ھاياتلىقنىڭ يىلتىزى ئۈمىد

handanjan

	ھاياتلىقنىڭ يىلتىزى ئۈمىد مەمەتئابدۇللا ئۆزياش بار ئىدى بەك يېقىن دوستتىن ئىككىسى، چىقتى ئۇلار بىر نىيەتتە سەپەرگە. ماڭدى يوللار، ئاشتى داۋان، قۇملۇقتا، تېخى يىتىپ كېلەلمىگەن مەنزىلگە. ئەپسۇس يېرىم يولدا ئۇلارنىڭ سۈيى، ھاياتىغا ئېلىپ كەلدى خەتەرنى. بىرى ئۈزدى ھاياتلىقتىن ئۈمىدنى، بىرى سۇ دەپ داۋام قىلدى سەپەرنى. ئۈمىدلىكى ئۈمىدسىزگە تۇتقۇزدى، ئىچىدە بەش پاي ئوقى بار تاپانچا. ئۈمىدسىزى سورىدى ئۇ دوستىدىن، «تاپالمىساڭ يانارسەنمۇ ئارقاڭغا؟» ئۈمىدلىكى جاۋاب بەردى دوستىغا، بول خاتىرجەم كېلىمەن بولسام ئامان. سەنمۇ ئۈزمە ئۈمىدىڭنى جان دوستۇم، ھەر سائەتتە ئاتقىن بىر پاي ئوق ھامان. ئۈمىدلىكى ماڭدى دەرھال سۇ ئىزدەپ، ئۈمىدسىزى قالدى ئەمدى گۇماندا. چىرمىۋالدى ئۇنى ھەرخىل خىياللار، تۆت پاي ئوقنى تۈگەتتى بىردەمدىلا. بىر پاي ئوقلا قالدى ئاڭا يۆلەنچۈك، ئەمدى قانداق قىلىش كېرەك بىلمىدى. تۇرسا بۇنداق ئۇنى كۈتۈپ خەۋەرسىز، شۇنچە ئۇزۇن ۋاقىتتىمۇ كەلمىدى. ئۈمىدىنى ئۈزدى ئاخىر پۈتۈنلەي، تاپانچىنى ئالدى ئەنسىز قولىغا. تەپكىسىنى باستى نەقلەپ بېشىغا، «پاڭ!»قىلدىيۇ، ئايلاندى ئۇ مۇردىغا. قايتىپ كەلدى كۆپ ۋاقىت ئۆتمەيلا ئۇ، ئەكەلگىنى ئەمەس ئىدى سۇ پەقەت. باشلاپ كەلدى نۇرغۇنلىغان كارۋاننى، بىراق ئۇنىڭ تاپقىنى بولدى جەسەت... مەنبە:مەمەتئابدۇللا مەتتوختى ئۆزياش