تاللانغان روبائىلار

oygak2005

	1 سەن ئۈچۈن مەدىھىيىگە سۆزلىرمىز ئازدۇر، بارچىڭىنى  كۆرۈشكە كۆزلىرمىز ئازدۇر. بەرگەنگە شۈكرى يوق غەپلەتتە كەتتۇق، رەببىم دەپ بىرشقا  يۈزلىرىمىز ئازدۇر. 2 تەقدىرنىڭ قولىدىن ئىتىلغان تاشسەن. ھەسرەتلىك بىر كۆزدىن تۆكۈلگەن ياشسەن، مىڭلىرى يولۇڭنى توسسىمۇ قات-قات، ئاقىۋەت ئۆزۈڭگە سەن ئۆزۈڭ باشسەن. 3                          ۋەتەن بىر ئالتۇن تاج ئۇ بىشىڭىدىكى ئەڭ شېرىن لەززەت ھەم ئۇ  ئىشىڭدىكى. چۆللەردە قاغچىراپ يىرلىساڭ چاك-چاك، بىر كەۋسەر بۇلاق بىل! ئۇ قىشىڭدىكى. 4 ئالەمنىڭ بارىدا سەن بىز ھېچنىمە ، ھەۋەسنىڭ قوينىدا ھەقسىز ھېچنىمە. ئەجەلنىڭ ئورغىقى ئورسا بىر كۈنى، شۇ ئارزۇ-ھەۋىسىڭ سەنسىز ھېچنىمە .        5 ھاياتتا بەزىدە كۈلۈپ ئۆتىسەن، بەزىدە ئاھ-پەرياد ئۇرۇپ ئۆتىسەن. ھەق يولدا بولمىساڭ ئەزىزىم بىلگىن، دوستۇم دەپ دۇشمەننى سۆيۈپ ئۆتۈسەن.        6 ھەق دېسە قازاندەك قايناپ كىلىسەن، گەپ بەرمەي قۇچقاچتەك سايراپ كىلىسەن. ئىشەندىم دەيسەنيۇ مېڭ گۇمان بىلەن، بەرىبىر ئۆزۈڭنى ئالداپ كىلىسەن.                         7 ھاياتىڭ مەخسىتى يەپ-ئېچىش بولسا، مەنپەتچۈن ھەممىدىن ۋاز كىچىش بولسا. ئۆلمەستىن گۆرۈڭگە كىرىۋال، يوقال، مىسكىننى ھەر جايدا زار ئېتىش بولسا. 8             ئەقىلىسز باشىڭنى يانجى، تاشلا، كەت، ھەتتاكى مەڭگۈگە ئۇنى تەرىك ئەت. قەلىبكە ئىمان بىل، ئەقىلگە ھېكمەت، ئۆزۈڭمۇ پىشقىن دە خاملارغا ئۆگەت. 9 ئادەمنىڭ يامىنى ساتقىن مۇناپىق. ھەق يولدىن تانغىنى قاچقىن مۇناپىق. ھەق يولنى تار قىلىپ كۆرسۈتۈپ كەلگەن، ھەممىدىن يامىنى ئاشقىن مۇناپىق. 10 يولدىمىز،ئوڭدىمىز مەمنۇن ئەمەسمىز ، بىپەرۋا ،ئۈزگۈنمىز، مەجنۇن ئەمەسمىز. پۇتۇلمىش تەقدىردە  كىلىپ كەتسەكمۇ ، ھىچ زامان بىر ئىشقا مەجبۇر ئەمەسمىز . 11   توۋا بىز ئاسانلا كۆنۈپ قالىمىز، كۆندۈقمۇ، تاللىماي سۆيۈپ قالىمىز. دۇشمەن كىم، دوست كىم ئايرىماي كەلگەچ، بىر ئۆمۈر خارلىقتا يۈرۈپ قالىمىز.     12 ھاياتتىن نىشانسىز ئۆتۈپ كەتتۇق بىز، نامىسىز يۇلتۇزدەك كۆچۈپ كەتتۇق بىز. شۇ بۆيۈك نىممەتنىڭ قەدرىگە يەتمەي، بار يوقنىڭ ئورنىدا كىلىپ كەتتۇق بىز .   13 ئادالەت شەمشىرى سۇنغىنى نەۋاخ، دىللاردا قارا تۈن تۇنگىنى نەۋاخ. بىز ھەقتىن ئاداشتۇق بولدۇق خار-زەبۇن، قارا قول يۇرەكنى يونغىنى نەۋاخ.   14 بۇ قەلىب تۈزەلسە بۇ تەن تۈزۇلەر، ئەيىپلىك بولسىمۇ بەدەن تۈزۈلەر. بىر ئەزىز ۋەتەنىڭ گۈل-غۈنچىسى بىز، شۇ گۈللەر تۈزەلسە ۋەتەن تۈزىلەر.      15 قىسمەتلەر قامۇسى بىزدىكى ھايات، نى كۈنلەر كىلىدۇ كەلمەستىن نامات. ئۆمۈدنىڭ چىرىغى ئۆچمىسە دىلدىن ، قىسمەتلەر بولغۇسى بىزلەرگە قانات.   16      ناداندىن ھىچ زامان ئەقىل ئىزدىمە ، ئۆزەڭگە ئۇنۇڭدىن نەقىل ئىزدىمە . ھە دىگىن، سەبىر قىل، ئۇنى تەرىك ئەت ، ئىزىپ سەن ئۇلاردىن ئاقىل ئىزدىمە . 17 بۇ دۇنيا ئوچۇق بىر سىناق مەيدانى ، بىز ئۇنىڭ خۇش -پۇراق لالى-رەيھانى . قىسمەتلەر ئىچىدىن كەلسەك ئاھ ئۇرۇپ ، بىز ئۈچۈن يوق ئۇنىڭ ئۈنى ،خەندانى . 18    ھەق ئوچۇق، يول ئوچۇق ، ماڭماق سېنىڭىدىن ، شۇ يولنى تاپمىقىڭ ئەقىل كۆزۇڭدىن . قەلەملەر توختىغان ، دەپتەر يىپىلغان ، ئۆزەڭنى ياراتماق ئەمدى ئۆزۈڭدىن . 19 بىزئاجىز،مەھكۇم ھەم مەزلۇم ئەمەسمىز، ھەق يولدىن سۆزلىدۇق مەجنۇن ئەمەسمىز. بۇ زامان ئەۋزەلدۇر ساڭا بىزلەردىن ، لىكىن بىل، زۇلمەتكە  تەسلىم ئەمەسمىز. 20 دىڭىزدىن تامچىدۇر بىزدىكى ئىلىم، ئەڭ كىچىك پارچىدۇر بىزدىكى ئىلىم. ھەممىنى ئېنكار قىلپ، يالغان دەپ كەلدىڭ، ئېيتقىن، قانچىدۇر بىزدىكى ئىلىم؟!

uqkun2008

	ياخشىكەن، تىرىشىڭ!

Gvlbargi0999

	بۇ روبائىلار ھەقىقەتەن ياخشى چىقىپتۇ، ئەجرىڭىزگەرەھمەت!

handanjan

	رەھمەت،ياخشى رۇبائىيلاركەن

mahatjan

	بۇ روبائىلار ھەقىقەتەن ياخشى چىقىپتۇ، ئەجرىڭىزگەرەھمەت!

koxmak101

	ئەجرىڭىزگە رەخمەت . بولسا ئاپتورىنى يېزىپ قويغا بولسىڭىز

oygak2005

	koxmak101 يوللىغان ۋاقتى  2013-4-23 08:54 AM ئەجرىڭىزگە رەخمەت . بولسا ئاپتورىنى يېزىپ قويغا بولسىڭ ... ئاپتۇرى مەن ...

ana

	بەك ياخشى يېزىپسىز ، ياختۇردۇم.