ئۆزگىچە مەن بىلەن ( ئىجابى شاخلانمىلار)

happy123

	مەن بىلەن (ئىجابى شاخلانمىلاردىن توپلام)   ئەسسالامۇ ئەلەيكۇم مۇنبەر ئەھلى، مەنكى مىسىكىن ئايدىن ھەر قايسىڭلارغا قولۇمنى كۆكسۈمگە ئېلىپ ، بېشىمنى مەيىن شامالدىكى ئەتىرگۈلنىڭ غۇنچىسىدەك  لەرزان ئىگىپ تۇرۇپ، ئىللىق تەبەسسۇم بىلەن ئۇيغۇرچە ئوتلۇق سالام!   مەقسەتكە كەلسەم ،يىقىندىن بۇيان نەزىرىدىن جامالىدىن ئىجادىيىتىدىكى شېئىر ھەزرەتئېلى ئورۇنلىغان "مەن بىلەن" ناملىق ناخشا كەڭ قېرىنداشلىرىمىز ئارىسىدا ئالقىشقا مۇيەسسەر بولغىنى ھەممەيلەنگە ئايان، قارىسام يىقىندىن بۇيان ئۇ شېئىر خۇددى ھېلىقى "چانايمەن" گە ئوخشاش شاخلاپ، "سىتودېنلار تىلى"،" ئاقسۇ تىلى" قەشقەر تىلى" دەپ نەچچە پارچە بوپتۇ،  ئۇلارنى بۇيەرگە ئەچىقمىدىم،      قايسى كۈنى بىر ساۋاقدىشىم ماڭا ئۈندىدار ئارقىلىق ئىسلامچە مەن بىلەن نى ئەۋەتىپتۇ، ئەپسۇس ئۇ ساۋاقدىشىمدىن سۈرۈشتۈرۈپمۇ ئەسلى ئاپتۇرىنى تاپالمىدىم،  قارىسام مەزمۇنى شۇنداق ياخشى چىقىپتۇ،    شۇڭا سىلەر بىلەن ئورتاق بەھىرلىنىش ، ھەمدە يېڭى "مەن بىلەن“ نىڭ ئىجابى مەنىدىكى شاخلانمىللىرىنى بىر يەرگە توپلاش مەقسىتىدە بۇ تېمىنى يوللىدىم، ئەيىپكە بۇيرىماي ، سەۋرچانلىق بىلەن ئوقۇپ چىققايسىلەر،                   مەن بىلەن                   (ئىسلامچە) ناماز ئوقۇپ بىر ئۆمۈر ئۆتەلەمسەن مەن بىلەن جەننەت دىگەن يىراقتا كۈتەلەمسەن مەن بىلەن ھەق يول دىگەن ھەر ۋاقىت شەيتان بىلەن بىر تۇققان ئېزىتقۇغا ئېزىقماي يۈرەلەمسەن مەن بىلەن بەندە دىگەن ئاجىزدۇر، گۇناھى بار ھەر تۈرلۈك دۇئا قىلىپ كېچىدە، تۈنەلەمسەن مەن بىلەن ئېيتالمايدۇ ھېچكىممۇ ،جەننەت يولى ئاسان دەپ ھەق يول ئۈچۈن ھەممىدىن كېچەلەمسەن مەن بىلەن ئاتا-ئانا تاپىنى جەننەت دەيدۇ پەيغەمبەر شۇ جەننەتنى مېنىڭدەك سۆيەلەمسەن مەن بىلەن نە قىسمەت بار بېشىمدا، دىن دۈشمەنلەر ئالدىدا ئىمانىڭدا چىڭ تۇرۇپ، كېتەلەمسەن مەن بىلەن      2013-يىل 4-ئاينىڭ 17-كۈنى    --ئۇيغۇرى .... ياخشى چىقىپتۇ ھە؟!!  دەرۋەقە ھەر بىر مۆمىن قېرىنداشلىرىمىزنىڭ بىر ئوقۇپ بېقىشىغا ئەرزىگۈدەككەن....   يىقىندا خىزمەتداشلار توپىمىزدا بىر خىزمەتدىشىمىز مەن بىلەن نىڭ ئوغۇللار تىلىدا يېزىلغىنىنى ئەۋەتىپتۇ، ئەپۇ قىلغايسىلەر، ئاپتۇرىنى يەنە تاپالمىدىم...                       مەن بىلەن                       (ئوغۇللار  تىلى)                             يانچۇقۇمدا كۆپ پۇل يوق، يۈرەلەمسەن مەن بىلەن لىكىن بىرگە تىرىشىپ ئۆتەلەمسەن مەن بىلەن بەش ئەزايىم ساق لىكىن ئانچە كېلىشكەن ئەمەس نومۇس قىلماي بىر ئۆمۈر ئۆتەلەمسەن مەن بىلەن ئۆيۈم ئەمەس داچىدا، پەقەت ئاددى بىنادا گۈزەل ئىللىق ئائىلە قۇرالامسەن مەن بىلەن مېنىڭدە يوق ماشىنا، ھەتتا ئايفون تىلىفۇنمۇ ئەمما گۈزەل كېلەچەك كۈتەلەمسەن مەن بىلەن ئاتا-ئانام ياشانغان، ئالسام دەيمەن دۇئانى خاتىرجەم كۆز يۇمغىچە كۈتەلەمسەن مەن بىلەن ئېغىر كۈنلەر كەلسىمۇ كۈلپەت چۈشكەن بېشىمغا ئۇلۇغ ئاللاھ ئىگەم بار دىيەلەمسەن مەن بىلەن                                                      --(تىكو) ... ئارىمىزدا ئوغۇللارنىڭ مۇشۇ تەلىپىنى ئورۇنلىيالايدىغان ئېسىل قىزلىرىمىزدىن قانچىسى بارددۇ؟؟  مەنچە ئارىمىزدىكى كۆپ ساندىكى قىزلىرىمىز  ئۆزنىڭ نېمىلەرنى قىلىش، نېمىلەرنى قىلماسلىقىنى بىلىپ يىتەيدۇ، شۇنداقلا ، ئۆز ئەخلاق پەزىلىتى بىلەن قىزلارغا، كەلگۈسىدىكى ئاياللارغا، كېلەچەكتىكى ئانىلارغا خاس مەجبۇرىيىتىنى ئادا قىلالايدۇ . شەخسەن مەن ئۆزۈم ھۆددە قىلالايمەنكى، ئاللاھ خالىسا مەن كەلگۈسىدىكى جۈپتى ھالالىمننىڭ بۇ جەھەتتىكى كۈتكەن ئۈمۈدىنى ئاقلاشقا ئىشەنچىم كامىل...     قارىسام ، ماڭا ھېچ  بىر قىزلار تىلى بىلەن يېزىلغىنى ئۇچىرىمىدى،   بىز قىزلارنىڭمۇ ئەلۋەتتە ئۆزمىزىگە چۇشلۇق كەلگۈسى ھەمراھىمىزدىن كۈتىدىغانلىرىمىز بولىدۇ دە... شۇنىڭ بىلەن ، يۇقارقىلاردىن ئۆرنەك ئېلىپ،  بىز قىزلارنىڭ، يەنى كەلگۈسىدە بىر ئائىلىگە ئايال، پەرزەنتىمىز گە ئانا بولغۇچىلارنىڭ تىلى بىلەن قەلەم تەۋرىتىپ قويدۇم... شائىر ئەمەسمەن،  قاملاشمىغان يەرلىرى بولسا سەمىمى تەكلىپ بېرىشىڭلارنى سورايمەن.                 مەن بىلەن                    (قىزلار تىلى) مېنى سۆيۈپ بىر ئۆمۈر ئۆتەلەمسەن مەن بىلەن مېنى قوغداپ مەڭگۈلۈك، يۈرەلەمسەن مەن بىلەن خىزمەت بىلەن ئائىلە ھەمىشىلا بىر تۇغقان ئىشتىن چۈشسەم ئالغىلى كىلەلەمسەن مەن بىلەن. ئايال قەلبى بەك نازۇك، گاھ كۈلىدۇ، گاھ يىغلار كۆز ياشلىرىم تۆككەندە سۈرتەلەمسەن مەن بىلەن دىيەلمەيدۇ ھېچكىممۇ، ئايال مەڭگۈ چىرايلىق رۇخسارىمدىن كەتكەندە يۈرەلەمسەن مەن بىلەن مۇھاببەتكە سەمىمىي ئىشەنچ كېرەك ھەم ۋاپا ۋاپادار بوپ بىر ئۆمۈر ئۆتەلەمسەن مەن بىلەن دوست-دۈشمەنلەر ئالدىدا قارىلانسام گەر ناۋادا قولۇم يىتلەپ ئالدىدىن، كېتەلەمسەن مەن بىلەن ئاپام-دادام مەن ئۈچۈن خۇددى خىزىر -پەرشتە بىر ئۆمۈرگە ھۆرمەتلەپ ئۆتەلەمسەن مەن بىلەن كەلگۈسۈمدە نە  قىسمەت  كۈتمەكتە ھەم بىلمەيمەن شۇ قىسمەت ھەم كۈلپەتتە يۈرەلەمسەن مەن بىلەن        2013-يىل 4-ئاينىڭ 23-كۈنى                 --مىسكىن ئاي     خاتالاشمىسام، ماۋۇ قىزلار تىلى  يالغۇز  مېنىڭلا ئەمەسم بەلكى خېلى كۆپ سانلىق قىزلىرىمىزنىڭ يۈرەك سۆزىگە ۋەكىللىك قىلالايدۇ دەپ قارايمەن،  قېنى ئارىمىزدا قىزلىرىمىزنىڭ ئەشۇ، ئاددىيغىنە، ئەمما يۈرىكىدىكى يۇقارقى تەلىپىنى ئورۇنلاپ، لاياقەتلىك ئەر بولالايدىغان مەردانە يىىگىتلىرىمىزدىن قانچىسى باردۇ؟؟  مەنچە  ئارىمىزدا ئاز ئەمەس...

pak-nur

	ۋاھ ...    ئالامەت ئىسىل چىقىپتۇ.    ياخشى قىلاممىساممۇ لاھىيەلەپ باقتىم.

faruh193

	ياخشى تىمىكەن !!  ھارمىغايسىز !.

rizwangul0995

	بىر بىرى دىن ئىسىل شئېرلار كەن ،بىرىنچىسىنى ئۇن دىداردا كۆرگەن ،قالغان ئىككىسىنى كۆر مەپـتىكەنمەن ساقلاپ قويدۇم رەھمەت. ناخشىسىنى قىتىپ يوللاپ قويسىڭىز ياخشى بۇتتىكەن مىنىڭچە

muttelib

	يەنە ھەر يۇرتنىڭ نۇسخىلىرىمۇ بار.

kugul

	مەن بىلەن  دىگەن، قاچان چىققان ناخشىكەن؟ خىلى بوپتۇ، ناخشىلارغا دىققەت قىلماي يۈرگىلى.قاچانلىكى قارىسا ، ئاھ كۆيدۈم دىگەندىن باشقا ناخشا بولمىغاچقا. مىسىرانىم- مۇنبىرىنىڭ ئۈندىدار تۇپى بارمۇ؟

TAXBALIK

	مىسرانىمدا  ئۇرۇشماي  ئۆتەلەمسەن مەن بىلەن ئىلمى بولغان ئىنكاسنى   يازالامسەن مەن  بىلەن                                                                               ياخشى يېزىلغان مەن بىلەنلەركەن .

burkut327

	مەن بىلەن دېگەن ناخشىنى خىلى ئاڭلاپ قويىمەن، ناخشا تىكىستىمۇ ياخشى.

happy123

	rizwangul0995 يوللىغان ۋاقتى  2013-4-24 05:01 PM بىر بىرى دىن ئىسىل شئېرلار كەن ،بىرىنچىسىنى ئۇن دىدارد ... رەھمەت~  ئەسلى مەنمۇ ئەسلى تېكىسىتىنىمۇ  ئەڭ بېشىغا ئېلىشنى ئويلاشقانتىم لىكىن، بىرسى ئاساسەن ھەممەيلەنگە تونۇشلۇقكەن،  يەنە بىرسى بېشىنى كۆرۈپلا كونا تېمىكەن  دەپ  پىشىنى قېقىپ چىكىتىپ قالمىسۇن دەپ شۇڭا ئالمىغانىدىم...    ھە راس،  شۇ  ناخشا كىرىشتۈرۈشنى بىلمەيمەن...