يەتمەيدۇ

326ayixa

	ھەشەمەتلىك ئېسىل ساراي - ئىللىق ئۆيۈمگە يەتمەيدۇ ، قىستا - قىستاڭ كاتەك ھويلا-كەڭرى دالامغا يەتمەيدۇ . ئىسمى تولا ئاش-تاماقلار -توقاچ نېنىمغا يەتمەيدۇ ، باي بولدۇم دەپ مەغرۇرلۇقتىن -شۈكرى كۈنۈمگە يەتمەيدۇ . يۇرت-يۇتلاردا قايناق بازار -ئۈرۈمچىگە يەتمەيدۇ ، ئۆزبەكلەردە گۈزەللەر كۆپ - ئۇيغۇر قىزىغا يەتمەيدۇ . ھىندىستاندا ناخشا ياڭرار -مۇقامىمغا يەتمەيدۇ ، ھەر دۆۋلەتتە تولۇق بولسىمۇ -ئۆز يۇرتۇمغا يەتمەيدۇ . ئۆزگە يۇرتتا سۇلتان بولدۇم -ئۆزگە ماڭا باش ئەگدى ، ئۆز يۇرتۇمدا دېھقان بولۇپ ،كەتمەن چاپقانغا يەتمەيدۇ . بويرۇپ يېدىم ئېسىل تاماق ،تۇرار جايىم ھەشەمەت ، ئۆز ئۆيۈمدە تۇزىنى تېتىپ ،لەغمەن يىگەنگە يەتمەيدۇ . شارۇلخاننى دوراپ يۈردۇق ،مازلاندۇققۇ بىر مەھەل ، چىڭلۇڭنى دوراپ چاچ ئۆستۈرۈپ ،كوچا كەزدۇق بىر مەھەل. چۈشەنمەستىن ئېيتىپ يۈردۇق - لېيدى گا گا ناخشىسىنى ، ئەمدى يەتتۇق ماز ناخشىلار - مۇقامغا ھەرگىز يەتمەيدۇ . قولدىن چۈشمەس ھاراق-تاماكا -سۆھبەتلەرگە يەتمەيدۇ ، رېستۇراندا ،دىبادا يۈردۇق-ئۆي كۈلكىسىگە يەتمەيدۇ . سورۇنلاردا سۆزلەپ يۈردۇق -مەشرەپكە ھەرگىز يەتمەيدۇ ، بەلنى تولغاپ ئويناپ يۈردۇق -مىللىي ئۇسۇلغا يەتمەيدۇ . كۆپ تىل بولۇش ئەسلى شەرەپ ،بۇنى ئېنىق بىلىمىز، ئۆز تىل ئۇنتۇش ئەسلى نۇمۇس-قەدىرلىگەنگە يەتمەيدۇ . بەس تالىشىپ ئۆگنمەكتە ،ئۆزگە تىلنى ياقتۇرۇپ ، پىششىق بىلىڭ ئۆز تىلىمىزنى -ئۇيغۇر تىلىمغا يەتمەيدۇ . كافىرلارنىڭ بۇتى باردۇر -تونۇپ ئەگەشتى اللا غا ، خىرىستىئان -ئەيسا دەيىتتى - ئۇمۇ كالامغا(ئۇلۇغ اللەنىڭ قۇدىرەت كامالى) ئەگشتى . توغرا دىنىمىز مۇسۇلماندۇر -يۆلەنچۈكىمىز اللەدۇر ، يۆلەك بولار ئېتقادىمىز ، ئىمانغا ھەممە يەتمەيدۇ . مەنبە ؛ئائىشە (شىرىن ) تولۇقلىما مەزمون : بۇ توغۇرلۇق ئويلۇنىۋاتقىلى ئۇزۇن بولغان . جەمىئەتتە كۆرگەن ، كۆرۈۋاتقانلىرىمنى يېزىپ چىقتىم . بەزى سۆزلەر سەل باغلاشماي قالدى ، شۇنداقتىمۇ مۇنبەرداشلار توغرا چۈشۈنۈپ ئوقۇغايسىزلەر .

amar141375

	ھۆسنىخەتچىلەپ يېزىپ ئۆيگە ئاسقۇدەك شېئېر بۇپتۇ

ALEPTEKEN

	كافىرلارنىڭ بۇتى باردۇر -تونۇپ ئەگەشتى اللا غا ،مۇشۇ بىر جۇملە سۇزدە ئىزىپكىتىپ قاپسىز دىققەت قىلىڭ

subat-

	ALEPTEKEN يوللىغان ۋاقتى  2013-4-21 12:48 PM كافىرلارنىڭ بۇتى باردۇر -تونۇپ ئەگەشتى اللا غا ،مۇشۇ ب ... مىنىڭچە بۇ يەردىكى شۇلار ئىچىدىن مۇسۇلمان بولغانلارغا قارىتىلدى دەپ ئويلايمەن. بۇددا دىنىنى ئۆگۈنۈمەن دەپ بىر نەچچە يىل ئوقۇپ بولۇپ ئاندىن ئاللاھنىڭ ھىدايىتى بىلەن يەنىلا ئىسلامغا كىرگەنلەرمۇ باركەن.

326ayixa

	subat- يوللىغان ۋاقتى  2013-4-21 12:53 PM مىنىڭچە بۇ يەردىكى شۇلار ئىچىدىن مۇسۇلمان بولغانلارغ ... مۇشۇنداق دىمەكچىتىم . چۈشەنگىنىڭىزگە رەھمەت .

ئېزھار

	سەن ئاتاڭغا ئوخشىساڭ،ساڭا زۇلۇم يەتمەيدۇ، يەتتە قاتتا ياتساڭمۇ،ئانا قۇچىغا يەتمەيدۇ. باشلاپ كىرمە ئۆيۈڭگە،قارا قۇلاي بەسەينى، پۇلدار باشلىق بولسىمۇ،قېرىنداشقا يەتمەيدۇ.

kugul

	مۇقامنى خىلى ياقتۇرىدىكەنسىزدە؟ شېئىر يىزىش قابىلىيىتىڭىز يۇقىرىكەن.

intikam

	ئەسسالامۇ ئەلەيكۇم قېرىندىشىم،  ئىلھامىڭىزغا ئاپىرىن! شۇنداق ياخشى يېزىپسىز، ئاللاھ سىزگە رەھمەت قىلسۇن.

1arman

	[quote]سەن ئاتاڭغا ئوخشىساڭ،ساڭا زۇلۇم يەتمەيدۇ، يەتتە قاتتا ياتساڭمۇ،ئانا قۇچىغا يەتمەيدۇ. باشلاپ كىرمە ئۆيۈڭگە،قارا قۇلاي بەسەينى، پۇلدار باشلىق بولسىمۇ،قېرىنداشقا يەتمەيدۇ. قالتىس!