ئالىي مەكتەپ ئوقۇغۇچىلىرى نەگە كېتىۋاتىدۇ؟

يازغۇچى

	ئەسسالامۇ ئەلەيكۇم تورداشلار! مەن بۇ تېمىنى يېزىشتىن بۇرۇنلا ئىككى كۈن ئىچىدە‹‹ئالىي مەكتەپ ئوقۇغۇچىلىرى ھېچيەرگە كەتمىدى›› ياكى ‹‹پالانى يەرگە كېتىۋاتىدۇ›› دېگەندەك تېمىلارنىڭ ئوتتۇرىغا چىقىشىنى پەرەز قىلىپ بولغانتىم. بولسا ئۇنداق تېمىلارنى يازماي مېنىڭ مەقسىتىمگە ھەقىقىي قۇلاق سېلىپ باققان بولساڭلار! مەن ھازىر ئىشلەۋاتقان شىركەتكە كېلىپ ئۇزۇن ئۆتمەي خىزمەتچى قوبۇل قىلىش خىزمىتىنى ئۈستۈمگە ئالدىم. دەسلەپ تونۇش - بىلىشلەردىن سوراپ يۈرۈپ مۇۋاپىق خىزمەتچى ئىزدىدىم. بەزىلەر كەلدى كۆرۈشۈپ ئىشلىگەنلەر ئىشلىدى، شەرتى توشمىغانلار چىرايلىقچە كېتىپ قالدى. كېيىنچە بارغانسېرى ئىشلار جىقىيىپ تېخىمۇ ئالدىراش بولۇپ كەتتۇق ھەم خىزمەتچىگە بولغان ئېھتىياجىمىزمۇ ئېشىپ باردى. شۇنىڭ بىلەن مەن شىنجاڭدىكى ئەڭ چوڭ ئۇچۇر تورىغا، خەنزۇچە ‹‹ئىقتىساسلىقلار تورى››غا ئېلان بېرىشنى ئوتتۇرىغا قويدۇم ھەم ئېلانمۇ بەردۇق (چۈنكى شىركىتىمىز خىزمەتچىلىرىگە جىنس، مىللەت چەكلىمىسى يوق ئىدى). مەن ئۆزۈمچە ھەريىلى ئالىي مەكتەپنى پۈتتۈرىدىغان ئوقۇغۇچىلار ئىنتايىن كۆپ، ئۈرۈمچىدەك بۇنداق چوڭ شەھەردىمۇ قابىلىيەتلىك ياشلار كۆپ دەپ ئويلاپ زور ئۈمىد كۈتۈپتىكەنمەن. لېكىن ئويلىغىنىمنىڭ دەل ئەكسىچە بولدى. كەلگەنلەرنىڭ كۆپىنچىسى ئالىي مەكتەپ يۈزى كۆرمىگەنلەر بولدى. بىزنىڭغۇ مەدەنىيەت سەۋىيىسىگە چەكلىمىمىز يوق ھەم دىپلوم دېگەن نەرسىلەرگىمۇ ئېسىلماي ئەمەلىي ئىقتىدارىغا قاراپ قوبۇل قىلاتتۇق. شۇڭا مۇۋاپىقلىرىنى قوبۇل قىلدۇق. لېكىن ئادەم يەنىلا كەم. شۇ تەرىقىدە كۈنلەرنىڭ ئۆتۈشىگە ئەگىشىپ ئالىي مەكتەپتە ئوقۇۋاتقان بۇ يىل مەكتەپ پۈتتۈرىدىغان ئوقۇغۇچىلارمۇ كەلدى. دەل شۇ ئوقۇغۇچىلار مېنىڭ بۇ تېمىنى يېزىشىمغا تۈرتكە بولدى. ئادەتتە مۇنبەرگە كىرىپ تېما - ئىنكاس كۆرۈپ قوياتتىم. بۈگۈن سىلەر بىلەن مۇشۇ تېما ئۈستىدە ئورتاقلاشقۇم كەلدى. گەپنىڭ پوسكاللىسى: بىزنىڭ خىزمەتچى قوبۇل قىلىش شەرتىمىز ئىنتايىن ئاددىي ئىدى. خەنزۇچىنى چوقۇم ياخشى بىلىشى، كومپىيۇتېر ئىشلىتەلىشى كېرەك. مىللەت، جىنس چەكلىمىسى يوق، 20 ياشتىن يۇقىرى بولسىلا بولاتتى. لېكىن ئالىي مەكتەپنى پۈتتۈرگەن ياكى بۇ يىل پۈتتۈرىدىغان ياشلار ئارىسىدا مۇشۇ شەرتكىمۇ چۈشمەيدىغانلار %90 تىن ئېشىپ كېتىدىكەن. مەن ئويلاپ قالدىم، ئالىي مەكتەپتە نېمە ئۆگەنگەن بولغىيتتى؟ دۆلەت تىلىمىزنىمۇ تولۇق ئىگەللەپ بولالماي قانداق خىزمەتكە ئورۇنلىشىشنى ئويلىغاندۇ؟ رايونىمىزدا مىللىي كارخانىلار كۆپ ئەمەس. ئۇنىڭ ئۈستىگە دۆلەت تىلىنى بىلمىسىمۇ ھەرقانچە مىللىي كارخانا بوپ كەتسىمۇ قوبۇل قىلىپ كېتىشىمۇ ناتايىن(بەلكىم قوبۇل قىلىدىغانلار باردۇ، لېكىن ئاز ساندا شۇڭا بۇ نۇقتا ئۈستىدە ئويلانمىدىم). ئالىي مەكتەپتە ئۆتۈلىدىغان دەرسلەرنىڭمۇ كۆپىنچىسى خەنزۇ تىلىدا ئۆتۈلىدىغان تۇرسا نېمىشقا بۇنداق ئەھۋال يۈز بېرىدۇ؟ كومپيۇتېرغا كەلسەك، تەرەققىيات كومپىيۇتېرنى بارلىققا كەلتۈرگەن ئەمدىلىكتە كومپىيۇتېر تەرەققىياتنى تېخىمۇ ئىلگىرى سۈرىۋاتىدۇ. ھەرقايسى ساھە، ھەرقايسى كەسىپلەر ھازىر كومپىيۇتېردىن ئايرىلالمايدۇ. لېكىن بىزنىڭ شىركەتكە كەلگەن بالىلارچۇ؟ لايىھىلەشتە ئوقۇدۇم، دېدى. ئەمسە ما رەسىمنى ئوڭشاپ بېقىڭ، دەپ سول تەرەپتىكى چوڭ چىرىقى چېقىلىپ كەتكەن پىكاپنىڭ رەسىمىنى بەردىم. تەلەپ شۇ چىراقنى ساپمۇ-ساق ھالەتكە كەلتۈرسىلا بولاتتى. يېرىم سائەتتىن كېيىن كەلسەم ھەپىلىشىپ ئولتۇرىدۇ. بىزنىڭ تەلىپىمىز كۈندە ئاز دېگەندە 50 پارچە رەسىم ئوڭشاش ئىدى. يېرىم سائەتتىمۇ بىر پارچە رەسىم پۈتمىسە قانداق بولىدۇ؟ شۇنىڭ بىلەن گەپ قىلمايلا ئۇنى قوپۇشقا ئىشارە قىلدىم. ئاندىن پىكاپنىڭ ئوڭ تەرەپتىكى چىرىقىنى كېسىپ ئەكىلىپ سول تەرەپكە چاپلاپ قويدۇم. جەمئىي 5سېكۇنت كەتكەندۇ. بىر پارچە رەسىم پۈتتى. تەپەككۇرنىمۇ ئىشقا سېلىش كېرەك، دەپ قويدۇم. ئۆلۈك ھالدا ئۆگىنىپسىز، ئەڭ ئاددىي ئۇسۇل بىلەن ۋاقىت تېجەش بەك مۇھىم...دەپ ئىككى ئېغىز گەپ قىلىپ بولغۇچە مىشىلداپ كەتتى. ئاندىن قىسقىچە تەرجىمىھالىڭىزنى تولدۇرۇڭ، دەپ جەدۋەلنى بەرسەم بولدى مەن كېرەكسىزكەنمەن...دەپ كۆڭلىنى يېرىم قىلىپ ئۆزىنى تېخىمۇ چۈشۈرىدىغان گەپ - سۆزلەرنى قىلىپ كەتتى. قوپال تېگىپ قويغان ئوخشايمەن، دەپ سىرتقا ئاچىقىپ تەسەللىي بولىدىغان، ئىلھام بېرىدىغان سۆزلەرنى قىلىپ خېلى مەدەت بېرىپ قويدۇم. ئاخىرىدا ياخشى ئۆگىنىپ بىر مەزگىلدىن كېيىن مەيدىسىگە ئۇرۇپ قايتا كېلىدىغان بولۇپ كەتتى. ماقۇل، دەپ قويدۇم. لېكىن ئۇنداق دېگەنلەرنىڭ بىرىمۇ قايتىپ كېلىپ باقمىدى. يەنە بىرى توردىن ئۇچۇرنى كۆرۈپ تېلېفون قىپتۇ. كېلىڭ، دېدىم. كەلمىدى. ئەتىسىمۇ يوق. چۈشتىن كېيىن بولغاندا چ چ دا ئۇچۇر يېزىپتۇ. كەلمەسلىكىنىڭ سەۋەبى مەن تېلېفوندا ئۇنىڭغا سوغۇق تېگىپتىمەن. خىزمەت ئالدىراشلىقى تۈپەيلى تېز سۆزلەپ قويغان بولسام سوغۇق تەگكەندەك بىلىنىپتۇ، دەپ ئويلاپ كەچۈرۈم سورىدىم. كەچۈرۈشنىغۇ كەچۈردى، رەھمەت! لېكىن ھازىر ئالدىراش، ۋاقتىم چىققاندا باراي، دەيدۇ.يەنە بىرى كومپيۇتېر كەسپىدە ئوقۇدۇم، دېدى. كومپيۇتېرنىڭ سىستېمىسىنى يەڭگۈشلەپ، ۋىروسلارنى تازىلىۋېتىڭ، دېسەم قىزىلبايراق كومپيۇتېر شەھەرچىسىگە بېرىپما؟ تېلېفون قىلساق كېلىپ ئوڭشاپ بەرسە بولمامدۇ، جىق بولسا 70-80 سوم ئالا؟ دەپ كۆزىنى پارقىرىتىپ تۇرىدۇ. ئۇكام، نېمە ئۆگەندىڭىز؟ دېسەم كومپىيۇتېر. ئەمسە ماۋۇ كومپىيۇتېرغا مەخپىي شىفىر ئورنىتىپ قويۇڭە، دېسەم تىرنىقىنى تاتىلاپ تۇرىدۇ. نېمە قىلالايسىز؟ دېسەم پروگرامما تۈزۈشنى ئۆگەنگەن... بۇلارنى دېمەي، قىسقىسى بۇلار پەقەت مىسال. مەن ئۇلارنىڭ غەيۋىتىنى قىلماقچىمۇ ئەمەس. ھەقىقىي گەپ مەن مۇشۇ كەمگىچە 5ئاي بوپ قاپتۇ بىرەر ھەقىقىي خىزمەت قىلغۇسى بار، تاۋلانغۇسى بار، جاپاغا چىداپ ئۆگىنىش، خىزمەت قىلىپ پۇل تېپىش...ئىرادىسى بار ياشنى ئۇچراتمىدىم. ھەممىسىنىڭ سورايدىغىنى مۇئاش بىلەن دەم ئېلىش. مەن نېمە خىزمەت قىلىمەن، قىلالامدىم - يوق؟ ياخشى كۆرەمدىم، ماڭا ماس كېلەمدۇ؟...بۇلارنى ھېچقايسىسى ئويلىمىدى ياكى ئويلىسىمۇ ماڭا دېمىدى. مەن مۇنبەرلەردە مىللىي كارخانىلاردا ئىشلەش ئارزۇسى كۈچلۈك بالىلارنىڭ بىر نەچچە ئىنكاسىنى كۆرگەندەك ئېسىمدە. شۇڭا خېلى ئۈمىد بىلەن قاراپتىكەنمەن. لېكىن كۆز ئالدىمدىكى رېئاللىق مېنى بەش قەۋەتلىك بىنادىن تاشلىۋەتكەندەك تۇيغۇغا ئەكىلىپ قويدى. كاللامدا بىرلا سوئال ‹‹قەلبىگە ئۇلۇغ ئارزۇ - ئارمانلارنى پۈككەن، گۈزەل كەلگۈسىنى يارىتىشنى ئويلايدىغان، جەمئىيەتتىكى ياخشى ئىشلارنى توختىماي مەدھىيلەپ، ناچار قىلمىشلارنى ئادەم ئەيمەنگۈدەك سۆكۈپ تاشلايدىغان ئوت يۈرەك ياشلىرىمىز قېنى؟›› قۇرۇق گەپكە مۈشۈكمۇ ئاپتاپقا چىقمايدۇ. بەلكىم تورداشلار مۇئاشتىن سۆز ئېچىپ قېلىشى مۇمكىن. 2000 يۈەن بېرىمىز سىناق مەزگىلىدە. ئۈرۈمچىدە بۇنداق مۇئاش بېرەلەيدىغان مىللىي كارخانا ياكى خەنزۇلارنىڭ شىركەت - كارخانىلىرى كۆپ ئەمەس(ئەلۋەتتە قارا كۈچ بىلەن ئىشلەيدىغان زاۋۇتلار بۇنىڭ سىرتىدا). ھەپتىدە بىر كۈن دەم ئېلىش. كۈندە سەككىز سائەت ئىشلەش. مېنىڭچە بۇ مۇۋاپىق.لېكىن ئىشقا چۈشمەي تۇرۇپلا ئۆزىنىڭ قانچىلىك ئۇمىچى بارلىقىنى دەڭسەپ باقماي ياكى خىزمەتنىڭ ھۆددىسىدىن چىقالامدۇ - يوق بىلىپ باقمايلا مۇئاشتىن سۆز ئېچىشى بولۇپمۇ پۇرسەتكە موھتاج، ئۆزىنى چېنىقتۇرۇشنى پۇلدىن بەكرەك مۇھىم بىلىشى كېرەك بولغان ياشلارنىڭ ئۇنداق دېيىشى ئوغىڭىزنى قاينىتىدۇ. ئاخىرىدا تورداشلارغا دەيدىغىنىم ئەگەر خىزمەتچى قوبۇل قىلىش جەھەتتە كەتكۈزۈپ قويغان يەرلىرىم بولسا ئۆزۈڭلارنىڭ تەجرىبەڭلارنى ئاساس قىلىپ تۇرۇپ تەنقىدىي تەربىيە بەرسەڭلار ياكى بۇ ئىشقا ئۆز كۆز قارىشىڭلارنى ئوتتۇرىغا قويۇپ باقساڭلار. مەنمۇ پىكرىڭلارنى ئاڭلاپ باقسام دېگەن ئۈمىدتىمەن. خىزمەت ۋاقتىدا يازغاچقا گەپ - سۆزلىرىم تاققا - تۇققا چىقىپ قالسا كەچۈرۈم سورايمەن. چۈشەنمىگەن نۇقتىلار بولسا چۈشەندۈرۈپ قويۇشنى شەرەپ دەپ بىلىمەن. شىركەتنىڭ خىزمەتچى قوبۇل قىلىش ئېلانى بوپ قالماسلىقى ئۈچۈن شىركەت ئىسمىنى، ئادرېسىنى يازمىدىم. توغرا چۈشەنگەيسىلەر!

defolia

	خاتالىقىڭىز كىتاپنى ئېلىڭ دەپ سورايدىغان سۇئالنىڭ دائىرسىنى سىزدۇرۇپ قويمىغانلىقڭزدا.ئوقۇغۇچمۇ كۆچۈرۈشكە ياخشى تەييارلىق قىلماپتۇ يەنە تېخى 30% ئادەتتىكى نەتىجىنى بەرمەپسىز،شۇنداق ئەقىلىق بالىلار باركى پاچىقىغا،باماقلىرىنىڭ ئارىسىغا جاۋاپلارنى يېزىپ كۆچۈرىدۇ،بوينىمۇ بەك ئۇزۇن بەزىلىرىنىڭ ئالدىدىكى پارتىدا ئولتۇرغان ئادەم نىمە يازسا شۇنى كۆرۈپ كۆچۈرەلەيدۇ.

defolia

	30% ئىدى خاتا يېزىپ قويۇپتىمەن،كۆپىنچە مەكتەپلەردە ئوقۇغۇچى قەغەز يۈزىدە 45 نومۇر ئالسا ،دەرىسكە تولۇق قاتناشسا ،تاپشۇرۇقنى تولۇق تاپشۇرسىلا ئىمتىھاندىن ئۆتىدۇ،چۈنكى ئىمتىھان نەتىجىسنى% 70تى ،ئادەتتىكى نەتىجىنىڭ% 30 جەملىنىپ نەتىجە خۇلاسلىنىدۇ

urhunbaturi

	كۆپىنچە ئالىي مەكتەپ ئوقۇغۇچىلىرى  ئامال با تۈمۈر تاۋاقلىق ھۆكۈمەت دەپتىرىگە كىرىۋېلىشنى ئويلايدۇ، ئەمەلىيەتتە قۇساقتىكى ئۇماچ كەم، ھۈكۈمەت خىزمىتىگە ھېلىقى ئىمتىھاندىن ئۆتسىلا ئىقتىدار تەلەپ قىلىنمايدۇ،  سىز دىگەندەك دۆلەت تىلى نىمىلا دىگەن بىلەن ئەقەللىي تەلەپ،  كومپىيوتىرمۇ ھەم شۇنداق. يەنە بىر قىسىم بالىلار،شىركەتنىڭ كەلگۈسىدىن ئەنسىرەيدۇ ،  ئەمما ھايات دىگەن ئەنە شۇنداق رەڭدارلىق  خىلمۇخىللىقلار بىلەن ئۆتكىنى ئەۋزەل،  بىر ئشخانىغا كىرىۋالسا بىر ئۆمۈرنى ئۆتكۈزىۋىتىش تۇلىمۇ زىرىكىشلىك ئىش، كۆپ كىشىلەر بۇنىڭدىن بىزار ئەمما ھەرىكەت قوللىنىشقا جۈرئەت قىلالمايدۇ. تىزرەك مۇقىم خىزمەت تېپىپ توي قىلىپ تىنىچ تۇرمۇش كەچۈرۈشنى ئويلايدۇ ئەمما زىيادە تىنىچ تۇرمۇشىدىن زىرىكىدۇ. مەنمۇ ئىچكىرىدىكى مەلۇم ئالىي مەكتەپنى پۈتتۈرۈش ئالدىدا تۇرۇپتىمەن، ئۆزكەسپىمدىن خىزمەت تېپىپ بولدۇم. ناۋادا مەن ئويلىغاندەك بولمىسا مۇۋاپىق پەيىتتە مۇشۇنداق شىركەتلەردە ئىشلەپ سىناپ باقىمەن، ياشلىقتا كۆپ ئىشلارنى سىناپ باقسام دەيمەن.

Naprat2009

	ئۇيغۇر رايونىدىكى ئالىي مەكتەپتە ئوقۇغانلار شۇنداققۇ دەيمەن....بەزىدە مەنمۇ ھەيران قالىمەن

kaliptax

	مەن  ھۆكۈمەتكە  ئىشلەشنى  خالىمايمەن  مەن ئۇقۇشۇمنى  پۈتتۈرۈپ  ئۆزەم ئىگىلىك  تىكلەشنى ئارزۇ قىلىمەن ھەم تىرىشىۋاتىمەن

wolf007

	بۇرادەر ئۇنى دىسىڭىز بىزنىڭ ناھىيەدىكى نەچچەئون مىڭ دۆلەت كادىرى ئارىسىدا توردىن نەرسە سىتىۋالالمايدىغانلار 95% تىن ئارتوق . يەسلىدىن تاكى ئالىي مەكتەپنى پۇتتۇرگۈچە ئىمتاھان مائارىپىنى باشتىن كەچۈرگەن ئوقۇغۇچىلار ئاخىرىدا يەنە شۇ ئىمتاھان ئارقىلىق بىر خىزمەتكە چىقىۋالسا بولدى ،. ئاللا بىزنىڭ ئوقۇغۇچىلىرىمىزنىڭ ھەممىنى دۆلەت مەمۇرى قىلسۇن ، بولمىسا شۇ بالىلارنىڭ ھالىغا ۋاي.

wolf007

robent

	ھۆكۈمەت ئورنى بىلەن شەخسىي ئورۇنلارنىڭ پەرقى چوڭ،5 خىل سۇغۇرتا ،تەمىنات دىگەندەكلەر.شۇڭا ھەممىلا ئادەم كادىر بولسامكەن دەپ ئويلايدۇ.ھەممىلا كىشى كادىر بولسا باشقا ئىشلانى كىم قىلىدۇ. بۇنى ئالىي مەكتەپ ئوقوغۇچىلىردىنمۇ كۆرۈشكە بولمايدۇ.چۈنكى ھازىرقى مارىپ ئۇلارنى ئۆزگە قىززىقتۇرالمايۋاتدۇ.ھازىرقى مائارىپ بۇنداق تۇرسا يەنە نىمە دىگلۈك.ئوقۇۋاتقانلارنىڭ 70%تى دەرىس ۋاقتىدا دەرىسنى ئويلىمايدۇ،دەرىس قاچان توشار دىگەننى ئويلايدۇ.چۈنكى ھازىرقى ئوقۇچىلار دەرىستىن بەكلا بىزار. .سىز دىگەندەك بەزى كىىشىلەر كومپىيۇتىردىكى ئاددىي مەشخۇلاتلارنىمۇ قىلالمايدۇ.ئۇلارنىڭ ئۇقىدىغىنى چچ.ساقچى ئوغرى ئويىىنى دىگەندەكلالا.  جەميەتنى مارىپنى كۈزتىپ باققايسىز.    ئىملايىم خاتالىق كۆپ ئۇزاق بولغان تورغا چىقمىغىلى قولۇم گاللىشىپ قاپتۇ.كەچۈرسىلەر.

фросс

	بىر قىسىم مىللى كارخانلار بالىلارنى ئىشلىتىپ پۇلىنى بەرمەي ئاخىرىدا شۇنداق ئىشلار يۈز بىرىۋاتىدۇ .............ئامال يوق ....