مۇھەممەدجان راشىدىن سەۋەپلىك پۈتكەن غەزەل

tarurum

	مۇشائىرە تەكلىۋى ۋە مۇشائىرە جەريانى تۆۋەندىكىدەك: ئەلگە تونۇلغان پىشقەدەم شائىرىمىز ئالدىدا ئۆزەمنى چاغلىماي مۇشائىرىدىن سۆز ئېچىشىم، باشقىلارغا تولىمۇ كۈلكىلىك تۇيۇلىۋاتقاندۇ  بەلكىم... مەيلى، تورداشلارنىڭ بىرنەچچە كۈنلۈك مەسخىرىسى بىلەن يۈزۈمنى شەلپەردەك قىزارتىپ بولسىمۇ، مۇشائىرە تامانىدا ئۇنىڭ ناۋائىيچە ھەيۋەتلىك سىماسىنى مەستانىلىرى ئالدىدا پەيدا قىلغۇم كېلىۋاتىدۇ. سەۋەبى،  يېقىندىن بېرىكى تور دۇنياسىدا مۇتلەق كۆپ قىسىم ياشلىرىمىز ئاتالمىش <<مۇشائىرە>>نى پەقەت قوشاق شەكلى بىلەنلا داۋاملاشتۇرۇپ، ئەنئەنىمىزدىكى كىلاسسكلارنىڭ ئارۇزچە پاساھەتكە تويۇنغان بېيىت شەكلىدىكى مۇشائىرە نەمۇنىلىرىگە ئېرەن قىلمايۋاتىدۇ. بۇ مۇناسىۋەتتە، ئەشۇ ياشلىرىمىزغا ئەجداتلىرىمىزنىڭ قىسمەن ئەندىزىسىنى نامايىش قىلىش ئۈچۈن بولسىمۇ، ناقابىللىقىمغا پىسەنت قىلماي مۆتىۋەر شائىرىمىزنى مۇشائىرە تۆرىگە تەكلىپ قىلماي ئامال بولمىدى...    تۆۋەندىكى مۇشائىرىگە قاتناشقۇچى «مەشرەپ» ئىھتىمال مۇھەممەدجان راشىدىن بولىشىمۇ مۇمكىن، ياكى مۇھەممەدجان راشىدىننىڭ ھاۋالىسىنى قوبۇل قىلغۇچى غەزەلخان بولىشىمۇ مۇمكىن. نىمىلا بولمىسۇن مۇشائىرە ئالتە كۈندە مۇۋەپپەقيەتلىك ئاخىرلاشتى . . بارخان: فىر ناۋائىي ھەزرىتىدەك تىلتۇمار ئارۇز پۈتەي، «...قۇتتەيىر»سۇمرۇغ قارارى قەد-چىنار ئارۇز پۈتەي. مەشرەپ: كۆك-سامادا پەر قاقار قۇشلارمۇ مۇختاج شاھىغا ھەركى تائىب، ھەر گوروھقا تاجىدار ئارۇز پۈتەي. بارخان: كى «ئاتاساغۇن-ئوغۇزخان» تۆت سارى مەكتۈبى مىسال، ھەمجەھەت«ھون»،«ساك»تامانى شول«جاكار»ئارۇز پۈتەي. مەشرەپ: كەلدى «ئۈچ چىن»-ئۈچ قېرىنداش «يا»،«ئوق»ى ھېكمەت بىلەن، بوي بېرەركى «يا»غا «ئوق»، تۇققانغا يار ئارۇز پۈتەي. بارخان: مەشرىقى «تاڭ غۇز» دىمەك، مەغرىپتا «ماچىن» كاش ئىلى، ئورتا-«ئارچىن» جۈرى-جەمئىي «قورىغار» ئارۇز پۈتەي. مەشرەپ: «شۇ خاقان»، «ئالىپ ئايا» «تاۋغاچ»تا ئۆم «ئۈچ قورىقان»، «سەددى ئىسكەندەر»دە سۈلھى، يول تاپار- ئارۇز پۈتەي. بارخان: گاھ تۇران، گاھى ئىران «شاھنامە» داستاندىن نەقىل؛ شول غەيۈر شاھ ئەرتۇڭادىن ئىپتىخار ئارۇز پۈتەي. مەشرەپ: قاي تالاپەت تۈپ سەۋەپ؟ كەلدى قېرىنداش بىز تامان، رىشتى ماچىن ئۇرخۇنىمغا ئاھ! دىدار ئارۇز پۈتەي. بارخان: كەلدى ئىسلام نۇرى-نۇسرەت كى تۈرك سۇلتانىغا، ئىككى دۇنيا بەختى-ئىقبال گۈل باھار ئارۇز پۈتەي. مەشرەپ: قىسمىتىم بىر كۈلگىنىدە مىڭ يىغا ھەمرا ئىكەن، بىر كۈلۈپ مىڭ يىغلىشىمدىن مۇڭى زار ئارۇز پۈتەي. بارخان: قارقىتان-تاۋغاچ شىرەم مەغرىپ تامان ئالدى قەدەم، كەلدى زور ئۇندىن ئەلەم، ئەركىم بىدار ئارۇز پۈتەي. بارخان: ئول يىپەك يوللار ئەمەسكى سودىغا مەنزىل ئەزەل، ۋەھكى قايدا روھى كارۋان؟ لەك ئۇرار ئارۇز پۈتەي. . مەنبە: http://www.yexilaral.com/forum.php?mod=viewthread&tid=653&extra=&page=1

kosowluk

	ئسىل  شائىرمىز  دە  بۇ

mima520

	بىز  يارماسلار   نىممۇ  دىيەلەيمىمىز؟       بەك ياخشى چىقىپتۇ

kirani

	ئېسىل ئىش بوپتۇ!!!مەنمۇ مۇشۇنداق ئارۇز ۋەزىنلىك شېئېرلارغا قىزىقىمەن.ھەم ئۆزۈممۇ يازىمەن. . .يىقىندىن بېرى راست دىگەندەك. . تايىنى يوق مۇشائىرىلەر ئىچىمنى بەك سىققانتى،بولسا مۇشۇنداق مۇشائىرىلەر كۆپرەك بولسا.. . مەنمۇ قاتنىشىپ باقسم دەيمەن.    لىكىن سىلەرنىڭ سەۋىيەڭلار بەك يۇقرىكەن!مەيلى ۋەزىن بولسۇن.مەزمۇن بولسۇن. . .ئىشقىلىپ بەك ئېسىل چىقىپتۇ!! ھاياجاندىن تىترەپ كەتتىم. . .     سىزنىڭ ئىستىداتىڭىزغا قايىل بولماي تۇرغىلى بولمىدى.ئەلۋەتتە،سىز بىلەن مۇشائىرە قىلىشقان كىشى(ئېھتىمال مۇھەممەدجان راشىدىن ئاكىمىزدۇ) گىغۇ گەپ كەتمەيدىكەن! گەپ سۆزىڭىزدىكى كەمتەرلىك،مۇشائىرىدىكى پاساھەت. . .سىزنىڭ بۇ ساھەدىكى ئىزدىنىشىڭىزنىڭ بوش ئەمەسلىكىنى روشەن ئىسپاتلاپ تۇرۇپتۇ.      بۇنى كۆرگەندىن كىيىن، گۆدەك،يىڭىياچى ھەۋەسكار بولغىنىمغا قارىماي،سىز بىلەن تونۇشۇپ قىلىش،ۋە تەلىم ئىلىش ئىستىكى تۇغۇلدى ، ئەسلى مۇشائىرىنىڭ مەقسىدىمۇ ياشلارنى مۇشۇ يولغا يىتەكلەپ قويۇش بولغانلىقتىن. . . مىنىمۇ كىچىك كۆرمەي ئازتولا تەلىم بېرىپ قويسىڭىزكەن دىگەن ئۈمىدتىمەن.        كوت كوت نۇمۇرۇم:809883874   ياكى مۇنبەردە خەت قالدۇرسىڭىزمۇ بولىدۇ. ئەمىسە جاۋابىڭىزغا مۇنتەزىرمەن.

Kuyqi_Com

	بەك ياخشى چىقىپتۇ جۇمۇ ...

putbilqi

	مەن بەك ئامراق بۇكىشىگە。。。。。。。。。。。。。。。。。

delkax613

	بەك ئىسىل  چىقىپتۇ !   شۇنداق راھەت  بەخش ئەتتى  كۆلۈمگە!

bazarbay

	ياخشى مۇشايىرە

nazigul8

	بۇ بېيىت شەكلىدىكى مۇشائىرە ھەقىقەتەن ياخشى چىقىپتۇ. ماختاشقا لايىق! ئۇ پىشقەدەم شائىرلىرىمىزنىڭ قولىدىن يەنىمۇ گۈل ئۈنسۇن! لېكىن بۇ مۇنبەردىكى شېئىرغا قىزىقىدىغان كۆپىنچىمىز ئۇ پىشقەدەملەر بىلەن ھەرگىز ئۆزىمىزنى سېلىشتۇرالمايمىز، بەزىلىرىمىز تېخى كىچىك، ئۈگىنىدىغان يەرلىرىمىز تېخى كۆپ، شېئىرىيەتتە ئۈزۈپ چىقىشمۇ ئۇنداق ئاسان ئىش ئەمەس. شۇڭا   پىشقەدەملەرنىڭ ياخىش يېزىلغان مۇشائىرلىرنى كۆرگەندە، باشقا مۇشائىرلارنى يوققا چىقىرىۋېتىش، ياخشى ئەمەستۇ. كەلگۈسىدە شائىر بوپ يېتىلىدىغانلارمۇ بەزىدە شۇ ھەۋەسكارلار ئارىسىدىن چىقىپ قالىدۇ، شۇڭا تاكاممولاشقانلارنىلا قوللاپ، يېڭى نوتىلارنى مەڭسىتمەسلىك ياخشى ئەمەستۇ.

godfather

	ياخشى يېزىلىپتۇ،بەكلا سۆيۈندۈم. مۇشائىرىنى يازغانلارغا ۋە تېما يوللىغۇچىغا كۆپ رەخمەت.