ۋىجدان كەپتىرى

bahwanbiz

	ۋىجدان  كەپتىرى غەم ئىچمەكتە ئېتائىتمىز ، سەجدىلەردە سۈرمەيلى خىيال . سازاڭ بولۇپ قىمىرلاپ كېلەر، يارىلانغان  بىر سەبىي ئامال . ئۇسسىغاندا كاۋاك كۆڭۈللەر ، قوشماق مېغىز بولار قىزىقىش . قايمىقىدىن يىرتىلىپ بولۇپ، يىشىل رەڭدە كېلەر ئېزىقىش . يەتتە ياشتا سوزۇلغان كۆڭۈل ، يەتمىش ياشتا قايتار ئەسلىگە. تۈكلىرىنى قىلماي ھازىدار ، كىم قايتىدۇ ئەركەك پەسلىگە. رەڭلىك دۇنيا باھا تالاشماس ، <كىم ئاشتى >غاچۈشسە ئەنئەنە  . ئالا بۆرەك بولغاچ ئىچمىز ، سوغۇق دۇنيا قىلىدۇ تەنە. داڭگاللارغا يازدۇق شەجەرە ، بامىقىمىز باقمىدى يۇمشاپ . تىرنىقىمغا بەرسەم يېڭى نام ، كىر شەيتانلار كېتىدۇ باتناپ . پاكار ئىكەن ئىگىزلىكىمىز ، قۇش قانىتى تەگدى چوققىغا . يىلتىزلارغا يەتمەي ۋېتامىن ، ئەجەل تەگدى نىشان _ چوققىغا. رەڭگىمىزدىن توپا ئۆرلىدى، رەنجىگەندەك قىلىدۇ ھاۋا . ئاقسىغاندەك قىلىمىز دائىم ، ئېغىز ئېلىپ بولمىدى يارا. كىيەلمىدۇق ئازادە كىيىم ، سۇغارمىدۇق ئومۇرتقىمىزنى . تەلەيلەرنى قىلىپ چوكا مۇز ، يىتىم قىلدۇق ئەللەي تومۇزنى . يېرىلىمىز پەسىل تاللىماي ، ھالسىرماقتا قەۋىم پويىزى . پوق يىگۈزدى قوشنامغا قاغا ، بەتتام بولدى ئەل - يۇرتنىڭ تۇزى. مەس ھالەتتە تۇغۇلدى سەھەر ، چالا كۆيدى قۇياش مۈڭگۈزى. ئەبجەش بولغاچ ئېرىق قىرلىرىم ، ياش تۆكىدۇ يالپۇزنىڭ كۆزى. موزايلىرىم ئىكەن باغلاقلىق ، قوزىلىىرم قۇيرۇق سېغىندى. پارقىرايدۇ مىسىران قىلىچ، كاپ - كاپ كۈچۈك بۇيرۇق سېغىندى! سائەتلەرنى يىمەكتە كېچە ، چېچەكلىمەي جان ئۈزدى ئانام . ئىبادىتىم تۆكۈلدى شاختىن ، كېلەر ھەپتە بولماقتا بانام . باش ئىگىمەن قۇلىقىم يۇمشاق ، پىچىرلىغان چىشقا تالقانمەن . ساقلاپ تۇرغان ساختا كومزەكنى، بىر بىتەلەي نامسىز ئالقانمەن. تۈگەنچە سېيرىلماقتا سېغىنىشىمىز ، سارغايماقتا ئەخلاق دەپتىرى . باچكىلىرى بولغاچقا قىسىر، ئۇچالمىدى ۋىجدان كەپتىرى. ئاپتۇرى : ئا. مۇھەممەت باغۋەن

xomtak

yawa-xir

	چاك يېرىلغان يەرگە سۇ قۇيغاندەك ياقتى شېئىرلىرىڭىز

MiRul

	يۈرەكنىڭ بېغىشىغا بېرىپ توختەيدىكەنغۇ ما شېئىرلىرىڭىز  ئېسىل.............  قەلەم تۇتقان قوللىرىڭىز ھارمىغاي شېئىرلىرىڭىزنىڭ داۋامى بولسا داۋاملىق يوللاپ تۇرۇڭ...........

زامانى

	ۋىجدان كەپتىرى كەتمە يىراقلاپ، قەدرلىك ھەقىقەتكە بولساڭمۇ زار. بىرقولدىن كەتسەڭمۇ ئۈچۈپ، ئىگىمىز ھەرگىزمۇ قىلمايدۇ خار،