جەريان

ئېزھار

	تېمامغا قەدەم تەشىرىپ قىلغىنىڭىزغا مەرھابا! بىر قانچە كۈن بولدى،مەشۇقسىز ئاشىق ھېكايىسى يېزىپ ئاۋارە بولدۇم. نىمىشقا دەمسىز؟ ئۇ قايتىپ كەلمەيدۇ. مەن ئىزلەپ بارمايمەن. پاكىت شۇ. ئۈمىدىنى ئۇنىڭمۇ -بۇنىڭمۇ ئۈزگىسى يوق،ئەمما تەغدىر ھۆكۈم چىقىرىپ بولدى. ئۇ ۋاقىتلەر ئاخىرقى مەشۇقۇم دەپ ئەقىدە باغلىغان دەملەر ئىدى. سەۋەپ شۇ. مۇشۇ مەشۇقۇم بولسىلا ھاياتىمنىڭ ھەر بىر دەقىقىلىرى پۇشايماندىن خالى دەپ ئويلىغان ئىدىم. خاتالىق مانا. مۇھەببەت،ھېس -تۇيغۇمنىڭ كۆچلۈكلىكىدىن تىكىلىپ قاراشقا،ئىزھار قىلىشقا ئۇيالغان ئىدىم. كەمچىللك شۇ. ئۇنىڭ لاتاپەتلىك بويلىرى، گۈزەل چېھرى،زېرەكلىكى،يالغانچىلىق بىلەن تولغان ئوتتەك مېھرى مىنى رام قىلغان. تاھىر-زۈھرە.غېرىپ -سەنەم،پەرھات-شېرىندەك ئوتلۇق سۆيگۈ  خەتلىرىگە مەھلىيا بولدۇم. ئاجىزلىقىم مانا. كۈندۈزدە سۆرىتى，كېچىىسى خىيالىمدا كۆز ئالدىمغا ئېلىپ كېلىپ ئۆزەمنى بەزلەپ يۈردۈم. ئادىتىم مانا. تۇرار چېھرىڭ كۆزۈمدە قېتىپ، گۈل بەرگىدىكى شىرنىگە ئوخشاش. سۈبھى قوينىدا سىنى ياد ئېتىپ، ئەگىيدۇ نىگارىم كىرپىكىمدە ياش. قوشىقىم مانا. ‹‹سىنىڭ يۇلتۇزۇڭ نىمانداق بەخىتلىك،مەن ئاشۇ يۇلتۇزنىڭ ئورنىدا بولغان بولسام ئۆزەمنى تولىمۇ بەخىتلىك ھېساپلايتىم››دىن باشلىنىپ ‹‹سەن ئىزلەۋاتقان يۇلتۇز مەن شۇ،سىنى ياخشى كۆرىمەن››نى داۋاملاشتۇرۇپ،‹‹خەيرى خوش،ئاخىرقى ئۆتۈنىشىم ماڭا ئامال يوق،كەچۈر››بىلەن  كېتىپ قالدى. مانا بۇ جەريان. نىمىشقا مۇشۇنداق بولىدۇ؟ تېخى بىر نەچچە ۋاقىتنىڭ ئالدىدىلا سىنىڭ يۈرىكىڭ،مۇھەببىتىڭ،ھاياتىڭ ھەممىسى تامامەن مىنىڭدىن خالى،خەۋەرسىز ئىدىغۇ.سەندىن سورىمىغان سۇئاللىرىمغا ئۆزۈڭ خالاپ جاۋاپ بەرگەن ئىدىڭغۇ. خىياللاردىن خالىي ئىدىم ئىلگىرى، ئەمدىلىكتە خىيال كىرىپ ئېزىقتىم. سېھىرلىدى سۇمبۇل چېچىڭ تۇيغۇمنى، ئېزىقتۇرغان كۆزلىرىڭگە قىزىقتىم. قىزىقىشتا گۇمانلاندىم دۇنيادىن، دۇنيامۇ ھەم باقتى ماڭا گۈماندا. قۇياش بولۇپ چىقتىم تاڭدا ئۇپۇقتىن، سېنى ئېزىپ قالمىسۇن دەپ تۇماندا. ماڭا قاراپ چاچلىرىڭنى تارىدىڭ، بىراق يەنە ئېلىپ قاچتىڭ كۆزۈڭنى. مەغرۇرلىنىپ ئەتراپىڭغا قارىدىڭ، ھەم بەختىيار بىلىپ شۇدەم ئۆزۈڭنى. مەن ئارقاڭدىن كۆلەڭگۈدەك ئەگەشتىم، ماڭغان چېغىڭ لەرزانغىنە تاشلىنىپ. ئاھ، سېنى دەپ دۇنيا بىلەن تەگەشتىم. مۇھەببەتلىك خىيال شۇنداق باشلىنىپ. قىزىقىشتا قىزغىنىشىم كۈچەيدى، كىرپىك بولۇپ توسقۇم كەلدى كۆزۈڭنى. قان ئىچكۈدەك بولۇپ كەتتىم قانغۇچە، سۆيۈپ ئۆتكەن چېغى شامال يۈزۈڭنى. خىيالىڭغا كىلەمدىكىن ئەي جانان، بىر سېنى دەپ شۇنداق خىيال سۈرۈشۈم. قىزغىنىپ بۇ كۆزى يامان دۇنيادىن، نەگە بارساڭ كۆلەڭگۈدەك يۈرۈشۈم. مەيلى سەزگىن، مەيلى سەزمە، بەرىبىر. سېھىرلىدى سۇمبۇل چېچىڭ تۇيغۇمنى. چۈشلىرىمنى ئېزىقتۇرغاچ كۆزلىرىڭ، ۋەسلىڭ ئۈچۈن ھارام قىلدىم ئۇيقۇمنى. خىيال-قانات، خىيال-ھايات مەن ئۈچۈن. مەن دۇنيانى شۇ خىيالدا چۈشەندىم. گۇمان بىلەن قارىساممۇ دۇنياغا، مۇھەببەتكە گۈمان قىلماي ئىشەندىم سورىمىغان ئەمما كۈتكەن جاۋاپلىرىڭ بىلەن مىنى بەزلىگەن ئىدىڭغۇ! نىدالىرىم مانا. بىز تونۇشتۇق ، يۈرەك بىلەن يۈرەكنى تونۇشتۇردۇق.ئىجازەت بېرىشىمنى ئۆتۈندۈڭ(يالغان دىمە).ماقۇل دىدىم.ئەپسۇس!سەن باشقابىر شېئىرنى دىمىقىڭدا يادىلىغانچە كىرىپ كەلدىڭ. كىم يازغان شېئىر؟ دەپ سورىدىم. مانا بۇ كېچىكىش. تونۇشمىساق بوپتىكەن ئەسلى. يېتەلمىدۇق ۋىسالغا زىنھار. بىلگەن بولسام بۇنى ئىلگىرى، قىلماس ئىدىم كۆڭلۈمنى ئىزھار. سەن ئازاپتا، مەنمۇ ئازاپتا. ئاستىمىزدا غازاڭ نالىسى. سۇندى ئىچمەي ۋىسال چېيىنى مۇھەببەتنىڭ زەر پىيالىسى. باھار بولۇپ ياشنىمىدى ھەم بىزگە مەنسۇپ مۇھەببەت پەسلى. ئازاپ چېكىپ قالدۇق بىمەھەل، تونۇشمىساق بوپتىكەن ئەسلى. تاڭ سەھەردە كۆردۈم مەن سېنى، شېئىر يادلاپ يۈرۈپسەن باغدا. يېقىن كەلسەم سەزمىدىڭ مېنى، سەزدۈرمىدىم مەنمۇ شۇ چاغدا. سەزدۈرمىدىم مەن ساڭا زىنھار، سەن شېئىرغا بولغانتىڭ ئەسىر. قەلبىمنىمۇ قىلمىدىم ئىزھار، چۈنكى شۇ چاغ يېشىلگەنتى سىر. سۆيگۈم سىڭگەن شېئىرلىرىمنى باغدا تەنھا يادلاپ يۈرۈپسەن. ماڭا بولغان چىن ئەقىدەڭنى، شېئىرىمغا باغلاپ يۈرۈپسەن. مانا بۇ يېشىلگەن سىر. كەل چېچىڭدىن رەڭ بەر كېچىگە، كۆزلىرىڭدىن يۇلتۇز تۆكۈلسۇن. شوخ بۇلاقنىڭ سىرلىق كۈيىگە يۈزۈڭدىن  ئاي چىقىپ چۈمۈلسۇن. ھىدلىرىڭنى بەرگىن شامالغا ياپراقلارغا پۈركۈپ ئوينىسۇن. خىيالىڭنى بەر مەجنۇنتالغا، سۇ بويىدا مېنى ئويلىسۇن . مانا بۇ خىيال يىراقتىن ياد ئېتىپ تۇرغىن ئەزىزىم، مەنمۇ ھەم سېغىنىپ تۇرارمەن سېنى. مۇھەببەت ئالدىدا پۈكۈلگەن تىزىم، سۆيۈملۈك قولۇڭدا يۆلىگىن مېنى. يىراقتىن ياد ئېتىپ تۇرغىن ئەزىزىم ۋە لېكىن مەندىن بەك يىراقلاپ كەتمە. ھىچ خاتا چىقمىسۇن مېنىڭ پەرىزىم، ئېسىڭدىن چىقىرىپ مېنى خار ئەتمە. يىراقتىن ياد ئېتىپ تۇرغىن ئەزىزىم. مەيلى مەن غازاڭدەك ساغىرىپ كېتەي. باھار كەلسە يەنە كۆكلەيدۇ ئىزىم، شۇ چاغدا مەن سېنىڭ ۋەسلىڭگە يېتەي. مانا بۇ ئەسلەش. مەنبە:ئىزھار بلوگى

ئېزھار

abuzar786

	ياخشى تىمىكەن....................

intikam

	ياخشى يېزىلىپتۇ،  ئاپتۇرنىڭ  ئىلھامىغا  ھەقىقەتەن قايىل بولدۇم...

forever1

	كىم يېزىپتۇ؟

ayqiqak2

	ي

guzal417

	سىزنىڭ تېمىلىرىڭىزنى كۆرۈشمۇ بىر ھوزۇر.مۇھەببەت مەڭگۈ ئۆلمەس بىر تېما.مۇھەببەت تۇلىمۇ شېرىن.ئەمما ئايرىلىش بەكمۇ ئازاپلىق .قايسى بىر ئىنسان بۇ جەرياندىن قېچىپ قۇتۇلالىغان دەيسىز.

ALEPTEKEN

	ياخشى يېزىلىپتۇ،

sabak

	مۇھەببەت دىگەن گەپنى ئاڭلىساملام بېشىم ئاغرىيدۇ ياكى مەن چۈشەنمەمدىم

sabak

	ئاھ ۋاھ دەپ نىم بار دەيمەن ئۇفففففف