مىنى كەچۈرۈڭ ئانا

KURAX.JAN

	مىنى كەچۈرۈڭ ئانا بۈگۈن قىلدىغان ئىش يوق ،دەم ئالدىم . ئۆيگە قايتىپ كومپىيوتىرنى ئېچىپ ئولتۇرسام ئاپام چاقىرىپ كەتتى . بالام بازارغابېرىپ نەرسە-كېرەك ، دورا ئالماقچى ئىدىم ، پۇتۇم ئاغرىپ ماڭالماي تۇرغان ھەجەپ ياخشى چىقىپسەن، مىنى ماشىندا ئەكىرىپ چىقساڭ بوپتىكەن . ئاپامنىڭ مەن چوڭ بولسام بىر پۇتى ئاغرىيدىغان كونا كېسىلى بارتى ، پىيادە ئۇزۇن ماڭالمايتى ، ماقۇل دىدىم خوش ياقمىغاندەك قىلىپ . شۇنىڭ بىلەن بازارغا ماڭدۇق . تاللا بازىرىدىن نەرسە -كېرەك ئېلىپ بولغاندىن كىيىن دورىخانىغا ئاپاردىم ، بىرەرسائەتتىن كىيىن ئاپام چىقتى ، ئاخىرى ئۆيگە قايتتۇق . ئۆيگە كىرىپ ئون مىنۇت بولا بولماي ئاپام يەنە چاقىردى ، ھە نىمە ئىش دەپ چىقسام ، ئاپام خوشنىلار تېلفۇن قىپتۇ ، يولدىشى تۈگەپ كەتكەن بىر دوستىمىزنىڭ ئۆيىگە پەتىگە مېڭىپتىكەن بىللە كىرەيلى تېز كىلىڭ دەيدۇ . بالام چاققان بول مېنى ئاپىرىپ قوي ، ئاپام شۇ گەپلەرنى دىگەچ داستىخانغا بىرنەرسىلەرنى يۆگەپ تەييارلىق قىلىپ بولدى . چاققان بول بالام ئۇلارمىنى ساخلاپ قالدى . يائاللا ئاپا ھەجەپ ئىشلىرى تۈگىمەيدىكەن ، بىرەركۈن دەم ئالغاندا ئادەمنى ئارامخۇدا ئۆيدە ئولتۇرغىلى قويماي ،  شۇگەپنى دەۋېتىپ ماشىنىغا چىقتىم ماشىننىڭ ئىشىكىنى شۇنداق كۈچ بىلەن ياپتىمكى ئاپام پەستە تۇرۇپ چۈچۈپ كەتتى . ئويلاپ قالدىم ئىشىكنى ھەجەپ چىڭ يېپىۋەتىميا .  ئاپاممۇ پەستە ماشىنىغا چىقايمۇ چىقمايمۇ دىگەندەك بىر دەم تۇرىۋېتىپ چىقتى . مەنمۇ قىلغانلىرىمغا خىجىل بوپ گەپ قىلمىدىم ئاپاممۇ گەپ قىلماي ئولتۇراتتى . ماشىنىدا جىمجىت مىڭىۋاتىمىز ، بىر ۋاقىتتا ئاپام جىمجىتلىقنى بۇزۇپ گەپ باشلىدى ، بالام بۇرۇن پىيادە نى نى يىراق يەرلەرگە كىتەتىم . ئىنتايىن ساغلام ئىدىم . ئەڭ ئاخىرقى تۇغۇتۇمدا بالام تۆت كىلوگىرام تۇغۇلدى ، ئۇچاغلاردا ئۆيدە تۇغىدىغان چاغلارتى ، بىر كېچە كۈندۇز تولغاق ئازابى تارتتىم ، خوشنا -خۇلۇملار چوڭلار ئانا -بالا ئىككىلىسى تۈگەپ كەتكۈدەك دەپتىكەن ، مەن يەنىلا تەن بەرمىدىم ، داۋاملىق كۈچىدىم ، ئۇلۇغ ئاللادىن مىنى ئېلىپ كەتسەڭمۇ مۇشۇ بالامغا ھاياتلىق بەرگىن دەپ ئۆتۈندۈم ، مۇشۇ ئاغرىق ئازابىدا تۇرۇپ ئاللاھنى يادئىتىپ بالامغا ھاياتلىق تىلىگىنىمدىن شەپقەتلىك ئاللا تەسىرلەندىمۇ ئاخىرى يەڭگىدىم ، بالاممۇ ھايات قالدى مەنمۇ ھايات قالدىم ، بالام ئوغۇل ئىدى ،تۇغۇتتىن كىيىن مەن ماڭالمىدىم، لىكىن مەن قىلچە ئۈمۈدسىزلەنمىدىم تۆت قىزنىڭ كەينىدىن تۇغۇلغان بۇ ئوغلۇم ماڭا تەسەللى ئىدى . كىيىن ماڭالايدىغان بولدۇم لىكىن ئۇزاق ماڭالمايتىم ، ئورنۇمدىن تۇرساملا پۇتۇم ئاغرىيتى . بارمىغان دوختۇرخانا ، ئىزدىمىگەن دوختۇر قالمىدى ، بۇ پۇتۇمنىڭ ئاغرىقى تۇغۇتۇمدا كۈچەپكەتكەننىڭ ئاسارىتىكەن ساقايمايدىكەن .  ئاپام سۆزلەۋاتىدۇ ... يەرتىگىدىن ئاپامنىڭ كۆزىگە قارىدىم ، ئاپامنىڭ كۆزىدىن ياش تۈكۈلمەكتە ، ئاپامغا تەسەللى بېرىش ئەمەس يېنىپ قاراشقىمۇ جۈرئەت قىلالمىدىم ، نۇمۇستىن يەرگە كىرىپ كەتكۈدەك بولدۇم ، ماشىنا ئۆزى مېڭىۋاتامدۇ ، ياكى مەن ھەيدەۋاتىمەنمۇ بىلمەيمەن . بارىدىغان يەرگىمۇ كەلدۇق ، ئاپام سەن قايتىۋەرگىن مەن ھايال بوپ قالىمەن ، بۇيەردە تاكسى تۇسۇش قولاي مەن تاكسىدا كىتەي دەپ كىرىپ كەتتى . ئەمدى ئۆزەمنى تۇتۇۋالالمىدىم ، كۆزۈمدىن ياشلار يىپى ئۈزۈلگەن مارجاندەك تۈكۈلمەكتە ئىدى . ئۆزەمنى ئەيىپلەۋاتىمەن ، ئۆزەمنى تىللاۋاتىمەن . ئۆزەمدىن نەپرەتلىنىۋاتىمەن ... چۇنكى ئاپامنى شۇ ئاغرىق ئازابىغا سالغان ،ئاپامنى جېنىدىن ئايرىغىلى تاس قالغان شۇ تۆت كىلو تۇغۇلغان بوۋاق دەل مەن ئىدىم . مېنى كەچۈرۈڭ ئاپا ، ئانا دىگەن ئۇنداق ئۇلۇغ ، مۇنداق ئۇلۇغ ، ئانىنىڭ ئەجىرىنى يۈدۈپ ھەرەمگە ئاپىرىپمۇ ئاقلىغىلى بولمايدۇ ، دىگەن مەن ئۆزەم بىر چاغلاردا ، ھېلىغۇ ھەرەمكەن ، شەھەرگە ئەكىرىپ قويدىغانغىمۇ ئاپامنىڭ كۆڭلىگە ئازار بەردىمغۇ . مەنمۇ ئادەممۇ ؟ ئانام يىگىرمە نەچچە يىلدىن بىرى مەن سەۋەبلىك شۇ ئاغرىق ئازاۋىنى تارتىۋېتىپتۇ ، شۇ تارتقان ئازابى ئازلىق قىلغاندەك ، بۈگۈنكى كۈندە مەن يەنە ئانامنىڭ كۆڭلىگە ئازار بەردىمغۇ . ئېھ ئاللا مېنى كەچۈر ، مەن شۇنداق قارا قوساق ، قارا كۆڭۈل بوپ كەتتىممۇ ؟ ئاللا مەندەك كۆزى كورلارنىڭ كۆزىگە نۇر ئاتا قىلغىن ، مەندەك بەندىلىرىڭنىڭ كۆڭلىگە ئىنساپ ئاتا قىلغىن ، ئازغۇن بەندىلىرىڭنىڭ تۆۋبىسىنى قۇبۇل قىلغىن ... ئانا مېنى كەچۈرەرسىزمۇ؟ مەندەك ئىنساپسىز ۋاپاغا جاپا قىلدىغان ئوغلىڭىزنى كەچۈرەرسىزمۇ ؟ ئالا-ھەزەل بىرەر سائەتتىن كىيىن ئاپام يېنىپ چىقتى ، ئاپام مىنى كۆرۈپلا ۋاي بالام سەن قايتىۋەرسەڭ بولمامدۇ ، مەن تاكسىدا قايتاتتىم ، مەن سېنى قايتىپ كەتتى دەپ ئۇزۇن ئولتۇرۇپ قاپتىمەن . ئاپام تەڭلىك بولغان قىياپەتتە شۇ گەپلەرنى دىدى ،خۇددى مىنىڭ ئالدىمدا خاتالىق ئۆتكۈزۈپ قويغاندەك ، بەلكىم مەندەك ۋاپاسىز ئوغلىنى يەنە ئۇزاق ساخلاپ كەتتىم دەپ غۇدۇرايدۇ دەپ ئويلىدى . ئۆزەمنى يەنە تۇتۇۋالالمىدىم ، ئاغزىمنى ئۆمەللەتتىم نۇرغۇن گېپىم بار ، لىكىن بۇغۇزۇمغا بىر نەرسە كەپلىشىۋالغاندەك ، مەندىن زۇۋان چىقمىدى پەقەت كۆزۈمدىن ياشلا چىقىۋاتىدۇ . ئاران تەستە ئۆزەمنى تۇتۇۋېلىپ ئاپا مىنى كەچۈرۈڭ ، سىزنى قانچىلىك ساخلىساممۇ ئەرزىيدۇ . كىچىك بىرئىش ئۈچۈن كۆڭلىڭىزگە ئازار بەردىم ، سىز مىنى تۇغۇپ يىگىرمە نەچچە يىل بولدى ، پۇت ئاغرىقىنىڭ دەردىنى تارتىۋاتىسىز ، لىكىن ماڭا بىر قېتىممۇ سېنى تۇغۇمەن دەپ پۇتۇم مۇشۇنداق بوپ قالدى دەپ باقمىدىڭىز ،  مەن سىزنىڭ بالىڭىزغۇ نىمىشقا سىزدىكى ئالىجاناپ پەزىلەتلەر مەندە يوق ، زادى نىمىشقا ... ئاپا مىنى كەچۈرۈڭ ،ئاپا مىنى مۇشۇ بىر قېتىم كەچۈرۈڭ ، ئاپا مىنى كەچۈرۈڭ ... ئاپاممۇ يېغلىماقتا قۇچىقىنى كەڭ يېيىپ مىنى قۇچاقلاپ بېشىمنى سىيلىماقتا ، پىشانەمگە سۆيمەكتە ... ئانا دىگەن شۇنداق ئۇلۇغ ، شۇنچىلىك ئەپۇچان ، شۇنچىلىك مېھرىبان ، مانا ئانا دىگەن مۇشۇنداق ئىنسان !                  مەنبە ؛  كۈرەشجان

zulqinay

	دۇنيادا ئۆزگەرمەس مۇھەببەت ئانىنىڭ بالىغا بولغان مۇھەببىتىدۇر!

MiRul

	ھەقىقەتەنمۇ بەك تەسىرلىك يېزىپسىز،  ئوقۇپ ئولتۇرۇپ  تاسلا قالدىم مەنمۇ يېغلىۋەتكىلى. دۇنىيادا ئانىنىڭ مۇھەببىتىدىنمۇ ئۇلۇغ مۇھەببەت بولمىسا كېرەك............  مۇشۇ تېما ئارقىلىق بارلىق مۇسۇلمان قىرىنداشلىرىمىزنىڭ ئانىلىرىغا ئۇزۇن ئۆمۈر ۋە پۈتمەس-تۈگىمەس بەخىت سائادەت تېلەيمەن.........

kariguja

	ھەقىقەتەن تەسىرلىك يېزىپسىز .رەخمەت سىزگە

zular

	ئەتتگەندە ماۋۇ تېمنى ئوقۇپلا يىغلىۋەتكىلى تاسلا قالدىمغۇ........ئانا كەچۈرۈمچان ئنسان...ئانا مىھرى چەكسىز تۈگمەس بۇلاق سۈيگە ئوخشايدۇ.......

kaliptax

	ئانا  چۇقۇم  كەچۈرۈدۈ  ...........

1104

	ئىنتايىن ياخشى يىزىپسىز بۇ ئەسەرنى ! ئانا دۇنيادىكى ئاڭ ئۇلۇغ ئىنسان ئۇلارنىڭ ئائىلە ۋە بالا ئۈچۈن تۆلىگەن بەدىلىنى ئىيتىپ تۈگەتكۈسىز! بارلىق ئانىلرنىڭ تىنى ساغلم بولسۇن!

ana

	بەك تەسىرلىككەن .

ھۆكما

	ئانا ئۇلۇغ، ئانا مۇقەددەس. ئانا بىر قولىدا بۆشۈكنى تەۋرەتسە، بىر قولىدا دۇنيانى تەۋرىتىدۇ. دىمەك، ئاتا-ئانىمىزنىڭ ھاياتلىقى بالىلىرىنىڭ باھارى. ئاتا-ئانىمىز ھايات ۋاختىدا خىزمىتىنى قىلىۋاللى .    ئاتا-ئاناڭ  گوياكى  ئۆيەڭنىڭ  گۈلىدۇر،    بىرسى خاقان، بىرسى سۇلتان مەرتېۋى ئۈستىندۇر.    خاقان  بىلەن  تۈلتانىڭدىن  ئايرىلساڭ  ئەگەر،    ئويناپ  يۈرگەن  دەۋرانىڭ  تۈپتىنلا  گۈمدۇر.        رەھمەت ، قەلىمىڭىز بەركە تاپسۇن!

rizwangul0995

	تېمىڭىزنى ئۇقۇۋىتىپ كۆز لىرىمدىن ياش چىقىپ كەتتى ،مىنىڭ جىنىم ئاپاممۇ بىز توت بالىنى تۇغۇپ بىقىپ چوڭ قىلىمەن دەپ  پۇتى ئاغرىيدىغان بۇپ قالغان ئۇزاق يول يۇرەلمەيدۇ بارلىق ئەزىزلىرىمىزنىڭ تىنىگە سالا مەتلىك ،ئۇزۇن ئۇمۇر تىلەيمەن،ئالتۇن بۇيۇڭلار ئامان بولغاي قەدىردانلار