئۆز ئىختىيارلىقىمىز بىلەن بۇممايدىكەن تۇۋا!! ھىسداشلىق قىلغىنىڭ بە. بۇممىسا ئىختىيارىڭ دەپ باقسا نىم بۇلا

xomtak

	ras jumu.

alkamjan0991

	قاچانمۇ ئوڭشىلار مۇشۇ ئىشلار !؟

yik

	ئىئانە دىگەننى مەجبۇرى  يىغماي ئىختىيارى يىغسا بۇلىدۇ .بىراق ھازىرقى جەمىئەتتە مۇمكىن بولماسمىكى  بۇ ئىشلار.

ehrami

	يا ئاللا ھەجەپ تولا تەر تەۋرەيدىغان يەركەن ئۇ؟!!! «ئىئانە ئىئانە» دەپ تازا بوپ بەردى بۇ خەققە. قارىسام تورلارمۇ «قارىلىق تۇتۇپ» ماتەم بىلدۈرۈپ كېتىپتۇ! ھېلىمۇ ماۋۇ مىسرانىمنى ئاپلېسىن رەڭدە كۆردۈم. قارا رەڭدە كۆرۈپ قالغان بولسام، ئاچچىقتىن يېرىلىپ كېتەركەنمەن.

بەرگى

	2008-يىلدىكىدەك بولغان بولسا ئادەم سانىغا قاراپ بولسىمۇ خوشلىقىمىزدا بېرەتۇق . مەكتەپلەرنى سالغاندا شۇ ۋاقىتتا 8 بال يەر تەۋرەشكە چىدىيالايدۇ دەپتىكەن .....