|
|
|
|
ئەسسالامۇئەلەيكۇم ئەزىزلەر :
كەمىنە ئالدىراشچىلىقلار ئىچىدە كۆپ يازما يوللىيالمايۋاتقان بولساممۇ ئۈندىدار ئىشلىتىش جەريانىدا يېقىندىن بىرى ئۈندىداردا بەزى ئويۇنلارنىڭ ياشلىرىمىز ئارسىدا ئاتالمىش مودا بولۇپ كەتكىنىگە شاھىت بولۇپ تورىۋاتىمەن ، يەنى بۇ ئويۇنلار ئاساسلىقى مەن پالانچى بىلەن مۇھەببەتلەشتىم ، مەن پالانچىغا تىگىدىغان بولدۇم ، پالانچى ماڭا خوتۇن بولىدىغان بولدى دىگەندەك تۇترۇقسىزلىقلاردىن ئىبارەت بولۇپ بولۇپمۇ يېقىنقى بىر نەچچە كۈندە كىشىنى ھۆ قىلىدىغان دەرجىدە بولۇپ كەتتى ،بۇ ئويۇننىڭ يېڭى نەشىرىگە تىرناق ئىچىگە (بۇ ئويۇن ئەمەس ، راس ) دىگەندەك ئەسكەرتىشلەر قوشۇلغاندىن كىيىن ئەسلىدىنلا ياشلىرىمىزنىڭ ئىدىلوگىيسىگە ، مۇھەببەت قارشىغا ئانچە - مۇنچە تەسىر كۆرسىتىۋاتقان بۇ نەرسىنىڭ رولى سەلبىي تەرەپكە كىتىۋاتىدۇ ، نەتىجىدە خۇددى ‹بۆرە كەلدى › دىگەن مەسەلدىكىدەك يېقىن دوسلىرىمىز ، ئاغىنە - بۇرادەرلەر راس سۆزلىسىمۇ ‹ ۋاي ماڭەۋاي › ‹ بۇمۇ ئويۇنمۇ ؟› دەيدىغان ، ھەتتا قىلغان راس سۆزلەرگە پەرۋا قىلمايدىغان ئەھۋال شەكىللىنىپ ئۈلگۈردى ، ئۇنىڭسىزمۇ دىققەت قىلىشقا تىگىشلىكى خەلقىمىز نىكاھ ، مۇھەببەت دىگەننى يۈكسەك ئورۇنغا قويىدىغان ، بۇنى ھاياتىدىكى ئەڭ مۇھىم ئىش دەپ بىلىدىغان تۇرسا ،ئاتالمىش ئويۇن سەۋەبىدىن بۇ مۇشۇنداق ئەرزانلىشىپ كەتسە تازا ئوبدان بولمامدۇ قانداق ؟ باش سۈرەت ئالماشتۇرۇش ، ئىمزا يازدۇرۇش قاتارلىقلاردىن كىيىن چىقىۋاتقان ئاتالمىش ئۈندىدار تويلىرى بارغانچە لاۋزىلىشىپ خېلى يېقىن دوسلىرىمنىمۇ قارا تىزىملىككە تىقىشقا مەجبۇر قىلدى ، ئارقىمۇ ئارقا يوللىنىۋاتقان ، ئۈندىدار دوسلۇق چەمبىرىكىگە لىققىدە توشۇپ كەتكەن توق قىلىش ، مۇھەببەتلىشىش دىگەندەپ ئاتالمىش ئويۇنلارنى كۆرۈپ سىتودىنتلىرىمىزنىڭ بەك توي قىلغۇسى كىلىپ كىتىۋاتامدۇ نىمە ‹ قىزلىرىمىزنىڭ بەك ئەرگە تەككۈسى ، يىگىتلىرىمىز بەك خوتۇن ئالغۇسى كىلىپ كىتىۋاتامدۇ نىمە دەپ ئويلاندۇرۇپمۇ قويدى ، گەپنىڭ قىسقىسى قىممەتلىك نەرسىلەرنى زورلاپ ئەرزانلاشتۇرمىساق :
تۆۋەندىكىسى شۇ ئاتالمىش ئويۇنلارغا جاۋاپ ، پېقىر بىلەن ئوخشاش كۆز قاراشتىكىلەر خالىغانلار ئۈندىداردا تارقاتسا بولىدۇ .
ئۈندىدار ۋە بوشلۇقلاردىكى ئاتالمىش توي قىلىش ئويۇنىغا :
-يىگىتلەر دەيدۇ:
ئۈندىداردا توي قىلدىم خوتۇن ئالدىم بىردەمدە ،
خوتۇن دىگەن ئەرزانكەن ئۈندىداردا تور بەتتە .
ئاجراشماقمۇ بىردەملىك ئۆچۈرۋەتسەم ئىش پۈتتى ،
‹تىگەي › دىسە ئالىمەن ئەتە يەنە ھۆرمەتتە .
-قىزچاقلار دەيدۇ:
ئەرگە تەگدىم توردىلا ئۈندىداردا مەرىكە ،
ئەرگە تەگمەك شۇنچىلىك ئىش ئىكەنغۇ ئەسلىدە،
ئەتىسىلا تۇرىمەن كارۋىتىمدىن قىز بولۇپ .
خوتۇن بولدۇم دىگەنگە ئىز قالامتى يۈزۈمدە ،
تۇرسۇنبەگ ياسېن
بۇ يازمىنى ئاخىرىدا 52arslan تەھرىرلىگەن. ۋاقتى 2013-4-22 08:33 PM
|
|
|
|
|
|