پەيغەمبەر ئەلەيھىسالامنىڭ مىراجغا چىققانلىقىنىڭ بايانى .

KARAMAT147

	بىسمىللاھىررەھمانىر رەھىم ؛ئەنەس ئىبنى مالىك رەزىيەللاھۇ ئەنھۇ مۇنداق دەپ رىۋايەت قىلىدۇ ،پەيغەمبەر ئەلەيھىسالامنى مەسچىت ھەرەمدىن مىراجغا ئىلىپ چىقىش ئۈچۈن ئۇنىڭغا ۋەھى كىلىشتىن ئىلگىرى ئۈچ پەرىشتە كەلدى ،بۇ چاغدا پەيغەمبەر ئەلەيھىسالام مەسچىت ھەرەمدە ئۇخلاۋاتاتتى ،بىرىنچى پەرىشتە :مۇھەممەت قايسى ؟ دەپ سورىدى .ئىككىنچى پەرىشتە:ئۇلارنىڭ ئارىسىدىكى ياخشىسى شۇ،دىدى .ئۈچىنچى پەرىشتە :ئۇلارنىڭ ياخشىسىنى مىراجغا ئىلىپ چىقىش ئۈچۈن ئىلىپ مىڭىڭلار دىدى .بۇ كىچىدىكى ۋەقە مۇشۇنداق بولدى . ئۇلار يەنەبىر كىچىدە كەلگەنگە قەدەر پەيغەمبەر ئەلەيھىسالام ئۇلارنى كۆرمىدى . پەرىشتىلەر ئىككىنچى قىتىم كەلدى ، پەيغەمبەر ئەلەيھىسالامنىڭ دىلى كۆرۆپ تۇراتتى ، كۆزى ئۇيقۇدا ،دىلى ئويغاق ئىدى .پەيغەمبەرلەرنىڭ ئەنە شۇنداق كۆزلىرى ئۇيقۇدا بولغان بىلەن، دىللىرى ئۇخلىمايدۇ . پەرىشتىلەر پەيغەمبەر ئەلەيھىسالامنى گەپ قىلماستىن كۆتىرىپ ماڭدى .ئۇنى ئىلىپ كىلىپ زەمزەم قۇدۇغىنىڭ يىنىغا قويدى .ئۇلارنىڭ ئارىسىدىن جىبرىئىل ئىگە بولوپ ، پەيغەمبەر ئەلەيھىسالامنىڭ كىكىرتىگىدىن كۆكرىكىگىچە ياردى . كۆكرىگىنى يىرىپ بولوپ ، ئىچىنى جىبرىئىل ئۆزى زەمزەم سۈيى بىلەن يۇيۇپ پاكىزلىدى .ئاندىن كىيىن ئىمان ۋە ھىكمەت توشقۇزۇلغان بىر ئالتۇن قاچا سىلىنغان بىر ئالتۇن داس كەلتۈرۈلدى .ئۇنىڭ بىلەن پەيغەمبەر ئەلەيھىسالامنىڭ كۆكرىگى ۋە كىكىرتىگىنىڭ تومورلىرى تولدۇرولدى ، ئاندىن كىيىن پەيغەمبەر ئەلەيھىسالام دۇلدۇلغا مىندۈرلۈپ بەيتۇل مۇقەددەسكە ئىلىپ كىلىندى. ئاندىن جىبرىئىل ئۇنى ئىلىپ بىرىنچى ئاسمانغا ئۆرلىدى. جىبرىئىل ئاسماننىڭ دەرۋازىلىرىدىن بىرىنى قاقتى ، ئەھلى ئاسمان : كىم بۇ ؟ دەپ توۋلىدى . جىبرىئىل ؛مەن دىدى ، ئەھلى ئاسمان ؛ سەن بىلەن كىم بار؟دىدى . جىبرىئىل ؛ مەن بىلەن مۇھەممەت ئەلەيھىسالام بار دىدى . ئەھلى ئاسمان ؛ ئۇ ئاسمانغا ئۆرلەشكە چاقىرىلدىمۇ ؟دىدى . جىبرىئىل ؛ھەئە دىدى. ئەھلى ئاسمان ؛ئۇنى قارشى ئالىمىز ،دىدى ۋە ئۇنىڭ بىلەن ئۈمىتۋار بولدى . ئۇلار ئاللا زىمىندا ئىرادە قىلغان نەرسىنى بىلدۈرمىگىچە بىلمەيىتتى،پەيغەمبەر ئەلەيھىسالام بىرىنچى ئاسماندا ئادەم ئەلەيھىسالامنى ئۇچراتتى ،پەيغەمبەر ئەلەيھىسالامغا جىبرىئىل ؛ بۇ سىنىڭ ئاتاڭ بولىدۇ ،ئۇنىڭغا سالام بەرگىن دىدى .پەيغەمبەر ئەلەيھىسالام ئۇنىڭغا سالام بەردى .ئادەم ئەلەيھىسالام ئۇنىڭ سالامىغا جاۋاپ قايتۇردى ۋە ئوغلۇمنى قارشى ئالىمەن ،سەن نىمىدىگەن ياخشى ئوغول دىدى.پەيغەمبەر ئەلايھىسالام بىرىنچى ئاسماندا ئىقىپ تۇرغان ئېككى دەريانى كۆردى.ئۇ جىبرىئلدىن ؛بۇ ئېككىسى  قايسى دەريا ؟دەپ سورىدى،جىبرىئېل:بۇلار نىل دەرياسى بىلەن فۇرات دەرياسىنىڭ مەنبەسىدۇر دىدى.ئۇ يەردىن ئۆتكەندىن كىيىن ئۈستىگە مەرۋايىت بىلەن زەبەرجەتتىن ساراي سىلىنغان بىر دەرياغا كەلدى، ئۇ دەرياغا قولنى سىلىپ كۆرۆپ ئۇنىڭ خۇشبۇي ئىپار ئىكەنلىكىنى بىلدى.ئۇ ئى جىبرىئېل بۇ نىمە؟ دەپ سورىدى.جىبرىئېل رەببىڭ ساڭا ساقلاپ قويغان كەۋسەر مۇشۇ دىدى،ئاندىن ئۇ ئېككىنچى ئاسمانغا ئۆرلىدى.پەرىشتىلەر ئۇنىڭغا دەسلەپكى قىتىمدىكىدەك كىم بۇ؟ دىدى.جىبرىئېل :-مەن، دىدى. ئۇنىڭغا سەن بىلەن كىم بار؟ دىدى. جىبرىئىل ؛ مەن بىلەن مۇھەممەت ئەلەيھىسالام بار دىدى .ئۇلار:  ئۇ ئاسمانغا ئۆرلەشكە چاقىرىلدىمۇ ؟دىدى . جىبرىئىل ؛ھەئە دىدى.  ئۇلار؛ئۇنى قارشى ئالىمىز ،دىدى .ئاندىن ئۇ مۇھەممەد ئەلەيھىسالامنى ئىلىپ ئۇچىنچى ئاسمانغا چىقتى،ئەھلى ئاسمان ئۇنىڭغا بىرىنچى ،ئىككىنچى ئاسماندىكىلەر قىلغان گەپلەرنى قىلدى . ئاندىن ئۇنىڭ بىلەن تۆتىنچى ئاسمانغا چىقتى . ئۇ يەردىكىلەرمۇ شۇ گەپلەرنى قىلدى . ئاندىن ئۇنىڭ بىلەن بەشىنچى ئاسمانغا چىقتى . ئۇ يەردىكىلەرمۇ ئۇنىڭغا شۇ گەپلەرنى قىلدى . ئاندىن ئۇنىڭ بىلەن ئالتىنچى ئاسمانغا چىقتى . ئۇ يەردىكىلەرمۇ ئۇنىڭغا شۇ گەپلەرنى قىلدى . ئاندىن ئۇنىڭ بىلەن يەتتىنچى ئاسمانغا چىقتى . ئۇ يەردىكىلەرمۇ ئۇنىڭغا شۇ گەپلەرنى قىلدى . ھەر بىر ئاسماندا پەيغەمبەرلەر بولوپ جىبرىئىل ئۇلارنىڭ ئىسىملىرىنى ئاتاپ ئۆتتى ، ئۇلاردىن ئىسىمدە قالغانلىرى ئىدرىس ئىككىنچى ئاسماندا ، ھارۇن تۆتىنچى ئاسماندا ، يەنە بىرى بەشىنچى ئاسماندا بولوپ ئىسمىنى تۇتىۋالالمىدىم ،ئىبراھىم ئالتىنچى ئاسماندا ، ئاللا بىلەن بىۋاستە سۆزلىشىش شەرىپىگە ئىگە بولغانلىغى ئۈچۈن مۇسا يەتتىنچى ئاسماندا تۇراتتى . مۇسا ؛ ئى رەببىم ھىچ ئادەم مىنىڭ ئۈستۈمگە چىقالماس دەپ ئويلىغان ئىدىم دىدى . ئاندىن پەيغەمبەر ئەلەيھىسالامنى پەقەتلا ئاللا بىلىدىغان يۇقىرى جايلارغا ، ھەتتا سىدرەتۇلمۇنتەھاغا ئىلىپ چىقتى ، قۇدرەتلىك غالىپ ئاللا پەيغەمبەر ئەلەيھىسالامغا يىقىنلاشتى ۋە تىخىمۇ يىقىنلىشىشنى ئىرادە قىلدى . ھەتتا پەيغەمبەر ئەلەيھىسالام قاش بىلەن كىرپىكتەك ياكى ئۇنىڭدىنمۇ يىقىن دەرىجىدە يىقىنلاشتى . ئاللا پەيغەمبىرىگە ئىرادە قىلغان نەرسىلەرنى ۋەھى قىلدى . جۈملىدىن ئۈممىتىگە بىر كىچە-كۈندۈزدە ئەللىك ۋاخ  ناماز ئوقوشنى پەرىز قىلدى . ئاندىن پەيغەمبەر ئەلەيھىسالام قايتىپ تۆۋەنگە چۈشۈپ مۇسانىڭ يىنىغا يىتىپ كەلگەندە، مۇسا ئۇنى توختىتىپ ؛ ئى مۇھەممەد، رەببىڭ ساڭا نىمىلەرنى تاپشۇردى ؟دىدى . پەيغەمبەر ئەلەيھىسالام ؛ رەببىم ماڭا بىر كىچە-كۈندۈزدە ئەللىك ۋاق ناماز ئوقوشنى تاپشۇردى، دىدى . مۇسا : ئۈممىتىڭنىڭ بۇنىڭغا تاقىتى يەتمەيدۇ ، رەببىڭگە قايتىپ بىرىپ ، سەندىن ۋە ئۈممىتىڭدىن يىنىكلىتىشنى سورا ، دىدى .پەيغەمبەر ئەلەيھىسالام بۇ ھەقتە مەسلىھەت سورىغاندەك جىبرىئىلغا قارىدى ، جىبرىئىل ئۇنىڭغا : خالىساڭ شۇنداق قىلىشقا بولىدۇ، دىدى . شۇنىڭ بىلەن جىبرىئىل ئۇنى ئاللانىڭ دەرگاھىغا ئىلىپ باردى . پەيغەمبەر ئەلەيھىسالام ئۆزىنىڭ دەسلەپكى ئورنىدا تۇرۇپ ئى رەببىم ، بىزدىن يىنىكلەتسەڭ ،چۈنكى ئۈممىتىم بۇنى ئورونلاپ بولالمايدۇ ، دىدى. ئاللا ئۇنىڭدىن ئون ۋاق نامازنى ئىلىپ تاشلىدى . ئاندىن مۇسانىڭ يىنىغا قايتىپ كەلدى . پەيغەمبەر ئەلەيھىسالام ھەر قىتىم قايتىپ كەلگەندە مۇسا ئۇنى ئاللاغا قايتۇرىۋىرىپ ، ئاخىرى ئەللىك ۋاق نامازنى بەش ۋاققا كەلتۈردى .بۇ چاغدا مۇسا ئەلەيھىسالام پەيغەمبەر ئەلەيھىسالامنى يەنە توسىۋىلىپ : ئى مۇھەممەد : ئاللاغا قەسەم قىلىمەنكى ، قەۋمىم بەنى ئىسرائىلغا بۇنىڭدىن ئازنى ئورونلاشقا مۇراجات قىلغان ئىدىم ، ئۇلار ئاجىز كىلىپ بۇنىمۇ ئورونلىيالمىغان ئىدى ، سىنىڭ ئۈممىتىڭنىڭ تەنلىرى، دىللىرى، بەدەنلىرى ،كۆزلىرى، قۇلاقلىرى تېخىمۇ ئاجىز ،رەببىڭگە قايتىپ بارغىن ،سىنىڭدىن يەنىمۇ يىنىكلەتسۇن، دىدى . پەيغەمبەر ئەلەيھىسالام ھەر قىتىمدا جىبرىئىلغا مەسلىھەت يۇسۇندا قارايتتى ،جىبرىئىل بۇنى يامان كۆرمەيتتى . بۇ قىتىممۇ جىبرىئىل پەيغەمبەر ئەلەيھىسالامنى يەنە ئاللانىڭ دەرگاھىغا ئىلىپ چىقتى .پەيغەمبەر ئەلەيھىسالام :ئى رەببىم ،ئۈممىتىمنىڭ تەنلىرى ، دىللىرى ، قۇلاقلىرى ، بەدەنلىرى ھەقىقەتەن ئاجىز ،بىزدىن يىنىكلەتسەڭ ،دىدى.قۇدرەتلىك ئاللا : ئى مۇھەممەد،دىدى،پەيغەمبەر ئەلەيھىسالام :لەببەي ، دىدى . لەۋھۇلمەھپۇزدا پەرىز قىلىپ بىكىتكەن سۆزۆم ئۆزگەرمەيدۇ ، ھەر بىر ياخشىلىققا ئون ياخشىلىقنىڭ ساۋابىنى بىرىمەن، لەۋھۇلمەھپۇزدا يىزىلغىنى ئەللىك ۋاق ، ساڭا ۋە ئۈممىتىڭگە پەرىز قىلىنغىنى بەش ۋاقتۇر ،دىدى . پەيغەمبەر ئەلەيھىسالام مۇسانىڭ يىنىغا قايتىپ بارغاندا:قانداق قىلدىڭ؟دەپ سورىدى.پەيغەمبەر ئەلەيھىسالام رەببىمىز بىزدىن يىنىكلەتتى،بىر ياخشىلىققا ئون ياخشىلىقنىڭ ساۋابىنى بەردى، دىدى.مۇسا: بەنى ئىسرائىلغا بۇنىڭدىن ئازنى ئورونلاشقا مۇراجات قىلغان ئىدىم ، ئۇلار ئۇنى ئورونلىغىنى يوق،،رەببىڭگە قايتىپ بارغىن ،سىنىڭدىن يەنە يىنىكلەتسۇن، دىدى . پەيغەمبەر ئەلەيھىسالام: ئى مۇسا،ئاللاغا قەسەم قىلىمەنكى،قايتىپ بىرىۋىرىپ رەببىمدىن ئۇيۇلۇپ قالدىم،دىدى.جىبرىئېل ئۇنىڭغا:بىسمىللاھ دەپ چۇشكىن، دىدى.پەيغەمبەر ئەلەيھىسالام ئويغاندى،قارىسا مەسچىتىل  ھەرامدا تۇراتتى.     مەنبە : { سەھھۇلبۇخارى جەۋھەرلىرى } .

@يۇرتۇم@

	ئاللاھ رەھمەت قىلسۇن

galwang

	ئاللاھ رەھمەت قىلسۇن

0908220

	ئاللاھ رەھمەت قىلسۇن!

maykol0998

	شۇ بەش ۋاخ نامازنىمۇ ھۇرۇنلۇق قىلىپ ئۇقۇيالماي يۈرگەنلەر نۇرغۇن دە...ئىھ خۇدا بىزنى سەن ياخشى كۆرگەن بەندلەر قاتارىدا كۆرگۈن.

xoh-xoh024

	شۇ بەش ۋاخ نامازنىمۇ ھۇرۇنلۇق قىلىپ ئۇقۇيالماي يۈرگەنلەر نۇرغۇن دە...ئىھ خۇدا بىزنى سەن ياخشى كۆرگەن بەندلەر قاتارىدا كۆرگۈن

rigbat

	ئي رەببىم بىزنى سىزنىڭ ھىدايىتىڭىز،ھىمايىتىڭىز ۋە مەغپىرتىڭىزگە ئىرشكەنلەرنىڭ  يۇلغا باشلاڭ،ئۆزىگە ئۆزى زۇلۇم قىلغانلارنىڭ يۇلىدىن ساقلاڭ.

padiqiyeget

KARAMAT147

	توغرا دەيسىلەر قىرىنداشلىرىم ،ئۇلۇغ ئاللا بىر گە ئوننىڭ باراۋىرىدە ئەجىر بىرىمەن دىگەن بولسىمۇ ،ھازىرقى  جەمىيىتىمىزدە ئىنسانلار ئۆز نەپسى خاھىشلىرىغا ئەگىشىپ ، مۇشۇ بەش ۋاق نامازنىمۇ ئوقومايۋاتىدۇ ،ئۆزلىرىنىڭ بۇ دۇنياغا نىمە مەخسەتتە كەلگەنلىكىنى ئۇنتۇپ قىلىۋاتىدۇ،قىيامەتتىن ئىبارەت بولغان بىر ھىساپ كۇنىنى ئۇنتۇپ قىلىۋاتىدۇ .     بىراق ئۇلار ئۇنتۇپ قىلىۋاتقان بۇ ھىساپ بىرىش كۇنى ،يەنى قىيامەت كۇنى بىز ئىنسانلار ئۇنتۇپ قالساق قەتئىى بولمايدىغان بىر كۇن ئىدىكى ،بۇ كۈننىڭ دەھشىتىدىن ئىنسانلارنىڭ ھەممىسى ئەس-ھوشىدىن ئايرىلىپ قالىدىغان ،ھامىلدار ئاياللار بويىدىن ئاجراپ كىتىدىغان ،ھەتتاكى قۇچىغىدا ئىمىتىۋاتقان بوۋاقنى شۇ ئانا ئۇنتۇيدىغان شۇنداق بىر كۇننى ئۇنتۇپ قىلىۋاتىمىز .ئۇلۇغ ئاللا بىز لەرنى توغرا يولغا باشلىغىنكى ،سەنلا باشلىساڭ بىز بۇ يولدىن قەتئىى ئازمىغايمىز.                                بەشۋاخ   ناماز        پاسىقلارغا ئىغىر كىلۇر بەش ۋاق ناماز ،        مۆئىمىنلەرنى روھلوق قىلۇر بەش ۋاق ناماز.        قەلىبنىڭ كىرىنى ئالۇر بەش ۋاق ناماز،        جەننەتنىڭ ئىشىگىنى ئاچۇر بەش ۋاق ناماز .        ئاللاھ بىلەن باغلاپ ئىنسان رىشتىنى ،        دۇنيا بىلەن تاشلاپ شەيتان ئىشىنى .        ئىمان بىلەن ساقلاپ ئەقىدىسىنى ،        جەننەتكە باشلاپ بارۇر بەش ۋاق ناماز.       ئەي بەش ۋاق ناماز سەن مۇسۇلمانلار ئۈچۈن گويا تاماق،          بەش ۋاقىت ئوقويدۇ مۆئىمىن دائىم ساق .          بەشكە تەڭ بولامدۇ بىر، سەن ئويلاپ باق ،          كەم قالسا ئىناۋەتسىز بەش ۋاق ناماز .         سەن بىلەن ئايرىلۇر ئىككىگە ئىنسان ،         بىرىنى كاپىر دەر ،بىرىنى مۇسۇلمان.         دىدى ئاللاھ ناماز تۇرغۇز ئەي ئىنسان ،         بىز ئىنسان ئەمەس سەنسىز بەش ۋاق ناماز . .

dolantograk004

	ئاللاھ ئەجرىڭىزنى بەرسۇن داۋاملىق يوللاپ تۇرارسىز