ئۇيغۇر ئەرلىرىنىڭ بەلبېغى

DiLruK

	ئۇيغۇر ئەرلىرىنىڭ بەلبېغى كىيىم ‏-كېچەك ئەنئەنىسى ‏-بىر مىللەتنىڭ باشقا مىللەتلەردىن پەرقىلىنىپ تۇرىدىغان ئۆزگىچە خاسلىققا ئىگە مەدەنىيەت بەلگىلىرنىڭ بىرى . ئۇيغۇرلارنىڭ كىيىنىش ،ياسىنىش ئەنئەنىسى ناھايىتى مول بولۇپ ، ئۇيغۇر ئەرلىرىنىڭ بەلگە بەلۋاغ باغلاش ئادىتىمۇ مىللىي ئەنئەنىگە ۋارىسلىق قىلىدۇ . ئۆتمۈشتە ئۇيغۇر ئەرلىرى بەلۋاغ باشلاشنى ئىنتايىن ياخشى كۆرەتتى ،بىراق ھازىر كىيىنىش مەدەنىيىتىنىڭ غەربلىشىشى تۈپەيلىدىن بۇ ئەنئەنىۋى ئادەت شەھەرلەردە يوقالغان بولسىمۇ ،ئەمما يۇرتىمىزنىڭ يېزا ‏- قىشلاقلىرىدا ئۇنىڭ ئىزنالىرى ھېلىمۇ ساقلىنىپ كېلىۋاتىدۇ . بەلۋاغنىڭ يەنە بىر ئاتىلىشى >> پوتا << بولۇپ ،ئۇيغۇر ئەرلىرى ئادەتتە ئېنى كەڭ ،ئۇزۇنلىقى ‏-3‏2 مېتىرچە قارا ،كۆك ،يېشىل ، سېرىق رەختلەردىن بەلۋاغلىق تاللايدۇ . قىزىل رەڭ ئاياللارغا خاس ،ئاق رەڭ مۇسبەتنىڭ سىمۋولى بولغاچقا ،بۇ خىل رەڭلىك رەختلەر بالۋاغلىققا تاللىمايدۇ .بەلۋاغ كۆپۈنچە ھاللاردا ساپ يىپەك ،ساپ پاختا رەختلەردىن تەييارلىنىپ ،قىش ،ياز ، كۈز ، ئەتىياز پەسىللىرىنىڭ ھەممىسىدە باغلىنىدۇ ، بەلۋاغ ئارسىغا نان ، قۇرۇق يەل يېمىش ، پۇل قاتارلىق مۇھىم نەرسىلەرنى تۇگۈۋالغىلى بولىدۇ ،ئۇنىڭغا يەنە مىسۋاك ، پىچاق قاتارلىق نەرسىلەرنى ئىلىنىدۇ . بەلۋاغ ياز كۈنلىرى يەكتەك ، قىش كۈنلىرى تون ئۈستىدىن باغلىنىدۇ . توي ‏-توكۈنلەردە قىز تەرەپ ئوغۇلغا بەلۋاغ باغلايدۇ . ئۇيغۇر ئەرلىرىنىڭ بەلۋاغ باغلىشى بىر خىل ئۆرۈپ ‏-ئادەت تۈسىنى ئالغان ئەنئەنە بولۇپلا قالماستىن ،بەلكى يەنە ئۇنى ئەرلەرنىڭ بەل ۋە تۆۋەندىكى بەدەن قىسمىنىڭ ،بولۇپمۇ بۆرەكنىڭ ساغلاملىقى ئۈچۈن پايدىسى زور مۇھىم ساغلاملىق بۇيۇمى دېيىشكە بولىدۇ . چۈنكى بەلۋاغ بۆرەكنى قوغدايدۇ ،يازدا ئاپتاپتىن ،قىشتا سوغۇقتىن ساقلايدۇ . ئۇنى باغلىسا بەلگە سوغاق ئۆتۈپ كېتىشنىڭ ،بەل ئاغرىشنىڭ ئالدىنى ئالغىلى ،سەمىرىپ قورساق سېلىشتىن ساقلانغىلى بولىدۇ . بەلۋاغ باغلاشنى ئۇيغۇر ئەرلىرى غۇرۇر ،باتۈرلۇقنىڭ بەلگىسى دەپ قارايدۇ ، شۇڭا يېزا‏- قىشلاقلاردا بىر ئىشنى باشلىغاندا >> بەل باغلىدى << دېگەن سۆز پەيدا بولغان بولىشى مۇمكىن . مەنبەسى : ئۇيغۇر  ئۆرۈپ -ئادەتلىرى

yalguz520

	بۇرۇن ئاڭلىماپتىكەن

YELAN

	مەنمۇ ئاڭلاپ باقماپتىكەنمەن....

izbasar

	كونىلار تاقارمىكىن؟ بىزلە مودا قوغلىشىدىغانلار بولغاچقا تاقىمايمىز..........

barqukkizi

	بەلباغنىڭ ھەر خىل تۈرلىرمۇ بارغۇ دەيمەن ھە  [s:10]