ئۆلۈم

فىزىك

	بىز شەھەر ئەتراپىدىكى تاشيوللاردا ھايۋانات ئۆلىكلىرىنى ئۇچرىتىپ قالىمىز ، بەزىدە ئاندا ساندا مۈشۈكنىڭ جەسەتلىرىمۇ ئۇچراپ قالىدۇ . بۇ مەنزىرە كىشىلەرنى دائىم چۈشەنگىلى بولمايدىغان ئەندىشىگە سالىدۇ . بۇنىڭ يېرىمى تۇيۇقسىز پەيدا بولغان ئېچىنىش ، قالغان يېرىمى سەۋەبىنى بىلگىلى بولمايدىغان ھەيران قېلىش . تاش يوللاردا ئۆلۈپ قالغان ھايۋانلارنى كۆرگەندە ئادەم ھەقىقەتەنمۇ چۆچۈپ كېتىدۇ ، بۇ خىل روھىي جەھەتتىكى ئازاپلىنىش پۈتۈنلەي ئۇلارنىڭ ئۆز جايىدا ئۆلمىگەنلىكىدىن دېرەك بېرىدۇ . مەيلى ئۇلار قانداق جايدا ئۆلمىسۇن بىزنىڭ ئالدىمىزدا كىشىنى چۆچۈتكىدەك ھالدا توغرىسىغا يېتىپ قالماسلىقى كېرەك . ھايۋانلار يەككە-يىگانە ، يىراق كىشىلەر ئاياغ باسمايدىغان يەرگە بېرىپ ئۆلىشى كېرەك . مانا بۇ ئۇلارنىڭ ماھىيىتى ھېسابلىنىدۇ . ئۇلار تاش يوللاردا ھەتتا ھەرقانداق جايدا ئۆلۈپ قالغانلىقىنى كۆرمەسلىكىمىز كېرەك . بارىلىق مەۋجۇداتلار ھامان ئۆلىدۇ . ئەمما بىز ئۆلۈمنى بىر خىل ئابىستىراكىت ئۇقۇم دەپ ھېس قىلىمىز ، يايلاقلاردا ، تاغ ئېتەكلىرىدە تۇرۇپ ئەتراپقا نەزەر تاشلاپ ، ئىنچىكە كۆزىتىدىغان بولسىڭىز ، كۆزگە چېلىقىۋاتقان ھەممە نەرسە ئۆلىۋاتقان بولىدۇ . كۆپ ساندىكى نەرسىلەر سىزدىن خېلى بۇرۇنلا ئۆلگەن بولىدۇ . ئەگەر ، سىزنىڭ كۆز ئالدىڭىزدا ئىزچىل ئېلىپ بېرىلىۋاتقان يېڭىلىنىش ۋە ئورۇن ئالمىشىش جەريانى بولمىسا ، ئۇ ھالدا بۇ يەر پۇتىڭىز ئاستىدا تاش ۋە شېغىلغا ئايلىنىپ كېتىدۇ . كىم ئۆلۈك قۇشنى كۆرگەن ؟ نۇرغۇنلىغان قۇشلاردىن ئەلۋەتتە بىرمۇنچىلىرى ئۆلۈپ تۇرىدۇ . ئەمما ، ئۆلۈك قۇشنى ئاسانلىقچە ئۇچراتقىلى بولمايدۇ . ئۆلگەن قۇشنى كۆرۈش ، تۇيۇقسىز ئۇچقان قۇشقا قارىغاندا كىشىنى تېخىمۇ چۆچۈتىدۇ ، بىز كۆڭلىمىزدە چوقۇم بىرەر جاينىڭ ئەنسىز جاي ئىكەنلىكىنى ئويلاپ قالىمىز . ئۇچار قۇشلار دائىم ئادەملەردىن يۇشۇرۇن ئۆلىدۇ . دەل-دەرەخلەر ئارىسىدا ، تاش ئاستىدا ئۆلۈپ قالىدۇ . ھەرگىزمۇ ئۇچىۋېتىپ چۈشۈپ كەتمەيدۇ . بۇ تەبىئەت دۇنياسىدىكى ئاجايىپ مەنزىرە . دۇنيادا ھەممە مەۋجۇداتلار ھامان ئۆلىدۇ ، ھەر ۋاقىت ئۆلۈپ تۇرىدۇ . مەن ئەقلىمنى بىلگەندىن تارتىپ ئىزچىل بۇرۇقتۇم بولۇپ كەلدىم ، مىنىڭ ئۆيۈمنىڭ كەينىدىكى بىر نەچچە تال دەرەختىمۇ بىرمۇنچە قۇچقاچلارنى كۆرىمەن . ئۇنىڭ ئۈستىگە تۆت پەسىل ھەممە ۋاقىتتا ئوخشاشلا ئۇچرىتىمەن ، ئەمما مەن ئەزەلدىن بىرەر يەردە ئۇلارنىڭ ئۆلىكىنى ئۇچرىتىپ باقمىدىم . مىنىڭچە بۇنىڭ ھېچقانداق يامان يېرى يوق . ئەگەر دۇنيا مۇنداق بولماي ، ئۆلۈم-يىتىم ئىشلىرى ئاشكارە ئېلىپ بېرىلىپ ، ئۆلۈكلەر ھەممە يەردە كۆزىمىزگە چېلىقىپ تۇرسا ، بىز بۇ نەرسىلەرنى مەڭگۈ ئۇنتالمايمىز . بەخىتكە يارىشا ، بىز كۆپ قىسىم ۋاقىتلاردا بۇ ئىشنى ئىسىمىزدىن چىقىرىۋىتەلەيمىز ياكى ئۇنى مەلۇم خىل ئۇسۇل بىلەن ساقلانغىلى بولىدىغان ھادىسە دەپ قارايمىز . ئەمما ، بۇ راستىنلا بىزنى ئۆلۈمنىڭ جەريانىنى ئەمەلىيەتكە سېلىشتۇرغاندا تېخىمۇ تاساددىبىيلىق دەپ قارايدىغان ھالغا چۈشۈرۈپ قويغاچقا ، بىز مۇشۇ جەريانغا دۇچ كەلگەندە قىيىن ئەھۋالدا قالغانلىقىمىزنى تېخىمۇ ھېس قىلىمىز . بىزمۇ ئۆزىمىزنىڭ ئۇسۇلىمىز بۇيىچە ئۆزىمىزنى مۇمكىن قەدەر تەبىئەت بىلەن بىردەك ماسلاشتۇرىشىمىز كېرەك . گېزىتلەرنىڭ مۇسبەت خەۋەر سەھىپىلىرى بىزگە ئۆلىۋاتقانلىقىمىزنى ئۇقتۇرسا ، بوۋاقلارنىڭ تۇغۇلىشى توغرىسىدىكى سەھىپىلىرى كىچىك ھەرىپلەرنى ئىشلىتىپ ، بىزگە ئىز باسىدىغان ئەۋلادلارنىڭ بارلىقىنى ئۇقتۇرىدۇ . بىراق بىز يەنىلا ئۇنىڭ كۆلىمىنىڭ چوڭلىقىنى سىزەلمەيمىز . بىزنىڭ يەرشارىمىزدا 7 مىليارد ئادەم بار . بىزنىڭ ئۆمرىمىزدە بۇ 7 مىليارد ئادەم ۋاقتى يەتكەندە ھەممىسى ئۆلۈمگە يۈزلىنىدۇ . يىلىغا 50 مىليون كىشلىك ئۆلۈم (تەبىئىي ئاپەت بۇنىڭ سىرتىدا) نىسەتەن تۇيدۇرماي يۈز بېرىپ تۇرىدۇ . پەقەت ئائىلىمىزدىكى ئادەم ياكى دوستىمىز ئۆلگەندە ، بىز ئاندىن بىلەلەيمىز . بۇ ئۆلۈم ئىشلىرىگە يەككە-يىگانە قارىغاندا ، تەبىئىي بولمىغان ھادىسە ، نورمالسىزلىق ، زىيانكەشلىك ھېسابلايمىز . بىز بۇ ئۆلگەنلەر توغرىسىدا پىچىرلىشىپ سۆزلەشكەندە ، ئۇلارنى كېسەللىك يىقىتىپ قويدى ياكى قازاغا ئۇچراپ ئۆلدى دېيىشىمىز . گويا بىز ئۇچراتقان ئۆلۈملەرنى پەقەت بىرەر سەۋەب كەلتۈرۈپ چىقارغاندەك ، ئۇنىڭدىن ساقلانغىلى بۇلىدىغاندەك ھېسياتتا بولىمىز . بىز ھازا ئىچىپ قايغۇغا چۆمۈم تەزىيە بىلدۈرىۋاتقىنىمىزدا ، ئەكسىچە 7 مىليارد ئادەمنىڭ ھەممىسى مۇشۇ سەپەرگە كېتىۋاتقانلىقىمىزنى ھاماقەتلەرچە ئۇنتۇلۇپ قالىمىز . بارىلىق مەۋجۇداتلارنىڭ تېنى ۋە ئېڭى يوقىلىپ ، كەڭ زىمىن يۈتىۋالىدۇ . ھالبۇكى بەخىتكە يارىشا ھايات قالغانلار ، بۇنى قىلچە سەزمەيدۇ . شۇنى تەسەۋۋۇر قىلىش قىيىن ئەمەسكى ، شۇنچىۋالا كۆپ ئادەم ئۆلۈپ كىتىۋاتسا بىز بۇ سىرنى قانداقمۇ داۋاملىق ساقلىيالايمىز . بىز كەلگۈسىدە بۇ قاراشتىن ۋاز كېچىشكە مەجبۇر بولۇپ ، ئۆلۈمنى بىر خىل نەپرەتلىك ئىش ، ئاپەت ياكى ساقلانغىلى بولىدىغان ، ھەتتا غەلىتە ئىش ھېسابلىمايدىغان بولىمىز . ھەرقانداق شەيئىنىڭ بارىلىققا كېلىشى ئوخشاشلا مەلۇم بىر شەيئىنىڭ ئۆلىشى بىلەن ئالماشقان ، بىر ھۈجەيرە يەنە بىر ھۈجەيرە بىلەن ئالماشقان بولىدۇ . بۇ بىر ماس قەدەملىك جەرياننى ھېس قىلىش بەلكىم بىرخىل تەسەللى بولۇپ قالار بىزلەرگە . بۇ جەرياننى تۆۋەندىكىدەك ئىپادىلىسەك بولىدىغان ئوخشايدۇ :  بىز ھەممىمىز تۆۋەنگە قاراپ كېتىۋاتىمىز ، بىزنىڭ ھەمراھلىرىمىز پۈتۈن دۇنياغا تارقالغان . تولۇقلىما مەزمۇن (2013-4-23 03:38 PM): مەنبە : فىزىكا

xomtak

	en ras adam pakat yikinliri dusliri ulsila ulum kayhusiga quxdu .baxkila yaki xukiqkina birhaywan ulsa eqmu agritmaydu .uylap kaldim kiyin biradam ulwatdu disa kari yok haliga quxup kalamdu nima kixla .

forever1

	بىز ھەممىمىز تۆۋەنگە قاراپ كېتىۋاتىمىز ، بىزنىڭ ھەمراھلىرىمىز پۈتۈن دۇنياغا تارقالغان .           ما گەپنى ھېكمەت خاتېرەمگە پۈكۈپ قۇياي! ئەھمىيەتلىك ئېسىل تىما يوللاپسىز. ئينىشتىيىننىڭ بىر گېپى ئېسىمگە كەپ قالدى.ئۇ دەيدۇ: ھامىنى ئۆلۈپ كىتىدىغان بىزلەرنىڭ تەقدىرىمىز نېمە دېگەن غەلىتە؟!...

yik

	بىز ئىنسانلار داۋاملىق ئۈلۈمنى ياد ئىتىپ تۇرىشىىز كىرەك ئاللاھنىڭ بەرگەن كۈنىگە شۈكۈر قىلىشىمىز كىرەك

xaytan520

	مانا  https://uyghur-archive.com/misranim/thread-102383-1-1.html   ماۋۇ   تىمىدىكى  دەرىسلىكلەرنى  ئاڭلاپ  چىقساڭلار  ئۆلۈمگەن   بولغان ئىددىيەڭلاردا  بۇرۇلۇش  ھاسىل  بولىدۇ

ana

	ياخشى يازمىكەن،تېما ئىگىسىگە رەھمەت

pak-nur

	4-ئاينىڭ 23-كۈنى سائەت 8گىچە، سىچۈەندە يەر تەۋرەشتە ئۆلگەنلەر 193ئادەم، يوقاپ كەتكەنلەر 25 ئادەم، يارلانغانلار 12211، قالدۇق يەر تەۋرەش قىتىم سانى 3333 قىتىم.

1104

	ئۆلۈم- بىر قورقونۇچلۇق ئاتالغۇ بولسىمۇ بىز ھامان ئۇنىڭ ئىسكەنجىسىدىن قۇتۇلالمايمىز!

mirzat3

	1104 يوللىغان ۋاقتى  2013-4-23 04:02 PM ئۆلۈم- بىر قورقونۇچلۇق ئاتالغۇ بولسىمۇ بىز ھامان ئۇنىڭ ... توغرا دەيسىز

amirtugluk

	ھەر بىر  جان ئۆلۇمنىڭ تەمىنى تېتىغۇچىدۇر  .